b.o.t.h. by Texas Burger

餐廳有落地大玻璃，室內陽光充足，好光猛，絕對係個打卡位，可惜我哋今次就坐唔到。下午茶時段嚟到，諗住叫啲輕食同甜品試下，🥢德州燒烤牛肉漢堡 $88🥢漢堡好大個，份量足料，牛肉都燒得好香🥢奶蓋楓糖核果梳乎厘班戟 $118🥢班戟超級鬆軟，奶蓋好邪惡，本身都鍾意食nuts，配埋個班戟好夾呀！食完好有罪惡感另外餐廳啲飲品都好有特色，尤Milkshakes用咗卡通人物命名。🥢Pink Panther(mixed berry) $58🥢The Smurfs(vanilla) $58🥢Pink panther係粉紅頑皮豹，the smurfs即係藍精靈，依個名唔係好多人知架！Super appreciate！…Read More

以往對墨西哥餐廳既感覺係好重味道，好膩。今次試既呢間墨西哥餐廳，主打食burger，又試下有無驚喜，如只論食物質素，個人認為一定會再去。今次試了3款食物：墨西哥手撕豬肉三文治麵包好厚，但烤脆了，唔會好難咬開，裏面有好多，係好多墨西哥醬汁豬肉絲，有啲生菜同埋 醃咗嘅酸菜伴碟，食落冇咁油膩。德州燒烤牛肉漢堡一出黎，好巨型既感覺，無可能一口咬得哂，我就攞走兩塊炸洋蔥圈先，咁就可以一大啖咁咬哂所有料，塊漢堡真心覺得正，超juicy，medium rare 加埋脆口煙肉，食完已經想再order 。慢煮澳洲牛面頰菠菜意大利飯本身對意大利飯既興趣不大，not my favorite ，食落啲米都唔係熟哂，有咬口，味道就一般，無乜特別之處。最後，希望餐廳可以改善服務質素，門口位無人招呼，客人自出自入咁，員工對客人好似視而不見定係眼睛有問題呢？舉哂手都無人理，叫佢加少少水要好耐，已經唔爆場，如果全場爆滿，真係難以想像。…Read More

之前係朗豪坊食過Texas Burger覺得唔錯，今次決定嚟試埋呢間！💛大概1-2點幾嚟到荃灣食lunch，周圍都好多人！嗰日大概等咗15分鐘就入到去～嗌咗2個Main，分別係德州燒烤牛肉漢堡($138)🍔同埋Daily Pasta ($138)🍝✔️德州燒烤牛肉漢堡($138)味道：⭐️⭐️⭐️⭐️個包好有牛油香同有鬆軟、牛肉夠厚夠juicy、煙肉都啱啱好，唔會太燶，個汁都好味😋而個薯條唔係普通薯條，係Cajun味嘅薯條，熱辣辣又外脆內軟！！食唔停口！😆✔️Daily Pasta (青醬橡果雞絲意粉) $138味道：⭐️⭐️⭐️唔太肯定呢個係咪佢個名🤣總之就係青醬雞絲意粉！呢個意粉好creamy亦食到芝士味，雞肉唔會太乾，啱啱好！但呢個青醬意粉嘅味唔似平時食開嘅味，可能係青醬味唔太出～…Read More

依間出名西餐成日大排長龍😋節日慶祝緊係要試下墨西哥手撕豬肉三文治 $98超級脆既麵包，夾住滿滿既手撕豬肉👍個醬有小小辣+甜，有啲似蜜糖芥末醬🤣都幾好味，好開胃👍豬肉都十分Juicy好多汁，本身覺得個包有啲乾，但配埋豬肉食岩岩好😆德州燒烤牛肉漢堡 $108上到黎見到，無諗過個burger係咁細個😂本身無加薯條都要即刻加返😂😂塊牛肉唔算好多汁，不過佢加左好多醬汁搭救，先唔會太乾🤔裹面有炸洋蔥，勁脆🤣👍好正美式香草燒雞 $138個雞烤得啱啱好😍👍外脆內軟，雞肉都好鮮嫩多汁👍👍👍外面灑上超惹味辣粉，食落小小辣，令到整體更加香口👍😋…Read More

之前社交平台瘋狂洗版嘅both.by texas burger到依家終於冇乜人排隊啦！之前都聽過旺角本店texas burger係好出名嘅專門店 今次唔駛去旺角都可以一嚐為快😙🍔德州燒烤牛肉漢堡💰138炸洋蔥圈就係德州燒烤牛肉漢堡嘅highlight！三個疊埋一齊嘅洋蔥圈令整體漢堡嘅高度再上一層 新鮮炸起亦好香口下面仲有兩塊煙肉墊住 煎得好乾身令口感卜卜脆咁 再配上成塊嘅半融芝士同牛肉餅 口感非常豐富 包身亦焊得酥脆 不過略顯較乾身🍔卡爾谷煙燻車打牛肉漢堡💰138呢個係經典芝士牛肉漢堡 但係芝士都有明顯嘅兩層 上面蓋住嘅一層芝士下面仲有結塌塌嘅醬 整體口感酸甜帶有芝士味！牛肉餅下面其實都有一層醬汁 食得出牛肉餅入面唔係well done所以好嫩而中間仲有清新嘅番茄同生菜 但係包底都係吸乾淨左醬汁嘅味道 會有小小膩同埋油 不過包身甜甜地算好食！兩個餐都有搭配薯條 薯條係粗身都有裹上一層炸粉 整體入面薯蓉感覺幾好味 唔油膩！🥓全日早餐💰128擺盤好靚！同清晰易分入面有煎蛋 德國香腸 煙肉 牛油炒蘑菇 煙燻番茄 茄汁豆焗薯同埋一塊牛油多士煎蛋真係可以見到尚未成形嘅蛋黃 仲要係橙金色令人眼前一亮！德國香腸唔係脆身一切就開 而係好似肉糜咁一舊舊篤出來食 唔會太鹹幾好味煙肉比較似煙鴨胸嘅感覺 個人會比較鐘意更酥脆嘅煎煙肉 而炒蘑菇真係好出色 感覺牛油配上菇類都真係百搭！煎蛋下面有一舊焗薯 隔離都有塊牛油多士 表面脆卜卜但係內裡十分柔軟！而茄汁豆都同出面嘅唔同 調味淡所以更好味 整體推薦！🍨Pink Panther💰+37呢個milkshake包含左混合雜果 雪糕同yogurt 外表好靚呈現粉紅色 texture都好濃厚！上面仲有唧滿嘅cream～☕️Latte💰+25呢杯份量好多 拉花都還不錯～🥣Soup Of The Day今日嘅餐湯係南瓜湯 表面上浮左一層忌廉 而內裡南瓜蓉口感都十分黏 幾好飲因為我地唔係坐靠窗所以冇得睇出面嘅風景 但係呢度每張台凳都坐得好舒服 真係好啱同frd吹水！仲有bar台望住bartender調酒 配上動感十足嘅bgm整體氛圍好好！📌 B.O.T.H. by Texas Burger (荃灣)荃灣大壩街4-30號荃灣廣場3樓337號舖…Read More

德州燒烤牛肉漢堡 🍔🍟跟店名一樣嘅招牌漢堡，比較少吃用BBQ醬黎調味嘅漢堡，估唔到又幾惹味😋幾有驚喜最開心係配至愛嘅粗薯條，熱辣辣脆卜卜，正😬核果奶蓋班戟🥞估唔到用咗肉桂黎調味😍😍😍 好香。 整體調味剛好，唔會過甜。班戟口感鬆軟，合桃都好好味 不錯吃。食親Burger 都會好想配奶昔😅叫咗一杯 Pink Panther (雜莓味)嘩！估唔到又幾靚🦋打卡一流😆口感有啲似沙冰環境裝修都幾舒服，服務都很不錯，價錢合理，味道不錯…Read More

大前日 (12-9-2021 Sun)中午前同老公送完膠後食晏,去海之戀嘅PEKO PEKO(https://www.openrice.com/zh/hongkong/r-peko-peko-eatery-%E8%8D%83%E7%81%A3-%E5%A4%9A%E5%9C%8B%E8%8F%9C-r677983)?再諗諗先,行到荃灣廣場,突然記得呢間黃店,於是走嚟.由於啱啱開門冇耐,所以有好多位,我哋揀坐窗邊嘅二人位,睇完menu,決定要:2. 跟餐加$25.00嘅凍Americano coffee老公飲嘅,佢話其實係齋啡,我問佢苦唔苦?佢答甘唔苦,OK.味道:3分1. $138.00嘅德州燒烤牛肉漢堡漢堡跟埋薯條上,材料係有齊,牛肉漢堡好鬆軟,牛肉味有雖然唔太濃,但我覺得ok.味道:4分暖暖地嘅薯條外脆內軟,灑咗少少辣粉,好彩唔太辣.之後凍咗更加脆.味道:5分3. $128.00嘅素食植物牛肉芝士漢堡個包好似燶咗啲,帶少少甜味;植物牛肉漢堡口感比牛肉漢堡實少少;而呢個醬汁係有少少辣.味道:5分4. 是日餐湯係南瓜湯,端上嚟係熱騰騰,飲落,點解有薑味?點解薑味咁重?質地都唔太杰.味道:2分環境:好大間,所有座位都好舒適,或者會再嚟.服務:好有禮貌,我落單時其實想要Hawaii Beach,女侍應話呢個要正價,之後我轉要餐湯.唔錯,提醒我.抵食係2.5分其他:Menu喺食品上有中英文,但飲品就只有英文,建議都增加返中文,咁我哋就唔使睇咁耐menu.…Read More

有別於一般美式漢堡包店，依間餐廳設計走田園風，到處擺滿植物裝飾，配上木系裝潢，仿如外國既後院～環境開揚舒適，空間感十足，窗邊位採用落地大玻璃，樓底亦較高，更設有梳化位置，休閒又有格調～黑松露蘑菇湯味道濃郁❀ 德州燒烤牛肉漢堡配料豐富既burger～漢堡包外皮微脆，質地鬆軟，入面有牛肉漢堡、煙肉、炸洋蔥圈、生菜、芝士及BBQ醬，食落好有層次。牛肉漢堡厚身又juicy，食落牛味都算濃，煙肉及炸洋蔥圈都好香脆，配埋特製BBQ醬，令味道更惹味。而旁邊既薯條上枱時仲係熱辣辣，外脆內軟～❀ 特色玉米夾餅爆餡Taco！入面既配料可揀牛、雞或豬～一上枱就見到滿滿既配料，特別係多到滿瀉既雞肉，入面仲有牛油果醬、蕃茄粒、洋蔥粒及酸忌廉，食落口感好豐富，有少少辣但好惹味～❀ 核果奶蓋班戟為左依個奶蓋pancake而黎～即叫即製，上枱熱辣辣。有兩大塊pancake，質感偏實身，唔係空氣感既疏乎厘質感，有香濃蛋味。奶蓋充滿奶香及核桃味，表面仲灑上少許玉桂粉及核桃粒，食落有層次，整體味道幾特別～❀ Pink Panther依杯粉紅色奶昔好啱打卡，上面灑上有顏色既砂糖，仲有一隻紙蝴蝶作點綴～本來都擔心莓類飲品會有藥水味，好彩依杯係混合雜莓、雪糕及乳酪，酸酸甜甜，整體偏甜少少，係一杯好邪惡既飲品～…Read More

Texas Burger 係旺角其中一間人氣店，荃灣分店開左一陣但次次隨意經過都見到長長人龍（其實呢個已經係假日荃廣所有餐廳既新常態），所以要網上訂好位先去比較好。網上睇大家對呢間餐廳評價毁譽參半，決定自己試一次為準。.餐廳有特高落地大玻璃，自然日光加簡單自然風裝修已經好舒服。不過餐廳限時90分鐘，想慢慢坐chill 下都唔容易。.德州燒烤牛肉漢堡 💲138⭐️3.8/5雖然係招牌名物，但本身對呢個漢堡包無太大期望，因為個人唔係太鍾意BBQ醬。但估唔到呢個漢堡都算ok，除左牛肉漢堡扒佢仲有炸洋蔥圈同脆脆煙肉，邪惡得來都幾夾。.焦糖法式牛油吐司 💲118 (餐）⭐️3.6/5一向都鍾意食法式吐司，所以正餐放棄左意粉要左份甜品。焦糖法式牛油吐司本身唔係複雜難處理菜式，所以呢份味道都合格，有三件份量都幾足好飽肚。.核果奶蓋班戟 💲118⭐️3/5比較令人失望係呢份招牌奶蓋班戟，似乎係荃灣分店限定物，我見其他店好似無。一入座侍應已經提示呢個名物需時45分鐘準備 （但用餐時間得90分鐘），我見檯檯好似都有一份所以跟風試下。份量都好大，兩個人share 都覺得有點多。質地比想像厚實唔係空氣型日式風班戟，試後覺得佢相對普通。.Cappuccino ⭐️2/5去美式餐廳，咖啡應該唔會係佢地主攻項目，但呢杯奶啡拉花咁靚。可惜味道上就真係麻麻地😂。.🔸可能我好彩，服務無網民講到咁差，雖然侍應理係比較少。不過落單完上左杯咖啡之後，就等左超過半小時出現第一樣嘢食，但我地張檯野食都未清哂就好準時90分鐘一到就拎咗張單嚟，似係催客走，呢點扣分。其實個漢堡包同法式西多士我哋係滿意既，試一次也可以。.…Read More

Lunch Meal服務態度招呼好好，座位闊落舒適。叫左特級鴨肝牛肉芝士漢堡同德州燒烤牛肉漢堡有餐湯同指定飲品跟。磨菇湯都幾好飲，指定飲品係Regular coffee/熱情果紅茶，叫左凍紅茶唔洗加錢。兩個漢堡扒都係乾身，無肉汁。鴨肝煎得都ok，但鴨肝味唔夠香。德州燒烤牛肉係煙肉+牛肉漢堡。…Read More

B.O.T.H. 即係Backyard of the House。店內放滿綠色植物，裝修用木色設計，希望營造岀後院舒適既感覺。近落地玻璃窗位的樓底特別高，空間感好強👍🏻我地平日夜晚8點去到好彩唔洗等位，不過就坐唔到打卡位😫😫🎈 德州燒烤牛肉漢堡 $138首先要讚下個BBQ醬，個味調得好好，唔知應該點形容，總之就好岩我口味啦🤣🤣除左有層厚厚既肉，入面仲有炸左既洋蔥圈、煙肉、芝士同埋生菜，成個包既層次豐富😋同埋個包烘得岩岩好，可以做到外脆內軟👍🏻👍🏻至於對於我黎講好重要既薯條都好好味，粗幼度岩岩好，外面好脆又可以保持到薯仔味，就咁食唔洗點醬都已經好惹味😋😋🎈 核果奶蓋班戟 $118店員好貼心提醒我地個Pancake要等45-60分鐘，建議我地落野食果陣可以一次過落埋。本來我就好鍾意食空氣感重既Pancake，所以呢個係必試項目😋😋其實呢個甜品真係要同時間競賽，本來空氣感咁重嘅pancake就好容易會下榻，再要喺pancake面到燒一層焦糖、又要擺盆裝飾，都真係要幾手快🤣🤣同埋我都幾欣賞個蜜糖堅果幾好味😋飲品味道偏淡，另外如果是日餐湯可以有兩款選擇就更好啦🤪🤪#YummyLifeKat…Read More

平日放假就試下呢間新開既餐廳 可以好好享受午餐今日既意粉係卡邦尼意粉🍝加埋個溫泉蛋可以豐富個味道同埋口感Set lunch包湯同飲品，呢個磨菇湯都幾滑，味道都唔錯食燒雞最怕「鞋」但切開既時候見到好多汁而且又幾嫩滑呢個牛肉漢堡入面既煙肉同埋洋蔥圈都好脆，醬汁有輕微嘅辣味。平日下午去食就唔算多人 環境都好靚 坐位又舒服 適合打卡同埋傾計 侍應比較少 所以等既時間比較耐 不過就冇人吹要交檯 可以慢慢享受同埋同朋友傾計…Read More

知道人氣漢堡包店喺荃灣開咗分店，即刻嚟試吓。我哋喺開飯啦訂咗位，所以就唔使排隊，如果唔係即場walk in見嘅話，我哋見到現場都好多人排隊今次就點咗：🍔德州燒烤牛肉漢堡$138 - 呢個漢堡入面有芝士、煙肉、洋蔥圈、生菜，當然仲唔少得牛肉同埋好好食嘅燒汁，成個包勁Juicy，食完係超級滿足。呢個漢堡包仲配埋薯條，所以一定唔會唔夠飽。🥞核果奶蓋班戟$118 - 呢個pancake，喺點餐嘅時候，店員就提醒要大概等45分鐘至一個鐘，當堂聽到，就覺得使唔使咁誇張，要等一個鐘先有呢個班cake可以食。但當呢個班cake嚟到嘅時候，就明白點解。呢個班cake唔止鬆軟，仲超級有蛋香，未食已經聞到個蛋香，鬆軟之餘，又唔會淨係得空氣喺入邊，即係嗰啲所謂嘅「空氣感pancake」咁，係絕對絕對非常好食，絕對係等咁耐都抵嘅。🥤Pink Panther milkshake $58 - 呢杯奶昔原價係$58 ，如果更個漢堡嘅話，就只係加$37就可以。呢杯奶昔係mix咗mixed berry，雪糕同乳酪。我個人來講就覺得略甜，不過都可能只係因為我唔食得太甜。☕️Earl Grey chocolate $44 - 朋友仔點呢杯，佢話有好香嘅伯爵茶味，我諗我下次都會試一試呢個。總體來講，呢幾樣食物都好好食，所以都明白點解咁多人排隊嚟食，我都覺得我一定會再嚟😋🍔B.O.T.H. by Texas Burger📍荃灣大壩街4-30號荃灣廣場3樓337號…Read More

B.O.T.H. by Texas Burger荃灣大壩街4-30號荃灣廣場3樓337號舖難得今日放假出左黎荃灣行街，有一排無黎過荃灣廣場啦，發覺原來多左好多新餐廳離遠已經見到呢間餐廳感覺好chill, 所以一於入黎試下。。入到黎坐得已經覺得好舒適，座位闊落，而且週邊用左好多植物裝飾，而且最側邊係一大排落地大玻璃，如果日頭黎幫襯，有埋陽光直射入餐廳，肯定好正🌞雖然meun 入面既選擇唔算好多，但係樣樣都好似好吸引好正，真係幾難揀呀焗芝士玉米薄脆---餐廳好細心，分別有素食版$98同埋肉碎版$118供客人選擇, 我就當然係揀要有肉啦，粟米片炸到脆卜卜，而重點當然係個醬汁啦，非常惹味加埋肉碎，口感一流呀德州燒烤牛肉漢堡---巨型既漢堡非常足料，入面分別有煙肉，炸洋蔥圈，芝士，生菜，厚切既牛肉，配合埋惹味既BBQ醬，真係perfect match呀另外，仲有青瓜同埋 熱辣辣既薯條伴碟核果奶蓋班戟--- 軟綿綿嘅厚切班戟，加埋濃郁香甜既奶蓋，仲有藍莓，士多啤梨，蜜桃。。。 用黎做飯後甜品就最適合啦…Read More

一早同屋企人出街做完野 難得係紅日公眾假期大家都放假 梗係要同屋企人食返啲好野 嘆返個lunch先 知道最近荃灣廣場開左間新既西餐Texas Burger 佢本身係旺角朗豪坊既頂樓都係有一間專係食Burger 一直都想試下 又開正係荃灣 就去試下啦 我地大約早上十點五十分去到荃灣廣場 行到去餐廳門口已經見到有堆人等梗開位 餐廳係開十一點 到差唔多夠鐘 店員行出黎叫我地排一排隊 搭正十一點 店員開始慢慢安排客人入座 餐廳一望入去俾人感覺好舒服 店內有一塊落地大玻璃 啲陽光有映照入餐廳 再加上影觀開陽 而且店內既裝潢帶點綠樹林蔭的感覺 岩晒中意打卡既女仔 餐廳既食物選擇都有好多 有全日早餐 班尼迪蛋 吐司 飯 意粉 扒 漢堡包同甜品 我地一早已經俾佢地既burger吸引左 我地四個人都係叫左burger 佢係餐黎 每個都會跟餐湯或者飲品 今日餐湯係南瓜忌廉湯 飲落好重南瓜味 好好味 今日餐飲係熱情果茶 有得揀凍同熱 我地揀左兩杯都係凍 飲落有少少熱情果味同埋茶味 冇乜甜味 岩晒唔太中意飲甜味既人 另外 如果想叫其他飲品既就要另外加錢 我見人地飲個啲Mikeshake好令好大杯 岩晒打卡 不過驚太飽就冇揀 咁就單叫左杯Hawaii Beach 係一杯蜜桃菠蘿梳打 飲落幾清新 好重蜜桃味 不過個人就覺得偏甜左啲 味道都唔錯主菜我地揀左墨西哥手撕豬肉三文治 應該係麥包黎 咬落好脆 入面有好多手撕豬肉 多到一路食一路跌晒出黎 手撕豬肉食落有少少辣 仲有好多汁同芝士 好juice另外仲叫左兩個德州燒烤牛肉漢堡 入面係有兩舊炸洋蔥圈 炸左既煙肉 生菜 牛肉同埋好多既燒烤醬 食落成個配搭係好夾好好味 牛肉厚身好多肉汁 燒烤醬夠晒多 令到個包食落唔會太乾身 係除左個炸煙肉係硬身左少少 仲叫左個係特級鴨肝牛肉芝士漢堡 個人唔太中意食芝士 所以落單個陣同左店員講走芝士 個包入面係有舊幾大舊既鴨肝 牛肉同埋火箭菜 一上枱已經聞到好大陣鴨肝味 仲係入口即溶個隻 好好味 成個配搭又係好夾 我地揀左個四個主菜都係配薯條 佢地既薯條係粗身 份量都幾多下 薯條都炸到好好味 一個人食一個餐係岩岩好 個burger唔會話好大個 食埋薯條就岩岩好整體黎講 呢度既環境真係好好 餐廳裝修得好令 店員既服務態度好好 食物幾高質 價錢都合理 值得一試…Read More