星林居酸辣米線餐廳

夠晒酸既酸辣米線🥕明火小鍋米線$35+6+7+7+15⭐️⭐️⭐️⭐️⭐️叫左豬紅有5塊，用左上湯去煮，所以本身都夠入味，而且夠新鮮冇腥味。仲叫左金菇菜、炸醬、豬軟骨，豬軟骨十分入味煮到勁淋勁容易食。一上枱勁大碗，份量十分足夠，放到滿一滿。湯底我揀左小辣非常酸，一飲一啖湯，正👍真係夠晒酸，好開胃！🥕凍菜蜜+$16略淡⭐️⭐️☆☆☆🥕鹹檸七+$16⭐️⭐️⭐️⭐️⭐️鹹檸好正，夠晒味======詳情======星林居酸辣米線餐廳尖沙咀金馬倫道14號金輝大樓3樓================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #尖沙咀好去處 #尖沙咀美食 #RR尖沙咀 #RR米線 #米線控 #酸辣米線 #鹹檸七 #炸醬 #豬軟骨 #金菇菜 #豬紅 #金針菇 #星林居 …查看更多

星林居酸辣米線餐廳 📍尖沙咀金馬倫道14號金輝大樓3樓━━━━━━━━━━━━━━━━━━━━━━━━━━━━呢間米線鋪有童年回憶嘅感覺🤣 記得小學嗰陣嚟過 到宜家過咗咁耐仲係咪回憶當中嘅感覺?呢度有學生優惠 不過記得提前同職員講 咁佢就會比特別嘅落單紙你 冇記錯嘅話係米線平5蚊━━━━━━━━━━━━━━━━━━━━━━━━━━━━🍜 明火小鍋米線 $35 Ⅰ 豬紅 $6 Ⅰ牛𦟌 $15 Ⅰ 芽菜 Ⅰ 韭菜 Ⅰ 蔥 Ⅰ 小辣 Ⅰ 普通酸 Ⅰ▶︎ 分量真係好足 可能再多少少都會瀉出嚟🤣 豬紅有五舊 牛𦟌有四片 食量不大建議少米▶︎ 米線口感彈牙 幾爽滑 未試過好出名嗰幾間米線所以冇得比較 不過我就覺得呢間都唔錯🤤 ▶︎ 湯底幾酸幾重口 但又唔會非常鹹 嗌少辣會有隱隱約約嘅辣味😲▶︎ 豬紅 好似同我記憶中都仲一樣 好滑好嫩👍🏻 不過牛𦟌就正常發揮 我覺得可以再厚身同軟身啲 好味指數:●●●●◯━━━━━━━━━━━━━━━━━━━━━━━━━━━━…查看更多

我一直以嚟都有聽過「星林居酸辣米線餐廳」，但就未有機會一嚐。適逢而家喺尖沙咀附近返工，中午就同同事嚟試吓。不過我哋今日好好彩，撞正壞𨋢，要行三層樓梯🙈。喺咁嘅情況下都無阻大家來臨幫襯，中午一點鐘餐廳座無虛席，人氣超高👏。餐廳面積幾大，環境裝修正正常常，枱與枱之間有用隔版分開，具防疫意識。但冷氣如果大啲就好，始終食辣米線會出好多汗嘛🥵。呢度顧名思義係食米線🍜，不過除此之外就真係冇其他嘢食，連小食都無！我哋就揀咗兩碗唔同餸嘅米線Share食。明火小鍋米線($35)，呢個係傳統湯米線，包括 上湯、酸菜、芽菜、韮菜同蔥等，叫小小辣或以上就附有肉碎，麻辣另外加$2。湯頭顏色好紅，不過「小小辣」辣度啱啱好🌶，反而酸味偏強，但又唔係好臭嗰種，所以OK。餸料方面，我哋要咗牛𦟌($15)同鮑片($15)，兩樣味道都幾好，牛𦟌口感富嚼勁🐮，鮑片就甜甜的，幾煙韌。涼拌米線($35)，雖然係涼拌💨，但其實係室溫，適合大熱天時食，流少啲汗嘛。拌米線口感比湯米彈牙，但就無湯同無乜肉碎等其他配料。餸料方面，我哋要咗雞中翼($10)同炸醬($7)，雞翼有兩隻，幾肥美。🐷炸醬係拌米線嘅靈魂所在，佢豐富咗米線嘅整體味道同口感，但中間混入咗薑味，未必個個都鍾意。廚房畀漏咗個餸我哋，所以腐竹($6)分開上，可能因為咁份量特別多🙈。腐竹好滑又索味，必點之選！總括嚟講，聞名不如見名，今日終於試到尖沙咀馳名星林居米線，佢確係富有自家特色😆。但價錢就相當偏貴，因為$35得米線底，餸要另加，唯有間唔中先食下啦～～。…查看更多