炯記手撕雞 (汝州街)

今日去左鴨寮街買野，買完是但搵間餐廳食晚飯，見到呢間炯記手撕雞都幾多人食就決定試下！我地叫左個Set Dinner 二人滿足套餐（$198）酸辣蒜香雲耳 bb酸辣度，食落開胃嘅涼拌小菜。鹽焗雞腎，因為手撕雞揀左麻辣味，雞腎就試鹽焗，估唔到都唔錯而且雞腎好爽口。麻辣手撕雞（例牌）皮香肉嫩雞味濃，個麻辣醬辣而唔嗆喉！見唔少人叫手撕雞腸粉或者撈麵，下次可以一試！秘製醬皇豬手（四隻）係男朋友想試，佢話好入味想下次再encore！郊外油菜，正常嘅油菜。主食我地叫左一個白飯、一個太子鵝油撈麵，白飯唔講啦個撈麵好大碗，鵝油令到個麵昇華左！仲有兩碗是日老火湯同可樂，呢個價錢真係平靚正！平民價錢但食得出店家用心烹製，值得再黎多次！…查看更多

朋友知我鍾意食手撕雞，佢話喺長沙灣食過一間唔錯嘅，本來想帶返我去果間食，點知無意中就發現原來深水埗都有分店。咁就真係要試吓啦。 好鍾意舖頭嘅裝修，牆身有唔同區嘅相片，加埋黑膠唱片作間格，個人感覺幾靚。 我地一行三人每人叫左d，share一齊食特別開心。 🐖秘製醬皇豬手撈麵餐($56) 豬手好好食，炆得好腍，尤其豬皮非常有彈性、黏黏的，滿滿的骨膠原。🐓麻辣手撕雞腸粉套餐($56) 麻辣味唔太重，啱哂唔係好食得辣嘅我。欣賞腸粉有好多醬，麻醬甜醬撈腸粉，再加埋手撕雞嘅少少辣，呢個口味都唔錯。🥢小吃三皇盤($58) 包括有蒜香酸辣雲耳、鹽焗雞腎、酸辣無骨鳳爪。個人覺得鳳爪最為突出，爽爽彈彈、微酸微辣，唔錯。🥢太子鵝油撈麵($38) 都係用左粗麵，攣攣嘅麵極易掛汁，每條麵都充滿小小嘅鵝油香，同豬手撈麵果種嘅豉油皇撈麵比較，多左小小嘅油香味，食落都幾好口感。舖頭細細，但坐得幾舒服，座位同座位之間唔會太迫，都算坐得闊落加上淺色木係傢俬店面網絡幾整潔光猛。…查看更多

是夜來到深水埗的炯記吃晚餐，服務親切而且CP值超高！二人滿足套餐食物放滿一整桌都只需 $198，吃到捧腹而回😋🔸酸辣蒜香雲耳很開胃的一道前菜，酸辣爽口💦🔹雞腎可選鹽焗或麻辣，點了麻辣口味🌶🌶 帶點嚼勁的雞腎口感一流，會越吃越辣🔥非常過癮🔸手撕雞同樣可選鹽焗或麻辣，雞腎點了麻辣所以手撕雞就選了鹽焗試試看～ 咸香惹味，雞肉蠻軟嫩的不會乾柴🔹秘制醬皇豬手或清湯牛魔王點了清湯牛魔王，炆得又淋又入味，而且份量大方～～ 看到蠻多客人都點了豬手，下次再來試試🔸郊外油菜有主食又有生菜🥬 均衡飲食🔹白飯或太子鵝油撈麵這裡的太子鵝油撈麵可説是招牌菜之一，將邪惡的鵝油精華配上秘制豉油再撈粗麵，油香豐富，吃完很滿足🔸是日老火湯還原家庭味道的老火湯🥣🔹冷熱飲品除了老火湯還附餐飲呢，點了一杯熱檸水和熱檸蜜🍋…查看更多

於深水埗附近逛完街，便到附近尋找美食。剛巧見到這間炯記，認得有數間分店，決定試一試。炯記二人套餐 - $198二人餐的價錢十分划算，現人均不用$100，有八款美食，份量豐富，感覺可以三至四人享用。鹽焗手撕雞(半隻)半隻嫩雞撕成一塊塊，充分吸收了鹽焗粉的香氣，更有少少白芝麻、花生和麻油香，雞肉香濃鮮嫩。冬菇醬皇豬手(例牌)長時間熬煮的豬手皮厚柔嫩富膠質，入口即化，有著濃郁的醬油味，配香味濃郁的冬菇好爽滑。鹽焗雞腎大碟又大塊的雞腎好爽脆，富香口的沙薑味，好入味。酸辣雲耳清涼爽脆的雲耳酸酸辣辣好開胃。太子鵝油撈麵必試的招牌撈麵，非一般的豬油撈麵，而是用上頂級的荔枝柴燒鵝油，油香特別豐溢。彈牙的撈粗麵份量很多，經鵝油浸泡和多款醬汁有少少香甜感。郊外油菜新鮮翠綠的生菜有一整棵，有少少豉油調味，更可轉菜芯。是日靚湯真材實料的粟米紅蘿蔔青蘿蔔老火靚湯無添加味精，好滋潤鮮甜。咸檸可樂 & 凍奶茶跟餐飲品可免費選特飲，咸檸檬帶著酸爽香味，加上可樂豐富的氣泡特別清爽。…查看更多