樂天經典 (奧海城二期)

之前一直以為樂天呢個品牌淨係出名食小籠包😮 原來喺奧海城嘅呢間樂天經典係主打南洋嘅中菜 呢晚就嚟咗食啦😗招牌扣肉包呢個小食喺餐牌上面嘅圖片係製成品 扣肉同生菜已經俾個包夾住 但係原來實際係分開上嘅🐷 扣肉炆得好香口 配上生菜就可以冇咁油膩 鍾意食肥豬肉嘅朋友就啱晒啦😻香酥南乳五花肉呢個五花肉真係好驚喜 五花肉肥瘦均勻🥰 外層炸得好香口 加上呢個切法有少少豬頸肉嘅感覺 不過口感上比豬頸肉更多油香😎揚州炒飯（小）呢度嘅粉麵有三個份量可以選擇 兩個人唔食得咁多 所以就叫咗小😮 但係份量都絕對好足夠 炒飯粒粒分明 有好多蛋絲同蝦仁配料🦐泰式海鮮炒米粉（小）估唔到連泰式炒粉都有得食 呢碟嘅蝦仁比炒飯入面嘅更大粒 加上有少少辣 好惹味 幾喜歡呢個味道☺️三色桂花班蘭糕第一次食椰汁 班蘭 桂花 三樣mix埋一齊嘅糕點 估唔到又幾特別喎😂 食到椰香 又有桂花清香 最後仲有班蘭嘅味 加上價錢上都好抵食 幾推介😉呢間餐廳真係唔錯 喺傳統中菜館之中有少少變奏同特色 幾推薦大家嚟試吓😛…查看更多

今日又去左大角咀搵朋友食晚飯～😋招牌扣肉包（$32/件）扣肉好厚切，夠入味又夠淋，連埋生菜同刈包一齊食，完全唔會覺得油膩🤤黃金鹹蛋蝦球（$168）蝦球彈牙又大隻，由滿滿嘅鹹蛋粒同鹹蛋漿包住，每啖都充滿鹹蛋，好邪惡😈薑蔥牛肉（$128）牛肉煮得好淋🥩，有好多薑蔥，味道比較濃，同白飯一齊食會好啲🍚海鮮米線（$78）呢碗米線配料都幾豐富，有魚、蝦、蟹柳、紫菜、豆腐、仲有唔少蔬菜🍅🥬，湯底清淡但有鮮味，食完濃味嘢食就岩晒。…查看更多

今晚喺奧海城睇完戲, 去咗 ❥⧽樂天經典 ❥⧽ 食晚飯。餐廳主打新加坡式中菜, 有空間感, 座位坐得好舒服, 大部分菜式都可以揀大, 中, 細份量, 人少少都唔怕食唔曬。𓊈酸甜生魚片 $𝟙𝟙𝟚𓊉生魚片外層嘅炸粉好薄, 裡面啖啖肉, 仲要夠鮮嫩, 醬汁酸酸甜甜好開胃, 連同菠蘿, 紫洋蔥等等配料食到一件不漏。𓊈手剁鹹蛋馬蹄蒸肉餅 $𝟠𝟘𓊉極力推介呢個蒸肉餅, 好好食! 肉餅好粉嫩, 蒸得好嫩滑, 連埋馬蹄一齊食, 口感好好, 而鹹蛋絕對係畫龍點睛, 令到個肉餅更添鹹香味。𓊈海鮮皇炒飯 $𝟡𝟠𓊉炒飯有蝦仁, 帶子, 炒蛋同蟹籽, 份量都幾多, 每一啖都有配料餸飯, 好正, 而且炒得好有鑊氣, 粒粒分明, 蝦仁同帶子都好爽滑彈牙, 而蟹籽令個炒飯更有層次同口感。𓊈招牌扣肉包 $𝟛𝟚𓊉扣肉同包係分開上枱㗎, 自己夾就唔會令到個包淋曬。扣肉肥瘦適中, 中間塊生菜可以中和咗油膩感。✧✧ 整體嘢食好好食, 環境幾舒服, 去奧海城係絕對可以試吓呢間餐廳的。…查看更多

成日見人出post食樂天小籠包，連胃妹都叫大胃食吓，但始終一次都冇食過大角咀呢間樂天，竟然係食星洲美食，又幾得意喎入去開壺香片，坐定定等食先唔知蝦棗係咩，以為係蝦仁鑲嵌喺紅棗入面原來係豬肉蓉同蝦蓉溝埋，再炸到金脆食落口感似炸牛肉球，回頭率極高一直唔太喜歡老鼠粉嗰種粉粉地嘅質感，不過見幾多好評，就試吓真係令大胃刮胃相看，老鼠粉超彈牙，撈勻湯底同生蛋，唔會好鹹，好溫和加少少柑桔汁，唔帶酸味，反而有種清香盪氣蒸魚係好平凡，但加上古法二字，就忍唔住一試。黄花魚肉質嫩滑，滑到夾唔起，要用匙羹幫手，簡單調味突顯魚嘅鮮香好耐冇食夾饃，仲要係包住扣肉，唔怕肥嘅大胃自然會嗌夾包蒸得好綿，自己將塊肉夾入去，夾埋塊生菜，肉香滿滿但又中和油膩三色桂花班蘭糕聞所未聞，但睇個樣就知，係好花功夫嘅甜品，賣相出眾，味道真係有三種層次，同時又溝得埋，神級…查看更多

早幾日約左兩個朋友睇戲，睇戲之前諗住先填飽個肚，咁岩見到呢間樂天經典。佢主打南洋風既新式中菜，聽落好特別，所以就決定試下！由最好食個個講起，就係呢個黃金鹹蛋蝦球啦！呢一兩年鹹蛋興起，好似咩野食都中意加下鹹蛋咁，但就好少整得好食。呢個黃金鹹蛋蝦球真係整得鹹、香、酥，好濃鹹蛋味之餘，又仲食到蝦既鮮味同彈性，係我最滿意既一道菜。呢個蝦醬雞翼都非常好食，蝦醬味唔算太重，但好香口，雞翼亦好脆，而且份量話就話係「小」，但都有好多隻！海蜇頭係前菜，爽口，好開胃。鐵板豆腐嫩滑，下面鋪左層薄蛋餅，幾特別。扣肉包係我朋友嗌的，佢話好食，但如果舊肉肥肉既部分再多少少會更好XD最後係呢個老鼠粉煲，份量真係大到嚇親我！我地三個女仔知自己細食，已經特登嗌左「小」（佢仲有「中」／「大」可以揀），但都係食唔哂！！女仔黎計既話，佢至少有四人份量裡面除左老鼠粉之外，仲有好多料——蝦、鹹魚、蛋……等等。呢個老鼠粉煲都幾好食，不過因為食落偏鹹，所以會比較容易「漏」，真係至少有三四個人先好嗌呢道菜呀！…查看更多

為左多拉A夢特登過黎㗎！個展覽都幾得意平日夜晚無乜人先影到靚相👍影完靚相揀左南洋菜黎醫肚，點知有驚喜！餐前小食，有花生同栗子味道不錯一人一個是日燉湯今日係藥材走地雞湯好好味！飲得出甘甘甜甜嘅藥材，仲有不少湯渣食！招牌扣肉包可以揀兩件👍自己將腩肉連生菜夾入軟包食落又不覺膩喎！四大天王呢個菜好特別，直頭覺得要屋企都學起來食蔬菜好多時都比較單調但呢度菜好惹味，而且當中蔬菜嘅選擇都好多，非常好味！👍👍👍古法老鼠粉呢度菜都幾特別，上菜時侍應會在面前混入鹹魚味嘅醬令老鼠粉每啖也帶有鹹香但食味卻是檸鮮味？！幾有新鮮感😂新加坡都好興食蟹所以我地都叫左隻胡椒蟹做主菜特登問左會不會好辣，侍應介紹，香甜少辣胡椒蟹好好味！肉蟹完全無呃秤，胡椒醬椒香不辣，蟹肉也入晒味！👍👍👍兩個人食，剛剛好！今晚南洋晚餐，非常滿意！我最喜歡係呢度嘅菜式可以選擇大中小各適其式，多人晚餐，又或兩小口來撐枱腳也不會浪費，非常非常好👍👍👍…查看更多

之前就經常聽到媽媽對這間餐廳讚口不絕，今次終於有機會來吃晚飯啦！前菜小吃是一碗非常軟稔入味的花生和栗子，好吃到我們很快就把它吃光光了！首先當然要點他們的招牌扣肉包啦！需要自己組件，就把扣肉放在生菜和包上⋯五花腩扣肉肥瘦均勻，而且烹調的非常鬆化，濃郁又入味！ 放在熱辣辣又鬆軟微甜的包上，再加一片生菜，吃完一整個都不會覺得油膩啊！被高度讚揚的第二款菜式就是這個菜香鐵板豆腐啦！放在鐵板上的菜香豆腐熱辣辣，發出滋滋的聲音非常吸引！豆腐上面鋪著滿滿由菜心、冬菇、榨菜、肉碎組成的特製醬汁，微辣而且非常惹味！ 豆腐外皮香脆，內裡滑溜溜，配上菜香醬汁，是個送飯首選啊！ 豆腐下面有一層薄薄的蛋皮，防止豆腐燒燶之餘，還很好吃呢！雖說老鼠粉的名字有點可怕 哈哈，但個人挺喜歡銀針粉這種懷舊料理，當然就不能錯過這個古早魚香老鼠粉啦！一整個砂鍋送來的時候嚇了一跳，原來小鍋已經很大鍋了 哈哈。鍋裡的材料相當豐富，除了銀針粉外，還有鮮雞蛋、超爽口的鮮蝦、鹹魚碎和椰菜花等等。 經店員推存下，我們就決定把整碗檸檬鹹魚汁加入拌勻，果然，味道變的更加出色，咸香惹味 ！ 吃一口滑溜溜的老鼠粉，再喝一口濃郁的湯汁，真的是滿滿的南洋風味啊⋯是晚的重點 — 黃金焗螃蟹終於要來了！從遠處已經聞到鹹蛋黃的味道，讓我們都垂涎欲滴！約莫1.2斤的螃蟹比想像中要大呢，蟹身、蟹拑和蟹腳都非常厚肉，份量十足！ 而極之邪惡的鹹蛋黃醬和蛋黃碎佈滿了整隻蟹，濃濃的鹹香滲入了蟹肉中，邪惡又滋味！ 大部份蟹殼事先被敲碎，非常輕易的就吃到大大啖肉，肉質鮮甜，配上金黃鹹蛋黃，簡直是一流的享受！…查看更多

今次已經係第3次嚟樂天經典食晚飯，之前叫樂天客棧，唔知點解要改名?我好鍾意食中菜，哩度啲菜式中式得嚟又有啲特別，而且環境舒適，枱與枱嘅距離唔會太迫，坐得好舒服。今餐食咗每次嚟都必食嘅冰鎮苦瓜，味道甘甘哋，再滴埋桂花蜜一齊食，有一種很清新嘅感覺，而且好似飲緊台灣嘅蜜蜂苦瓜汁。食中餐又點少得飲湯?今次飲嘅螺頭湯無上次咁濃，但味道仍然唔錯，同埋每次我一起身想畢湯嘅時候，侍應們都好主動過嚟幫我畢湯，抵讚!芥末蝦蝦今次第一次食，味道同預期一樣，就是芥末蜜糖醬炒蝦球，味道OK。扣肉包其實就是類似台灣的刈包，麵包軟綿綿的，扣肉甜甜哋咸咸哋，幾好味。四大天王(包括茄子、豆角、秋葵、荷蘭豆)我開頭以為係涼拌，點知原來係熱，醬汁濃咗dd，如果味道淡少少更好。酥炸豬肉蝦棗，一咬落去外層炸得好鬆化，豬肉同蝦肉打得好扎實，而且食落應該係有啲芋頭喺裡面，真係幾好味。每次嚟哩度食都唔會失望，保持到水準!…查看更多

旺角鬧市地帶，一直都知道逢中午或晚上繁忙時間，要搵位泊車真的難過登天。原本約了朋友晚上去吃餐好的，而且幸運地今天不用遲收工，但偏偏就在最繁忙的晚餐時段，大概7點至7點半左右的時間在旺角真的很難幸運地泊到車。所以轉戰去了奧海城覓食。逛逛商場，看到了一間中式菜餚的餐廳「樂天經典」，心想是不是就是「樂天皇朝」的分支呢？在門口望多兩望餐牌，朋友又網上查查，原來真係樂天王朝集團旗下的一間南洋風味中菜。那...一定有保證吧！而我倆對南洋菜同食材產生好奇所以就決定一試侍應先安排我們坐卡位，闊落又舒服，圓枱方枱齊備,眼望人流都挺多的，裝潢跟「樂天皇朝」有所出入，因為「樂天經典」感覺氣派一點，沒有「樂天皇朝」那種時尚風。餐廳面積亦比想像中大，為什麼是想像中呢？因為相對性門口其實挺細的！侍應先給我們端來愛喝的普洱，用了閃亮亮的懷舊銅壼，非常耀眼！而且同時送上糖漬栗子及憫煮過既花生作為開胃小吃...喜歡栗子那種少甜的味道👀前菜$15而茶芥每位是$7餐牌款式真的非常豐富，正如「樂天經典」的名字一樣，樣樣夠經典，平時好少見到！菜品烹飪方式就包含了一些泰國、印尼、馬來西亞和新加坡的特色再演變做中式菜。可見每一道菜都吸引，心大又心細...最終點了幾款！🍴南洋美食之旅開始啦...最快來到的是蒜香紅海蜇頭＄75這道爽脆帶點少香辣又再帶點蒜香的紅海蜇頭，可更是配飯前小吃的絕佳『良伴』！蜇頭非常大件食落又爽口，肉質較海蜇厚我們再加上酸甜的汁，好易亦都好快就食完了，前菜一流！呢度菜式可以自由選擇大中小份量非常欣賞，啱晒不同人的需要。好像我不吃招牌扣肉包的，但朋友非常想吃就點了一個...招牌扣肉包$22/個上枱時已經好邪惡，不過眼見扣肉就不算太肥膩，入面有紅燒扣肉、少量芫荽少量生菜再外面用麵包夾實。五花腩即扣肉未至入口溶化，但真係濃味既，五花腩在的心中是非常難烹調的，要做到鬆化又入味絕對係考廚師的功架！呢度相當不錯的，朋友更說扣肉好多肉汁而麵包又夠鬆軟暖笠笠，叫我都試一試。試過後確實比想像中沒有太多的油膩感。不錯！苦瓜炒蛋 $63其實識我的都知道我不吃苦瓜的，因為因為因為.....太苦了我朋友想食之餘連侍應都推介，那我只好試試這樣家常菜的味道吧賣相上還好，沒有太多的苦瓜的甘味...只帶點點甘味溶入蛋香次中...十分出色，可能蛋香味更濃，與苦瓜甘香甜味相輔相成。仲有兩個主菜一個甜品！雲耳蒸鱸魚片 $108呢一道菜！持住中菜嘅傳統,但驚喜十足，用舌頭輕輕一推，鱸魚片滑到一片一片咁分離！因為海水生態養殖的鱸魚白玉般的魚肉細緻滑順，而雲耳有很高的營養價值， 含人體所需8種重要胺基酸、維他命和膠質，經過蒸煮後仍然爽脆香甜。主要都係簡單用咗冬菇、雲耳、金針、同埋紅棗去蒸，加咗少少豉油汁，鱸魚嘅鮮味出晒嚟。最後一個主菜係........古早魚香老鼠粉煲-小($108)老鼠粉即係平時食到既銀針粉因為個樣一模一樣的，質感亦都好似，長長少彎彎，老鼠粉熱辣辣到左，侍應將隔離既醬汁倒入再攪...出現蛋絲, 而銀針粉慢慢掛左在較杰既湯旁邊，其實好甜，同埋落中左雞蛋、鮮蝦、青蔥 同 椰菜花再搞搞搞...老鼠粉入面有菜脯粒、蝦、菜花、肉碎、 菜花、 冬菇粒、好食之餘，吃到尾仲夠熱。呢度個湯底都好鮮甜，最重要份量多！！！最後個個招牌甜品甜品必食吧！三色桂花班蘭糕 $38新嘅元素進現，三色桂花班蘭糕入面三層係..桂花糕、班蘭糕同椰汁糕而成！共有三層！食落同望落都好清新，一口咬，三層不同的口感和味道交織在一起－桂花糕入面有杞子、桂花跟啫喱有點像樣－班蘭糕晶瑩剔透聞到陣陣椰漿和班蘭葉混合的清香－椰汁糕既椰奶味重口感是一個果凍...分開咬就每樣味道都有不同感覺，好睇又好食絕對可以是招牌推介之一。我們是打包了少量東西，因為結終不想浪費食物啊！留起明天帶飯也好...試了「樂天經典」的南洋風味菜餚...其實每樣都是非常特別，但感覺又像家常味道，可能每一道菜品也帶著平民、用心去令這種風味變得更加讓各個家庭或顧客感受到港式家庭中菜一樣...【易接受・合心意・又好味・】…查看更多

老爸老媽去了旅行，回港特地約了他們去樂天經典，一家人好好的食番餐。我們各就各位，七點約定港鐵奧運站集合。樂天經典我從未吃過，見網上及朋友口碑都不錯，所以蠻有信心的一早book定枱，一嚐這間以蟹@誘惑作招徠嘅食府。一進場我已經心服口服了，服務員笑臉迎人，整體環境優雅舒適，一坐下已經可以一睹樂天這個銅製茶壺，明亮的餐具排放整齊，餐前小點亦非常骨子，一切都是賞心悅目呢:)天氣咁熱，冰鎮苦瓜係大熱之選，特別在桂花蜜糖，桂花香蜜糖甜，令爽脆的涼瓜生色不少，大讚呀👍非常文藝的名字，白玉即是豆腐，可以想像清淡的豆腐配合鮮甜的蝦膠，還有紅蘿蔔粒，馬蹄粒，木耳碎等，確係非常巧手的一道菜，味覺多重享受，咬落香口又清新舒爽，絕不油膩，老幼皆宜招牌扣肉包， 懂得烹調的，都知道扣肉是一道費時烹調的心機菜，不帶肥油便沒有肉香，愛他的大愛，戒口怕膩的定會被嚇壞，這一點食店非常體貼，扣肉包可以逐件下單，稱得上是招牌，味道毋庸置疑，好味菜如其名，龍虎燴集合了原隻肉蟹，海蝦，鮮魚肉，鮮魷，白蜆，所有海上鮮味共冶一爐，加埋米線索盡所有精華，食材既新鮮又豐富，好味到不得了，我們不斷地吸啜手指，各人都吃得津津有味，一輪美食，牒牒精彩，再度品嚐清香的熱茶，店員更週到的奉上一壺熱水，坐著傾著，倆老顯得非常滿意，再次問我餐廳的名字，我說：《樂天經典》…查看更多

食肆主打南洋菜式，裝潢簡約整潔，座位寛敝舒適，服務也很好，而且部分菜式還有大中小份量可供選擇，真的很細心。茶芥每位$8，小食一碟$15，滷水花生和粟子都很腍很好味，收費合理。藥材燉走地雞湯 藥材燉湯很足料，雞湯很鮮味，藥材味也很濃郁，份量也不少，共有六至七碗湯，燉湯後的雞肉仍然很嫩滑。招牌扣肉包 肥瘦相間的扣肉炆得很鬆化和入味，吃時不會覺得很肥膩；帶少少甜的包熱辣辣又很軟身。這道菜色雖然有點邪惡，但都值得一試。花雕雞油蒸蟹 蟹比想像中大，蟹箝很大隻，蟹肉很鮮甜而且有蟹膏。花雕味剛剛好，只需$348就能吃到一隻高質素的蟹，真的很划算，極力推薦。黃金焗蟹 端上桌時已聞到濃郁的黃金香味，蟹表面都沾滿鹹蛋黃，蟹肉很鮮甜又吃到鹹蛋黃的咸香。只需$348就能吃到一隻超大隻的黃金焗蟹，真的很划算。金銀蛋浸莧菜(小) 雖然賣相普通，但味道不錯，有很多皮蛋、鹹蛋、雞蛋和肉碎，非常足料。酸柑香茅凍 賣相很漂亮，很濃香茅味，還有蘭香子、薄荷葉和柑桔仔，甜度也剛剛好，感覺很清新涼快。三色桂花班蘭糕 甜度適中，一次過吃到三種不同味道的甜品，很是特別。…查看更多

相信唔少人，一大班朋友，都會去餐廳叫餸食飯，不坊考慮下依一間。位置奧海城商場入面既。室內環境優雅，而且座位寛鬆,大家坐起上黎唔會話好逼夾。係一個唔錯既地方。仲有客人既服務態度十分良好，先唔好講食物，依一點已經令人有回頭既感覺。招牌扣肉包一定要試下，扣肉同包係分開上的。包唔會太厚，而且肥豬肉厚厚的，夾埋一齊食 個口感係正到不得了。有種類似食漢堡包既感覺。十分特別。手工蝦棗，我係第一次食，見幾好食咁。油炸既，但感覺又唔會太肥，食落去啖啖蝦肉，十分有滿足感。下一次黎到都一定要食，不訪同大家推介一下。油浸銀雪魚，較清淡既口味，只有清清既豉油配上夾上爽口清甜既銀雪魚。如果配上一個白飯簡直係絕。只係可惜當晚全都係肉食唔落飯了。期待已久既黃金焗蟹，本人係十分喜愛咸蛋黃既人，蟹既新鮮程度是十分讚的。再加上蛋黃嘅配合簡直天衣無縫，但係十分濟，只可以一大班人一人一舊先得 。若果行開奧海城 不如去試下！…查看更多

男友最愛食廣東粵菜，但我賺佢大大碟二人食一至二碟就飽。想食不同款式除非多人一齊食否則我不會同男友食中菜。今次去這間款式又多，細細碟又坐得舒服。我們坐低叫了個茶和小食。我最愛喇沙海鮮米線，佢做到湯底同馬來西亞一樣甘好食，重椰汁味。海鮮方面有蝦、魚、蟹柳。豆腐吸收曬入面湯底，好出色，值得一試。冰鎭芥蘭我食過但冰鎮苦瓜都是第一次食啊！無想象中甘苦，非常爽脆，再點上桂花蜜糖。好清新!件鹹魚不太鹹仲有些魚香美味。馬蹄肉餅真的冇得輸！再加碗白飯，是送飯必吃！講到必食一定數到招牌扣肉包！肥魯肉加上生菜，令佢降低油膩感覺，包同肉非常熱，包在一起一齊食，非常有風味。這個菜混合好多蒜蓉、紅蔥蓉、辣醬等材料，非常美味啊！這個小食入面混合大量蝦粒、豬肉炸出来，又香吃。適合愛吃炸野的我。一粒糕滿足我三個願望,有班蘭味、桂花及椰汁味道。非常出色及甜度剛好，是一個很好完結甜品。…查看更多

自從上次去表姐新居聚會後，都好耐無同表姐食飯傾計😆 所以約表姐今晚食飯，因為我比較早放工，地點梗系要就表姐啦，食乜都交由表姐安排👀😁表姐話佢食過呢間覺得質素幾好，所以今次同我來食😊是晚我地6點幾就入座啦，仲好早😂大廳中主要圓枱，近門口的卡位都坐滿人客了，服務員帶我地到廳內的4人座位間餐廳裝修感覺都比較高檔雅緻，座位都好闊落，坐得舒適👍🏻😊。餐前小食--栗子，花生出面餐廳一般都系花生酸菜，今次有栗子😍我本身都幾鍾意食栗子，d栗子好甜，好綿同粉👍🏻😋 好啱我食，好快我就清曬全部栗子🙈🙈🙈招牌扣肉包--扣肉色澤好靚，醬料夠入味，肉質夠腍，仲有幾片西生菜同芫茜隨個人喜好夾落d包片度食(我喜歡夾曬d配料😆)。包片熱辣辣好軟，扣肉內的肥膏食落一點肥膩感都無，只覺滑滑地，有creamy的感覺，生菜就脆脆的😋😋😋 如有吾系留肚食其他野，真想食多一片🙈溂沙湯海鮮米線--望落以為好辣，但食落吾辣，湯底非常濃厚有椰奶香，用料都豐富，仲有隻溫泉蛋😁 我平時食湯麵都盡量吾飲湯的，但今次我忍吾住一啖接一啖🙈 如果吾系表姐制止我，叫我留肚食其他野，我可能會清底🤣🤣🤣青芥末蝦球--我地點左細份，但都有6只蝦，蝦有炸過，蝦肉彈牙，用沙律醬加青芥末醬，再配上彈彈帶點咸味的蟹籽，味道十分豐富👍🏻👍🏻如果青芥末味再重點，會更加刺激🤣咖啡脆雞--印象中我未食過用咖啡整既送，所以一見就好有興趣試，而且見賣相好吸引😂本來以為咖啡煮送，應該會是苦澀的，但又沒有哦，肉質幾嫩滑😋 要來配白飯幾啱😂三色桂花斑蘭糕一個甜品可以食到三種味道😂😂招牌酸柑香茅凍香茅味好出👍🏻一開始覺得稍甜，擠上青檸汁就剛剛好🤣檸檬薏米水清熱去濕消滯😊…查看更多

樂天經典 - 揉合左傳統中國菜同南洋風味既烹調方式之前經過好多次都無諗住入黎 因為一睇個格局就覺得係貴野食lunch都係慳得就慳但今日誤打誤撞有同事帶我黎食 先發現...我黎得太遲了T^T!!!先唔好講佢原價其實都唔離譜, 大約八十幾蚊就有一個炒飯/炒粉原來佢lunchtime(好長既lunchtime..11:30~17:00)仲有做粉麵/飯/甜品5折優惠!!!!呢個真心好抵食!!!♥乾炒鴕鳥肉河粉 佢大部分飽食都有分大,中,細三個size$88(S)/$132(M)/$176(L)我唔係一個細食既人 但我要講叫S真係已經會夠飽半價之後=$44!!!好喇唔講價錢 講質素~成碟都炒得好夠鑊氣 鴕鳥肉份量一d都唔少滋味得黎唔太油膩~ 最最最正係每啖河粉之間都夾雜住好多炒蛋同洋蔥粒♥ 惹味之選!海鮮皇炒飯 $88(S)/$132(M)/$176(L)又係叫S但係一d都唔細~~~呢個係一個超級足料同夠鑊氣既炒飯, 我覺得實物比圖片更吸引~飯粒分明 充滿濃濃既蛋香 加埋蟹籽粒去提味~~仲有好多好新鮮既蝦仁同帶子粒 係名乎其實 唔係得一兩粒蝦就叫自己做海鮮炒飯既足料炒飯呢♥___♥!!如果要我揀呢個炒飯定係上面個炒河正d既話.....好老實 我真係揀唔到XDDDD兩個都係超水準以上.... 我唯有揀晒兩個啦 ^____^!!明明我地係食唔晒上面兩碟主食... 但係同行同事堅持要叫佢最愛既招牌扣肉包$22由於我無份食.... 我比唔到咩介紹XDD只可以講睇到賣相係吸引既~ 同埋都好多人有叫....下次到我叫啦>____<無花無假 飯/粉麵真係半價左 $v$不過都要加返$7位茶錢同加一~但係以呢個食物質素, 用餐環境同服務水準 (同有飽肚感)呢每人七十幾蚊 我比得好開心!!!!!…查看更多