華

今日係我第一次去M+，不過我唔係去睇展覧，而係去左位於十六樓既Cview。入面裝潢充滿中國文化氣息，氣派非凡，而且擺滿唔同大小既花草樹木。另外落地玻璃加上昏暗燈光，整體環境同格調幾適合二人燭光晚餐，中菜既燭光晚餐非常特別。餐廳另外有一列窗邊座位，容人可以一邊欣賞西九維港海景一邊享受美食🤩- 精選三小碟首先前菜有三款，包括花雕醉雞、鎭江肴肉同蜇頭青瓜。每款前菜各有特色，其中鎭江肴肉最令我印象深刻。蹄肉紅潤鮮嫩、鹹鮮有致，上湯豬皮膠晶螢剔透，口感獨特，而且可以中和蹄肉既油膩感👍🏻- 松茸燉花膠味道非常清甜，而且好足料，花膠非常大塊😍- 蜜豆河蝦仁蜜豆爽脆清甜，配上蝦仁更加突出蝦仁既鮮甜，每一啖都好滿足🥰- 蔥燒海參咁大個仔第一次食到原條海參，口感爽口。本身海參無咩味道，蔥燒醬汁同海參超夾，味道出色。- 松子雞米鍋巴賣相非常精緻，出面既鍋巴非常香脆，松子雞整到非常好似花生咁細粒，另外仲有松子，口感勁豐富，我一個人可以食曬兩件🤣- 腿片扒菜苗金華火腿鹹香十足，下面既草苗好嫩，不過賣相同味道無上面幾道菜咁驚豔🤔- 小籠包小籠包皮薄餡靚，入面非常多汁，外皮同時幾煙韌唔會一夾就爛👍🏻- 拔絲蘋果拔絲蘋果外脆內軟，味道無我想像中咁甜，值得一試！整體而言，環境同景色都無可挑剔，除左腿片扒菜苗外之外，所有菜式都有驚喜。原來中餐都可以營造出燭光晚餐既氛圍👍🏻…查看更多

早排聖誕超級忙，都冇時間好好慶祝一番，諗咗好耐究竟食咩好，西餐嘅Fing Dining就食得多啦，今次第一次品嚐中式嘅Fine Dining。M+ 戲院旁邊就有升降機可以直接上16樓，上到去充滿神秘感嘅餐廳，而且非常有格調，而店員安排咗一個角落位置俾我哋。茶都有好幾款選擇，我地揀左鐵觀音望望餐牌今次就食Tasting Menu One($880/位，另加一服務費)，最方便就係唔使諗有齊前菜、湯羹、主菜、點心和甜品第一道就係精選三小碟，分別係醉雞鎮江肴肉同海蜇拍青瓜，我覺得海蜇青瓜最清新好味，開胃醒神接着就係燉湯- 松茸燉花膠，呢個湯簡直係女士恩物，濃郁嘅松茸湯配上雞絲和大大件花膠~正呀主菜有四款：分別係蜜豆河蝦仁，蔥燒海參，松子雞米鍋巴，腿片扒菜苗。最有驚喜係海參，十分軟糯，海參本身沒有太大味道，所以亦都非常考廚師功夫，惹味嘅乾蔥和醬汁令海參味道大增，配上刀叉享用，簡直係十分奢華。另外松子雞米鍋巴做到好似甜筒咁，非常香脆，非常惹味。點心就係每位兩件小籠包，小籠包皮薄多汁👍最後甜品就係拔絲蘋果，賣相非常吸引，而且拔絲不會過甜，我個人十分喜歡。整體而言，食物和服務都很好，侍應好體貼，每次見到我地食完一道菜就過來收好碟，再端上另一道👍而且高級感的精緻經典上海菜，仲可以遠眺香港咁靚嘅海景，無得頂呀~…查看更多

朋友話m+ 開左間精緻中菜上面仲可以飽覽維港靚景 當然要去試下 上到去已經俾個景吸引住 靠維港景既 bar 枱會比較暗所以選擇左另一邊光猛d 既大廳我地叫左個 壹 品嘗套餐可以試晒唔同既精緻小菜 坐低店員提供左餐前小食 係醃製過既芹菜同花生 先黎前菜 精選三小碟有雞件 海蜇青瓜  同 肴肉味道清新 十分開胃 湯羹係松茸燉花膠花膠厚身 膠質重 但唔黏口 仲有雞絲 同松茸 飲落十分清甜 蔥燒海蔘原條海蔘 好大條 用港女力度一下就切得開炆得夠淋 又好入味 淨係飲花膠湯 同食海蔘已經值回票價蜜豆河蝦仁一般出去食蜜豆蝦仁係成條食 呢到好細心咁拎晒d 豆出黎先炒 食最嫩既位置 同蝦仁一齊食 兩樣都爽口 松子雞米鍋巴呢個係我個人認為最有特色既小菜 將鍋巴炸完再卷成雪糕筒既形狀再放入炒過既 雞肉、松子仁 、菇類等口感好豐富 岩既鍾意食香口野既我 腿片扒菜苗 金華火腿 夠晒甘香 單食可能會咸但同菠菜苗一齊食味道就會岩岩好小籠包  皮夠薄 一咬d 湯汁就出晒黎 食晒都唔會膩最後甜品係拔絲蘋果出面比較少面 完全係功夫菜蘋果外面有糖漿包住食落又甜又脆 但唔係死甜 估唔到連裡面既蘋果都好爽口…查看更多