🥩𝟭𝟮𝟬分鐘 𝗟𝗲𝘃𝗲𝗹 𝟰 日本𝗔𝟰+和牛饕宴晚市套餐 (特調雞尾酒+啤酒無限續飲) [買一送一] [𝟮𝟭:𝟬𝟬後入座] $𝟰𝟴𝟴 (𝟮人價錢)湯:🫖安平慢熬雞湯★★★★★♥︎ 好好飲！！！♥︎ 擺盤好韓式，用水煲盛住啲湯，倒出嚟好有儀式感♥︎ 湯好濃雞味，好濃厚，有膠質♥︎ 每人飲到兩杯仔♥︎ 未點菜已經送咗嚟，只有一煲，冇得再叫肉:🥩日本A4+和牛★★★★☆♥︎ 一碟有兩款和牛，一邊肥啲一邊瘦少少♥︎ 牛肉味都濃♥︎ 肉質都幾淋，油脂豐富🥩日本A4+和牛壽喜燒★★★★☆♥︎ 好有誠意另外比咗個有壽喜燒湯嘅煲煮牛♥︎ 壽喜燒湯甜度啱啱好♥︎ 和牛好淋好入味♥︎ 比較冇咁油膩🥩極 · 厚切檸檬牛舌★★★★☆♥︎ 都好有誠意，原條牛舌上，肉好厚，自己燒完個面再按自己想要嘅厚度剪開♥︎ 肉質爽口，又有肉汁♥︎ 牛舌上面已經有調味，再加檸檬汁就更加清新🥩澳洲M8各和牛肩胛★★★☆☆♥︎ 比較瘦，脂肪比較少，冇咁膩🥩手切安格斯牛小排★★★☆☆♥︎ 牛肉味濃♥︎ 比較瘦，脂肪比較少，冇咁膩🥩威士忌蜜烤鳳梨內群柳★★★★☆♥︎ 肉質幾淋♥︎ 醬汁酸酸地好開胃海鮮:🦪威士忌醺鮑魚★★★★☆♥︎ 威士忌味唔濃♥︎ 鮑魚都彈牙♥︎ 連殼燒都要啲時間🧈黃油蒜烤帆立貝★★★★☆♥︎ 牛油味好香♥︎ 帆立貝都新鮮🦪灸烤生蠔 (鹽蒜)★★★★☆♥︎ 生蠔殼好厚，要燒好耐先熟♥︎ 蒜味好重，蠔味有少少♥︎ 燒完縮咗好多🦐灸香烤虎蝦★★★★★♥︎ 幾好味♥︎ 調味好好♥︎ 雖然每隻新鮮度都唔同，但味道好食，剪開咗一半容易整開🐟鹽烤多春魚★★★☆☆♥︎ 多春魚正常，都新鮮，唔瘦夜市小食:🦪柚子鮑魚酥★★★☆☆♥︎ 鮑魚都係彈牙♡ 但柚子醬有少少唔夾😂甜品:🍡烤麻糬★★★★☆♥︎ 麻糬配煉奶絕配♥︎ 自己燒麻糬片，見住佢脹起好過癮♥︎ 燒完會係硬同脆🧀烤芝士地瓜★★☆☆☆♥︎ 地瓜泥份量好多，太過滯♥︎ 芝士好難溶到拉絲，好難同地瓜泥溶合🫘台式芋圓糖水★★★☆☆♥︎ 有芋圓、仙草、紅豆、花生♥︎ 覺得花生有啲影響口感飲品:🍹百香果綠茶: 有得選擇甜度同冰量，有百香果籽🍺Somersby Apple Cider (原整一罐 + 高身空杯)推介指數: ★★★★☆✿ 出菜好快✿ 服務唔錯✿ 座位都舒服…查看更多
想搵一間肉質素更高嘅烤肉試吓，咁啱行過創興見到呢間上去試吓，因為佢哋有「日本A4+和牛」及 「澳洲M8和牛」，竟然仲可以任食？服務與環境：⭐️⭐️⭐️⭐️店內大部份都係超特大卡位，其他舖頭可能坐四至六人，紅燈籠佈置充滿溫暖和諧感，全店無煙烤爐設計，全身一滴油煙都冇真係超抵讚！而服務真係放題店少見的好，多次主動換網，服務係滿意以上
食物: ⭐️⭐️⭐️⭐️⭐️Lv4日本A4+和牛饗宴120分鐘最高級別放題套餐涵蓋了 Lv1 至 Lv3 的所有品項$518 正價 （五六日或公眾假期前夕）需+10%服務費/日本A4+和牛，豐富嘅雪花令人食指大動，肉質嫩滑輕烤後外焦內嫩，油脂嘅香氣加上肉質帶甜，沾上蒜味鹽醬，輕輕增加鹹味但減低油膩感，食極都唔厭，咁就可以食多啲啦/日本A4+和牛壽喜燒 ，老公就最鍾意壽喜燒，放入壽喜燒湯汁一齊煮，令和牛肩胛更軟滑，好似一片雲咁輕，略帶甘甜之餘肉味會慢慢滲出嚟～/極．厚切檸檬牛舌，厚切牛舌心成條上，平時真係去日本先嘆得到，肉質爽脆多汁～仲特設沙漏俾你計時燒2分鐘，擺埋刀叉俾你切開，豪華得來又充滿儀式感👍🏻/澳洲M8和牛肩胛都好高質，濃厚嘅肉香加上嘅適中嘅油脂分布，喺網上面輕輕炙燒，濃郁爆汁海鮮方面～灸烤霸王蝦 & 白鱔 呢兩樣最正！/霸王蝦食得出肉質有彈性，已經開邊及灑上鹽蒜醬，燒出嚟陣陣鹽香，將燒蝦發揮到最佳味道/白鱔加埋醬汁一齊燒，燒出嚟皮脆香噴噴，油脂豐富，入口即溶/灸烤生蠔 (鹽蒜)/黃油蒜烤帆立貝/威士忌釀鮑魚呢三款海鮮都OK，新鮮特別鍾意～ /安平慢熬清雞湯精緻小茶壺送上暖胃慢熬清雞湯，清香及滲出啖啖雞味/白蜆冬瓜湯，白蜆鮮味融入晒個湯，飲完好清新/最後都要整返碗神仙飯 先夠圓滿～安平櫻花蝦飯滷水加上櫻花蝦油嘅香味，真係得呢度食得到/食完晒燒烤食返一口仙草芋圓，清爽舒服/佢哋嘅12款唔同嘅醬汁，我可以好似孤獨的美食家咁，將每款醬汁配搭唔同嘅食物，可以演變出千變幻化，然後又食多幾款食物食烤肉梗係要配搭啤酒～ 有Sapporo 生啤和Somersby果酒安平特調雞尾酒、韓國特色燒酒，出邊仲有健康嘅台式冷泡茶，各款汽水、台灣麥仔茶等比較少見總結：建議大家食最高級別，咁就一次過解鎖晒全新Menu裏面所有級別嘅美食，安平燒肉真係將「最高質」和「多樣性」食物送到俾大家，無論肉類同海鮮放入口都係極致享受嘅烤肉體驗！冇伏好推薦大家過嚟試吓👍🏻
