厚福公館

昨日同好友到尖沙咀逛街，lunch時去到厚福街搵吓有咩好食又想食嘅餐廳。行行吓見到一間餐廳門外貼上好多介紹美食嘅餐牌，菜式內容都好豐富，最重要可以一次享受多國美食，值得推介。進入餐廳已經覺得好特別，裝修風格好多，以中、西、日、泰為主題，同菜式都一樣  ;  店內帶有民族風、時尚型格、日式和風等，設計新穎，感覺氣氛更融洽！看看餐牌先，有多國主題既Lunch Set，我哋點咗兩個西式及泰式午餐。另外，單點食物種類選擇都好豐富，餐廳招牌菜有足料燉佛跳牆、海膽刺身三文魚籽夜光杯、龍蝦蟹肉帶子脆米龍蝦湯泡飯、法式帶子龍蝦湯沙律等等，款式真係好特別。平日中午12:00-下午3時只需點一個餐加$38就可享用自助沙律吧。水牛芝士釀大啡菇黑松露意粉   $98全碟都有菌菇香氣，除咗面層既水牛芝士釀大啡菇之外，菇味特濃，另有磨菇、香菇，仲攦上滿滿芝士融入意粉同菇類當中，意粉彈牙爽滑，散發黑松露味，香噴噴，美味可口。泰式酸辣酥炸雞扒飯    $78賣相精緻，食品也出色。酥脆既雞扒，炸至外脆內嫩，充滿肉汁，配搭酸甜醬汁，感受了泰式風味。招牌足料燉佛跳牆    (推廣價加$28升級)依個佛跳牆真係好足料又豐富，有鮑魚、花膠、螺片、冬菇和金華火腿，材料口感煙煙韌韌，有咬口，味道香濃，湯底清甜，好滋潤。炸黑松露餃招牌小食，追加推介$18兩隻。擺設精美，炸得脆脆既餃子，包著濃厚黑松露饀料，外脆內軟，沾上蛋黃醬，味道層次更提升。翡翠明珠   Lunch & Tea 特飲半價 $24。呢杯特飲好靚，色澤粉綠色，以斑蘭加椰奶混合而成，口感清新，淡淡斑蘭味，配合濃郁椰奶，清香幼滑，飮飲吓有粒粒珠，口感豐富。碼頭古力    Lunch & Tea 特飲半價 $24。特飲看落去好吸引，濃濃朱古力味道，面層嘅幼滑忌廉以及蛋卷，香甜可口。…查看更多

同朋友喺尖沙咀行街行到唔知時間，lunch time都過咗，諗住搵間餐廳嘆個下午茶，經過見個呢間餐牌都幾吸引就揀咗呢間，餐廳內裡裝修好靚，好有特色，好多打卡位，下午茶真係好抵食，加少少錢仲可以升級招牌足料燉佛跳牆同追加小食，姬松茸烏雞燉湯，呢個係跟餐嘅靚湯，估唔到餐湯都咁足料，有姬松茸﹑蟲草花同烏雞肉，味道足，不會過鹹，正！招牌足料燉佛跳牆呢個加$28就可以升級為招牌足料燉佛跳牆，有鮑魚﹑冬菇﹑花膠同金華火腿，燉得好清，但味道好濃，不會一味死鹹，花膠亦好大塊，個人認為呢個係必點！小食招牌炸黑松露餃跟餐追加$18有小食招牌炸黑松露餃，炸得很香脆，內裡黑松露味道濃郁，熱檸水煥然一新午餐或下午茶餐可以半價叫特飲，所以叫咗呢杯煥然一新都只係要加$34，佢係青瓜＆薄荷，感覺好fresh好清新，小事如杯墊都係好靚好有特色，雞油花雕蛋白蒸大頭蝦海鮮拌烏冬呢個海鮮拌烏冬係招牌推介，大頭蝦好大隻，而且蝦肉鮮甜彈牙，滑溜嘅蛋白配上雞油同花雕嘅香，再撈埋烏冬一齊食，整道菜味道非常夾，而且仲有蜆肉同青口，好豐富，香煎北海道帆立貝墨魚汁意大利飯北海道帆立貝好厚身，勁大粒，輕輕煎至金黃色，非常鮮甜，墨魚汁意大利飯軟硬適中，不會太濃味，不會過鹹，而且份量很足，好抵食，椰汁桂花糕呢個自家製甜品，賣相超級精緻，一上枱已經聞到好香嘅桂花香味，上面嘅金箔隨風飄動，打卡一流，桂花糕內裏藏著椰汁糕，晶瑩剔透，清香不會過甜，為呢一餐下午茶畫上一個完美嘅句號。…查看更多

平時去尖沙咀厚福街H8都係搭𨋢上樓上食野，原來地下有間多國菜兼蟹之專門店餐廳，而招牌菜係水晶蟹餐廳有套餐，但我同朋友驚食唔哂，所以選擇咗散叫，而當然有點水晶蟹🌟雞油花雕蛋白蒸水晶蟹伴烏冬底第一次食水晶蟹，呢隻有差唔多兩斤，真係好大隻好多蟹肉，揀咗呢隻中式煮法，花雕酒香味更加帶出到蟹肉嘅鮮甜味，食完蟹之後將蟹蓋嘅蟹膏、蟹籽、雞油倒哂落去撈墊底嘅烏冬，勁香勁有蟹嘅鮮味，而烏冬份量都好多🌟招牌足料燉佛跳牆估唔到$68有咁多料，有齊鮑魚、花膠、瘦肉、金華火腿，唔駛落味精都已經夠哂鮮甜🌟冰鎮醉活鮑魚（2隻）賣相好惦，打卡一流，打開個蓋不斷有白煙飄出黎，好迷幻，而呢兩隻鮑魚睇得又食得，充滿酒香，鹹中帶甜，食完好想encore🌟大頭蝦帶子蝦仁竹笙飛天麵終於見到呢款實物，成對筷子可以懸浮係空中，唔知點做到味道方面，啲麵炸得好脆，蝦肉新鮮爽口，個蝦頭仲有好多蝦膏，而芡汁入面有好多帶子粒同蝦仁，整得又唔油，可以放心大大啖咁同個麵一齊食🌟龍蝦汁海膽封門柳石鍋飯呢個飯冇落太多調味料，所以更加容易食到龍蝦汁本身嘅鮮味，而海膽好甜，完全冇怪味，封門柳又嫩又淋，牛味夠濃🌟翡翠明珠🌟爆趣紅豆冰同朋友每人叫咗一杯特飲，兩杯主要都係椰汁同紅豆，而翡翠明珠仲有班蘭汁，份外清香呢間啲野食整得真係幾正，我下次要約多啲朋友黎試埋其他煮法嘅水晶蟹先得…查看更多

吾search都吾知原來今日幫襯呢間厚福公館同九龍城戈間厚福館系同一集團，九龍城店系火鍋店🍲尖沙咀店系fusion菜，集合多國主題裝潢，視覺感十足🎨✿ 雜菌忌廉蘑菇湯/ 招牌足料燉佛跳牆 +$28跟餐有姬松茸鳥雞燉湯或者雜菌忌廉蘑菇湯，咁過癮有中湯又有西湯😆揀咗雜菌忌廉蘑菇湯🍄雜菌磨菇味好勁🖤忌廉香滑稠身。佛跳牆有冬菇🍄鮑魚、花膠，食材高級🤩✿ 招牌炸黑松露餃 $18炸黑松露餃套餐+$18就可以享用喇，黑松露味好濃🖤成件肉結實又feel到黑松露味☺️炸餃子脆卜卜毫不油膩。✿ 蟹肉帶子脆米龍蝦湯泡飯 $78有埋蟹肉加埋帶子呢啲高級食材都系講緊$78真系好抵👍🏼蟹肉絲佈滿白飯側邊🦀條條新鮮，帶子大粒爽口。龍蝦湯少濃🦞送飯一流🤓湯入面食到粒粒脆米感覺好新奇😆✿ 雞油花雕蛋白蒸大頭蝦海鮮伴烏冬 $118個名未免太長😹雞油加花雕蛋白系中式配搭，雞油都幾多，花雕少許吧，大頭蝦蝦肉大大件，吸埋雞油花雕系中式風味。✿ 翡翠明珠 $24跟lunch set/ tea set用半價就可以享用特飲，翡翠明珠即班蘭+椰奶💚兩樣味道都好明顯，成杯飲曬😁組合好有夏日風情🌴…查看更多