南越南咖啡廳

在旺角彌敦道726號樓上鋪，有一間我經常吃的越南菜cafe，一直都好用心做創新料理，更會定期增添新菜式！🌟（新）越式秘製香茅豬仔骨 $88  餐廳的招牌創新菜，豬仔骨經香茅等香料腌制一至兩日，先焗後炸外皮微焦，肉質嫩滑多汁，與香茅香氣完美融合！🌟扎肉心內美米紙卷（5件）$65清爽的米紙卷內包裹著紮肉、心內美（紅心蘿蔔）、蔬菜和香草，蘸上餐廳特制的魚露醬汁，酸甜開胃，口感爽脆豐富，特別適合現在夏天食！🌟炸素食春卷（6條）$44外皮酥脆，搭配自制酸甜醬，香脆不膩，即使我不是素食者也會愛上！  🌟鹹檸豬頸肉撈檬 $72豬頸肉烤得香嫩，鹹檸檬的酸鹹味恰到好處，撈檬粉爽滑拌上餐廳秘制的撈檬汁，清新又開胃！🌟苗族椰汁淡咖哩雞肉湯米線 $72創新版的越式咖喱！椰香濃郁卻不膩口，咖喱湯底溫和順滑，雞肉嫩滑米線吸飽湯汁，創新又特別！  🌟越式無骨鳳爪沙律 $52鳳爪爽脆彈牙，拌上酸甜微辣的醬汁，底下有蕃茄仔同蔬菜，清爽又開胃，推薦前菜必點！ 🌟柑桔檸檬綠茶（冷）$25酸甜清新的柑桔與檸檬搭配綠茶，解膩又提神。  🌟南越冬瓜茶（凍）$18餐廳自製！清甜的冬瓜茶，消暑解渴，是搭配越南菜好完美！南越南Cafe保留越南菜的精髓，再通過創新和秘制醬料，令每道菜都充滿驚喜同感受到廚師的用心！…查看更多

同朋友去左旺角呢間南越南咖啡廳食dinner，呢度除左傳統越南菜之外，仲有啲創新啲既菜式😮仲有滿滿打卡效果🤩1️⃣ 南越蟹肉絲網卷（$45）炸得好脆身既絲網卷，入面真係食到啲蟹肉🦀2️⃣ 扎肉心內美米紙卷（$65）米紙卷薄薄一層，入面包住扎肉、蘿蔔絲、青瓜，帶少少微酸既調味，點上秘制花生醬味道更加豐富。3️⃣ 惹火上身鹹檸豬頸肉（$70）呢個上檯既時候店員會即時點火🔥食落豬頸肉肉質鮮嫩，可以配合菠蘿一齊食，又可以點鹹檸醬汁提味👍4️⃣ 越式咖哩軟殼蟹配蒜茸法包（$108）軟殼蟹大大隻好脆！食落好滿足😌法包香脆而且蒜蓉味好香！配合佢地微辣惹味既咖喱食一流！5️⃣ 越式發酵茶葉沙律（$54）好特別既沙律🥗入面有啲炸豆、蕃茄、沙律菜，仲有發酵茶葉，食落酸酸甜甜非常開胃，仲會食到少少茶香。6️⃣ 荔枝雲朵咖啡（$38）打卡一流！面頭滿滿泡泡🫧下面咖啡甘香同埋荔枝既果香融合，外貌同味道兼備。7️⃣ Citrus Blossom（$52）呢杯都係好靚❤️杯邊既花瓣碎加埋飲品上面既波波夠曬吸睛，篤穿佢下面係帶西柚果肉，清新既氣泡飲品。…查看更多

今日行完花墟便跟朋友落旺角的彌敦道726号 的NAM VIET NAM CAFÉ 南越南咖啡廳晚飯, 睇openrice介紹佢哋係越南 Fusion 菜主題餐廳, 食物賣相呈現非常有特色及吸晴。荔枝雲朵咖啡一嚿玫瑰雲騎在咖啡液體上, 底下是荔枝汁, 外觀配搭很有美感, 令我對這個配搭充滿期待感, 攪拌咖啡及荔枝汁後喝一口, 先感受到的味道是冰凍香濃的咖啡, 隨後而來的是滿滿荔枝的果汁香甜, 朋友就飲班蘭龍眼茶。 扎肉心內美米紙卷顏色配搭鮮豔, 米紙卷配料豐富, 內有紅蘿蔔絲、大件扎肉、豆芽菜、青脆青瓜及紫蘿蔔片, 伴花生粒芝麻醬食, 清爽健康。越式咖哩牛肋條配蒜蓉包牛肋條炆得腍滑鬆軟, 肉味濃郁, 還有爽口牛筋, 越式咖哩汁辣度温和, 反而咖哩香味強勁, 蒜蓉包脆卜卜, 蒜蓉香氣飄逸, 就咁食已經好好味, 如果想再香啲, 可以加少去香辣咖哩汁伴食, 更惹味, 個人覺得不加汁蒜蓉包脆口啲, 好食啲。脆米紙薄餅很有創意的越南薄餅, 米紙做pizza薄餅底, 加上大量越南臘腸粒、紅蘿蔔絲及青瓜絲, 上面喞上千島醬, 越南臘腸跟香港臘腸不同, 越南臘腸除咗有臘肉的油香, 味道還有少許甜味, 米紙餅底脆卜卜, 這個薄餅口感味道非常豐富, 千島醬微微的甜帶點微微的酸, 可中和越南臘腸的油膩感, 有創意又好食惹火上身咸檸豬頸肉豬頸肉用乾葉盛載上枱, 店員會即席點火, 令豬頸肉添一份炭燒香味, 豬頸肉爽口油和, 拈附送的青檸蒜蓉酸辣汁伴食, 香香辣辣、甜甜酸酸更正烤萋葉雞配蘋果條烤雞上枱還是微熱的, 皮脆肉嫩, 雞肉鹹香, 肉汁還很豐富, 不乾柴, 放幾粒炸蒜粒及椰漿咖哩辣醬在雞件上一齊食, 超惹味, kimchi蘋果條還是第一次吃, 酸酸爽爽, 甜甜辣辣, 既開胃也可減低炸物或燒物的油膩感呢間越南fusion菜菜式創新, 食味又好, 仲好抵食, 每人一杯特色飲品, 叫咗五個食物, 連加一埋單只是4百多元, 難怪座無虛設, 下次來要叫隔離枱的兩杯波波特飲, 好靚。…查看更多

NAM VIỆT NAM CAFÉ 😘😘😘南越特色菜旺角彌敦道、樓上特色、南越創意餐廳！精緻食品、店內牆角有一巨型bear bear 裝飾、超可愛😻*南越蟹肉醬配脆球餅$68蟹肉絲混醬汁成為脆脆球饀料、填滿脆球、咬一口、金黃香脆球爆於口腔內、濃濃蟹醬香味充塞味蕾！*扎肉心內美米紙卷$65煙靭的米紙皮包裹着扎肉、鮮紅蘿蔔絲、青瓜條、醃漬的薑片、蘸點袐製花生醬汁、fresh 又清爽、煙煙韌韌有嚼囗！*越式咖喱牛肋條配斑斕椰香飯$88粒粒沾🈵️班蘭色彩的米粒、綠油油、充滿椰香、有嚼口、黃咖哩牛肋條及牛筋、炆煮入味、軟綿綿、牛筋夠彈牙、配搭一流！*參參愛梨（熱）$30雪梨片、加入花旗參、清甜又潤喉、帶點甜、掩蓋花旗參的甘味、更易入口！*香茅青蘋果茶（冷）$25香茅消腫效果、加青蘋果、清新怡人、選用酒瓶裝、更具玩味😄*越式發酵茶葉沙律$54新鮮蔬菜混合了發酵茶葉的獨特風味、帶出味蕾新口味、探索味蕾新層次！*惹火上身鹹檸豬頸肉$70fusion菜、烤香豬頸肉燃點火🔥、營造視覺效果、非常吸睛！豬頸肉軟腍又彈牙、菠蘿片墊底、賣相更出色💯NAM VIỆT NAM CAFÉ旺角彌敦道726號1樓港鐵旺角站B3出口、步行約2分鐘#越南#新派特色菜#fusion#創意玩味#打卡一流#…查看更多

和朋友booked 7:00 3位，所以不用等✌️（想吃，記得book位）個人不常吃越南美食，因在印象中 越南沒有什麼好吃，大多都不同河粉、金邊粉但這家越式cafe shop, 讓我嘗試到不同的越南美食食物價錢偏貴小小，但座位很舒適，裝修掛了不同霓虹燈，有大玻璃可以看到旺角景觀😆首先是它們 招牌金邊粉 $88份量十足，大大碗，搭配了牛肉丸、牛肉🥩、牛筋同油炸鬼等配料🍜湯底濃郁，整體很不錯然後，南越蟹肉醬配脆球餅 $68把蟹肉醬放入脆球餅一同食用，口感脆口、特別在加上青瓜🥒和紅蘿蔔🥕，口感智會在清新爽脆。是不錯的小食其次，惹火上身鹹檸豬頸肉 $70上一桌，服務員就在的我們面前點火🔥，很適合打卡，讓這豬頸肉有點睛之筆效果🤩烤豬頸肉🐽＋烤菠蘿，都充滿炭烤味烤菠蘿，不一咬下去就在嘴裏爆汁。再者，扎肉心內美米紙卷$65米紙卷扎肉，當中扎肉很大，配上濃稠的花生麻醬，感覺不配花生麻醬吃也可以😂不配吃起口感更清爽，豐富✌️最後，烤雞肉串 $35普普通通的烤雞肉串🐓，不會很柴，雞肉有汁水，味道還可以🤪…查看更多

呢間南越南咖啡廳之前食過幾次，印象不嬲都吾錯。所以今次同埋朋友再黎，睇下會唔會有啲新嘢試一試先。晚上7點30分入座，全場差吾多爆滿咁濟，好彩有book 定位姐😝。另外，呢期香港興#橡皮鴨打卡，餐廳真係緊貼潮流，周圍都擺放左橡皮鴨🐥嘅擺設，超得意😊。之後仲每枱都送2隻橡皮鴨擺設俾我哋，真係好開心😊我哋點左以下款式：🔸南越蟹肉醬 配脆球餅 $68個蟹肉醬好鮮甜，搭埋個青瓜、甘筍絲，加埋個脆球餅，一啖咬落去咁食，超清新好味。🔸扎肉心內美米紙卷（2條）$65米紙卷裡面帶青瓜🥒、蘿蔔絲、扎肉同菜苗，配埋個花生醬，食落既爽口又清新。🔸NVN咖啡骨 $78朋友話好耐無食過咖啡☕️骨，所以點左呢個。其實我都未食過，所以好期待呀。上到黎吾知仲以為係杯飲品☕️，外型好靚，上面佈滿棉花糖，將咖啡倒入去，把高高既棉花糖溶化了，睇落去超級治癒☺️味道方面，真係驚艷到我，佢個豬軟骨超淋超入味，一咬就化開，個汁超級濃郁，帶點甘甜味，仲有濃濃嘅咖啡香，真係要俾10個like ♥️♥️必食之選♥️🔸惹火上身鹹檸豬頸肉 $70侍應上菜後話會燒一燒啲豬頸肉，開火個下真係超震撼，勁大火花💥，燒完之後豬頸肉更加香脆，邊邊位勁脆，內裡肉質又嫩滑，點埋個酸甜辣醬，真係超開胃🤤🔸「嫲嫲南越湯」招牌金邊粉 $88呢個越南粉裡裏面真係超多料，有牛肉片、牛筋、牛肋條、牛肉丸及油炸鬼。飲飲個牛骨湯，個湯超香濃再帶點回甘，牛味超濃郁。油炸鬼香脆，浸落湯到食更加滋味。仲有佢個金邊粉索哂啲湯汁添。🔸飲品- 柑桔🍊檸檬綠茶（凍）、斑蘭龍眼茶（凍）各$25佢哋啲野飲都係自家製，有好香濃茶香，又吾會好像出面咁過份甜，真係好鐘意佢濃濃茶味🍵。另外佢野飲同冰分開上，可以保持到飲品既凍，真係好細心。整體比之前黎更加加分♥️♥️首先佢哋加入左好多新款菜式，而且全部都好食有驚喜。佈置亦多左好多心思，同埋待應又細心，照顧到客人需要，呢間〰️南越南咖啡廳〰️必定會再encore💖南越南咖啡廳📍地址: 旺角彌敦道726號1樓…查看更多

與朋友到南越南咖啡廳午餐，位於旺角彌敦道726號1樓。網上見到很多好評， 專程來一試。 點了兩個lunch set和一個小食，扎肉心內美米紙卷$58、嫲嫲南越湯招牌金邊粉$88、 南越法式麵包$78、 熱越南滴漏咖啡和咸檸七。 🔴扎肉心內美米紙卷🌯 ～ 米紙卷包著蘿蔔絲、青瓜、菜苗和扎肉心， 口感清新帶點酸酸的味道， 但米紙卷不夠紮實， 很容易散開。 🔴嫲嫲南越湯招牌金邊粉🍜 ～ 湯底味濃不夠熱， 有肥牛、牛丸、牛筋、牛肋條、牛尾和油條， 牛筋和牛肋條煮得不夠腍， 比較喜歡肥牛、牛丸和牛尾。 🔴南越法式麵包🌮 ～ 之前去越南旅行的時候， 很喜歡食當地的法式麵包😊， 很驚喜這間餐廳都有， 但味道普通，不算突出。 🔴咸檸七🥤 ～ 點了走冰，但到的時候都是有冰🧊🤣。 🔴熱越南滴漏咖啡☕ ～ 正常味道。 整體菜式沒有我想像中好， 但可以一試☺️。…查看更多

🐻好鍾意食越南菜🇻🇳見旺角呢間越南餐廳menu幾特別～環境都唔錯 就去左試果然發現新大陸🙋🏻‍♀️好多傳統菜式都加左d新潮元素😙—————🫓五香豬腩伴鍋巴肉質非常軟綿綿 但意外地完全唔油膩啊～鍋巴脆身有咬口 腩肉都好入味🐽加埋微辣酸甜醬汁 頓時好有東南亞風味😀————🫔扎肉心內美米紙卷薄身米紙包住厚厚扎肉 + 大量蔬菜絲 味道清新🥬想濃味d都可以點埋附上嘅花生芝麻醬食😌特別一提係有一款叫「心內美」嘅紫蘿蔔😆賣相加分🤭————🌯南越法式麵包✨招牌推介呢度嘅越式法包配料超豐富☺️有扎肉、酸蘿蔔、青瓜～仲有比較特別嘅豬耳絲 & 豬肉更估唔到嘅係落左d類似千島醬嘅醬汁 加埋肝醬調味～鹹味中帶點不違和嘅甜味 配搭特別😙————🍜招牌金邊粉✨牛魔王之選呢碗有齊牛丸、牛骨、牛尾、牛筋、肥牛🐮湯底叫嫲嫲南越湯🧑🏻‍🦳牛味濃郁但不膩飲落清甜不渴 果然有來頭啊————飲品好多花款～有d仲好打卡able微藻檸檬薑茶🍋成杯藍色幾特別 但味道就似普通熱檸水～期望薑味再突出d香茅青蘋果茶🍏就幾清新解渴 包裝仲幾靚😌…查看更多

今日放假出咗去旺角行街，想食越南菜就搵左呢間餐廳。呢間餐廳裝修幾精緻，坐位又舒適又有卡位，燈光柔和。招牌金邊粉有牛肉片，牛丸，牛骨，牛筋和油條。牛肉都好嫩，牛丸又爽彈，湯底好香濃又清甜，油條浸上湯底超好味。Shake Shake雞軟骨Shake Shake雞軟骨，落左d粉落去一起Shake,雞軟骨夠熱又微辣，雞軟骨又鬆脆又有咬口。扎肉心內美米紙卷，內里有扎肉，青瓜絲，蘿蔔絲，好爽口，米紙好煙韌點埋醬一起食好好味。南越法式麵包，法包外脆內軟熟配上青瓜，蘿蔔絲，豬肝醬，豬耳，扎肉夾埋一起食好好味。柑桔檸檬綠茶，又唔會太甜淡淡柑桔味道👍👍👍BERRIES 味道香濃又夠味道。…查看更多

好耐冇食Vietnamese cuisine~之前食過呢間南越南咖啡廳，menu選擇多，餐廳環境又夠modern，啱晒三五知己聚一聚☺️南越炸豬肉春卷 ($42)- 春卷炸到金黃色，未食已經流晒口水，同埋$42就食到六條非常抵食- 豬肉內餡都超級豐富，咬口紮實，外皮又夠香脆👍🏻扎肉心內美米紙卷 ($58)- 米紙卷超級爽口，勁refreshing ，勁鍾意佢配料、菜同扎肉嘅比例，扎肉勁好味，米紙皮薄身煙韌😊苗族椰汁淡咖喱雞肉湯米線 ($72)- 湯汁好濃郁，香味撲鼻，雞肉結實，米線掛汁，好上癮，一啖接一啖😆NVN南越法式麵包 ($78)- 法式麵包脆香硬身，配搭豐富惹味嘅配料，有扎肉、豬耳、蔬菜等等，啖啖都好豐富，好飽肚😜南越南滴漏咖啡 ($30)- 滴漏咖啡香氣撲鼻，呢隻越南咖啡入口甘香，相對平時飲嘅滴漏咖啡冇咁苦，相對易入口😍Deep Sea Fantasy ($68)- 呢杯cocktail好靚，色彩配搭和諧，會變沾滿鹽粒，飲落口感層次更豐富， cocktail base係較酸，但唔會太過，非常醒胃😙…查看更多

越南是一個華洋集處的地方，不同民族生活的軌跡影響了飲食文化上的「南」轅「北」轍，今次就來到位於旺角的南越 Fusion 菜主題餐廳 - NAM VIET NAM CAFÉ南越南咖啡廳。餐廳裝潢時尚休閒，不過枱與枱之間距離較近，坐得比較擠。南越菜由多國文化結合而成，南越 Fusion 菜式為傳統越式美食注入嶄新概念，融入各地具代表性的食材。最近還新推出含有酒精的特色cocktails飲品。扎肉心內美米紙卷 $58作為越南傳統美食之一，煙韌米紙緊緊捲著心內美蘿蔔片、扎肉、青瓜的豐富餡料。米紙卷色彩繽紛，五味紛陳，爽脆輕盈，沾上花生麻醬份外醒胃。南越蟹肉醬配脆球餅 $68單是賣相已充滿玩味，食法是將蟹肉醬和配菜釀入脆球餅，帶來了多重的口感層次。脆球餅金黃脆身不油膩，夾雜著絲絲蟹肉，混合酸酸甜甜的配菜，喚醒沉睡的味蕾。NVN南越法式麵包 $78法包都會先用紙包覆好，工整對稱的切口盡現配料豐富的橫切面，也可避免一口咬下便散落一地。在鬆軟的法包上塗抹自家製黑啤酒豬肝醬，佐以酸瓜、豬耳、燻蹄、扎肉、香葉、蔥花等6款餡料，即使法包外表看來很「法式」，但吃起來其實很「越南」，盡現殖民文化下誕生的混血特色。嫲嫲南越湯招牌金邊粉 $88金邊粉是這裡的招牌菜，當晚看見差不多每枱都有點，我們專程來到又怎能錯過呢？！豐盛配料包括牛肉片、牛面頰、牛尾、牛筋及牛肉丸，配以油條亦是南越河粉獨有風格之一。用上大量牛骨、牛面頰、牛尾等長時間熬煮的湯頭清澈呈深啡色，牛味濃醇，金邊粉入口爽滑而彈牙，既易掛湯又不會一挾即碎。Tears of Mermaid $58泡泡造型玩味十足之餘，又可帶來視覺與觸覺的感官刺激，揉合藍柑橘、荔枝、蘭姆酒及梳打，酒精濃度不高，平易近人，冰涼清爽。斑蘭龍眼茶 $23包裝成扁身的威士忌酒瓶，其實內裡盛載著養生茶飲，味道天然純樸而清甜。…查看更多

🌮脆米紙薄餅好味指數：👍🏻👍🏻👍🏻👍🏻👍🏻 呢一款菜式啱晒大人同細路食，米紙底非常之香脆，而且絕對唔油膩，食落完全唔會有負擔感。面頭有青瓜同紅蘿蔔絲，最重要係有香甜嘅豬肉乾粒配上千島醬，係一款相當惹味嘅小食。🫔扎肉心內美米紙卷好味指數：👍🏻👍🏻👍🏻👍🏻👍🏻 呢個卷物唔似平時識嘅越南米卷，佢並唔係用炸嘅方式烹調，所以完全唔會熱氣。米紙卷嘅口感相當軟熟，而且簿身。餡料包括扎肉青瓜同紅蘿蔔，醬汁係用花生醬作主體再作調味，口味偏酸甜，整體食落口非常清新。🍜招牌金邊粉好味指數：👍🏻👍🏻👍🏻👍🏻👍🏻 佢嘅湯底非常香濃，牛肉片有好香嘅牛味，絕對唔係廉價牛肉。而且牛肉炆到好林，唔會鞋口，再配有肥仔芽菜、肉丸同埋類似油炸鬼嘅炸物。如果唔食得辣又想食越南菜嘅朋友仔，就可以試吓呢款主食啦～🥖NYN南越法式麵包好味指數：👍🏻👍🏻👍🏻👍🏻佢嘅餡料主要有擲肉、青瓜和紅蘿蔔，配有類似互麻將嘅醬汁。佢嘅法包咬落去有煙銀口感之餘，外皮香脆，整體配合清新，唔會飽濟。🍹斑斕龍眼茶（冷）好味指數：👍🏻👍🏻👍🏻👍🏻👍🏻 店家另外用精緻嘅玻璃樽裝住，在配上裝有冰嘅杯，打卡都靚仔。飲落去會有好香嘅斑斕味道再加上龍眼嘅清甜，非常生津解渴。🧜‍♀️Tears of Mermaid好味指數：👍🏻👍🏻👍🏻👍🏻👍🏻 呢份係店家特調嘅甜酒，飲落會有好香嘅荔枝味，啱晒少女們嘅口味。店家為咗會有好靚嘅視覺效果，將會喺飲品嘅面頭加上白色煙霧嘅泡泡，泡泡一爆開就會有白色嘅煙霧漂出，煙霧帶有獨特嘅香氣，簡直係視覺同埋嗅覺嘅效果都做齊。☕️ 蛋咖啡好味指數：👍🏻👍🏻👍🏻👍🏻👍🏻 食到好飽，都忍唔住叫多杯我嘅最愛😍香甜嘅蛋忌廉加上香濃咖啡，真係令人無法抗拒。想知幾好飲，就泥試下啦！🪑 環境適合一至六人入座。以下係餐牌俾大家參考一下：…查看更多

適逢週末，最好約埋朋友一齊出去食下野😋 今次揀咗一間旺角樓上Cafe，主打南越南fusion菜，我哋坐嘅位置近窗邊，自然光透入嚟好舒服，餐廳裝修充滿東南亞風🌿而且播住越南歌，真係令人有一種置身於越南嘅感覺😆招牌金邊粉 $88既然係餐廳嘅招牌菜式點可以唔試，配料有牛肉片、牛面頰、牛腱、牛筋、牛肉丸，肉質都好嫰滑同埋好入味，真係好足料，鍾意食牛嘅朋友一定好滿足，仲有好脆嘅油炸鬼浸落湯一齊食，牛骨湯底熬製足24個鐘，味道香濃，而金邊粉爽滑彈牙，完全吸晒湯嘅精華，值得推薦🤤脆米紙薄餅 $54作為餅底嘅脆米紙好鬆脆，上面鋪滿咗蘿蔔絲、青瓜絲、蝦乾再加埋越式香腸，配有千島醬，一次過食到甜酸鹹三種味道，口感好豐富，而且配搭都好match🤤Shake shake雞軟骨 $52雞軟骨係用紙袋裝住，原本調味有蒜香調味粉、青檸葉同香茅，份量好多，可以自己加紅辣椒碎同埋青檸汁，Shake一shake就食得la，香脆嘅雞軟骨加埋辣真係好惹味，我哋都食到停唔到😆扎肉心內美米紙卷 $58米紙卷入面包住扎肉、生菜、青瓜同紫蘿蔔，配埋特製花生醬汁，成個菜式好refreshing🤩柑桔檸檬綠茶🍋 $23柑桔同檸檬嘅味道幾清新自然，甜度都適中南越蛋咖啡☕️ $35係用蛋黃、砂糖、煉乳打到起泡，之後加落咖啡，就可以做出cappuccino嘅泡沫效果，咖啡最上面一層微燒過嘅焦糖脆面蛋醬，飲嘅時候記住唔好攪勻，直接咁飲，飲落去好濃郁蛋香味，蛋香同咖啡嘅味道好夾~平時越南菜我哋就食得多，但呢間餐廳好有特色，可以試到創新嘅南越南fusion菜，菜式創意十足，如果大家食慣傳統嘅越南菜，想換吓新口味，就一定要嚟試吓啦😉…查看更多

今日同男朋友2個人黎到726 嘅1樓食南越南咖啡廳冇失望ge。星期日1點左右黎到吾洗等位直接入得。枱面已有點餐紙，筆，同埋餐具。南越蛋咖啡 : 好有特式ge咖啡，上面有層蛋味奶蓋，燒焦面，愛啡之人必試扎肉心內美米紙卷 : 我覺得個醬好好味啊，米紙卷都好足料，食甘多肉係應該食返d菜ge招牌金邊粉 : 湯底好正，材料都算多，金邊粉吸左湯ge精華，好好味南越蟹肉醬配脆餅球 ： 蟹肉醬超好食，個餅就dd硬，但都好脆， 好似粟米片咁…查看更多

好耐冇食越南菜，前排食過呢間玩味十足嘅南越南咖啡廳，食物高質，而且CP值又好，於是決定又再去食多次😍脆米紙薄餅 ($48)- 脆米紙薄餅真心推介大家試，上次食完都一試難忘，味道格外豐富多元，甜酸鹹味道融合得恰到好處，愈食愈滋味，配搭埋千島醬、青瓜絲、蒜香脆粒等等嘅配料，口感多層次，風味十足，真心超好味😋扎肉心內美米紙卷 ($58)- 呢個米紙卷非常refreshing，新鮮嘅蔬菜，特別係青瓜，極級清新，配搭埋惹味嘅扎肉，爽脆口感令人欲罷不能🤗南越蟹肉醬配脆球餅 ($68)- 蟹肉醬好足料，啖啖都有蟹肉，而且蟹鮮味濃郁，連埋獨特嘅鹹香醬汁同脆卜卜嘅脆球餅，簡直係滋味爆登，作為小食一流😋招牌金邊粉 ($88)- 金邊粉煮得好好味，金邊粉晶瑩透徹，香軟入味，而且湯底無比濃郁蝦醬嘅獨有香味都非常明顯，牛肉同埋牛丸等等嘅材料都非常豐富，每啖都食得好滿足，果然係招牌😋南越蛋咖啡 ($28)- 上次你說試過南越蛋啤酒，今次就試吓南越蛋咖啡，咖啡香醇細滑，味道濃郁，配埋咖啡上一層微燒過嘅蛋，蛋香配搭咖啡嘅甘苦，味道超級融合🥰柑桔檸檬綠茶(冷) ($22)- 柑桔檸檬綠茶一聽就覺得好清新，飲落更加係impressive，甜度嘅把握非常好，柑桔同檸檬嘅香好自然，每一啖飲都飲到嗰種清新感😊餐廳設計新穎，夠晒modern，而且上菜速度非常之快，食物質素真心有水準，值得再encore❤️…查看更多