詠藜園四川菜館

詠藜園的歷史可以追溯到過去幾十年👍。詠藜園是黃大仙的一家以四川菜為主題的餐廳，提供正宗的川菜美食。詠藜園的創始人對四川菜的熱愛和烹飪技巧的追求促使他們開設了這家餐廳❤️❤️。他們希望將正宗的四川菜帶給更多的人，讓他們在香港也能品味到地道的川菜風味😊😊。詠藜園在創立初期主要提供傳統的四川菜餚，如麻婆豆腐、水煮魚、招牌擔擔麵🍜、回鍋肉等。由於其口味獨特、香辣可口，很快就贏得了眾多食客的喜愛和支持。隨著詠藜園的口碑不斷提升，更多的人開始前來品嚐他們的美食。這些滿意的食客通過口口相傳，使得詠藜園的知名度逐漸擴大。為了滿足不同食客的需求，詠藜園逐漸推出了更多創新的四川菜餚。他們在保持傳統風味的同時，注重菜品的精心製作和味道的平衡，以迎合現代人對飲食的要求😊。隨著時間的推移，詠藜園的業務不斷擴展，開設了更多的分店👍。他們的川菜美食吸引了更多食客，成為了香港一個知名的四川菜品牌❤️❤️。至今，詠藜園仍然致力於提供正宗的四川菜美食，以其獨特的口味和高品質的食材贏得了廣大食客的喜愛。無論是追求辣味的食客還是喜愛麻辣風味的人，詠藜園都能為他們帶來一場美食的享受。詠藜園的成功得益於他們對川菜傳統的堅持和不斷創新的精神，使他們成為香港四川菜餐廳中的佼佼者之一😊。🍜招牌擔擔麵：HKD$32這道擔擔麵🍜以其獨特的風味和辣度受到了食客的讚賞。麵條彈牙，湯汁濃郁，配上豐富的肉醬和花生碎，味道層次豐富。辣味的適中程度讓人回味無窮，是一道非常適合喜歡辣食的人品嚐的美食👍👍。⚡️ 好味指數：🌕🌕🌕🌕🌘🧀️  約300-500kcal 卡路里/份⚡️紅油抄手：HKD$42這款紅油抄手以其鮮美的口感和特色的紅油調味而聞名。抄手皮薄餡多，內餡鮮嫩多汁，每一口都帶來滿滿的滿足感。紅油的辣度和香氣為整道菜提供了獨特的風味，讓人愛不釋手。⚡️ 好味指數：🌕🌕🌕🌘🌘🧀️  約280kcal 卡路里/份😊小籠包：HKD$70詠藜園四川菜館的小籠包被評價為美味可口。外皮薄軟，餡料豐富，湯汁鮮美。每一口都能感受到經過精心製作的手工小籠包的美味。無論是外皮的薄厚度還是餡料的鮮美度，這道小籠包都讓人驚艷。⚡️ 好味指數：🌕🌕🌕🌕🌘🧀️  約600-800kcal 卡路里/份詠藜園四川菜館以其正宗的四川菜和獨特的口味受到了食客的喜愛😊。無論是對於喜愛辣味的招牌擔擔麵，還是喜愛口感鮮美的紅油抄手和小籠包，這裡都能滿足您的味蕾❤️❤️。如果您喜歡四川菜的風味，詠藜園四川菜館絕對是您在黃大仙的一個不容錯過的餐廳。😊😊…查看更多

我都係近期先知道原來我成日去開黃埔果間詠藜園並唔係唯一一間係黃大仙仲有另一間二間好似係大房二房既關係並唔屬於同一個集團由黃大仙廟過黎都要經過條斜路係鳳德道消防局斜對面門口就比起黃埔果間舊式中秋節假期十一點幾唔洗等位座位比想像中闊落雖然舊派但唔會好似新蒲岡手拉麵小廚咁迫夾有二人檯唔需要搭檯除左茶錢花生都要收錢人手洗碗食物種類都幾多麵都有成兩板多過黃埔好多黎詠藜園就一定係食擔擔麵既呢度一樣有改良同唔改良價錢比黃埔平一至兩成賣相就好似一樣係無肉版本麵身就比較白湯都係好濃好杰我就覺得兩間分別唔太大唯一差別可以就係個麵度呢隻麵無黃埔口感咁好小籠包就要八隻起既65蚊即係大約8蚊隻一樣係黃埔八折裡面肉汁都唔少但就未去到爆汁味道我覺得好過黃埔果隻最後仲叫左廿隻過橋水餃70蚊20隻一樣都係手工野塊皮幾好食抵食過小籠包淨係食水餃都食飽茶錢2蚊位花生5蚊碟無加一埋單176好似平過黃埔店但就完全無食過佢地d小菜淨係食左麵同點心點心唔錯擔擔麵一樣水準服務普通正常比起黃埔好係要上斜路先黎到比較麻醉下次可以試下帶廢老黎食小菜…查看更多

耐唔耐都會想食吓四川菜同上海菜，詠藜園都係其中一間出名嘅老店，都已經唔係第一次嚟食，黃大仙呢間裝修依然懷舊，聽啲長輩講食物都保留住大磡村時期的原有風味。#酥炸鳳尾魚首先叫一個開胃前菜，通常都係室溫，脆口甜甜的，都有好多條，鍾意食炸嘢可以一試。#酸辣湯鍋巴 $84好鍾意飲呢個酸辣湯，足料夠酸，鍋巴炸得通脆，沾湯食一流，好有飽肚感。#小籠包 (8個) $65每次嚟到都會食小籠包，熱辣辣，皮薄餡靚有湯汁，每隻第一啖食落去都要小心翼翼，怕爆湯汁唧出嚟，值得推介。#回鍋肉 $66腩片肥瘦適中，切得厚薄剛好，有層肥肉同椰菜炒起來夠晒鑊氣，口感爽，醬油味香，辣度適中，本身呢味餸係會比較多油。#招牌擔擔麵 $32嚟到詠藜園一定要食擔擔麵，客人可以選擇辣或唔辣，花生醬湯底濃郁，有粒粒花生碎，有咬口，麵身硬度剛好，食過一定會愛上。耐無食一段時間，便會囉囉攣有想嚟食返碗嘅衝動。#鱔糊炒粗麵平時會直接叫碟韭黃鱔糊，但今次又想食粗炒，咁不如試吓夾埋。鱔糊爽口入味，醬汁煮得杰身濃郁，配上芽菜韭黃口感有層次，粗麵炒得乾身唔多油，醬油味濃。不過鱔糊份量就始終少過叫一碟鱔糊，有啲唔夠喉。#酥炸大腸 $80因為想食所以無睇餐牌就直接叫炸大腸，嚟到就唔係想象中傳統嗰隻，佢沾咗脆漿炸，醬汁用咗泰式雞汁，而唔係糖醋汁，同心目中想食傳統嗰隻有啲落差。望返個餐牌，其實佢係寫住酥炸大腸，可能根本就唔係一樣。#詠藜園四川菜館地址：黃大仙鳳德道15-17號地下電話：27263818…查看更多

好耐冇同屋企人出去食飯喇，今日趁住假期同老公阿仔去到黃大仙嘅詠藜園食番餐，順便出街唞唞氣。本以為疫情下去餐廳食嘢嘅人唔多，誰不知今日嘅餐廳係爆嘅，我哋攞到嘅係最後一張枱。老公同我都要咗碗擔擔麵，阿仔就要咗碗川辣麵，其餘仲嗌咗一籠八個嘅小籠包，一碟鎮江肴肉同埋紅油抄手。詠藜園唔係第一次幫襯，佢哋嘅食物一向保持水準，小籠包上枱時熱辣辣，每次都要小心食佢，避免被燙到。鎮江肴肉係老公嘅至愛，逢親食上海菜必定點佢。至於我鍾意嘅紅油抄手，味道調校得啱啱好，大大粒嘅抄手食到我哋好飽。三個人食咁多嘢埋單都唔使三百蚊，真係物有所值！👍…查看更多

Was supposed to eat lunch in 石門 but was captivated by the store front’s dishes and had to try their authentic Sichuan dishes. The staff was very friendly and this waiter even helped introduce what was good and popular for us as we wanted to try the best. We waited quite some time for the food, the cold dishes was out first but we wanted to eat all of them together so waited for the hot foods as well. Around 10-15 minute wait for the food, having said that, there were a lot of people. 招牌擔擔麵 (signature dan dan noodles) $31 Very slurpy noodles with a chewy texture. The noodles are thin and hangs onto the soup very well. Although it was not too spicy (we ordered original spiciness) with a little heat that disappears quite fast. If you enjoy spicy food I recommend asking for more spice. The soup is a traditional peanut based sauce that when drank individually is quite spicy and warms your body. The portion is of a small main dish which is perfect for single comers as they can enjoy this and a plate of their cold or side dishes. Even better for 2 or more people as everyone can try a spoonful of noodles and soup and their other various dishes too. We both eat 2 serving bowls of this so it was very generous. Personally, this noodle was only decent in my opinion and not memorable at all. I definitely recommend trying their other dishes instead, unless you really like Dan Dan noodles. But it was worth a try coming from a authentic Sichuan restaurant. 過橋水餃 (steamed dumplings with sweet and spicy soy sauce) $38The dumpling wrapper is very thick at the seam but perfectly portioned for the filling. You could tell the dumplings were hand wrapped and you could taste the love that was in them too. Although the dough is quite thick, it is chewy and cooked perfectly so I do not mind eating it with the sauce on its own 😝. My mother didn’t enjoy the thick dough but I think it gives it a rustic home-made style and flavor that is hard to find nowadays. When dipped into the soy sauce with chilli oil, the flavor of the filling is enhanced and brings the taste and texture to another level thanks to the silky chili oil. The combination is just perfect. I definitely recommend this dish if you are a dumpling lover or if you are looking for a good main dish. The portion is quite enough to be a main meal as there are 10 pieces and each is worth about 2 full bites 😛. 鎮江肴肉 (cold pig knuckle jello) $38 Ordered this because every other table also has this and the staff said this was very popular. Very appetizing starter when dipped with the vinegar they serve with. The texture is hard but tender, the meat is very soft and melty and the collagen/ skin is very flavorful and refreshing. This was quite a cool experience 😆 as I’ve never tried something this authentic and made me really happy. The portion is also quite large with 8 pieces that’s worth 2-3 bite each. Can be shared between 2 people or even by yourself with a plate of dumplings or noodles. 豆漿 $6 Display was very captivating and welcoming so we tried one, very very sweet, way too sweet for me who don’t really enjoy sweets and also sweet for my mother who enjoys sweet things. But very creamy and silky mouth feel. Recommend if you enjoy sweet soy milk. Portion is of a glass and it is filled to the brim which is good and worth the money. Overall, I really liked the authenticity and environment this restaurant has and definitely recommend coming here for some Sichuan dishes that is rare to find such as 螞蟻上樹 ，菜心獅子頭，酸菜煮魚塊松子黃魚，紅油抄手等等. The waiter also said their 生煎包，小籠包，脆皮素鵝 were popular but we were only 2 people 🥲😅. But I am definitely coming back here to try their other cold dishes and will also post another review too! …查看更多

招牌擔擔麵❤️依個招牌擔擔麵真係十分正😙濃濃花生醬加長花生粒再配上小辣嘅湯底幼麵仲好易掛汁推薦大家黎食啊📍詠藜園用餐價錢:以下評分，五💛為最高味道:💛💛💛賣相：💛💛💛環境：💛💛💛價錢：💛💛…查看更多

還記得第一次幫襯係大磡村年代的詠藜園、每次一有機會嚟黃大仙附近梗會找個藉口入嚟食返碗擔擔麵、撐小店有人情味、出品保持10年如一日。～ 招牌擔擔麵麵條彈牙冇鹼水味、湯底應該係用豬骨湯底、味濃足料、簡簡單單冇得輸、足見打面同煮麵師傅嘅功力～ 雞絲湯麵可以、不過唔係我杯茶～ 燻魚絕對係每次去餐廳吃上海菜必點之一。喜歡呢到保持老上海式做法、喜歡食熏魚嘅朋友一定要試一試、要知道做好燻魚嘅功夫一啲都唔小、賣 $44 碟真係感恩。小店雖然年紀唔輕、裝潢有點陳舊、員工服務有時會粗枝大葉、餸菜出品大盤大砵、不過這些可能都係每次讓你懷念嘅人情味小店。…查看更多

屋企人提議食呢間川菜館，知道都幾出名幾多人食，因為當日係紅日，所以已經一早六點就到咗，但係門口已經好多人等緊，我地大約等九張枱左右，好彩等咗大約二十分鐘就入到去。一坐埋位職員就問我地洗唔洗要個雲吞雞先，話要煮定，咁我地就照要咗半隻。湯都幾鮮甜，入面既雞好大隻，夠我地幾個分啱啱好，不過食落去就覺得有啲乾身。招牌擔擔麵($29)，我自己無食到，不過屋企人話都好味，個湯幾濃瑤柱蛋白炒飯($70)，食落去有啲太乾身，覺得普通麻婆豆腐($55)，呢個食落去真係幾香，惹味得嚟唔會太辣，幾鍾意乾煸四季豆($58)，好香好惹味牛筋腩煲($82)，幾香，牛筋好爽口，不過牛腩就有小小「銀」…查看更多

詠藜園經常係美食推薦到見到，首當其衝就一定係佢招牌擔擔麵，對京川菜頗感興趣既我想試左好耐！十二點幾到左，當時客人都未算多，但慢慢客流增加，不變既係每台都差唔多會叫招牌擔擔麵我特登為左佢而來，好期待！招牌擔擔麵叫左小辣但完全無辣味，唔叫辣可能仲無咁油添！食落完全食唔出有咩特別，麵質軟淋，個人偏向有口感既麵質，所以佢對我黎講淋左些少，失望。但可能係幼麵，質地滑，好易入口。湯底稠身、聞到香既花生味，但食落就無花生味，麵條淨係有少少鹹鹹地，唔知點解咁出名可能我抱太大期望，所以失望啦！雖然價錢平，但份量都相對少。醉豬手一放落黎，酒味係扑鼻而來，好濃酒香。不嬲對哩種似肥膏既食物無興趣，但係同伴建議下試左一舊，估唔到又唔差喎！食落豬皮彈牙，膠質好足，唔油膩之餘仲好似食緊骨膠原咁。不過就無咩肉，哩個正常既，但係聞到既酒香依然食唔出酒味，同埋偏鹹，我食一舊都覺得鹹。小籠包好似去到邊都想嗌，但真正好食既，真係好難揾即叫即蒸，等既時間較長，出到黎冒住煙，好似好吸引。食落就普通到一個點。皮唔厚，都算薄既；夾住都唔會穿，唔係因為佢皮整得啱啱好，只係因為入面淨係得個肉餡，可以講係完全無湯可言，似係食緊一塊皮同一舊肉，無湯令我感受唔到我係食緊小籠包。仔細睇有見到蒸籠上面有湯汁以為好juicy，原因只係我諗多左食完好似仲未夠飽，可能味道一般，唔滿足掛，就叫多左個酸辣湯鍋巴。哩個份量就好足。酸辣湯一筆起都見到唔少配料，木耳絲、粉絲、豆乾、豬皮同蛋絲，口感豐富，酸辣湯味道適中，唔酸唔辣，都唔太油，其實算接受到，但唔會係好好飲，味蕾無被衝擊到。鍋巴好似平時食開既米通，好脆口，本身我都唔太想試，但係食左一舊發覺同酸辣湯一齊食又幾夾，沾左湯之後即食，有湯既小小酸而鍋巴仲脆，幾過癮，但始終係炸既，我都唔太敢食咁多。不過，米通唔會食落成口油，可取價錢同份量黎講，算係性價比高，但味道真係同想像既有落差，點解咁多人話好食既？唔係太有要求既話，都有啲菜式可以試既，未至於入唔到口，幾多分我就唔知點比，但就應該唔會再去食囉～…查看更多

「詠藜園」是多年前和一位好友的共同回憶依家佢嫁了去外國了...今次想黎回味一番星期日的下午...試過幾次假日Lunch時間黎超多人門口等位其實對於黃大仙區街坊食肆黎講都算誇張咦...今次1:30黎到唔洗等位就坐得不過店內已經差不多坐滿人了人數：2位地點：黃大仙站A出口，斜路向上步行約5分鐘Walk in：食飯時間好多人，肚餓想即刻食就試下避開繁忙時間環境：大大間，打通兩個舖位，室內呈U型服務：做開街坊生意，店員有親切感，又快手食物：2個麵食、1份小食注意：需要俾茶價每位＄2、花生一碟＄5唔好睇少客花生，花生外面是有咸香的蛋黃炒過，脆脆香香，正！招牌擔擔麵 $29雖然有改良擔擔麵，不過要試梗係要試招牌啦有店長俾「LIKE」喎味道無論湯底定麵質？！非常好味，加上辣辣地，所有味道配搭得好好招牌菜實至名歸價錢都係＄29咋唯一係細碗左少少一個女仔Lunch唔夠飽不過價錢是絕對合理四川川辣麵 $29另一款店長俾「LIKE」麵＋酸菜...+黑色的湯底複雜的味道我未試過親身去到四川食過不過覺得呢碗一定跟到傳統好有風味唔錯的紅油抄手(八隻) $34唔似一般好紅噹噹既賣相加了花生醬淡了色不過我覺得好好食張開最大的口一啖食哂一隻好滿足八隻咁多喎加上個麵打底兩個人食都飽哂了…查看更多

黄大仙呢間四川菜館都算幾出名，每次經過都見到有人排隊，幾旺場，所以今晚決定一試兩個人星期一晚，七點半入到去，已經九成滿座，好多一家大細一圍枱食飯。半隻花雕醉雞雞肉好嫩滑，淡淡花雕酒味，份量唔多，所以兩個人好快食曬招牌擔擔麵麵啱啱好，唔會過腍，花生味偏淡啲，個湯都幾辣下 。以$29呢個價錢，抵食，唔錯之選糖醋斑塊類似咕嚕肉既味道相近，無乜驚喜之作炸銀絲卷呢個我幾鐘意，點完之後，厨房即新鮮炸出黎。里頭軟熟，點練奶好好食。$19唔算平架，但幾好食凍豆漿$6杯，見幾抵飲，叫左杯試下。一早用膠杯倒好，放係雪櫃，有客叫就直接攞比你。一黎比較細杯，二黎味道好普通，無乜豆味，比較淡總括而言，價錢親民，食物唔差，但勿期貨過高。可能我期望太高，有啲失望。…查看更多

香港的老店可謂買少見少了，剩下來的都水準十足，而這間應該算是上海菜中的經典之選，曾經來過別多次晚餐，不過午餐時段光顧都是頭一次。店面維持經典裝潢貼滿食物相片的外牆每次都令人流晒口水店內都有很多圖片供參考晚市的話幾乎都座無虛席，午市的位置就比較鬆動午市還可以以優惠價吃到精選前菜所以就先選了這個[素烤夫] peachy.foodie rating: ✮✮✮✮☆(4/5)雖然是午市特價，不過份量都無縮水大熟天時，就最適合吃知冷盤，主角烤夫保持著濕潤，口感和味道都一流；配搭我最喜歡的雲耳，一個軟腍腍一個爽口，一起吃時層次有致[麻婆豆腐飯套餐] peachy.foodie rating: ✮✮✮☆☆(3/5)外表靚仔豆腐，內涵一樣Okay！豆腐粒粒保持著完整，沒有在炒的過程中散開，配上少少辣的獨有醬汁，再加上肉碎，是「送飯」的王道！ 隨套餐奉送的是日例湯，十分足料，有下火的霸王花！沒有味精味道！另外還點了[招牌擔擔麵] peachy.foodie rating: ✮✮✮✮✮(5/5)維持著一貫的高水準！麵條彈牙有咬口，湯底極之濃郁，每一啖都洋溢著花生的香味，亦有不少的花生碎，營造成有層次的口感，無得彈。整體而言，兩個人的午餐吃得十分豐富，滿足！既美味，價格又親民 …查看更多

真係好好食 !!! 又平又正 !!!咖哩魷魚 - 呢個係凍盤，咖哩好香 !!! 感覺熱既話可以送幾碗飯醉豬手 - 無食到 俾人食晒 唔知咩味牛肉湯麵 - 牛肉好入味麻辣擔擔麵 - 呢個好好食 !!! 夠麻辣 !!! 越食越想食，d麵又夠幼，每啖都充滿麻辣味。招牌擔擔麵 - 又係超好食 !!! d麻醬超香 !!! 又係 d麵夠幼，每啖都沾滿湯汁 !!! 好正 !! 榨菜肉絲湯麵 - 呢個就普普通通 不過呢個價錢算好大碗好足料好抵食 !! 紅油抄手 - 有別於其他餐廳，佢加咗麻醬！！ 而且係好好食既麻醬 又香又滑。辣就唔係好辣，但 d陷好 juicy !!!!! 今餐最愛係佢 !!!蔥爆羊肉 - 肉嫩 炒得好香 但鹹咗少少…查看更多

這裡的招牌擔擔麵$26成日都令我回味，麵質結實彈牙，幼麵掛湯一流，花生醬味和辣汁做得好平衡，唔食一排就會好懷念這個味道！五香牛湯麵$30，都是擔擔麵的麵質，湯底好清甜，好香牛肉味，牛炆得好林。素菜餃(6隻)$42，以蒸籠上，但餃子味道整體麻麻，裡面偏乾，是健康的味道。…查看更多

早兩年前，曾經在詠黎園攪過飯局，可是由於店內位子不多，只能找幾個好友去食飯。午間有點事跑過來，一個人只點了鮮肉小籠包及招牌擔擔麵。鮮肉小籠包是即叫即蒸，誠意十足，包內肉汁比預期少，而豬肉偏結實，而包皮在滬式包點中可說是薄的了，只是一般水準。招牌擔擔麵夠香口，白麵條掛湯能力不錯，吃起來滿咀芝麻醬香味，好吃；詠黎園還是麵好。…查看更多