裕鵝莊雖然開左都有一段日子，但因為佢係深井裕記嘅姊妹店，之前每次經過亞士尼道門外例必有長長嘅人龍，係而家市道淡靜左先唔洗排隊，見佢最近仲做緊外賣自取八折，周末突然有親戚黎屋企食飯，就試下黎外賣加餸。除左外賣八折，如果係醫護仲有免費甜品送。除左燒鵝，其他燒味都好靚咁。裕鵝莊除左最出名嘅燒鵝同燒味之外，都有小食、小菜、海鮮同飯麵等，全部外賣用透明膠盒裝住，盒蓋有打窿，返到屋企啲野食都冇變腍同走樣。燒鵝下庄($190) - 下庄係限量，想食一定要趁早，燒鵝油光閃令令，睇倒都口水流。鵝皮下面仲連住少少肥膏，鵝肉食落唔會太鞋，下庄份量都唔少，價錢同一般燒味店差唔多，又冇特別貴。叉燒燒腩雙拼($138) - 燒肉有兩行份量比想像中多，叉燒燒肉肥瘦適中，燒肉皮仲脆脆地，肉質唔會太鞋。爽滑海蜇($68) - 海蜇份量幾多，好爽口。懷舊炸鮮奶($88) - 炸鮮奶好鬆脆，炸漿唔會過硬過厚，鮮奶甜甜地幾好食。總結，除左招牌燒鵝之外，其他餸菜都唔錯，外賣八折堅抵食。…查看更多
【深井燒鵝下庄】果然是老字號，燒得赤紅的燒鵝髀，外皮閃令令既酥香，油脂豐盈不膩，香料的味道很濃郁，鵝肉吃落有濃郁鵝味又嫩滑，果然一分價錢一分貨！
【椒鹽茄子】造型好看有看頭，茄子大小切得均勻，椒鹽味道不會太鹹但很入味，每舊都很香脆。
【爽滑海蜇】涼拌海蜇有少少香醋味，質地爽滑又彈牙，口感十足，配燒味吃一流。
【懷舊炸鮮奶】外皮十分香脆可口，中間軟綿綿的鮮奶又有椰香味，炸粉一點都不厚，用心之作！
