隨心 (已搬遷) 新店位置

Item: 隨心
Rating: 2
Author: Ashley Yang

With Your Mind

563 食評

味道

環境

服務

衛生

抵食

16525

鰂魚涌

$51-100

新加坡菜馬來西亞菜海鮮咖喱咪嘥嘢食店

454

資訊:
餐廳:	隨心

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

Ashley Yang

等級2

本身諗住午餐過隔離小娘惹，點知小娘惹星期六唔開，搜附近見到依間，好評好似幾多，就成班人一齊嚟試試。話晒太古坊附近，都預咗會貴，坐低後自己叫咗食評推介據講好有鍋氣既新加坡炒貴刁，同行叫咗喇沙。先評論貴刁，我成碟食晒，純粹係因為我唔揀食，同埋78蚊+10%唔捨得浪費。依隻貴刁比河粉闊，厚身，更有韌性，但唔差，唔會好粉好實，就炒野嚟講唔差。重點嚟啦，碟貴刁有5，6塊臘腸，而d臘腸係唔好食既；又有d洗到脆既蝦仁，個人好憎食依隻蝦，但我知坊間多數中意落太白粉洗，d蝦完全無味，同d炒過既貴刁好唔夾；又有d魚片，切到薄薄地，好普通，又係同炒過既貴刁好唔夾，好彩得兩塊。碟貴刁食到最尾都幾膩，仲有！個竹碟甩毛，有條竹絲插咗入牙肉搞到我牙肉發炎。再講加個2蚊既杞子雞湯，其實即係海南雞會跟既湯，飲多兩啖都係唔掂。而且係茶杯装，仲衰過跟海南雞😂再講個喇沙，80蚊+10%，椰子湯底，入口小小辣，我係面頭舀咗羹都食到唔知椰子定香茅渣。第一啖係幾香濃，但飲完無餘韻，仲有d水味。至於個米粉……眼望都係普通米粉。朋友話唔好食，差過隔離小娘惹（利申無食過小娘惹，唔係做廣告）。唔知openrice咁多好評點得嚟，d嘢係勉強

本身諗住午餐過隔離小娘惹，點知小娘惹星期六唔開，搜附近見到依間，好評好似幾多，就成班人一齊嚟試試。
話晒太古坊附近，都預咗會貴，坐低後自己叫咗食評推介據講好有鍋氣既新加坡炒貴刁，同行叫咗喇沙。
先評論貴刁，我成碟食晒，純粹係因為我唔揀食，同埋78蚊+10%唔捨得浪費。依隻貴刁比河粉闊，厚身，更有韌性，但唔差，唔會好粉好實，就炒野嚟講唔差。重點嚟啦，碟貴刁有5，6塊臘腸，而d臘腸係唔好食既；又有d洗到脆既蝦仁，個人好憎食依隻蝦，但我知坊間多數中意落太白粉洗，d蝦完全無味，同d炒過既貴刁好唔夾；又有d魚片，切到薄薄地，好普通，又係同炒過既貴刁好唔夾，好彩得兩塊。碟貴刁食到最尾都幾膩，仲有！個竹碟甩毛，有條竹絲插咗入牙肉搞到我牙肉發炎。
再講加個2蚊既杞子雞湯，其實即係海南雞會跟既湯，飲多兩啖都係唔掂。而且係茶杯装，仲衰過跟海南雞😂
再講個喇沙，80蚊+10%，椰子湯底，入口小小辣，我係面頭舀咗羹都食到唔知椰子定香茅渣。第一啖係幾香濃，但飲完無餘韻，仲有d水味。至於個米粉……眼望都係普通米粉。朋友話唔好食，差過隔離小娘惹（利申無食過小娘惹，唔係做廣告）。
唔知openrice咁多好評點得嚟，d嘢係勉強合格，但咁既價錢都係留比太古坊既朋友仔食啦。