隨心 (已搬遷)

今晚約咗響鰂魚涌返工嘅朋友食飯，帶我去佢平日嘅飯堂，一間主打「無添加味精」的星馬菜餐廳，的確係好介紹。新加坡炒貴刁上枱已經感受到一份誠意，超有鑊氣，又沒有過火。河粉中夾雜麵條，增添多一種口感，餸料亦不吝嗇，芽菜、臘腸、魚片和大蝦，味道十足，完全感受到東南亞風味。隨心海南雞飯（冇骨）份量十足，海南雞計埋有十幾件，海南鷄香滑度拿捏得剛好，飯不只是雞油飯，是椰汁味十足的雞油飯，飯量足兩碗，配合醬料，超好味。食星馬菜，檸檬飲薏米水當然不能少。朋友叫了一杯冰雪梨茶亦令人回味。總括來說餐廳好味非常正宗，食物份量十足，加上無添加味精，真心值得推介。…查看更多

我哋都幾喜愛食東南亞星馬泰嘅菜式。這一次來到鰂魚涌吃晚餐，餐廳：隨心。店舖地方都坐得舒適，感覺舒服嘅。我哋點左幾個當我哋去星加坡吉隆坡旅遊嘅時候，都會必食嘅地標海南雞飯對我來講海南雞飯嘅飯係好重點，係主角。睇旅遊節目介紹過，海南雞飯嘅飯係用浸雞嘅雞汁精華去煮，粒粒飯粒都充滿雞嘅香味！呢度雞飯都唔錯，飯有滿滿雞汁香味，雞肉都好滑。而醬汁方面，亦配有必備嘅姜蓉、甜豉油、辣醬。呢啲醬汁點雞，又或加入雞油飯一齊食都好好味！每次食到海南雞飯都係一個幸福！而通常雞飯都會配一個例湯，例湯個鹹味比較重，一口飯加一淡湯味道都幾夾。我都鍾意佢例湯會放入幾粒甜甜嘅杞子，感覺滋潤啲。新加坡炒貴刁河粉加入新加坡黑豉油去炒，配料有蝦、臘腸、蛋、芽菜等等。味道濃郁，口感豐富，食落去又唔同層次。馬來西亞肉骨茶肉骨茶湯底比較重藥材味，湯底比較深色，藥材味濃郁，感覺較重鹹味。湯料嘅排骨肉都煲得夠時間，加埋豉油一齊食都幾好味。另外，亦都可以加油炸鬼落去浸滿肉骨茶湯，食落去油炸鬼都幾入味，係一個幾得意嘅配搭。雖然而家都係凍冰冰嘅冬天，但係食一食新加坡菜，都令人暖一暖。😊開心嘅一餐…查看更多

本身諗住午餐過隔離小娘惹，點知小娘惹星期六唔開，搜附近見到依間，好評好似幾多，就成班人一齊嚟試試。話晒太古坊附近，都預咗會貴，坐低後自己叫咗食評推介據講好有鍋氣既新加坡炒貴刁，同行叫咗喇沙。先評論貴刁，我成碟食晒，純粹係因為我唔揀食，同埋78蚊+10%唔捨得浪費。依隻貴刁比河粉闊，厚身，更有韌性，但唔差，唔會好粉好實，就炒野嚟講唔差。重點嚟啦，碟貴刁有5，6塊臘腸，而d臘腸係唔好食既；又有d洗到脆既蝦仁，個人好憎食依隻蝦，但我知坊間多數中意落太白粉洗，d蝦完全無味，同d炒過既貴刁好唔夾；又有d魚片，切到薄薄地，好普通，又係同炒過既貴刁好唔夾，好彩得兩塊。碟貴刁食到最尾都幾膩，仲有！個竹碟甩毛，有條竹絲插咗入牙肉搞到我牙肉發炎。再講加個2蚊既杞子雞湯，其實即係海南雞會跟既湯，飲多兩啖都係唔掂。而且係茶杯装，仲衰過跟海南雞😂再講個喇沙，80蚊+10%，椰子湯底，入口小小辣，我係面頭舀咗羹都食到唔知椰子定香茅渣。第一啖係幾香濃，但飲完無餘韻，仲有d水味。至於個米粉……眼望都係普通米粉。朋友話唔好食，差過隔離小娘惹（利申無食過小娘惹，唔係做廣告）。唔知openrice咁多好評點得嚟，d嘢係勉強合格，但咁既價錢都係留比太古坊既朋友仔食啦。…查看更多

本身我哋嗰日係諗好咗想係屋企煮嘢食架 但係因為我要OT放工之後已經七點幾八點😭再煮嘢食就會太夜 所以我哋就嚟咗呢間餐廳度食 不過太夜所以海南雞飯賣晒😭無得試佢既招牌 唯有下次再試啦😤·新加坡炒貴刁 $78呢個超級驚喜 如果唔係海南雞飯賣曬 個店員推介我地試下呢個 我地應該唔會嗌黎試🤭佢係每一條粉都索曬汁 個汁唔會就咁得豉油味 係甜甜地又辣辣地 超過癮😍😍而且佢D料都幾多 仲要都幾好食 唔錯唔錯🤤·海蜇雞絲沙律 $38呢個CP值高到不得了 佢超大兜 而且好多雞絲🤤🤤佢個沙律唔係用芝麻醬既 係一個淡淡地有鹽味既醬 清清地咁樣超開胃😎·新加坡肉骨茶 $48任何時候都feel like飲D滋補野🥰呢個入口都幾舒服 胡椒味都濃既 但係就少D層次感 但係飲落都唔錯既🥳值得一讚係佢個排骨 真係一咬就離骨 唔會煮到柴曬😍😍·#rbyeat#rby東南亞菜#rby鰂魚涌·📍鰂魚涌海光街12號地舖…查看更多

鰂魚涌海光街一帶有好多餐廳，新加坡+馬拉菜都已經有幾間，之前試過小娘惹，今次就試下呢間店舖較大既隨心海鮮喇沙湯底是偏橙色的那種，味道夠濃亦都有椰香味，餸就有蝦，帶子，魚片，豆腐卜，蟹柳，芽菜，都幾豐富，摻摻換上米粉+檬粉感覺，同平時既油麵+米粉更加爽口彈牙，不錯新加坡炒貴刁好有鑊氣既炒貴刁，真係好香，用上河粉+油麵，出黎既效果又幾夾喎，加埋臘腸，黑豉油一齊炒，成碟都好惹味檸檬薏米水食完d咁濃味既野，飲返杯檸檬薏米水正好解左個濃味同油膩感，味道唔太甜，飲完好舒服…查看更多

隨心鰂魚涌海光街12號地舖今日同左女朋友去左大潭水塘行山，落返黎既終點站就係鰂魚涌啦，平時真係無咩機會黎呢區，所以大家都唔熟，唯有隨便係附近行下，睇下有d咩小店吸引既就試下啦最後揀左呢間標榜食海南雞飯同埋喇沙既餐廳，感覺都好舒適，我地2點鬆d黎到唔多人，坐得好鬆動午餐同下午茶既選擇唔算多，但最出名既招牌菜海南雞飯同埋喇沙都有啦呢個炒得好惹味夠晒鑊氣，仲有3隻大蝦喇沙既湯底都好濃郁，配埋雞蛋，芽菜，豆卜夠晒正宗而個蛋餃子就第一次食幾得意，不過都係鐘意傳統嘅餃子多D:)…查看更多

前幾日接朋友放工，她表示想在鰂魚涌附近食一些星馬菜，想起暑假時與媽媽食過一間質素不錯的餐廳，就再黎重拾一番～——————————🔹黑蘿蔔糕 $48上次食完黑蘿蔔糕念念不忘，今次難得嚟到梗係再叫，果然真材實料，有好濃的黑醬油香味，醬汁掛滿每嚿蘿蔔糕表面，惹味非常～🔸新加坡炒貴刁 $78這個新加坡炒貴刁選用傳統正宗的「掺掺」，即是用河粉及油麵混合配搭，裏面有大大隻蝦、魷魚、魚片等，炒得很有鑊氣，朋友都讚冇介紹錯☺️🔹海南雞喇沙 $80上次媽媽就不太喜歡喇沙的味道，所以就沒有叫～ 今次朋友就想試下，配搭海南雞。這個喇沙非常濃郁，豆腐卜吸盡湯底的精華，一咬爆晒湯汁，還帶點椰香味，正！相反海南雞就有點失色，雞肉不算嫩滑，欠缺雞味，還有點兒凍，感覺切完後放了要一段時間～不過三種醬料甜酸辣，非常醒胃！…查看更多

媽媽愛下廚，亦重視健康，所以平時好少出去食飯。不過她對東南亞菜式比較陌生，不會煮，也少吃，所以今次就帶她去鰂魚涌食飯，試下不同的口味😋——————————🔸黑蘿蔔糕 $48第一次食黑蘿蔔糕，非常合口味！蘿蔔糕吃得出真材實料，加入雞蛋及黑醬油拌炒，醬汁掛滿表面，勁惹味！-🔹咖哩薄餅（1件）$18咖哩薄餅新鮮熱辣，酥脆中帶點嚼勁，蘸上香辣的咖哩，不錯。-🔸百味雞煲 $98第一次在東南亞餐廳見到這款菜式，就決定嚐鮮一下，看看會不會有什麼特別～可惜未見突出，不過不失，不太夠辣-🔹 新加坡炒貴刁 $78選用傳統正宗的「掺掺」，即是用河粉及油麵混合配搭，裏面有蝦、魷魚、蛋、芽菜等，炒得夠味又有鑊氣！🔸馬拉盞油麥菜 $58媽媽很愛食油麥菜，所以就叫了這道菜。整體炒得不錯，味道剛好，又特別入味～…查看更多

最近去了鰂魚涌一帶行街，忽然興起想吃星馬菜，在地圖一搜就發現了這家風評不俗的星馬菜餐廳，主打華人製作南洋料理，一於一試究竟！馬來西亞肉骨茶($98) Malaysia Bak Kut Teh (Herbal) (HKD98) 和新加坡的肉骨茶相比，馬來版的肉骨茶加入了多種被受中醫認為補氣養生的食材，例如冬茹、玉竹、黨參、當歸、紅棗、甘草、胡椒粒等。各種配料和豬骨在煲肉高温烹煮，再原煲送上，打開煲蓋立即傳來陣陣的藥材幽香。先試一口湯底，肉骨茶湯入口先咸後澀，喝進喉間就感受到藥材的甘香味；再吃一口豬骨，豬肉不會太肥，瘦肉吸收了湯底的味道，每口都傳來啖啖的微香；份量也非常足夠，足夠四人，每日一碗湯，當日只有我和女友兩人，每日飲了兩碗有多的肉骨茶，感覺到充滿能量，十分滿足！新加坡炒貴刁 ($78) Chat Kway Teow (HKD78) 南洋又一經典菜式，我們點了不辣，少了一點惹味，不過都炒得香滑，呈現黑醬油顏色，而且香味濃郁，不錯！秋葵濃湯豆腐 ($78) Marinated Tofu with Okra (HKD78) 吃了如此多濃味的食味，再叫一些較清新的食物吧！簡單又味美的菜式，湯底十分清甜。豆腐非常多，十分足料，配合清甜的魚湯底，清新好味道，加上秋葵，更是一道健康味美的小菜！柚子檸檬汁 ($28) Pomelo Lemon Juice (HKD28) /椰香咖啡 ($28) Coconut Coffee (HKD28) 柚子檸檬汁酸甜醒神，至於椰香咖啡味道和平時的咖啡稍不一樣，多了一陣椰果香味，感覺更滑。以上的食物均非常好，最初看到其不多的人流，質素卻是超預期，價錢不太貴，值回票價，實在值得回頭再去！…查看更多

中午同同事去咗間東南亞餐廳食午餐。因為二點，正好下午茶時段，價錢比較平宜而且可以揀下午茶餐輕食。叫咗知新加坡炒貴刁 $58蚊。隨餐附送一杯熱檸檬薏米水。貴刁份量好大碟。炒得好有鑊氣，而配上豆芽丶雞蛋🥚。雞蛋同個醬油好夾，啲雞蛋入晒啲醬油味。而薏米水有好大塊檸檬🍋，薏米都算多。淡淡清清嘅味噌，喺食咗油膩嘅貴刁後飲，真係好夾，清走油膩味之後，仲可以保暖。…查看更多

莫非在鰂魚涌上班的人和附近的居民對東南亞美食例如喇沙，海南雞特別情有獨鍾？何解越來越多這類餐廳選擇在鰂魚涌開業？雖然我們今晚來這間餐廳已經開咗一段時間，不過見到好多人幫襯咁都要試吓。餐廳頗大，樓底夠高，兩個相連舖位夠霸氣。餐牌圖片精美，食物都幾多選擇。點了喇沙，炒貴刁，胡椒魚和蘿蔔糕。我們叫的是海南雞喇沙，雞和湯是分開上，粉底選用米粉及瀨粉。海南雞是去骨的，肉質鮮嫩滑溜，有功架湯底味道夠香濃，雖然味道層次唔及其他幾家多，但絕對係上佳之作係馬來西亞旅遊時很喜歡吃炒粿條，係香港就叫炒貴刁，而且大多數餐廳只用河粉，這裏就選用「摻摻」，河粉加油麵去炒。個人頗喜歡兩款麵質一齊食，增加口感貴刁炒得香熱，醬汁唔會太多，不會食到成口都係油，蝦亦彈牙有咬口。胡椒魚係今晚的亮點估唔到這個酸菜胡椒魚比平時食既酸菜魚來得更好味酸菜再加少少胡椒粒調味係極佳嘅配合！魚是先煎後放湯，吃得鮮甜黑蘿蔔糕就跟新加坡食過的差不多，份量很多，醬汁非常惹味亦是一個濃味的小食。…查看更多

今晚係太古行行下街突然好想食新加坡野，所以就隨心咁行左去太古坊個邊既”隨心”食飯。行到入店內就見到有幾幅新加坡merlion同馬拉既畫係牆上，幾靚幾得意睇到個menu, 諗起去新加坡旅行時係hawker centres既美食，就心思思有好多野都想食諗左一陣，最後叫左個 海南雞喇沙 同 新加坡炒貴刁。喇沙個麵同雞係分開上，麵有米粉同米線，上面既米粉吸哂d湯可以令你啖啖都食到湯既椰香，個人就覺得唔錯。海南雞肉同皮分明，味道不過不失。佢地既炒貴刁係menu上好似話係跟新加坡炒粿條做法，味道都似既，幾好食，但係就用左河粉，同係新加坡食既唔同。成餐飯，個人都覺得幾好，算係味道算係中上既新加坡餐廳，價錢正正常常。可以一試…查看更多

隨心，意思是With Your Mind，竟讓我想起TVB神劇《天與地》中的金句。this city is dying... 如果命運能選擇，十字街口你我踏出的每步無用困惑?人生的確不由得自己去控制。但至少這刻我們可以選擇放什麼入口? 新加坡肉骨茶($48)，內有排骨和蘿白，重重的胡椒味聞得我興奮。價錢方面可能會讓人卻步，叫一窩的話比較抵飲。蘿白非常甜。可惜的是排骨太硬，很難咬，加上煮湯的關係已經煮得沒有肉味....新加坡炒貴刁($78)，餐廳特別提示我們是用兩種粉類炒成。材料有韭菜、豆芽、白蝦和雞蛋大火翻炒而成。火氣十足。用上豉油調味，色澤近似廣東的乾炒牛河，廚師一定是經驗很豐富。另外有多叫幾個小食。肉類比較普通，而且都太乾....不多介紹。雖然不算得上驚喜，但都質素什高。…查看更多

人生順逆無常，有無諗過如果事事順心，人生仲會唔會一樣精彩？定係事事順心反而會覺得乏味呢？有時選擇隨性，放鬆一啲，未嘗唔係一件好事。隨心而行、隨心咁生活，或者去鰂魚涌食馬來西亞菜，都係一樣簡單隨意又舒適。小店裝潢雖然簡單，但係並唔代表馬虎。牆上貼滿一幅幅特色畫作，環境舒適整潔。海難雞飯既雞肉非常嫩滑，外皮有彈性，感覺上一啲都唔油膩，亦唔會好肥。值得一讚係海南雞已經去骨，可以一啖食晒，感覺更加爽，仲有三種口味嘅醬汁可以搭配添！油飯散發淡淡香味，同爽滑嘅雞肉非常夾。再飲埋杞子雞湯，成個餐雞味濃郁，愛食雞嘅朋友要試試啦。串燒包括有豬肉同雞肉各3串，燒完好香好惹味。再點埋特製沙嗲醬，初入口味道香辣後帶少少甜味。加上醬入面帶有少許花生粒粒，更加有多重口感。豬肉串食落肉汁豐富，好香口；雞肉串嫩滑，質感比較軟。鍾意重口味可以試下，味道濃烈得嚟有少少辣，好惹味又有鑊氣！濃濃嘅醬汁煮到上面各樣食材都好入味，特別係大蝦，將原本嘅爽甜蝦肉加添一分惹味，層次更豐富。 肉骨茶以豬骨、豬肉同埋中藥材熬製，藥材份量非常多，好足料！無論聞落定食落藥材味道都相當濃郁，湯內嘅豬肉煲到又腍又入味！據聞肉骨茶仲有行氣活血嘅功效，鍾意食肉骨茶嘅朋友一定要試！食喇沙個湯底真係好重要！呢個湯底有少少辣，椰香十足又有好香花生味，味道香濃。麵條彈性十足，唔會一夾就斷。加埋豐富海鮮，有蝦、蟹棒、帶子、魚片、豆卜同埋糖心蛋，將每樣食材浸入香濃湯底，加倍鮮味！…查看更多