L'AMOUR

身為一個熱愛美食嘅大埔居民，最近去咗L’amour，設計優雅低調，椅子以啤牌花作為椅背形狀加上燈光柔和，餐廳有一朵好巨型嘅玫瑰花作背景有種法國風情，適合約會或小聚，服務員態度親切，氣氛寧靜。散叫先叫三文魚子泡沫生蠔新鮮生蠔配泡沫同魚子，有金箔鋪在上面，入口滑溜鮮甜，泡沫有少少酸味，作為開胃菜幾好。跟住前菜北海道帶子刺身沙律帶子新鮮彈牙，配沙律菜同醬汁，清新健康，咬落去脆口多汁。主菜蒜片辣椒蟹肉扁意粉意粉煮得剛好，蟹肉鮮嫩，蒜辣味道適中，辣度唔過火，蟹香突出，份量夠食。另一主菜慢煮西班牙黑毛豬鞍配焦糖蘋果豬肉質地細嫩，慢煮後入味嫩滑，焦糖蘋果甜酸平衡，配上紫薯食落解膩。飲品原味Martini清新，酒勁適中，甜中帶酒香；Bumble Bee係石榴汁加橙汁沒有酒精易飲，配餐合適。…查看更多

同朋友拜年順便約食飯， 好耐冇見搵間餐廳慢慢坐低傾吓食吓先。 朋友介紹咗屋企附近有 fine dining 法國菜餐廳。餐廳座落於太和中心， 靜中帶旺， 裝修別緻，高貴典雅， 頗有情調但係又唔會好拘謹， 氣氛唔錯。下午茶時間有lunch set亦有單點先來杯cocktail 🍸warm up 吓先。餐廳提供許多自家調製雞尾酒，大玩顏色，效果，打卡一流😎Mojito 清新有活力， 薄荷葉都好新鮮， 冇苦澀， 味道調教得好好，唔會太strong ， 甜度也可以自己調教👍 揀咗個lunch set 有三個course。頭盤： Home made Crab cakes, 真材實料有勁多蟹肉， 而且蟹嘅味道相當濃郁，炸物外皮唔會太厚太硬， 鬆脆而不油膩～餐湯：松露蘑菇湯也放上新鮮松露片， 濃郁芳香， 蘑菇蓉打得好滑， 蒜蓉包薄身夠脆蒜蓉香勁好味。主菜：慢煮西班牙黑毛豬鞍， 配焦糖蘋果這個main course也非常出色， 賣相精美得嚟絕對夠份量。 慢煮黑毛豬肉質甜美，少少焦香和牛油香，有嚼勁，有少少筋位肉質一啲都唔乾，好吃極了！焦糖蘋果甜美，切成薄薄片也夠爽脆，旁邊還有自家蘋果蓉和紫薯蓉。蒜片辣椒蟹肉扁意粉蒜香惹味， 辣椒辛香炒香蟹肉更為美味～ 意粉也是我喜歡的夠煙韌唔會太軟， 橄欖油極香! 朋友唔食得太辣都極赞做得非常美味～！Set lunch 嘅甜品係 "Beauty and the beast'。冇刻意問店員 是什麼來的， 就當給自己一個驚喜。相當魔幻～玻璃金鐘罩充滿煙霧， 富有神秘感。 煙霧散去後見到一朵紅色花，那一刻才領略到係電影故事裏面嘅情節。。 花瓣部分應該係麵粉， 至於裏面。。點講呢。。 估唔到係蓮蓉嘅味道，硬身。。 質感特別。手工和氣氛絕對係甜品嘅重點～…查看更多

前排喺ig見到呢間餐廳嘅廣告，見到有分子料理，啲相同video都好fancy😻，覺得好吸引，所以想去試吓🤩 我上兩個星期去，佢哋試業中，單點餐牌有75折，所以fine dining嚟講算係平🤪間餐廳比較遠，喺太和站附近，店面唔大，不過入邊裝修得幾好，有水晶吊燈，做到好high class嘅感覺，而且有梳化櫈，都坐得好舒服，又唔會感覺好迫😚 店員都好好服務，態度好好，都會同我哋傾吓計😂 最後我哋嗌咗一個set lunch同埋散嗌左啲嘢☺️🔸🍸Rose $118一開始上呢杯cocktail我已經勁心心眼😻 個泡泡好靚，非常之打卡able！不過要小心啲唔好郁得太大力，如果唔係就好似我咁未影相之前個泡泡已經爆咗😹 玫瑰味好香，不過好明顯啲糖漿沉晒底，飲到最底好甜🤣🍸Dream $118Menu其實冇寫啲cocktail有咩成份，都係估估下咁嗌🤣 呢杯酒味唔重，甜甜地，有青蘋果味，易入口😚🍽Set Lunch $398🦀頭盤 - 自家製蟹餅配檸檬忌廉汁 擺盤好精緻好靚，所以影咗好耐相😂 影到侍應哥哥行埋嚟話：「趁熱食啦」😹 蟹餅炸得啱啱好，食落去好鬆軟，入面有一絲絲蟹肉🤤 個檸檬忌廉汁超好食！唔會好酸，忌廉味重😆🥣是日餐湯 - 蕃茄忌廉湯配蒜蓉包超級濃嘅蕃茄味，入面仲有好多蕃茄蓉，啲忌廉都配合得啱啱好，好好飲🥳 個蒜蓉包好脆，烘得好好食😋🐖主菜 - 慢煮西班牙黑毛豬鞍配焦糖蘋果🍎配搭非常特別嘅主菜！豬鞍係近肩肉同梅頭嘅部位，比較肥膩，所以本身都好好食。呢個豬鞍好容易切開，好嫩，唔會好韌好難咬，而且份量好多😆 再配合埋焦糖蘋果甜甜酸酸，仲有紫薯，個配搭幾好幾夾🥰🍨甜品 - 鮮果·雪糕·杏仁·芒果雲呢拿雪糕，仲有macaron，再配埋紅桑子同芒果，又甜又酸，有唔同口感😚🖤香煎北海道帶子黑松露洋薏米飯 $198裝飾得好靚，好有心思🥰 個飯濕潤度啱啱好，唔會好乾，食落口粒粒分明，配埋黑松露真係好正好好食😋 🌠星空 $98原本嗌嗰陣唔知咩嚟，但見到張相超靚，所以好想嗌🤣 碟底下放咗乾冰，會有煙霧飄散出嚟，又係好打卡able😍 不過店員話呢排天氣凍，所以唔會有好多煙飄出嚟😿 嗰陣啱啱新年，所以想懶有氣氛，叫店員寫Happy New Year喺碟度🤣 不過其實佢只係一舊好普通嘅啫喱，而且冇乜味😂😂😂埋單每人4舊幾水，不過都會覺得值，真係視覺同味覺既享受，我覺得係可以encore既餐廳🥳…查看更多

新嘅一年，新嘅開始。2021年嘅第一個禮拜六決定同朋友入大埔試下仲係試業中嘅L'AMOUR。未入去已經比入面嘅裝修深深吸引住。餐廳中間吊咗一盞大水晶燈營造浪漫舒適嘅氛圍，加埋後面開放式嘅酒櫃，未食嘢已經要開始消耗手機嘅memory檯與檯之間都闊落。啲凳係梳化椅，坐得好舒服。 因為想試多啲唔同嘅嘢，我地最後決定 order 一份 set lunch 再散叫多兩杯cocktail、一份主菜同一份甜品。Set lunch包餐湯、頭盤、主菜同甜品。首先上嘅係番茄湯：味道非常濃郁，而且有幾多番茄蓉，配埋香脆嘅香草法包，用嚟送湯一流！之後係自家製蟹餅配檸檬忌廉汁，切開舊啱啱炸起嘅蟹餅可以見到一絲絲嘅蟹肉。坐咗陣，兩份主菜：香煎北海道帶子黑松露薏米飯同慢煮西班牙黑毛豬鞍配焦糖蘋果都黎埋。個人對薏米飯印象較為深刻，帶子處理得恰到好處：表面煎到帶焦香，肉質唔會太韌，薏米飯好有咬口 。 杯 Dream 散發出淡淡嘅蘋果香，上面嘅氣泡就如人生： 燦爛但轉瞬即逝！記住要捉緊時間打卡影相！星空係類似啫喱嘅甜品，舊啫喱較為清淡。大廚係碟面灑咗啲野莓乾作為伴碟。餐碟底部放咗乾冰。隨住時間過去，乾冰化作縷縷輕煙，從碟上的小孔徐徐升起，格外有情調。順帶一提，大家係可以請店員幫手係點面上面寫字，而我地就寫咗Happy New Year 。總體黎講，餐廳食物質素非常高，而且店員態度有禮，絕對對得住個價！之後會encore！…查看更多