八時神仙草 (歌賦街)

八時神仙草 📍中環歌賦街19號地舖━━━━━━━━━━━━━━━━━━━━━━━━━━━━台灣過江龍仙草冰近排都幾有熱度 不過意外地經過幾次都好似冇乜人排隊 今次約埋friend嚟試吓呢個刨冰同日式 韓式 有咩唔同🤤━━━━━━━━━━━━━━━━━━━━━━━━━━━━ 🍧 抹茶燕世雪花盛盤 $95 加芋泥 +$8▶︎ 仙草刨冰堆成小山狀😲 面頭有燕麥奶蓋同抹茶雪糕 冰嘅底部仲會有一層仙草凍 另外配有煉奶可以自由添加 盛盤就有紅豆 紫米 薯圓 芋圓 珍珠 我地另加咗一球芋泥 ▶︎ 仙草冰 口感係未曾試過嘅! 有啲拉絲 見到一條條嘅仙草 如果齋食冰味道會偏淡 加埋奶蓋同雪糕同抹茶就啱啱好👍🏻 下面嘅仙草都頗爽滑 ▶︎ 幾鐘意佢嘅燕麥奶蓋 唔會好甜同厚重 有少少奶香 亦有少少燕麥片增加口感 抹茶雪糕濃度正常 有抹茶味但唔算濃😙 ▶︎ 芋圓同地瓜圓都幾煙韌有嚼口 食到芋頭同地瓜味 白玉珍珠就更加彈牙有嚼口 至於紫米同紅豆甜度偏高 不過口感不錯 唔會夾生 ▶︎ 不過另加嘅芋泥唔太合我嘅口味🥲 有亮晶晶液態的感覺 食落非常順滑 但有陣我唔鐘意嘅似酸酸地嘅味道🫣好味指數:●●●●◐━━━━━━━━━━━━━━━━━━━━━━━━━━━━ 🌿 燒仙草盛盤$48▶︎ 一碗燒仙草 入面有少許花生 配嘅盛盤同樣有紅豆 紫米 薯圓 芋圓 珍珠▶︎ 燒仙草係暖嘅 一開始食會覺得偏液體 口感似鼻涕🤣 而食吓食吓佢凍咗之後就會變得固態少少 整體口感偏滑 唔會好彈牙煙韌▶︎ 唯甜度比起仙草凍會高少少 不過尚能接受好味指數:●●●●◯ ━━━━━━━━━━━━━━━━━━━━━━━━━━━━ 日期: 12月頭 (下晝)快樂指數😋: ⑧⑧/①⓪⓪ 性價比: 🌕🌖🌑🌑🌑環境: 🟦🟦🟦⬜️⬜️服務分: 🔆🔆🔆🔅🔅再訪意願: ❤️❤️❤️❤️🤍━━━━━━━━━━━━━━━━━━━━━━━━━━━━…查看更多

餐廳名「八時」嘅由來係因為店家堅持長時熬煮陳年仙草乾8小時，以無鹼的方式製作，讓仙草本身釋放膠質凝結成凍，又天然又健康，與別不同，一直好想試。今次試咗打卡一流嘅抹茶燕世雪花盛盤，好出名既燒仙草盛盤，加上2杯飲品 - 白玉燕世仙奶茶（凍）以及圓仔紅豆紫米牛奶（熱）。抹茶燕世雪花盛盤用整塊仙草製成雪花冰，完全冇加糖水，雪花冰呈絲狀，口感軟綿綿，可以加埋花奶一齊食，雪花冰下面仲有凍仙草，口感煙韌，賣相同口感都一流👍🏻燒仙草盛盤一開始仙草係液體狀態，再慢慢凝結成凍，非常特別，食到仙草有種回甘嘅味道，咬落去煙韌又滑嫩，食完一啖會想再食😋。芋圓同理薯圓非常煙靭同比平時食到嘅大粒，咬落去食到少許芋頭同埋番薯嘅微粒，我哋最後加錢額外encore 芋圓。飲品白玉燕世仙奶茶入面嘅配料有白珍珠、仙草、燕麥顆粒，非常豐富有口感，煙靭天然無添加嘅白珍珠同埋滑嫩嘅仙草，加上燕麥顆粒有咬口，層次感豐富。圓仔紅豆紫米牛奶係一個好健康嘅選擇，同樣配搭豐富。…查看更多

朋友極力推薦這家的甜品，所以晚飯不敢吃太飽，留第二個胃過來試試😍兩個人share一份抹茶燕世雪花盛盤($95)上面的抺茶雪糕抺茶味非常濃郁🍵上面的奶蓋有點殼物粒，脆脆的口感令口感好豐富☺️刨冰雖然不是奶味的綿綿冰，但裡面的刨冰有加入一些仙草一同打碎，黏黏的仙草會有拉絲的效果，好新奇😆本身刨冰味道偏淡，要加入少少煉奶增加甜味，不夠的話亦可再問店員加🫶🏻盛盤有芋圓、薯圓、珍珠、紅豆、紫米，另外會自己一兜獨立盛載，不怕芋圓薯圓與冰一同擺放時會變硬🙂…查看更多

今日出開中環，上網見新開左間仙草冰店，我同朋友就捉緊夏天的尾巴，去食番碗刨冰。一入去店員安排左個長枱位置比我地，點 知 係 惡 夢 嘅 開 始。我地叫左仙草凍奶茶同抹茶燕世雪花盛盤，食物等左10分鐘左右先上枱，影左一陣相就開始食。食食下一位中性打扮嘅店員就走過黎，問我介唔介意向右移一個位，但隨手已經移開埋個分隔版，OK fine你都唔比我介意，不過人多我地就一就移一移。10分鐘過後，中性店員又走過，今次進展到命令我向左移一個位，我同朋友開始表示不滿，不過店員表示 “人多呀就一就!”到食左三份二碗冰，店員無喇喇走過黎同我地講仲有5分鐘要交枱，我真係打左個凸😳到底呢間鋪頭係想考驗我有無敏感牙齒，定睇下我係5分鐘食晒成碗冰會唔會頭痛，做乜無喇喇同我講仲有5分鐘要交枱。我再環顧四週同睇番餐牌，根 本 無 一 個 位 寫 明 有 限 時 🤬我嬲嬲地問果位中性店員，到底邊度寫明有用餐限時，佢支吾以對後話繁忙時間有不過無寫。我再問係幾耐，佢先話係45分鐘，咁我入黎嘅時候都人多你又唔講清楚?!唔怪之得呢間餐廳要賣刨冰同仙草喇，因為食到一肚氣要下下火呀🥵仙草凍奶茶 ($38)抹茶燕世雪花盛盤 ($95）…查看更多

牽絲的冰🤤鍾意冰品同仙草要試呢間新店🇹🇼巧妙結合 陳年仙草用8小時熬製🪄濃郁唔甜膩 1行3人都滿意🥳💜芋 · Assorted Grass Jelly Combo with Oat and Milk Cap Snowflake Shaved Ice and Mashed Taro💰HKD95 (Rating: 8.5/10)芋泥好食！芋味濃 甜甜地 天然而質地挺身 好台😙冰磚用仙草原汁製成 觸感軟綿 入口即食到獨特甘甜 無冰粒感 最底部大片仙草👍奶蓋則偏淡 帶燕麥奶香 同本身無奶嘅冰幾夾 非多餡路線 但整體口感好 再者不能忽略 本身包碗配料‼️芋圓地瓜圓白珍珠等 豐富過有餡🤣我哋特別鍾意芋圓同白珍珠 前者芋味突出 後者好chewy✨🍵 抹 · Assorted Grass Jelly Combo with Oat and Milk Cap Snowflake Shaved Ice and Matcha Icecream💰HKD95 (Rating: 8/10)同上面嘅分別 只在於頂部變成抹茶雪糕😆依然喜歡 但相對技術含量較低 表面同樣有微脆 帶點嚼感嘅燕麥片 畫龍點睛🌾當然亦有碗Q彈配料 如果將來配料上有更多配搭 周不時會想踩上歌賦街🧗前日最凍嗰日去…另叫咗碗熱紫米同仙草暖身🔥都唔錯 特別仙草 比凍食更濃更煙韌 呢度仙草質感略似日式蕨餅 好對我胃口🥴! 另外若覺得唔夠甜 隨時可追加煉奶 但我哋本身鍾意微甜 想品嚐食材原味 覺得唔太需要👀…查看更多

中環既歌賦街，短短一條街，其實隱藏好多好嘢食！最近新開咗一間來自台中逢甲夜市既“八時神仙草”，呢度主打嘅係嫩仙草。最啱附近食完飯，過嚟食埋甜品。嫩仙草究竟係乜？台灣嘅嫩仙草同香港食開嘅涼粉其實有少少相似。共通處就係原材料都係仙草（又叫涼粉草），經熬煮過後提出一種汁液再造成。仙草味甘性寒，有清熱祛濕，消暑解毒等功效。兩者分別，喺口感上有好大嘅唔同。香港的涼粉，做法大多會加入粘米粉和粟粉，吃起來口感會較為爽滑彈口。而台灣的仙草，一般加入木薯粉，口感較為煙韌。而“八時神仙草” 嘅嫩仙草呢 ，堅持用天然材料、無鹼、無化學物製作，精選台灣（香氣👍）同印尼（膠質👍）嘅仙草乾，沿用傳統古法用足足八小時熬煮仙草,令仙草膠質充分釋出，只需要加好少量澱粉即可成形。入口係仙草本身嘅回甘，原汁原味，口質極度嫩滑，滑到會好似留唔住咁瀡入喉嚨。🍧抹茶燕世雪花盛盤 $95雪花冰用嫩仙草冰磚即打，呢度嘅雪花冰好特別！畢起會拉絲！見到一絲絲嫩仙草！食落亦特別綿密，好似食棉花糖咁，入口溶化！冰感亦唔太重，唔怕敏感牙齒，食完亦都唔會即刻好寒凍咁。呢份抹茶燕世雪花盛盤，上面仲加左蕎麥顆粒嘅奶蓋同日本抹茶雪糕，個底仲有嫩仙草，增加唔同既味道同口感層次，附上仲有一小碗“盛盤”：有芋圓、地瓜圓、白珍珠、紅豆、少少好軟糯既紫米。仙草冰比較淡味，要混埋唔同配料食，味道就啱啱好！如果嫌唔夠甜，店員仲好好，可以要求煉奶！🥣芋泥嫩仙草盛盤$56有點覺得menu菜色名有少少複雜。呢個“芋泥嫩仙草盛盤”，其實=一大碗嫩仙草+上面有一球芋泥+盛盤（一小碗芋圓、地瓜圓、白珍珠、紅豆、紫米）嫩仙草微甜回甘、冰涼柔滑，質地極度嫩滑，滑到用匙羹好難畢上嚟，放入口都好快瀡入喉嚨。🥤仙草紅豆牛奶冰沙$42 (免費加白珍珠）呢度仲有飲品供應。仙草紅豆牛奶冰沙：上層係紅豆牛奶冰沙，下層係嫩仙草。冰沙口感細碎， 紅豆牛奶嘅配搭，其實就有啲似紅豆冰。佢呢一度嘅甜度剛剛好！唔會太甜，正！而且嫩仙草飲品系列可以免費加珍珠！白珍珠，無色素同時又有嚼勁。建議要加白珍珠。呢度嘅嫩仙草確係口感獨特！推介一試！…查看更多

原來呢間係台中夜市人氣甜品店，再加上位置開正係歌賦街（座銀街🤣），好多人食完拉麵行過隔離幫襯，岩岩開業已經要排大隊🙈抹茶燕世雪花盛盤 $95鋪頭其中一個主打係仙草冰，話係用嫩仙草冰磚打成打，筆起啖啖都拉絲😂不過食落仙草味又好似唔係太明顯，係拉絲果下同出面啲冰既質感有啲唔同🙈🥛仙草冰同燕麥奶蓋其實味道幾夾，奶蓋甜甜地同埋燕麥粒幾有咬口，只可惜奶蓋太少🙈撈晒嘅奶蓋同冰食之後，仲有一半偏淡既冰都未食完🙊🍵抹茶雪糕就唔係太大驚喜，正常發揮，一球好普通唔太甜但又冇乜真抹茶甘香味既雪糕🤣仙草冰底下面有薄薄一層仙草，口感幾好，比起出面其他鋪頭既仙草的確更加滑嘟嘟，同埋味道有少少回甘，唔會有太濃既糖水味👍🏻旁邊既盛盤有3粒芋圓，3粒薯圓🍠，小珍珠，紅豆🫘同紫米，芋圓同薯圓味道都係偏淡，口感實淨，唔係煙韌類果款，紅豆紫米甜少少，加埋一齊食甜度岩岩好👍🏻成間甜品出品都係偏清淡，其實都幾健康😂最念念不忘就係仙草，如果下次再黎食我應該會叫一碗果啲嫩仙草食，冰就試一次就夠🙈…查看更多

仙草出沒注意！！過江龍八時神仙草店名以八小時熬煮仙草乾而命名為登陸香港第一店選擇在中環歌賦街兩旁結集不少食肆大排檔日式中東墨西哥現在來個甜品店真的可以由街頭食到街尾若能飛台灣一定要再拜訪臺中國家歌劇院喜歡內裡的不規則孔洞設計還可在那找到八時概念店藝術和吃也可以拉上關係吧🔅 𝗚𝗿𝗮𝘀𝘀 𝗝𝗲𝗹𝗹𝘆 𝗦𝗵𝗮𝘃𝗲𝗱 𝗜𝗰𝗲夏天的消暑妙品這款抹茶燕世雪花盛盤還加了燕麥奶蓋增加口感盛盤載有芋圓薯圓珍珠紅豆紫米當中最愛薯園地瓜產地來自於大肚山特別香甜唯抹茶雪糕奶味過重一份刨冰足夠二人分…查看更多