ねずみの王冠 喫茶店

話說，上週和朋友一訪這間環境出名舒適又重日本風的cafe。一進去，發現餐廳比想像中大啊，還有一個出售日本精品的corner這裡的都是麻布質地的椅子，還有些cushion，適合來喝茶聊天，橫樑上的櫻花佈置也增強了餐廳的日本風味~我們首先點了日式他他醬吉列魷魚 ($68)，這份不錯吃！外皮炸得好香脆，魷魚都軟稔，沾一下他他醬好合配。另外，點了店員推介的免治雞肉串 ($32)，雞肉串含軟骨，增加了口感，醬汁惹味。之後，就吃了兩款主食，第一樣是十勝一口牛 ($108)，話明一口牛就是切粒好方便吃的，肉質挺冧，燒汁濃味，送飯頗不錯。第二樣則是神户野菜牛肉鍋 ($118) 加白飯 ($15)。牛肉份量多，底下含冬菇、粉絲、蔬菜和豆腐等。飲品方面，白桃烏龍茶 ($32) 不錯喝，白桃味突出但不會太甜，茶味都香。朱古力奶 ($32)竟然也有拉花，奶味重！…查看更多

觀塘係我經常搵食既地方，今次一大班朋友去，諗住揀間環境舒適既地方坐下食下野。 可能因為我地太大班人又有啲嘈，女侍應一開始就對我地黑面，態度都幾差，不過我不嬲對服務無太大要求，最緊要食物。 由於本人係魷魚愛好者，基本上總知係魷魚我都會覺得好食。呢個都炸得幾好，係份量細啲。 呢個芝士年糕既size 超級的骰，目測直徑得4，5cm，似糯米滋既大細。憑良心講佢係好食，皮夠脆同入面腍腍地，但性價比太低，成$24一粒，絕對唔值。 我既評價係... 要食牛肉鍋不如去食吉野家，一樣size，吉野家仲要有烏冬，呢度只可以加飯（$15）。啲肉就比較「鞋」，粉絲彈牙，唔錯。但整體唔係幾抵食。 舊鰻魚煮到好腍，外皮微微燒到香脆，好食。但個飯黎到係凍既，我個人期望每碟食物上枱都係熱既，至少唔好係凍。呢度扣左唔小分。 呢個飯就熱返啲喇，個飯都幾乾身，但唔會話好好食。 呢個應該係全晚最好食既一碟，汁濃肉香，舊肉煮到好腍但又唔靭，好食但得勁小，十幾舊一口肉收成百蚊。 總括黎講，大食既朋友要諗清楚，叫一樣野就一定唔夠食。但公平小小講，佢係有二人餐提供，每人二百蚊度，但我地太多人無叫，可能二人餐會抵食啲喇。呢間坐低傾下計既話係唔錯既選擇，但我唔會因為食物推薦呢間。…查看更多

觀塘工廈區有不少隠世Café，在觀塘工作的好友帶領下來到巧明街的"ねずみの王冠喫茶店"。這日系小店燈光柔和，裝潢帶田園風格，加上座位倘大，非常舒適，很有家的感覺。天氣急降，最好來個鍋物暖暖身。點了"神户野菜牛肉鍋"，牛肉鍋材料豐富：有金菇、冬菇、豆腐、蔬菜、雞蛋及粉絲。壽喜燒湯底不會過濃，帶點清甜，與材料很搭配。牛肉油脂分佈平均，蘸些芝麻醬吃更添美味。見很多枱也點"日式他他醬吉列魷魚"，喜愛炸物的我倆豈能錯過。吉列魷魚新鮮熱辣奉上，呈金黃色，非常誘人。粉漿不會厚，炸得香脆而不油膩。他他醬份量充足，微微的酸與炸物簡直是絕配。原條蒲燒鰻魚炒飯份量十足，賣相非常吸晴。鰻魚肉厚質嫰，幾乎沒有骨，啖啖肉之選。鰻魚燒得剛好，香甜入味，不會過咸。炒飯屬較濕潤的類型，飯粒飽滿，每顆都被日式醬油包圍著，甜甜鹹鹹的很開胃。平日不喜歡吃飯的筆者也吃個不停。焦糖泡沫咖啡香濃中帶點甜美，不帶苦澀，為晚餐劃上完美句號。…查看更多

餵食兵團出動，今次去左一間裝修都幾日式化既喫茶店！亦都係我第一次係香港可以試到既喫茶店，我唸係呢間餐廳既老闆想帶日本🇯🇵文化既喫茶店帶入黎香港！事不宜遲，佢地個Menu 都係走kawaii 風格，所以我就叫左個明太子蟹肉炒飯，個賣相都唔錯，蟹肉都幾多配埋明太子一齊食竟然係咁夾！另外仲叫左個小食；日式他他醬吉列魷魚🦑，炸得好鬆脆，魷魚都好鮮美，佢仲比左一大匙他他醬係面，點左個醬口感更豐富！適合同朋友聚會食飯既好地方！😋++++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊…查看更多

間舖既空間又大又舒服 店員服務又好 上菜速度又快頭盤既蟹子沙律有青瓜，蟹子同蟹柳，仲有大量既蔬菜 沙律既醬又唔會太膩 份量岩岩好 成個沙律又好味又fresh:)跟住既神戶牛肉鍋超好味 佢用黎燒既燃料又冇味 當鍋完全熟透既時候，燃料會用晒同無味 可以用鼻同口完完全全咁感受牛肉鍋既味味牛肉鍋既牛肉完全唔老 又唔肥 吸收左鍋既湯底 好好味 入面仲有菜，菇同粉絲 都好好味 個湯底飲落口又唔會話好油膩 甜甜地 又夠味最令我驚喜既係日式他他醬吉列魷魚，本身以為好炸 好乾 點知原來唔係 魷魚係炸粉入面仲keep左水份同口感 1d都唔乾 炸既外殻都唔係炸得好勁 食落唔刮口海鮮土壺茶漬飯都好好味 d茶撈入飯入面令碗飯更加易入口同好味另外我地叫左白桃烏龍茶同Matcha Latte 清清地幾好飲…查看更多

不少cafe藏身於觀塘工廈，多數以西式為主，今次竟然在這裡找到和風喫茶店，就是這間ねずみの王冠 喫茶店 Hamsta Crown Coffee。店內坐得寬敞舒適，採用日系淺木色調裝潢，加上可愛的小擺設，氣氛份外和諧溫馨。就連餐牌都印刷得特別精美，選擇亦不少。味淋魚乾 $38雞泡魚乾煙煙韌韌甚具咬口，吃時蘸些沙律醬，風味十足。燒得微焦，鮮甜可口，一點也不腥。汁燒八爪魚丸 $58/6粒即叫即製熱呼呼，個子渾圓飽滿，外層十分香脆。丸子口感外脆內軟，不過內餡的八爪魚比較小顆，而且粉漿略為厚了點。日式他他醬吉列魷魚 $68我每次在餐牌上見到炸魷魚都會必點，如此脆卜卜的香口炸物真是令我無法抗拒啊！外皮炸至鬆脆，魷魚肉質彈牙爽口不過韌，而且炸得夠乾身，不會過份油膩。明太子蟹肉炒飯 $118粉橘色澤的明太子沒有腥味，味道帶點微鹹又微辣，鹹香又惹味，只是不太吃得出有蟹肉。飯量不少，足夠兩個人share，炒飯炒得夠乾身，粒粒分明，不會黏作一團。神戶野菜牛肉鍋 $118向來湯底是鍋物最重要的靈魂，以壽喜燒醬油調和出來的湯底，風味甘甜，帶出食物的鮮味。豐盛的材料不但為賣相加分，吃下肚後的滿足感更是滿分。牛肉片油花分佈平均，肉質夠腍沒渣，口感細嫩，鍋內加入大量蔬菜，能平衡牛肉的油脂。粉絲口感QQ彈牙，更可以吸盡濃郁的湯底精華，滋味無窮。…查看更多

星期三放工，約了中同吃晚飯。大家都住在觀塘附近，隨意選了一家日本咖啡廳。「Hamsta Crown Coffee」地點不算偏僻，都是在觀塘工商廈區，從地鐵站出去要走10分鐘。餐廳很大，走日式休閒路線，空間感十足，讓人舒適。餐廳除了食物外，還有不少日本化粧品和茶葉等出售。餐牌有不少沙律、炸物、鍋物和串燒等，選擇很多。大蝦蟹籽沙律 $78沙律菜顏色鮮嫩，新鮮。大蝦爽脆，略嫌太多黑醋和沙律醬，是不錯的前菜。 日式他他醬吉列魷魚 $68吉列魷魚麵漿炸得很薄很酥脆，魷魚新鮮又不靭，他他醬酸甜惹味，確實做得不錯。明太子蟹肉炒飯 $118餐牌上標示了兩隻辣椒，吃起來會覺得少許辣，不能吃辣的人要有心理準備。蟹肉份量都比較少，整體味道可以。原條蒲燒鰻魚炒飯 $148鰻魚厚肉肥美，肉質嫩滑，細骨不算多，調以鹹香帶甜的鰻魚汁，稍嫌飯粒煮得較為濕，欠了炒飯的口感，味道也不賴。…查看更多

講講環境先，雖然位於工業大廈裡面，但餐廳嘅裝潢、佈置都好靚好有心思，非常日式 (*¯︶¯*)■ 神戶野菜牛肉鍋 $118除咗啲野菜同牛肉，裡面有小量粉絲 仲有粒生雞蛋鐘意幾時落都得～個人覺得啖湯幾好飲啊（後尾牛肉逼好多油出嚟就有啲油膩同鹹）不過就咁食個鍋其實唔夠飽🙊■ 明太子蟹肉炒飯 $118明太子味道好入！整體都OK 食到尾仲將飯放落牛肉鍋到做燴飯 好夾啊喂！■ 日式他他醬吉列魷魚 $68好食，如果他他醬放少啲就更好。■ 燒雙重芝士年糕 $58口感QQ軟淋淋，好好咬，面有芝士、饀都有少少流心芝士 幾好食但有少少膩■ 熱焦糖鮮牛奶朱古力 $36■ 奇異果沙冰 $42…查看更多

友人話帶我去一間日系感相當重嘅Cafe, 係工業大廈㩒14樓再上一層樓梯就到, 門口以草綠色佈置, 唔講都唔似係工業大廈內!店內燈光柔和, 淺木色傢具配以天花粉紅色花串, 牆上放置日本雜誌, 好有和風味道, 大大張梳化椅坐得舒服, 播上日語流行歌, 真係有一刻覺得自己似去左日本!枱上有幾隻"小老鼠"伴食, 咁得意可愛相信無人會拒絶特大餐牌, 食物相片吸引, 選擇種類由沙律/飯/小食/鍋物/串燒等等, 另有飲品供應天氣熱嘅日子, 最岩就係食多D綠色食物, 呢碟日本鮮海草沙律 ($63), 昆布絲, 海蜇絲加上芝麻, 底下再加上沙律菜, 不同深淺嘅綠色就係呢隻碟上!配以酸味醬汁, 口感爽脆又清新, 好味喎!呢客日式他他醬吉列魷魚 ($68), 目測店內多半客人枱上都有呢碟炸物, 份量都唔少, 吉列魷魚上配上大量他他醬, 感覺澎湃!放入口先感到熱辣辣脆口, 之後食到彈牙魷魚, 夾埋酸滑他他醬一齊食, 真係無得輸呀!  主食之一係呢客原條蒲燒鰻魚炒飯 ($148), 原條鰻魚放係炒飯上, 無花無假, 賣相相當日式!蒲燒醬汁淋上左鰻魚, 魚肉入晒味, 感覺煙煙韌韌; 而炒飯入面包含左甜椒碎, 除左食到鰻魚汁嘅味道, 仲多一份甜美及口感!鍋類選擇有幾款, 友人選擇神戶野菜牛肉鍋 ($118), 配以生蛋及芝麻醬伴牛肉食, 一客份量都唔少!滾起就可以加埋隻蛋入去, 聞到湯底嘅味道, 似係壽喜燒, 食落味道係淡味版鍋係唔包白飯, 自己另外叫一碗 ($15), 將半生熟蛋混落白飯度一齊食仲正; 牛肉有幾片, 肥瘦算適中, 配以芝麻醬伴食都唔錯!鍋裏仲有大量菜, 金菇, 冬菇及芋絲, 食埋全部材料其實都幾飽!侍應誠懇有禮, 不時主動加茶, 送食物上枱後會附加一句 : "慢用"................. 感覺窩心!…查看更多

呢間餐廳既門面俾我一種好似森林中的小屋既童話感覺😆裡面既環境就充滿著舒適悠閒既氣氛。桌上同椅上有好多可愛公仔擺設，是有童心既設計。食物方面都唔錯。呢個沙律好清新，d海草好新鮮好脆口，d洋蔥就好甜。佢既味道真係好淡，鍾意濃味既朋友未必鍾意，但我覺得唔錯，係一個有營健康既選擇。魷魚炸得好脆，配他他醬食，好味😋登登登，我地係專登為左呢個鰻魚飯黎呢間餐廳的。鰻魚真係好大，而且肉質好滑好嫩，d醬汁又甜甜地，配個軟硬適中既炒飯，一個字，正呀呢個鍋既湯底好好味，有d似係甜豉油湯底咁，d牛肉幾滑，其他蔬菜菇類配料都唔錯。如果有得加個烏冬面底就prefect啦😆，可惜無😂飲品方面就一般啦，下次未必點了，因為佢提供既玄米茶都唔錯。餐廳內仲有個賣特色產品既角落，都幾靚幾特別。餐廳職員服務都唔錯，有耐心，食物會等我地食完一碟，再上另一碟。當晚有唔少都是父母帶著小朋友來用餐，其實都岩，呢間餐廳無論係食物同環境都好適合小朋友😊…查看更多

有時世事就係咁無奈，明知山有虎，偏向虎山行，可謂今晚既寫照。 平日夜晚想約班姊妹傾行程，但發現心儀既餐廳滿座，惟有隨便揀左間夠近、輕易訂到位但評價一般既工廈cafe。一到埗朋友就俾放係座位既毛公仔Frederick收服左，原來大田鼠Frederick係美國兒童繪本既主角，平時鐘意訓覺同旅行，無論座位定角落既小商店都有佢既蹤影，隱約有少少慢活既意味。食物選擇唔多，主食以鍋物最吸引，另有四款飯。 小食除左串燒之外，只有炸物同沙律，一時之間大家重複睇左幾次餐牌都揀唔落手。 鍋物真係得個鍋，嚴格黎講只係一個餸，於是問店員有冇得加烏冬，原來全店都冇麵食，只可以加白飯 ($15)。最想叫既北海道3.7牛乳皇帝蟹腳鍋同明太子雞翼原來已經停售，餐牌亦冇寫明，有少少失望。特意問埋二人餐牌上係咪寫緊一人價錢，店員明確地答我$498係成個餐既價錢，即係除返人均$250左右。神戶野菜牛肉鍋($118) 配白飯 (+$15)薄切牛肉偏硬、多肥膏，反而平時任食邊爐既肥牛更嫩滑，勝在有兜芝麻醬點下。 幾欣賞配料有大量紹菜，熬出清甜湯底，撈飯食好滿足。 除左大路既冬菇、金針菇同豆腐外，最底仲有韓國粉絲，煙煙韌韌索哂湯底精華。牛肉鍋上更有一隻生雞蛋，成個組合好有誠意，但由於要等湯底滾起再煮熟少少食材，即使唔係煮左好耐，蛋都已經全熟喇，如果雞蛋另上，最後先加落去會更好。 整體質素近似丼丼屋既鍋物。大阪麵豉豚肉豆腐鍋 ($118)整體同神戶野菜牛肉鍋差不多，但冇左芝麻醬感覺差好遠。 鍋既尺寸比想像中細，但食落都幾多料飽肚。海鮮茶漬飯 ($108)帆立貝、青口等海鮮好新鮮，另上既綠茶夠熱，調味主要來自飯上面既味之素，啖啖海鮮同泡飯食落喉嚨好舒服。 上菜時自行淋茶都幾好玩，但份量偏細。明太子蟹肉炒飯 ($118) 少辣成個炒飯滿佈明太子但完全冇蟹肉，味道偏咸，只有兩碗飯既份量。日式他他醬吉列魷魚 ($68)熱辣辣炸得香脆，魷魚夠大件、彈牙厚肉，淋埋他他醬好開胃，底下仲有大量沙律菜添。 魷魚大約有8件，份量幾足。雖然食物味道合格，但服務質素完全會扭轉客人對餐廳既觀感。落單時朋友遲遲未下定心思，之後追加左個豚肉鍋，半個鐘都冇動靜，一問之下店員反而拎返餐牌出黎問我地叫左乜，原來漏左單。 簡簡單單一個鍋之後又係漫長既等待，最後我地用大半個鐘剛好食哂野之後，先輪到朋友上菜。食飽飯當然想叫野飲傾下計，但無論落野飲定巡視時，店員明顯見到成台野都冇打算收，反映左幾次，店員講句：「知架喇，轉頭會執」，之後就冇左件事。 好不容易叫到人黎做野，執左一個半個碗走就冇左人影，大家用餐後半個鐘呆望住成台野、店員視而不見咁行黎行去真係好無奈。飲品等十世、如乞食咁問店員都冇是常識吧。 終於執好台既一瞬間，我順手叫阿姐追一追飲品，阿姐好真誠有禮咁答我：「出緊架喇！」，更指一指水吧位置，猶如飲品已放於水吧準偏出餐。 當時我有少少內疚，應該係自己心急誤會左佢，點知再等15分鐘都冇回音，原來店員已進化至可以態度誠懇地敷衍客人。凍榛子牛奶朱古力 ($36)繽紛樂味，比較細杯亦冇斟滿，以呢個價錢黎講偏貴。 不設套餐，只可以單點。熱榛子牛奶朱古力 ($36)拉花幾靚，份量甚至可能大過凍榛子牛奶朱古力，性價比較高。臨收店前一個鐘，神奇既事發生喇，店員開始神速收野，近乎係剛飲完最後一啖就收杯，亦來來回回以審視既眼神巡視客人。 你以為佢關心洗唔洗添茶咩？成台人杯茶飲哂最後一滴都冇再加喇。好彩今次同成班朋友黎，大家笑語盈盈、志在有個地方坐下，氣氛都算輕鬆。如果人數少，又想黎食下好野放鬆下，分分鐘會食到一肚氣。 近幾年真係好少見識到咁樣既招待，當晚入座率只有三、四成已經係呢個水平，難以想像可以點樣營運落去。…查看更多

Nosir在觀塘工作多年，樓 上餐廳多不勝數，無意中發現了一間非常特別的餐廳Hamsta Crown Coffee，有甚麼特別？這間日式喫茶店不單止佈置裝橫充滿日本的感覺，還集購物與飲食於一身，跟友人聚餐之餘還可以選購各種日本商品⋯踏進Hamster Crown Coffee，就會見到一個購物Corner，當中有化妝品、護膚品、各種日式精品、健康用品等等，非常吸引⋯有刺蝟公仔啊﹗另外鼠鼠公仔也超可愛﹗座位方面都非常別緻，有各種日種座椅，還有不小鼠鼠佈置，未開始進餐己經令人心情愉快了﹗大蝦蟹籽沙律蔬菜爽脆，蟹子也粒粒飽滿，在嘴巴裡卜卜聲爆開，蝦身中段已去殻，非常細心⋯明太子蟹肉炒飯有豐富蟹肉，絕對沒有偷工減料，味道鮮甜⋯日式他他醬吉列魷魚，魷魚有咬口得來軟腍，外表脆口乾身，內裡水份十足⋯神戶野菜牛肉鍋，湯頭清甜，牛肉有咬口，筋肉分明有彈性⋯鹿兒島豬軟骨野菜鍋，湯底較神戶野菜牛肉鍋更清，豬軟骨醃得入味，豆腐非常嫩滑⋯從食物味道可以吃得出廚師的用心製作，整體味道佳，賣相也吸引，用料新鮮，充滿日本風味，讓人有置身日本的感覺，還可以滿足購物及味嚐美味佳餚的2個願望，假如節日慶祝等日子忙到沒有時間預備小禮物，大可來到Hamster Crown Coffee邊食邊選禮物，一舉多得啊﹗…查看更多

又到好友聚會時間，今次就我自己約左喺觀塘呢邊食飯，同事介紹呢間ねずみの王冠 喫茶店，位於巧明街近駿業街交界嘅冠力工業大廈15樓，如果搭地鐵喺觀塘站經APM及港貿中心過黎只需5分鐘，相當方便。電梯只到14樓，需要行一層，但樓梯相當企理，仲貼滿色彩繽紛嘅貼紙，感覺良好。位於頂層，自成一角，門口位佈置精美，沒有比人置身工廈嘅感覺。店內裝潢同樣係精緻，仲有一張日式「塌塌米」餐檯，讓你感受到一股和風嘅感覺。店鋪除左餐飲服務仲有零售架，賣下化妝品、精品等等，啱晒午飯時間緊迫嘅OL，食飯之餘又可以SHOPPING，一舉兩得。餐牌圖文並茂可以慢慢揀，而食品價錢又唔貴喎。蝦真係大大隻，仲有蟹籽同新鮮蔬菜配上沙律醬，認真醒胃。吉列魷魚炸得夠晒香脆，而他他醬就調配得相當惹味，兩樣一拍即合。特別一讚呢個七味墨魚咀，外層十分鬆脆，內裡嘅墨魚就非常煙韌，口感十足。天寒地凍梗係要整個牛肉鍋食下啦，除左牛肉，仲有冬菇、豆腐、金菇、野菜，份量十足。佢仲要全程有個爐熱住，保証夠晒熱辣辣。炒飯很精緻，配上清甜蟹肉，滿口鮮味。識食鰻魚一定食原條嘅蒲燒鰻魚，單是視覺已甚具氣勢， 鰻魚厚肉肥美，大家都邊食邊讚，絕對值得一試。…查看更多