窩心鍋 (已結業)

幫屋企人出去尖沙咀拎嘢，順便約朋友行街，行行吓就已經到晚飯時間，咁啱經過見到呢度，心思思想食火鍋，是日晚餐就係佢啦! 睇完餐牌之後，決定要個窩心套餐，樣樣都有啲，可以試多幾樣呀!飲品要咗竹蔗茅根水，少甜，飲得出好足料，打邊爐飲佢下吓火啱晒。凡追蹤窩心煱IG或Facebook，就會送日本和牛刺身一客，和牛油花分佈平均，食落滿口油香，配埋附上嘅柚子醋及生洋蔥，可以中和返同提鮮。湯底我哋揀咗窩心清湯，裡面有娃娃菜、粟米，再配埋豬骨湯底，菜嘅份量好多，娃娃菜索晒啲湯嘅鮮味，粟米就好清甜，好食!湯底嚟咗之後，就開始上食物。鮮脆鯇片無腥味，食落鮮味又脆身。招牌手打三寶丸有鯪魚丸、蝦丸同墨魚丸，三款都好彈牙，蝦丸仲食到粒粒蝦肉，好有咬口。日本雞頸肉肉質唔肥有頭，肉味濃，啖啖肉，正! 神戶黑豚腩片肥瘦相間，肉質淋滑，滿口油香。台式滷水雙拼揀咗日本豬大腸同日本豬肚，兩款淥完都有淡淡滷水香味，可能因為本來已經滷過，所以淥一陣都已經好淋，而且無內臟膻味，唔錯!海鮮拼盤有蝦、蠔同鮑魚，蝦好大隻好爽，蠔好肥滿，鮑魚鮮嫩彈牙，好好食呀! 窩心什菜籃有多款蔬菜，包括番茄、粟米、冬菇、唐生菜、油麥菜，全部都好新鮮，

老友上星期去完窩心鍋打邊爐之後讚不絕口, 我今晚趁天氣仲未回暖前帶老婆去, 睇下$338一位嘅窩心套餐係咪真係咁正。😚窩心鍋開業唔係好耐, 裝修好新穎, 裝飾擺設都非常有格調, 而且座位超寬敞, 坐得好舒適, 人多的話上層仲有包廂, 部份仲設有 karaoke, 聚會一流。👍我地點左$338一位的招牌窩心套餐, 款式都好多, 而且份量都唔少, 另外like Facebook專頁仲有日本和牛刺身送, 兩個人食都相當足夠。😊免費的日本和牛刺身一d都唔馬虎, 油脂超豐富, 入口即溶, 連洋蔥醬汁食, 鮮味更突出。😋火鍋湯底我地揀左香茜皮蛋湯, 湯底材料豐富, 除左芫茜皮蛋之外仲加入左馬蹄, 令湯底略帶甜味, 味道唔錯, 我地打邊爐前都忍唔住之飲左兩碗。😄海鮮拼盆包括左三款時令海鮮, 有鮑魚, 蝦同蠔, 鮑魚厚肉彈牙而且好大隻, 一人一隻已經好滿足。蝦大隻之餘仲有膏, 蝦肉爽口, 蠔就係採用日本廣島蠔, 每人有兩隻, 鮮甜味美。😋由於日本雞頸肉沽清, 所以我地肉類改左手切極上牛脾肉拼神戶黑豚腩片, 感覺更超值。牛脾肉油脂分佈均勻, 肉質軟腍, 豚腩片唔算好肥, 肉質爽滑, 份量都唔少。👍其他火

好友約會在尖沙咀著名的棉登徑晚飯，話說是火鍋，並說是新店開張不久，所以要先試為快。來到店前，感覺非常特別，牆上的壁畫很有另類風格。樓梯上的擺設，又有另類色彩。餐廳內的裝修別樹一格，不知用什麼形容詞較洽當。原來還有二樓，再上一層的色調也很鮮豔，卻是獨立房。碗筷雖簡單，卻又有著貴氣，就連水杯也是用酒杯替代。由於新張，餐牌少不勉簡單一點。在點選菜式時，店員已為我們送上調味，醬油卻用上一般花茶才使用的玻璃器皿，真的獨特。新張期間，店長說只要在面書給個讚，就即送一份和牛刺身！那當然立即給個讚，和牛刺身還是首次品嚐，而已還只是一個讚，已能享用此高級的食品。日本和牛刺身，脂肪分佈非常美麗，有如雪花一樣，單是香已經是一種享受。入口即化，肉質軟綿綿，肉味雖不濃，仍有肉香，是極品。配上和牛醬汁一起吃，令肉的香味更為提升至另一個層次，若與日本芥末吃，又是另一個味道，多種回味，難怪說是和牛刺身，是吃過不能忘記的味道。店家先為我們介紹自家制紅菜頭水，原以為是一杯，誰料是一支。紅菜頭水顏色深紅，清晰透徹，入口清香清甜，無草青味，紅菜頭香氣非常香，可見制作時下了一番功夫。我們選了此店最為名貴的的花膠魚唇滑雞鍋。店長