小糖鈕甜品專門店

數個月前吃過小糖鈕甜品，回味無窮，便趁到元朗找友人聚聚的時候，再次光顧由於這次只有二人，故此不點豐富的甜品拼盤了。我們又拿不定主意，因為選擇實在蠻多，各甜品的外形也設計得十分精緻！這店的食材配搭很特別，除了一般西式甜品會採用的芒果、士多啤梨、雲呢拿、朱古力‥‥還會用腐竹、黑椒、黑松露這些創新的食材。我們終於選定了三款甜品：雜草莓意式芝士忌廉杯、流心花梨、小糖鈕森林。店主把甜品分段送上，好讓每個甜品都能保持最佳的溫度及質感，還會簡單介紹一下甜品的材料，十分細心。店主先為我們送上雜草莓意式芝士忌廉杯，想不到份量是大杯裝甜品很有層次，面層鋪滿了數粒士多啤梨、黑莓、藍莓在士多啤梨果醬上，味道清甜新鮮。白色的意式芝士忌廉和粉紅色的士多啤梨奶凍都十分香滑，淡淡的意式芝士味甜中帶微酸，十分開胃！在我們瘋狂相機食先的時候，店主為我們送上剛焗好的流心花梨，是桂花雪梨心太軟配雲呢拿雪糕，色澤並不是一般的朱古力啡色，而是特別的有紋啡黃色。切開心太軟，粒粒桂花雪梨果肉緩緩流出來，散發著甜絲絲的香氣。用中式的食材製作西式甜品，感覺很特別！流心花梨比傳統的心太軟味道較清新，也沒有太甜膩的感覺。雲呢拿雪糕也是用心之作，有粒粒雲呢拿籽，用料認真，冰冷的雪糕配起暖熱的心太軟，刺激味蕾。最後，店主送上小糖鈕森林，因為此甜品的甜味比較重一點，所以須留待最後才吃。小糖鈕森林是我們最期待的，因為賣相非常可愛！上枱時甜品散發著誘人的黑松露香味，甜品的配置是模仿森林的一角，由兩顆白磨菇作主體，放在朱古力、脆脆的餅乾碎上。磨菇是用黑松露蛋白餅和白朱古力忌廉製作，甜甜的蛋白餅香脆，有淡淡的黑松露味，想不黑松露用於甜品上，味道也挺適合的。小森林旁的是橙香燉蛋，店主特意介紹上面的焦糖脆片是刻意的放歪，可按個人對甜度的喜好而進食不同的份量。我最喜歡的甜品是焦糖燉蛋，當然要把整個吃下吧！香軟的燉蛋配上脆口的焦糖片，很有口感！現在我又開始想念小糖鈕甜品了！能吃豐富而又美味的甜品，真的很幸福！…查看更多

又到週末， 係時候獎勵下大家，今次下午茶揀左呢間元朗區都幾出名既甜品店。正所謂聞名不如見面， 我聞左咁耐， 唔見下都唔好話自己係元朗人。店內外都充滿住一粒粒鈕裝飾，色彩繽紛。 坐位唔多， 但坐得舒服， 呢個係帶住小朋友最重要既賣點。 另外要讚一讚店主非常顧及小朋友， 等食時佢借左本minion 書俾家姐睇， 真係氹到佢肯乖乖坐定。甜品款色唔算多， 但女人就係拿不定主意， 店主介紹我地食最受歡迎既大拼盤$198， 賣點係試足5樣餐牌上既甜品， 再加3款推介既神秘甜品， 適合2-4人。話晒都一家大細， 梗係要試晒佢😂。另外口渴既DADA叫左柸芒果蜜桃特飲（梳打）$32。呢柸芒果蜜桃特飲一出場， 我地都發出一聲「嘩！」 原因係佢用左乾冰， 另到柸野好似火山咁出煙。可愛既家姐仔竟然話柸野好熱， 好搞笑。 講返呢柸梳打， 味道唔太甜， 都幾解渴。主角終於出場，兩個詞語形容：靚+吸引。 店主先向我地續款介紹，8款甜品由淡至濃，提議我地順序開始。 1 富士蘋果撻， 因為係熱點， 上有冰凍既雪糕， 下有暖暖既蘋果粒，見議要係佢未溶之前食晒。 2冰鎮玫瑰荔枝燉蛋， 本身唔太好玫瑰味，因為之前試過所謂嘅玫瑰味都好似食緊香薰咁。但我錯了，呢個完全無香精味道。燉蛋上裝飾既玫瑰係用薄脆製成，撈埋軟滑既燉蛋口感豐富。3香芋忌廉蛋白脆（神秘甜品）個名我作既🤣。由細到大我都鐘愛香芋雪糕， 今次呢款甜品都一樣咁like, 香芋味好香， 蛋白亦焗得好脆。4熱情果芭菲配新鮮西柚（神秘甜品）， 店主話個設計好似「跌咗落地嘅波板糖」，外層包左白朱古力，內層為香甜軟滑既熱情果芭菲，原來芭菲都可以用外脆內軟黎形容。5雜草莓意式芝士忌廉杯上層由藍莓、紅莓同草莓組成，下層係打鬆左既忌廉芝士，食落酸酸地。店主話係中和返之前食咁多甜既味道， 亦為下幾款更濃既甜品作準備。6小糖鈕森林，香菇係用咗白朱古力忌廉配埋意大利黑松露製成， 黑松露味幾重，口感同馬卡龍差不多，煙煙韌韌。香橙燉蛋味道絕無蓋過黑松露味。 7燋蕉蕉杯面層既香蕉葩飛，加左爆炸糖喺裏面，好有驚喜，重拾兒時的味道， 下面有chocolate brownie & 粒粒焗過既香蕉， 甜味已經達到8分。。8特濃朱古力配黑椒咸脆片（神秘甜品），名付其實， 朱古力軟滑， 杰身， 應該係用上dark chocolate， 比較濃郁。食到第8樣， 我地已經好飽滿足。驚喜一浪接一浪，原來呢個星期仲係小糖鈕開業兩周年，店主答謝客人，俾咗一疊抽奬卡，家姐好好彩抽中全單八折。埋單$184✌🏻。臨走前， 店主仲送左支棉花糖既波板糖俾家姐， 開心到暈。非常親切細心。最後有機會同店主=甜品師傳傾計， 原來佢係五星級酒店出身，唔怪得咁高水準啦。 …查看更多

係元朗食飽飽晚餐四出搵下甜品食係漫無目的既情況下 見到呢間甜品店既裝修幾得意全部都以鈕來design..而且色彩好colourful大大粒鈕為logo入到餐廳內 牆身都是好多色彩繽紛既鈕 連吊燈既燈罩都是好多鈕menu我地點左杯凍既蜂蜜桂花茶 好特別 不斷有好多煙向上升 好夢幻既感覺 不停噴煙既同時 杯中既花瓣都不斷上上下下飄浮 好似個水晶球咁我們都影左好多相 因為太得意了杯野味道好滋潤 有好重既蜂蜜味 入面有好多好多桂花花瓣 桂花味都好重我係香蕉迷 所以點了呢款以香蕉為主題既甜品造型好吸睛連碟上伴碟既焦糖香蕉，香蕉片上都有一片焦糖脆片 香蕉加上甜甜既焦糖 口感同味道都幾得意朱古力核桃brownie,帶點林身既蛋糕 有好重既香蕉味， brownie上淋有濃濃既朱古力醬，朱古力配以香蕉brownie...口感同味道不錯香蕉芭菲。。有大量既香蕉蓉 香味十足這個造型好似係森林中 有塊樹木上有兩件磨菇 磨菇由蛋白脆餅配以白朱古力黑松露醬造成我冇諗過黑松露都可以做成甜品而且黑松露味十分香 我愛把一點點的松露醬加到蛋白脆餅來食，蛋白脆餅甜甜，混入了黑松露醬來食可中和一下蛋白脆餅的甜味感覺幾得意 好似食緊脆脆既菌類一樣除外仲有個橙香燉蛋甜品有點點橙絲，焦糖脆蓋及燉蛋燉蛋好濃蛋味 可以隨自己口味喜愛加上橙絲和焦糖相配由於我本人不太愛橙味 所以我多以焦糖配蛋來吃脆脆的焦糖配濃蛋味 這兩款拼盤都不錯 因為一次過可食到多款甜品 下次再來都希望能一試是日食了差不多200元，雖然比一般甜品店貴些，但甜品充滿驚喜 而且店員都很用心介紹每款甜品既特色與食用既先後次序…查看更多

而家食甜品 除左真係一個「甜」字之外 真係唔夠架學時下人話齋咩都相機食先 緊係仲要玩埋賣相呀 4D咁樣先夠啦最好真係會 彈!! 出黎咁就無敵喇!!!咁岩去左元朗個邊搵朋友 成班人仔傾下計四圍行 講真 呢邊 似熟似唔熟咁啦 熟既係因為流漣過 唔熟因為耐無黎過咁就當執返自己啲腳毛啦 朋友們話有間新晉甜品舖 周末會大排長龍 好多人會黎朝聖既佢帶路我地負責食!!! 走到去大坑渠個附近 有間色彩繽紛既舖頭 原來就是它!!小糖鈕 個名都相當得意可愛 吸引到一眾女性朋友既目光 - 嬴左架喇!! 斜陽裏氣魄更壯 無錯 因為下午茶時間加上風和日麗 大家都好有朝氣精精神神咁入去食甜品 過一過冷河先主打「鈕」 故勿論係糖鈕定衫鈕 好味就係好鈕聽聞係必點之作 咁就要試下喇呢杯MOJITO無酒精飲品 基本都係以簿荷葉 檸檬加7-UP黎做不過佢最有睇頭係 用左乾冰做BASE 令到佢出住煙咁上枱而且可以做到極凍效果 夠晒解渴 視覺一流 味道亦好清新 涼爽!!小糖鈕森林 以呢2粒菇菇做賣點查實佢都以黑松露既味道做主調 配合埋白朱古力 就做左呢粒出黎開頭都好驚 黑松露點樣配合甜品呢?! 但食完發覺 原來都可以好夾既松露味好強 甜度適中 就賣相已經好出色 味道安全穩陣 橙味燉蛋 可以清新返個口腔 帶走松露香味 食下一道甜品店主自家創作出 8款唔同味道既組合式甜品拼盤其實佢有五個餐牌內主打甜品加三個神秘甜品 由師傅拍板擺放有特色 花心思 就好似一件活生生既藝術品一樣可以觀賞又可以品嚐 相機食先定刀叉食先都一樣可以 次序不分前後左右:意式蕃茄芭菲, 富士蘋果撻, 70%特濃朱古力冰鎮玫瑰荔枝墩蛋, 綠茶奶凍, 香蕉朱古力布朗蛋糕意式熱情果芭菲, 意式香桃芭菲一次過可以試均晒咁多款甜品 真係滿足晒唔止三個願望 由濃到淡 甜到輕甜 硬如布朗到軟似風唔同層次唔同味蕾刺激 分子料理中帶點熟食既感覺 咪話唔CYBER 同有特色同場仲見到有啲熟客會一個人叫一個拼盤慢慢品嚐我諗老闆見到食客滿足 一定好開心!! 大人都要扭住食!!!!!!!…查看更多

元朗的甜品店星羅棋布，幾乎每條街亦不難看到甜品店的存在；然而，能夠突圍而出不但要在賣相多花心思，味道及款式同樣重要。以往甚少踏足元朗，對元朗甜品店的印象仍停留在街知巷聞的B仔涼粉，想不到在附近有一間高質素的甜品店小糖鈕。奪目的鈕扣招牌令人一眼就能認出，店內偏佈七彩繽紛的糖鈕裝飾，充分圍繞著店名小糖鈕的主題特色。餐牌選擇不多，但每款都別出心裁，保證獨一無二。本來打算點一個大糖鈕特選拼盤和芒果流芯配青檸雪葩，然而老闆細心提醒大糖鈕特選拼盤中已經包括迷你版芒果流芯，提議先單點大糖鈕特選拼盤。 香檸薄荷梳打 ($32)上桌時一縷縷白色輕煙連綿不斷地從玻璃杯中湧出，煙霧瀰漫，馬上急不及待瘋狂拍攝。賣相吸引之餘，酸甜的青檸梳打配上清涼的薄荷，非常消暑解渴，更是消滯解膩的妙品，深得我心！  大糖鈕特選拼盤 ($198)拼盤包括五款指定甜品：富士蘋果撻、雜草莓忌廉芝士杯、玫瑰荔枝燉蛋、芒果流芯和小糖鈕森林，以及三款神秘甜品：西瓜伯爵茶奶凍、熱情果慕絲和70%特濃朱古力，神秘甜品每次不同，保證客人有足夠的新鮮感。八款精緻小巧的迷你甜品有如太陽系八大行星一樣，被放置在以熱情果醬、菠蘿醬、抹茶粉、黑朱古力脆粒及蘋果肉等伴碟裝飾的大圓碟上，連旁邊的鈕扣亦是以朱古力製成，可以食用，綠色的一顆更是我最愛的抹茶白朱古力呢！店主送上拼盤後先讓我為甜品拍照，然後非常認真地向我們講解每一款甜品的特色和味道，更教我們從味道較淡的一道甜品吃至味道最濃的一款，我們都聽得津津樂道，試問有哪一間甜品店會如此誠意拳拳，由構思、設計、製作、擺盤、介紹都一手包辦，最後更不厭其煩地向客人逐一分享？我們當然要遵從老闆細心的安排，從淡味吃至濃味 富士蘋果撻這是八款甜品中最得我歡心的一款，以蘋果蓉鋪底，加上香脆牛油餅碎及雲尼拿雪糕，看似是平平無奇的蘋果金寶，然而蘋果蓉保持蘋果的天然酸甜，而且並非坊間一般的蘋果蓉醬，卻是粒粒有質感的蘋果肉，沒有過份的甜膩，一冷一暖，作為第一款甜品，已令我印象深刻 雜草莓忌廉芝士杯新鮮藍莓、草莓果肉、草莓果醬、忌廉芝士以及草莓慕絲層次分明，由頂至底一同放入口，酸甜的莓果中和忌廉芝士的膩，質感更非常滑溜。 玫瑰荔枝燉蛋以蘋果脆片拼製而成的玫瑰花放上淡粉紅色的燉蛋，必定深得女性歡心。燉蛋呈液體狀態，中間有少許荔枝果肉，淡淡玫瑰花香在口中慢慢散發，弄碎玫瑰脆片同吃，脆滑並存。 芒果流芯這是我們本來希望單點的一款甜品，當然抱有頗大期望，當然更沒有令我們失望！坊間罕見芒果口味的心太軟，更莫說是迷你版的心太軟。心太軟難以掌握流心程度，體積更小的心太軟就更難做到澎湃的流心岩漿；然而輕輕切開迷你版的芒果流芯，芒果漿隨即洶湧而至，芒果味道天然香甜，更有芒果果肉，可謂巧奪天工 西瓜伯爵茶奶凍伯爵茶和西瓜的配搭前所未見，奶凍毫不甜膩，只有濃濃伯爵茶香，滑溜順喉，加上清甜的西瓜果肉，絕對令不嗜甜的人亦愛上；在甜品拼盤中途享用，更是能令味蕾重新沉澱、過濾，為接下來的甜品作好準備 熱情果慕絲慕絲以新鮮熱情果皮盛載，面頭以薄薄一層半球體蛋白脆餅覆蓋，小巧的一個渾圓球體精緻可愛。慕絲質感綿滑實在，不過入口只覺帶濃濃雲尼拿香，未知是否加入熱情果製作，將蛋白脆餅和旁邊的熱情果肉放上慕絲同吃，酸甜脆滑集於一身 小糖鈕森林橙味燉蛋上吱上一坨黑松露白朱古力忌廉並放上蛋白脆餅，看起來活像一顆小蘑菇。橙味燉蛋的質感與剛才的玫瑰荔枝燉蛋大相逕庭，質感結實一點呈布甸狀態，不過橙香及黑松露香均不太突出，反而面層一粒粒近似山楂餅的橙皮甚有驚喜。 70%特濃朱古力終於來到拼盤的尾聲，以濃郁的黑朱古力Ganache作完美的句號。黑朱古力Ganache味道濃厚甘苦，質感厚實，個人比較喜歡甜的朱古力不太喜歡吃黑朱古力，然而這款黑朱古力Ganache底層配上菠蘿果肉，令味道令人受落得多，面層的脆條更是以腐竹製成，別具特色。這一頓令人滿意的甜品，我最欣賞的不單是它華麗的賣相，更不單是其獨特的款式及味道，而是老闆對甜品的一份堅持和用心。這裡的甜品看似比其他甜品店的都還昂貴，然而讓我選擇的話，我寧可花一筆值得的金錢去品嚐這些高質素的星級甜品、支持一下老闆的認真執著，也不要浪費數十元去吃些粗製濫造的所謂甜品。最後順帶一提，八時前光顧更可享有八折優惠呢，大家不妨趁著放學放工到小糖鈕細味一下作個美好的下午茶吧 …查看更多

店內坐位不多，室外亦有兩張枱，不過夏天會較悶熱多蚊，不過店主十分友善，只要室內有客人離開，他便安排室外的客人坐進去。超初覺得價錢有點貴，吃後就知道是物有所值！比起樓上店鋪專做藝術甜品的，這個完全不遜！勇於嘗試的我們，第一次來就點了份mystery，因為餐牌顯示？？？，所以我們問店主是什麼，他說是為了常來光顧的客人而設，怕其他甜品他們吃厭了，所以這份Mystery是定期轉換的神秘口味。這一盤內有3份小點，首先是西瓜青瓜加蜜柑啫喱，底下的蜜柑啫喱味道跟平日買到日式那種有點像，但這個會比較少甜，更合我口味！我最喜歡這種迷你蜜柑多汁又爽甜！面層放西瓜及青瓜亦很清新，西瓜很甜美多汁爽口，整杯像一份沙律，為接下來的甜品作好開端。熱情果雪皅微甜微酸，很清新，很適合這種悶熱的天氣！70%朱古力慕絲十分濃郁，朱古力甘醇細滑，適合不喜歡太甜的朋友，再配以脆脆的酥皮脆絲，增添口感上的層次。除此之外，碟上的裝飾都可以吃，拖肥脆糖較硬，是比較甜膩的，而鈕形朱古力則配合了店名「小糖鈕」，自家製了鈕形的黑／白朱古力，可裝飾又可食用，花了心思！蘑菇是蛋白脆餅，先是香脆，後是完全融化於口中，滲出松露香！然後底下白色的是白朱古力松露慕絲，細滑得毫無瑕疵，入口即溶，帶着強烈松露香而絕不甜膩！還有底下的濃郁酒香黑朱古力慕絲，甘甘的酒味與松露十分合拍！上面有網狀的黑朱古力，幼滑細緻，瞬間融化在口中！還未完的！還有一個橙香焦糖燉蛋，焦糖面很脆，底下的燉蛋較挺身，帶輕微的橙香，令平日甜膩的焦糖燉蛋變得清新！這樣的新配搭我是第一次試，極力推介各位愛松露的朋友！最後有這個非一般的黑加侖子拿破侖，因為一般的拿破侖都是一層一層相間的，而這個的酥皮卻做成了圓拱形，中間的不是吉士，反而是黑加侖子慕絲。酥皮很鬆化酥脆，稍帶牛油香，但略嫌層次不夠豐富。而黑加侖子有點似是雪皅的口感，帶冰感但亦有拉張力，當中有不少黑加侖子果肉，整體不甜但偏酸，比其他都要清新，但亦較清淡。整體來說，最滿意的甜品是小糖鈕森林，因為將松露混入甜品實在是意料之外的火花！而最抵吃的是懸鈕，有3份甜品合併但亦比其他便宜。雖然這裡坐位不多，亦只見店主一人一腳踢，但誠意可嘉！創作新穎，而不失味覺上的享受！…查看更多

想吃這間甜品店很久了！於是就付諸實行，約了住附近的朋友雛菊來這兒『甜品當晚飯』。店舖地方不大，店內只有四五張檯，另外店外亦有數個座位。店內裝潢也符合主題，到處都可以見到『鈕』的蹤影，猶如置身『鈕的世界』。甜品選擇很多，看得我們都眼花撩亂，但兩個人吃不了太多，結果經過多番討論後（絕無誇張成分），我們選了3款：雜草莓芝士忌廉杯、小糖鈕森林、70% 特濃朱古力。老闆十分細心，建議我們按這個次序由淡食到濃，又知道我們想逐個逐個慢慢拍照和食，所以跟我們說會就時間整，不用食到太急。首先來了雜草莓芝士忌廉杯Mascarpone Berries Triffle ($98)，啖啖都食到好新鮮的士多啤梨味，而MASCARPONE芝士十分軟滑，就算如此大杯也不會覺得漏，十分滿足小糖鈕森林Sweet Button Forest ($98)。眼前這道甜品猶如一個神秘的童話森林，幾個蘑菇做得維肖維妙，感覺充滿童趣。蘑菇其實是以蛋白製成的脆脆，外脆內軟，而蘑菇柄就是意大利黑松露白朱古力忌廉造的，所以吃落有濃濃的黑松露味，不過我就白朱古力略嫌有點偏甜，吃完整個蘑菇有少少漏。幸好配上橙香燉蛋，燉蛋質感嫩滑，帶出淡淡的橙香，十分出色。最後上呢個 Chocolate Granche($98)，是我和朋友最喜歡的一道甜品。絕對強力推薦！朱古力迷一定不能錯過！朱古力好濃郩，70%剛好甘苦中帶甜，配上movenpick 雲呢拿雪糕、甘荀脆絲 同和微微辛辣的黑椒脆片，口感、視覺同味覺都係一大衝擊這兒的甜品全都充滿藝術感，賣相新派，但它不只是『相機食先』，我的胃同樣食得滿足。我最欣賞是老闆十分友善親切，經常笑面迎人。而且我們看menu時下不了決定，他會主動詢問我們的喜好，作出推介。奉上甜品時他會逐一介紹，讓我們了解他們的構思。我們吃完時，他又會了解我們的意見。如此謙卑的態度，我相信小糖鈕的出品一定會越做越出色的。住在元朗二十多年，見到元朗開始越來越多走精緻路線的甜品店進駐，不用再搭車出九龍港島，是元朗人的福氣（的確，屯門和天水圍仍然不多）。但這間小糖鈕的甜品出品有外表，亦有實際，『中環級氣』質素但『元朗級』價錢，確實值得回頭。其實，來到元朗，除了B記，元朗真的有更多更好的選擇。介紹這間小糖鈕，B記舊店再向前行就到。…查看更多

鐘意煮野食既我，最近迷上研究甜品，但一個唔好甜野既人，點先可以吸引到我，當然係賣相laaa🙈 但呢粒鈕一次過滿足曬我好多個願望💕見到咁多款，眼闊肚窄既我，第一眼就被呢個拼盤吸引住😍靚到要餵飽部相機先😂 充滿好奇心既我，忍唔住即刻要問要問應該食邊樣先la，從師傅既介紹我感到佢對甜品既熱誠 呢個麵包布甸加左麻薯，口感煙韌，仲有加自家制糖蓮子，食落去唔係傳統死甜果種，加埋麵包布甸一齊食，感覺唔似成緊西式甜品，好香，幾特別，中間仲加左焦糖軟糖碎碎，正！ 之前自己都有整過Apple crumble , 但呢個最特別佢係將蘋果做左兩個口感，上面個脆脆絲都係蘋果黎，我最鐘意撈埋雪糕一齊食，而底層就係焗左既蘋果撻好驚佢溶所以之後就馬上食佢喇，但一食落發覺佢唔係雪糕，食落凍凍地，質地好滑，軟身，加埋個拿破侖脆脆食，唔錯，而粉紅色果兩支棒係士多啤梨蛋白，脆脆地，唔太甜，好香士多啤梨味，如果有得散買呢個棒就好喇😍楊桃做甜品真係好少有，之前食過楊桃味雪條，之後一直想搵楊桃做既甜品，而家終於比我遇到喇，上面兩塊係楊桃乾，咬落去係煙韌，香甜既味道，中間加左柚子絲，爆珠，楊桃酸酸甜甜好夾，最底桂花糕好清新，再一個創意之作個人係抹茶&芝士控，所以希望抹茶+紅豆可以再多d , 檸檬芝士餅少d，檸檬味少d 🙈, 但食落去味道出奇地夾咁多個裡面，呢個係我最鐘意，除左創意滿分，呢個係最唔甜既，白朱古力忌廉充滿好香既黑松露味，加埋個蘑菇形狀蛋白脆食一流，香橙燉蛋好滑，感覺自己唔似食緊甜品一樣，love it , 會再黎散叫，因為迷利版太細喇🙈玫瑰花係脆脆黎，我好恨咁將佢整碎，撈埋佢地一齊食，食落去脆脆+軟身荔枝，口感好得意 中間用左 Mascarpone Cheese , 怕甜既我將果醬整走左d先食到 , 呢個甜品有師傅專設既匙羹，所以唔怕擔心食唔到最底果層gaaa朋友點左呢杯好有效果既特飲，加左乾冰係底，所以會出煙，有氣而且唔太甜，杞子+番石榴味好 fresh食親甜品我就例必order 茶/水，畢竟我唔慣太 sweet 😂返到屋企好奇心驅使我睇下呢個師傅呢來歷，原來師傅來頭不少，從佢對甜品介紹，可以感受到師傅對甜品既熱誠，執著，從中不斷改良，制造驚喜，下次一定要黎睇睇有咩新攪作，支持一下小店…查看更多

係元朗食完晚餐之後緊係唔可以俾佢停，要去食埋甜品啦，同行嘅女仔做足功課，搵到呢間甜品，所以就試下Walk-in~聽聞老闆之前係賽馬會餐廳定係係啲大酒店到做，搞到我真係未食先興奮!!!舖頭佔地唔多，所以入面唔係有好多位同有少少逼，所以就揀咗坐室外嘅位置，望下四周圍就可以知道老闆真係好細心，連燈罩都痴滿鈕扣因為店舖細，所以老闆都會親自落場幫手招呼客人，佢話呢個Menu係新出嫁，所以啱啱好可以食到~由於樣樣野都想試下，老闆就建議我地叫呢個大糖鈕特選拼盤，入面有五款甜品係原本有嘅A la Carte Menu，而另外仲有三款神秘甜品，係個Menu入面無嘅野黎，所以可能個個去到都唔同由於有太多甜品係同一碟到喇，所以我分開逐樣介紹啦:首先就係Menu上有嘅甜品，呢個黃色嘅蛋糕係芒果流芯，其實即係中間會有芒果蓉流出黎嘅蛋糕，蛋糕焗得啱啱好，所以一切開就有芒果汁同細粒嘅芒果粒流出黎，而且芒果好甜，一啲都唔酸。第二樣有嘅係富士蘋果撻，上面係炸到脆脆嘅蘋果絲，而下面就係一塊薄薄嘅蘋果果肉撻，成個撻都有淡淡嘅肉桂香，而且酥皮都幾鬆快，口感又脆又軟第三樣係意式蕃茄芭菲，呢個芭菲係我最唔鍾意嘅，唔係因為佢唔好食，而係因為我本人好揀飲擇食，我唔鍾意食蕃茄，但係我係有嚐試到嘅，係個蕃茄芭菲上面其實有紫薯Mousse，紫薯味就唔係太濃，如果連埋蕃茄芭菲一齊食，可能會被蓋過咗第四樣就係冰鎮玫瑰荔枝燉蛋，現家真係好多地方都推出荔枝同玫瑰配搭嘅食物，其實兩者味道都係幾配合，呢到控制得好好，無放過多嘅玫瑰花香油，所以有淡淡玫瑰嘅滿清香，而且仲有荔枝果肉係中間，同上面擺咗酥皮焗成嘅玫瑰花，不過燉蛋感覺就有啲“水”，應該再凝固多少少會更好第五樣就係燒焦蕉杯，其實就係放咗香蕉芭菲、朱古力核桃蛋糕同蕉糖香蕉，未食之前都可想像到係咩味，朱古力同香蕉都可以話係絕配，而且軟滑嘅香蕉芭菲同實實地嘅朱古力蛋糕，所以口感豐富，而呢個甜品味道較重，最後先食會好啲~見到個小糖鈕森林咁得意，我真係好想食啊!!好彩老闆好好人咁俾我將其中一個神秘甜品，改為呢個甜品。雖然我錯失咗一個可以試到神秘甜品嘅機會，但係食完之後，我就覺得轉咗都一個唔錯嘅選擇(其實我會想用蕃茄芭菲換多啲lol)~呢個蘑菇甜品真係幾可愛，而味道都唔簡單，蘑菇頂部就係蛋白餅，可惜因為潮濕嘅關係，個蛋白餅已經唔脆，變咗煙煙韌韌。而個柄就係估你唔到嘅黑松露忌廉芝士!!係最底嘅係熱情果Mousse蛋糕，聽落啲野好似好怪唔太夾，但係連埋一齊食，熱情果嘅甜味同黑松露忌廉芝士可以話係非常和諧嘅味道，無一隻味蓋過另一個終於到Secret Menu喇~~呢個一睇就知係泡芙，而中間就有芒果粒同熱情果吉士，表面嘅泡芙無變得好淋，而熱情果吉士都幾好食，不過係咁多特別嘅甜品之中，略厭有啲簡單平淡而最後一樣，亦都係另一樣神秘甜品就係呢個桂花啫喱杯，上面星星薄片，就係天然嘅食材楊桃，以為佢咁薄會係幾爽脆，但係口感其實係煙韌，底下有一啲荔枝爆珠，一粒粒咬開，口感好特別，但係我就覺得成個甜品嘅桂花味太過濃除咗啲特色甜品之外，一定留意咁靚嘅擺盤，係碟幾不同角落都可以見到鈕扣型狀嘅朱古力，老闆話就連朱古力都係自家出品嫁~~一路食甜品都真係唔好話唔漏，所以就叫咗個花茶平衡下個甜味，花茶都有幾款味可以揀嫁，而我都算係花茶愛好者，普遍嘅牌子我都有見過，不過呢個牌子都真係未見過。我就揀咗Rooibos Tangerine，講完都知係咩~~但係聞落幾清香，應該有少少莓呢個新出嘅Menu主要用嘅材料都好有夏日嘅感覺，好似芒果啊，熱情果咁，相信大熱天時下食會更加好食姐~…查看更多