URBAN Cafe (駱駝漆大廈第一座)

前排母親節想俾個驚喜媽媽知道佢好鍾意貓貓 所以就帶佢去貓cafe體驗下！😼今次我地去左Urban Cafe嘅觀塘分店貪佢夠近 又近地鐵站所以好易去 而且面積仲好大 亦都有好多貓貓😻行幾步就會見到隻 間唔中仲會有幾隻係腳邊同枱底穿梭添🐈.💫2人套餐 （$328）.🌟是日餐湯今日嘅餐湯係南瓜湯 🎃味道creamy 而且仲有南瓜蓉 更添口感.🌟是日沙律沙律落左麻醬 作為前菜好清新🥗.🌟挪威煙三文魚水煮蛋黃金卡邦尼扁意粉呢個意粉好有驚喜 味道出色😋意粉有好足夠嘅醬汁 而且撈埋水煮蛋味道更好而且仲有三文魚同煙肉等等嘅材料🍝.🌟西班牙燒烤醬烤大豬肋骨估唔到呢度都有豬肋骨食🍖豬肋骨有三件 肉質唔會煮到乾晒水仲有烤蔬菜同勁香嘅薯蓉墊底🥒🥔.🌟Urban Cafe精選特調咖啡 （+$3）🌟玫瑰蘋果醋梳打 （+$4）呢度嘅飲品亦都幾好😽 有好多款式可供選擇咖啡嘅味道唔錯☕️.🌟自家製香滑奶凍 （+$18）只要加$18就有跟餐甜品我地揀左黑糖味 旁邊仲有d綿花糖☺️.🌟日本北海道伯爵茶芝士蛋糕 （$48）我地亦都再點左個芝士蛋糕 可以要求後上🍰食到有淡淡嘅伯爵茶味 仲有好大球cookies and cream 雪糕！🍨.呢度嘅貓貓好親人 大部分都可以摸😺💕如果係餐廳買貓罐頭餵食仲可以受萬貓景仰😹最令我驚喜嘅係連食物質素都比想像中好例如個意粉仲好味過普通西餐廳😝好適合想放鬆心情嘅朋友😉…Read More

已經好耐無出去食飯啦🥺晚市堂食開返即刻約埋 朋友去喵cafe玩下🐈 今次已經係第二次黎，因為中意佢環境夠衛生。入餐廳前要著上鞋套，而且地方大又多喵，重點係完全無臭味玩🐱前都係醫飽個肚先，叫左個二人套餐 ($328)有是日餐湯同沙律🥗作為前菜份量啱啱好。而主食方面就揀左：▪️挪威煙三文魚水煮蛋黃金卡邦尼扁意粉水煮蛋熟度啱啱好，撈埋扁意粉好creamy😋而且意粉好彈牙，係我中意食既口感！▪️巴馬火腿拉絲水牛芝士手工薄餅無法抗拒既拉絲薄餅，熱辣辣既芝士好正，pizza足料之餘仲好脆。飲品同樣無令人失望架🤩分別叫左：▪️Oreo脆脆特濃朱古力 (+$20) 好濃郁既朱古力味，加埋Oreo非常邪惡🤤▪️四季春茶拿鐵 (+$22)加左芝士奶蓋好正，除左好飲就係好好飲。當然唔少得小食同甜品🍰▪️水牛城雞翼 ($68)炸過既雞翼好香脆，醬汁唔會好辣，好惹味▪️日本北海道練乳草莓芝士蛋糕配雪糕 ($48)士多啤梨味🍓cheesecake 好香，一啲都唔漏，配朱古力味雪糕完全唔過份😌最後叫左壺鮮果花茶🫖▪️蘋果玫瑰普洱茶 ($69)加左蜜糖好清新，唔會太甜，食得太飽飲返杯茶就啱晒☺️壺下面仲有蠟燭keep warm架！通常貓cafe食物都好Hea，但呢間價錢同食物質素絕對超值！而且觀塘店有超過60隻🐱夜晚主子出黎活動好熱鬧，不過唔係隻隻都咁親人架，所以唔好夾硬捉住佢地黎摸。緣份到了，主子自然會比你摸😌…Read More

紀念日推介餐廳💕觀塘抵食Cafe🍕🍝二人套餐$328是日沙律🥗沙律蔬菜新鮮配搭柚子汁酸酸甜甜好啱開胃😘是日餐湯🥣蘑菇湯重蘑菇味😆而且蘑菇唔係全碎 飲落伴隨住小小蘑菇嘅咬口 挪威煙三文魚水煮蛋黃金卡邦尼扁意粉 有一舊煙三文魚 調味適中 唔算好重煙熏味😃溫泉蛋嘅蛋汁撈埋扁卡邦尼扁意粉🍝兩隻嘅味配合同調和得非常好👍🏻 份量都足夠😛 夏威夷風情拉絲水牛芝士手工薄餅🍕 （小編推介）薄餅非常有驚喜 除左邪惡拉絲之外🧀薄餅有濃厚嘅芝士味🤩餅底介乎厚批同薄批之間 但口感偏向厚批 食起黎唔乾啱啱好 就算食哂成個都唔會覺得太濟💕自家製香滑奶凍(原味)加$18嗌左個甜品解解濟🍮自家製嘅甜品食落唔會太甜🥰好重奶味 如果大家仲有肚 都好建議嗌一個黎試下 除左原味仲有抹茶同朱古力味揀 茉莉綠茶拿鐵🍵加$16甜度同奶都可以自訂😆如果唔中意飲太甜都唔洗驚 小編嗌左少甜就啱啱好 茉莉味唔太重 正常發揮的一杯野飲環境方面，入去鋪頭之前要着鞋套同消毒雙手 地方都算大 坐得都好舒服 仲有好多貓店主🐈可以同佢地玩 不過都會有好多貓毛周圍飛 鼻敏感人士可能要留意啦🤣總括而言，呢間餐廳食物質素同埋餐廳環境都屬於水準之上，而且價錢都唔算太貴，有興趣都可以嚟試吓🐈🥰URBAN Cafe (駱駝漆大廈) (觀塘)觀塘開源道62號駱駝漆大廈第1座6樓…Read More

鍾意貓貓但又唔養得/未養得，黎下呢間貓貓cafe過下癮係幾唔錯～因為我既重點係玩貓，所以發現野食都幾好就更開心喇！🤩🍽挪威煙三文魚水煮蛋黃金卡邦尼扁意粉🍽好creamy好濃郁既忌廉汁掛到喺每條扁意粉上面，扁意粉口感亦剛剛好，好味！🤤🤤🍔安格斯牛肉手工竹炭漢堡🍔漢堡ok架，牛肉一啲都唔乾！但脆薯仔真心搶左fo ！香脆之餘少少辣，冇懼熱氣食左好多！😎😂其實仲叫左其他野食同飲品，樣樣都唔太差！👍🏻上年有一排好人氣既400次咖啡都有，我仲影到張相好似貓貓飲緊呢杯咖啡添！😻😻😻不過玩貓貓都要有manner,唔好夾硬捉佢地呀！🐱🐱…Read More

☕️ Cafe for chilling — Urban Cafe🐱 貓奴必到嘅黃店💛#cafeforchilling #90cp觀塘篇 #90cpCafe篇➖➖➖➖➖觀塘區嘅工廠大廈不嬲多隱世良心店✨ 小編就係假日揀咗一間近排非常多人到訪嘅貓貓Cafe - Urban Cafe🐱💛 試試佢！做幾個鐘嘅奴才😤美味指數 😋: ⭐️⭐️⭐️⭐️環境指數 🏖: ⭐️⭐️⭐️ + 🐱🐱服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)二人套餐 (餐湯沙律頭盤，主食，意大利飯/麵，飲品) 🔹滋味二人小食拼盤 +$28小食拼盤有炸雞粒 炸魚塊 同埋炸薯條🍟🤯 味道方面就唔算太特別嘅 都係正常炸物 不過勝在份量都大😝 呢個價錢都算好抵食🤩🔹 挪威煙三文魚水煮蛋黃金卡邦尼扁意粉首先份量都好唔吝嗇 算大份🤭 味道方面都唔錯 醬汁都好creamy 但食到底醬汁就相對較多 會有d漏🤢🔹西班牙燒烤醬烤大豬肋骨都係要講多一次！就係佢嘅份量真係好唔吝嗇🙈 又係好大份 ribs 都烤得唔錯 不過某啲位肉質就比較”鞋” 同埋個燒烤醬味道唔夠出🤨 另外值得一提係佢又勁大份薯蓉😂 真係慌死你食唔飽🤣 薯蓉食落都算smooth & creamy 都唔錯架🤤☕️ Urban Cafe特調咖啡味道偏淡 都唔算太甜 套餐來講佢只需要加$3🤑 算係一個幾平價嘅選項💸☕️ Oreo 脆脆特濃朱古力 +$20朱古力味非常濃郁🍫 配搭上Oreo 做toppings 真係冇得輸🤤 邊飲邊食Oreo 絕對係非常邪惡但係值得一試👍🏻🍮 自家製香滑奶凍 +$18個人覺得呢個就唔需要試啦💁🏻‍♂️ 味道口感都係極普通 識落冇乜驚喜之餘性價比都唔高💰Total: $404✅ 先唔講店內有貓貓同你互動🐱😝 佢嘅食物質素都係唔差 而且食物嘅份量亦都好大都算抵食🤯 而且就算店內人好多都好佢出餐嘅速度都係好快👍🏻絕對值得一讚！仲有啊如果想重溫鏗鏘集嘅話 呢度絕對係好選擇 不停重播我哋永不會忘記嘅嘢💛❌ 不過感覺上佢餐牌如果散嗌嘅話係冇咁抵 變相有少少感覺焗住叫set 🧐 環境其實唔算好好 普普通通但勝在有🐱加翻分😛💡溫馨提示💡作為奴才嘅你 呢間貓貓Cafe絕對要嚟🥰🐱 佢哋有時會喺你腳下徘徊 有時仲會擒上枱添😍 不過大家係同佢哋互動嘅時候 記住都要錫住佢哋 同埋注意衛生🙏🏻😤 仲有入門口嘅時候記住要着鞋套！…Read More

其實呢間餐廳已經幫襯過N次，一直都係我嘅私心收藏，今次終於忍唔住要將好餐廳分享出嚟俾大家知。我哋嗌左個二人餐，前菜有沙律同忌廉南瓜湯。《忌廉南瓜湯🎃》好Creamy，小編覺得忌廉味比南瓜味突出，味道較甜，每啖湯都食到南瓜蓉，感覺真材實料，而且夠熱，作為頭盤表現唔錯。至於個《沙律🥗》，就係日式芝麻醬沙律，有菠蘿粒、番茄仔同埋沙律菜，簡單清新又美觀。《挪威煙三文魚水煮蛋黃金卡邦尼扁意粉🐟🍳》淨係睇個名，都知道呢味菜一啲都唔簡單，不愧為推介之選。煙三文魚嘅煙熏味都幾重，一食就知唔係一般貨式，咬落去係有口感，而唔係一咬就散晒。水煮蛋本身就已經係多功夫嘅菜式，小編都非常喜歡，最鍾意就係將半熟嘅蛋汁撈埋啲意粉一齊食，可以增加卡邦尼意粉蛋香味同埋令成個意粉更Creamy。煙肉粒冇炒到過熟或過脆。至於意粉除咗彈牙外，佢嘅份量都唔少，男仔都唔怕上到Café會唔夠飽。《安格斯牛肉手工竹炭漢堡配脆薯》好少可以食到竹炭漢堡🍔，黑蚊蚊嘅外表非常型格同吸睛，打卡一流。除咗外表吸引外，味道都幾有水準，漢堡扒非常厚身，肉質肥瘦比例均衡，咬落去彈牙而非常多肉汁，入口亦唔會過硬或散開。加上兩塊半熔嘅車打芝士🧀同埋兩大片蕃茄🍅，滿口幸福滋味。脆薯🍟應該係即叫即炸，因為上枱嘅時候都係熱辣辣，製作亦需時，夠脆亦都夠調味，整體都不錯。《400次抹茶🍵》早排大熱嘅400次咖啡就飲過幾次， 400次抹茶4️⃣0️⃣0️⃣🍵真係第一次飲，抹茶泡非常綿滑同夠厚，味道亦夠醇濃，可見老闆非常大方，加廿蚊就飲到真係抵到爆，仲唔使自己喺屋企搞餐懵。《芝士奶蓋四季春拿鐵》🧀🧀🧀芝士奶蓋都幾厚，甜中帶少少鹹，奶味比芝士味重，口感順滑，濃稠度適中，冰量剛好，唔會成杯都係冰，而四季春茶底味道就唔算太出。嚟得Café，甜品梗係唔少得！小編每次都會加購個《抹茶奶涷🍵》同埋《原味奶涷🍼》，兩個奶涷嘅表現都唔錯，夠滑溜，抹茶味/奶味都好香濃，為週末劃上完美句號～整體來講，餐廳嘅食物質素都幾高，性價比高，加上交通位置便利，所以一直都係小編嘅私心收藏。順帶一提，呢間Café養咗好多得意可愛嘅貓貓🐱😸😻，愛貓嘅奴才一定要來試試。…Read More

好耐冇同媽媽出去食飯 上網見到呢間cafe有好貓貓 媽媽又好鐘意貓貓 就去左觀塘呢間cafe試下去到門外已經見到左右有兩部鞋套機 因為內裡好多貓貓會係地面走動 呢一個保護貓貓既舉動都好貼心 當晚我地叫左個二人餐 仲加左小食同埋甜品 ❤️南瓜忌廉湯&沙律: 湯好creamy同埋好重南瓜味 沙律都好爽脆同fresh❤️小食拼盤: 全都係香口既食物 每樣都熱辣辣 尢其薯仔片好好味❤️西班牙燒烤醬烤大豬肋骨: 豬肋骨烤得好冧滑 唔會"乾爭爭" 配菜既薯蓉亦好幼滑 比較重奶味 我地都好鐘意❤️挪威煙三文魚水煮蛋黃金卡邦尼扁意粉:最最最鐘意食就係呢個 一督開個流心蛋 蛋汁同卡邦尼結合左 真係食到停唔到口原味奶凍: 就咁食已經好正 再加埋忌廉 真係好邪惡凍奶茶: 奶味比較重 偏向我鐘意既港式奶茶食完之後我地都同d貓貓玩多左半個鐘先走…Read More

抗疫之餘，都要保持適當的社交活動。今晚，我就相約好友到Urban Cafe聚餐！一入門口，就看到這無字連儂牆！話明「愛二人餐的美食家」，我當然先點個$298二人套餐，另加其他小食呢！餐湯及沙律：南瓜湯混了南瓜蓉，沙律小清新，菠蘿很開胃！挪威煙三文魚水煮蛋黃金卡邦尼扁意粉：一拮即爆的水煮蛋是亮點，混了流心蛋黃的三文魚和意粉，入口更滑溜！西班牙燒烤醬烤大豬肋骨：骨肉分離，啖啖肉好好食，旁邊那大堆薯蓉很惹味、勁飽肚！滋味2人小食拼盤：套餐另加28元，即享小食拼盤一份！有齊炸雞、炸魚和炸薯三大至愛，正！吃飽後，人均消費179.3元！下次有機會，要再支持良心黃店！…Read More

今日嚟到觀塘駱駝漆工廈搵美食😋呢間主打貓貓Cafe😆同貓貓玩😍亦都係一間黃店👍🏻門口已經見到空白memo紙嘅連儂牆，cafe入面亦都有電腦播放反送中嘅圖片!喺Cafe門口我哋要著藍色嘅膠袋鞋套先可以入內~一入去就見到好多貓貓🥰可能係星期六嘅原因,Cafe大排長龍,絡繹不絕🤣我哋叫咗個二人套餐，食到好飽🙈二人套餐($298)餐湯粟米忌廉湯😍甜甜地,少少creamy💕飲落好Rich,又唔會覺得好飽肚或者濟嘅感覺👍🏻沙律蔬菜沙律，有生菜蕃茄仔等等～配有黑醋汁，酸酸甜甜幾開胃😋挪威煙三文魚水煮蛋黃金卡邦尼扁意粉煙三文魚幾新鮮，幾好味☺️卡邦尼扁意粉creamy😋意粉軟淋～白汁有浸香香嘅芝士味🥰水煮蛋黃最特別😍睇落好似一舊雲🤣外層軟軟滑滑，食落係流心蛋👍🏻西班牙燒烤醬烤大豬肋骨豬肋骨肉質新鮮👍🏻食落啖啖肉🤣而且仲有肉汁😋燒烤醬甜中帶少少酸，中和豬肋骨，而且好夾～幾高質🥰 同時配有薯蓉，軟滑而且鹹鹹地，食落都好飽肚🤣百香果蜂蜜梳打跟餐加$4，有百香果肉粒👍🏻叫左少甜都會有百香果清甜嘅味道😍同埋梳打水天然鹹鹹地嘅感覺🤣成杯嘢飲都有種refreshing嘅感覺🥰Oreo脆脆朱古力雲朵冰沙跟餐加$20，聽個名就覺得好吸引😍叫咗少甜但係仲會有好甜嘅感覺🙈表面係cream,下低係朱古力沙冰,飲落有Oreo脆脆,朱古力味好濃郁👍🏻飲完感覺好飽🤣Cafe主要嘅賣點係同貓貓玩,影相,打卡🤣貓貓都好乖，好得意～同時間餐廳嘅食物都好高質,值得一試👍🏻…Read More

URBAN Cafe觀塘開源道62號駱駝漆大廈第1座6樓之前已經幫襯過係旺角既Urban Cafe, 知道最近係觀塘都開左新店，所以趁星期六得閒即刻黎試下上到黎感覺呢到大好多闊落好多，檯與檯之間唔會太迫夾，而且牆邊一行有窗滲入自然光，感覺好舒服我地2個人黎，見到meun有2人套餐就最fit啦，有湯，沙律，小食，主菜仲有埋飲品，好抵呀 首先嚟嘅係雜菜沙律同埋南瓜忌廉湯好香嘅卡邦尼扁意粉，加埋隻溫泉蛋攪拌一齊食，特別滋味，而且份量都幾多另一個主菜就係呢個安格斯竹炭漢堡，一送到埋黎已經覺得好吸晴，好少見黑色既竹炭漢堡，原來食落都唔錯架，而漢堡入面好足料，厚厚既安格斯牛肉， 配埋芝士蕃茄同埋黑松露燒汁，真係無得頂，真心強烈推介2人套餐+$28 可以試埋呢個小食拼盤有魚寶，爆谷雞塊，脆薯，都幾抵食既， 熱辣辣食得出係即炸嘅 飲品方面，我地2個都係叫咗朱古力，感覺幾有誠意，甜度岩岩好，如果跟套餐基本上係包左一杯$38或以下既飲品，如果揀左杯係over左既，只要補返差額，好公道最後臨走見到有客人買咗貓罐頭，一班貓咪聞到味即刻出晒黎，好熱鬧呀…Read More

手足們都會認識的一間黃店-【Urban Café】最近都去左一次慰藉下。置身在一個有如家中氛圍的環境，心情才可以放輕鬆，欣賞【Urban Café】溫馨但不賣弄。主打貓貓café之外，其實佢地D野食都好高質，真心好好味，KT仲比MK更好味添。位於工廈內的餐廳，觀塘駱駝漆大廈第1座，門口也非常貼心的，在門外首先需要把鞋子穿上鞋套，而且有手部消毒機，進店後再需要酒精消毒隻手，做晒兩樣野就可以入坐啦。KT店入面有部投影器，投射咗唔貼節目喺牆上面，店內張貼文宣，大大的Mon上，播著抗爭相關片段，即係已經表左態，良心黃店。餐廳風格整體以簡單、乾淨為主，因為仲有大量貓貓，還是簡單一點較好呢。MENU，食物款式唔小，可以手機下單，好方面，又可以慢慢Order慢慢諗。👭🏻二人套餐有餐湯沙律頭盤煮食意大利飯或者面同埋飲品 $350▫️兩份是日餐湯-南瓜湯忌廉南瓜湯，用新鮮南瓜茸加忌廉整，非常creamy，而且南瓜味濃！非常真材實料！▫️兩份是日沙律，普通西餐前菜和風麻醬沙律，菜新鮮喔，偏日式的。▫️滋味二人小食拼盤加咗$28拼盤裏面包括「炸薯、炸魚寶、炸雞塊」。炸薯比較特別，係厚實多肉薯塊，好熱辣辣而且好香薯味！炸魚寶，幾乎沒有任何魚腥味，味道真是棒極了。 炸雞粒細細粒好得意、方便食用。沾醬不錯。▫️西班牙燒烤醬豬腩肉選用西班牙極黑豬腩肉，味道卻不簡單哩，多種層次的口感！烤醬豬腩肉濃甜香稠，醬汁把豐腴的腩肉裹起，口感糜爛酥化，多吃會 ... ，肥瘦相間的肉，豬腩有油脂跑出，但毫不肥膩。推介大家點這個，柔嫩口感相信好多人會愛吃，一咬落肉汁香甜四溢，肉味之香濃絕非一般的豬肉可相比。仲有賣相好好呢。▫️挪威煙三文魚水煮蛋黃金卡邦尼扁意粉意粉其實是一款變化多端，但又可以很簡單便很美味的食材；卡邦尼調味適中，蛋汁加上煙肉、蘑菇這是一個萬能的組合！ 而在茫茫意粉款式內，其中一款是我的至愛：份量蠻多的，當中挪威煙三文魚都好好食，水煮蛋穿爆的那刻好治療喔，軟糯的口感，扁意粉軟硬度適中但勝在掛汁力強，非常creamy。鍾意食白汁creamy意粉的話，會大愛。▫️ 400次抹茶🍵 加$28之前就係興起大家跟著做400次咖啡（Dalgona Coffee），個個大讚效果神奇，因為「 雲泡」爆發的真正成因，但 400次抹茶會係點呢？就係一杯賣相打卡一流的 400次抹茶！味道其實好普通，仲要加 $28，哈哈！▫️百香果蜂蜜梳打加$4百香果蘇打水是由百香果、蘇打水，蜂蜜適當組合調製而成。消暑解渴一流，又唔係好甜。$385埋單，可能【Urban Café】係香港最多貓咪的貓貓咖啡室，收養了幾十隻流浪貓及領養貓，溫暖的家就係呢度啦，有地方有野食有人照顧又有人陪貓貓玩耍。BTW呢度除咗貓貓可愛之外，食物都非常有質素咖，完全喜出望外，真心推介比YELLOW GUY呀！.貓貓 PHOTOS：D…Read More

之前有去過URBAN Cafe 係旺角的分店，覺得食物水準十分不錯。今次同友人係觀塘行街，見到佢地的新分店，就決定入去食晚餐，填飽肚肚據說觀塘分店是新裝修的，地方寬敞明亮，時尚舒適。晚市可以單叫或叫套餐。今次我同友人就叫左個2人套餐～ 首先黎左個餐湯同沙律🥗餐湯係南瓜粟米湯，南瓜味道好濃郁<滋味2人小食拼盤 加配 +$28>我們加配左一個小食拼盤，裡面有紐西蘭魚柳、雞塊同脆薯。上菜時，啲炸物外皮酥脆，熱辣辣，加埋茄汁，好食同埋無想像中咁熱氣<挪威煙三文魚水煮蛋黃金卡邦尼扁意粉>意粉好彈牙，加埋好creamy的醬汁同埋水煮蛋，賣相吸引同埋真的好好食<巴馬火腿拉斯水牛芝士手工薄餅>呢個薄餅絕對係必食之選！上菜時，因剛剛焗起，巴馬火腿同水牛芝士的香味湧埋黎，令人食指大動 鬆軟的餅皮和巴馬火腿、水牛芝士好夾，食落去沒有油膩感，令人想一食再食<Oreo 脆脆朱古力雲朵冰沙> 「雲朵冰沙」簡單啲黎講，即係有牛奶的冰沙，呢杯「Oreo 脆脆朱古力雲朵冰沙」就加埋Oreo餅碎同朱古力，口感層次豐富，相當好飲<藍糖乳酸雲朵冰沙>呢杯「藍糖乳酸雲朵冰沙」則相當特別，飲落去有點似益力多+冰沙，但無益力多咁甜，少少帶酸相當開胃總括黎講，呢間餐廳食物相當唔錯，而且裝潢寬敞舒適，要搵地方同朋友閒聊，食餐飯，係一個相當唔錯的選擇同埋總點係，呢一間餐廳係有喵星人進駐的我進餐時就有一隻貓（好似叫糯米糕）霸左半張枱 鍾意貓的朋友一定要黎呀！ P.s. 啲貓好乖，完全唔會掂你的食物…Read More

今晚同老婆黎左間位於觀塘既樓上舖 (慶幸唔係開喺最多人等嗰座)，本身旺角有分店，呢間係新開無耐的。每個客人都要著鞋套，因為入面貓主子會周圍走，為大家同貓貓既衛生著想。我地張枱有主子小休中，抱歉要整醒主子了。野食唔算貴，仲有2/4人 set dinner可以揀。百香果蜂蜜梳打，甜度適中，仲有爆珠。Urban Café 精選特調咖啡，奶味較重幾似Latte。餐湯係粟米南瓜湯，又香又濃。沙津就落左醋更健康。小食拼盤有魚柳，雞粒同薯皇。煙三文魚牛油果酸忌廉墨西哥餅，睇落好似好dry，但味道好夾一啲都唔流。煙三文魚水煮蛋卡邦尼扁意粉，忌廉味好濃烈，而且餸都幾多，麵條幾煙韌。巴馬火腿水牛芝士手工薄餅，餅底唔厚有少少脆，火腿唔算咸。隻貓成餐飯都喺我老婆到訓左………Read More