彩羽壽司家 (已結業)

記錄吓人生第二次食omakase🤤同男朋友即興去食一個set有沙律、麵豉湯、茶碗蒸、玉子燒、四片刺身、八款壽司、一款手卷、甜品，超豐富飽肚！▶️ 沙律🥗配有粟米粒、車厘茄，甜酸沙律醋汁▶️ 日式蒸蛋/茶碗蒸面頭一粒大蜆肉，配上草菇食得出柚子汁味，另外仲有海苔粉可惜偏水汪汪同欠缺蛋香味🥚而且底部少配料《刺身4款》1️⃣真鯛：入口肥美，配上一點甜酸紅醬，不過魚皮有少少韌2️⃣ 大分縣真蠔：手掌咁大🦪聞落有黑松露香入口冰凍新鮮，滑捋捋juicy💦帶海水味而唔腥👍🏻鍾意佢醬汁用清新柚子醋3️⃣煙燻鰹魚：上面放上大量蒜蓉，魚皮有鹽鹹味，後勁有少少苦不過鰹魚本身冇乜味道*呢個有儀式感，師傅會整個有士多啤梨香氣嘅波波出嚟俾你打卡🤣4️⃣秋刀魚：中間包住醃蘿蔔，外面有紫菜，好fancy秋刀魚同樣肥美有魚油香🐠醬汁配料令整體味道偏甜《壽司8件》壽司飯本身已調味，唔需要點醬油米飯黏黏地，每件都會加山葵調味米飯：刺身比例恰當🍣唔會太飽1️⃣油甘魚壽司：無筋，好順滑，中規中矩2️⃣貝柱壽司：除咗wasabi仲有柚子皮未算好鮮甜細嫩3️⃣赤身壽司：赤身紅潤，簡單配上Wasabi唔錯嘅4️⃣墨魚壽司：上面芝麻粒七彩繽紛好似爆炸糖🌈口感有驚喜，墨魚一條條卷埋一齊，食落爽彈似蒟蒻只係調味偏鹹咗少少🤏🏻5️⃣鯖魚壽司：鯖魚獨特味道配上煙燻香，外圍有紫菜，中間係壽司飯幾特別係面頭放咗塊甜甜地嘅海帶咁多款壽司最有層次嘅一個😗6️⃣大拖羅壽司：油脂重，超肥美多汁，入口即溶😋7️⃣ 瀨尿蝦壽司：第一次食，冇一般蝦咁爽彈🦐上面有啲蛋黃碎8️⃣海膽壽司：樣子平平無奇，但亦係今餐最好食嘅一款👍🏻海膽冰凍新鮮，入口即溶又鮮甜juicy▶️ 手卷可以加$120升級signature「彩羽太卷」大部份食客都會升級，好適合用嚟影相 (偷影咗隔籬嗰份haha)我哋食返本來嘅「免治拖羅配紫蘇葉手卷」免治拖羅入口細緻，夾雜爽脆蘿蔔粒，形成質感上嘅對比😍紫菜保持乾脆，配送紫蘇葉幾香☘️▶️ 玉子燒以為係castella cake….個面真係似蛋糕質感奇怪🧐完全唔似蛋，成嚿芝士咁只有甜味冇蛋香，唔鍾意🙅🏻‍♀️▶️ 麵豉湯正常，幾好係食完生冷嘢有啲嘢暖肚▶️ 甜品一球冰凍嘅雲呢拿雪糕🍧配上一粒青提將雪糕球放上薄脆和菓子餅乾食好正😋自製雪糕三文治-整體魚生刺身新鮮肥美💗✨個人最鍾意係「大分縣真蠔」、「墨魚壽司」、「海膽壽司」、「鯖魚壽司」✨唯獨茶碗蒸、玉子燒失色環境舒服，服務有禮貌，師傅望落professional95折之後$500/人，可以話係omakase入門版，相對地affordable但又享受到高級食物同體驗😌呢度仲有刨冰食，隔籬枱叫咗個望住師傅用部機，將大冰磚磨成冰沙，在倒上唔同口味嘅醬🍧…查看更多

侄仔放暑假本來約他去日本旅行, 他忙於學校補課, 不能遠遊, 大家提議先來吃個日本餐.  從網上找到 彩羽壽司家在灣仔.   餐廳門面有份神祕感. 此餐廳供應日本 上乘壽司, 剌身, 廚師發辦. 我們訂了套餐 樁 $880- ,  亮點有 前菜, 日式蒸蛋, 刺身, 串燒/壽喜燒, 壽司,  湯, 甜品.首先送上開胃漬物: 牛蒡, 蘿蔔, 酸薑.     精緻先付三品,  新鮮蜆肉, 鯰魚, 北海道粟米.蜆肉同白粟米吃得鮮味.  鯰魚烤得香脆.接著有理想送酒小吃:   燒銀鱈魚乾,   鱈魚乾烤到脆卜卜, 沾上沙律醬, 令人食不停口. 日式蒸蛋:  蜆肉好鮮甜,  蒸蛋滑溜溜,  食得美味.重頭戲由刺身 4 款 開始.**真鯛魚剌身,  魚肉好鮮美, 肉質細緻, 入口即化.**大分縣真蠔:  生蠔新鮮肥郁,  肉質爽脆, 配上黑松露,  蠔味更鮮. **煙熏鰹魚,   鰹魚魚油豐富, 肉質滑, 經過煙熏,  入口啖啖煙熏味, 魚肉緊致香濃, 果然好味.** 鮟鱇魚肝泡芙,   泡芙外殼烘得極酥脆,  內藏鮟鱇魚肝甘香而邪惡,   吃得美妙. 壽司 6貫:     **鰤魚壽司,   紋理好看肉質甜美, 脂高豐腴,  口感好好.**帶子壽司,    肉厚鮮甜, 食完更有黏口的感覺, 好鮮味.   **沙丁魚壽司,   魚肉鮮嫩肥美, 充滿魚油甘香.**拖羅壽司,   拖羅是吞拿魚中最肥美的部分,油脂豐富,入口即化,讓人陶醉.**海膽壽司,  海膽好新鮮,  鋪得滿滿十好吃,  紫菜非常脆.**彩羽壽司,   這個招牌壽司  內有大大個醬油漬蛋黃, 鮮甜極滑的拖羅和海膽,   啖啖精采, 食得好有驚喜,  值得推介.  串燒 5 串:  熱辣辣送到, 有大虎蝦, 豬肋肉, 秋葵, 燒雞翼, 冬菇.    先食大虎蝦,  蝦肉肥厚, 爽彈帶鮮香.燒雞翼:   燒得金黃香口, 外皮夠脆, 肉質又嫩又多汁, 口感味道豐富.豬肋肉:  好稔,  帶油脂香氣, 好食.串燒秋葵 吃得滑口,  冬菇有濃厚菇香,  食得好回味.魚湯,  鮮甜美味, 有益又暖胃. 餐後甜品:  綠茶紅豆白玉,  這個甜品好特別,  師傅用復古刨冰機把冰塊刨成冰碎, 冰碎雪白得如白玉,綠茶紅豆白玉完成了,  紅豆口感軟棉棉, 宇治抹綠茶甘香, 吃得好出色.好欣賞這道 Omakase  的 食材安排, 吃得新鮮又與別不同,  真回味.…查看更多

日本食品令我們著迷, 今次特別約朋友去灣仔 彩羽壽司家,  這裡有岩心意的食品. 餐廳門面好低調,  紅色 [冰]  旗係亮點.  推門內進, 先看見巨型酒櫃, 喜歡飲酒朋友, 選擇酒品非常方便.餐廳主打  Omakase, 客人圍坐闊落的板台, 座位舒適, 欣賞師傅烹飪, 又方便交流心得. 今晚訂了套餐 樁$880- ,  包含:  前菜兩款, 日式蒸蛋, 刺身4款, 串燒 5 串 或 壽喜燒, 壽司 6貫,  湯, 雪花刨冰. 我們選了 壽喜燒.   師傅在我們面前準備食材 , 大家正期待品嚐.  服務員 送上綠茶,  漬物 3 款: 牛蒡, 蘿蔔, 酸羌,  幫助我們打開味蕾.前菜:   燒銀鱈魚幹片,  燒得香口細膩,  點些蛋黃醬, 美味. 前菜三點, 有 蜆肉, 鮎魚, 北海道粟米.香烤鮎魚,  好脆口.    蜆肉鮮美.白粟米嫩, 香甜多汁,  吾錯.日式蒸蛋:   傳統蒸蛋配有蜆肉.  蛋味濃厚加上大大粒蜆肉, 真可口. 刺身 4款 開始了:   真鯛魚剌身,  真鯛魚透明白肉, 無魚腥味,   加少許酸辣汁提味,  吃得出色.大分縣真蠔:   黑松露酸醋汁,   真蠔好新鮮,  蠔肉飽滿, 加上黑松露酸醋汁提升鮮味, 口感滑,  極鮮香.煙燻鰹魚,  師傅煙燻鰹魚, 打開玻璃盅蓋,  充滿煙燻香氣, 煙燻逼出的魚油, 香氣撲鼻.  肉質肥美, 入口即化. 壽喜燒,  服務員送上火具,  一鍋食材,  有色澤鮮明和牛, 牛肉大大片,   冬菇,  金菇, 蔥,  紅蘿蔔, 紹菜, 日式粉絲,  新鮮雞蛋,  好足料. 慢慢煮至熱騰騰, 牛氣上升, 牛肉呈半熟的狀態,  肉質美.  脂肪豐腴, 牛肉沾上新鮮雞蛋,  入口脂香四溢,  微微咀嚼已化在口中.   鍋底配料煮得夠稔. 浸上醬汁,  大滿足. 壽司 6貫:     鰤魚壽司,  魚肉鮮美,  越吃越滋味. 帶子壽司,   北海道帶子鮮甜, 肉質滑而柔韌.沙甸魚壽司,   魚肉結實, 魚油豐富, 口感清爽.拖羅壽司,    紋理好看肉質甜美, 脂高豐腴, 入口即化.海膽壽司,  橙黃色馬糞海膽,  味道濃郁, 質感油潤細滑.越食越精采 .........彩羽壽司,  食過日本的七龍珠卷, 感覺彩羽壽司有得比.  賣相相當靚, 顏色悅目, 卷物內有醬油漬蛋黃, 拖羅, 海膽, 白石青瓜.  口感豐富有層次, 潮流必食. 鮟鱇魚肝泡芙,   泡芙夠酥脆, 內餡夾滿柔膩甘美的鮟鱇魚肝, 香滑可口. 魚湯,  有濃厚魚香, 食完餐飲碗熱熱湯, 有助暖胃. 復古刨冰有樂趣 !!   餐後,  師傅在我們面前手動製作雪花刨冰,  這座復古刨冰機有如大玩具. 師傅把大冰塊刨成冰, 細滑如絲, 加上奶醬, 士多啤梨, 好亮麗, 入口超正. 這道 Omakase 吃得豐富有特式,  入口食材夠新鮮,  食物價錢合理,  我們會再來.   …查看更多

成日覺得日本食omakase又正又平，但原來香港都有好地方！朋友帶我來這間在灣仔的彩羽壽司家，有85折，服務和觀感都100分享受，實在比得上日本！【鱈魚片】香脆可口。【螺肉章魚卵】螺肉冰凍美味又彈牙；章魚卵藕斷絲連在口中漿著，鮮味濃濃。【真鵰 】上面點了梅蓉，微微酸甜結合清清的魚生美味。【大分縣真蠔】師傅沾了些少黑松靈酸汁，更突出到蠔的鮮甜，好滑流流的質感，滿分！【煙燻春魚】視覺效果一流，師傅仔細砌開春魚再用煙燻處理，端出來時打開盅蓋，微燻香氣四溢，又有薄煙散開，味道就嚐到煙燻魚肉香。【帶子】彈牙又帶點軟熟。【池魚】 有紫蘇葉提升層次，又中和了濃烈的鮮味。:)【瀨尿蝦】大隻又爽口。【鮟鱇魚肝泡芙】這個真是創意滿分又好好吃，香脆的外皮極重牛油香味，中間咸香的鮟鱇魚肝熱辣辣溶化在口腔，感謝店主慷慨請我們品嘗！【海膽昆布】有點漿口。【拖羅】就是肥美軟熟！【彩羽太卷】包羅萬有的卷物，有一顆顆圓形蛋黃、拖羅、海膽和青瓜卷在一起，一下放入口中味道百感交集，濃濃的蛋黃配着海膽味道最突出，又夾著着拖羅肥美的口感，配搭出色，必食呀！【和牛壽喜燒】用了和紙作烹調工具，蔬菜豆腐等材料和和牛一直在鍋裏翻滾，但又不會燒焦，壽喜燒醬汁味道濃厚香甜，和牛十分滋味。【鮮魚湯】好濃厚的鮮魚味道。【雪花刨冰】有看頭又很享受，師傅拿了日本的貫目冰出來放在手動刨冰機上，綿綿的雪花冰隨之灑下，配着香桃的甜味，擺盤精緻又好吃，非常圓滿的結尾。…查看更多

首先有85折優惠，真是物超所值。星期一晚的店裏7:00已經坐無虛席，非常熱鬧，大家的座位都是圍着師傅，可以看着師傅認真預備食物。前菜兩點分別是螺肉和章魚卵，螺肉鮮甜彈牙，而章魚卵藕斷絲連，質感特別味道都幾鮮。茶碗蒸有濃濃的高湯背着迷你墨魚，口感豐富，而且味道甜美。三款刺身亦非同凡響，由味道較輕的真雕先上，面頭了梅蓉，酸甜開胃；第二道是大分縣真蠔，沾些少黑松露酸汁，鮮甜滑流流的感覺；最後是充滿了玩味的煙燻春魚，香濃的煙燻香味實在太夾魚的質地。壽司分別有帶子、池魚、瀨尿蝦、海膽昆布、拖羅和最具代表性的彩羽太卷！師傅把多款材料即席表演卷成手卷狀，然後我們一啖吃下，多種質地與味道交融，好好味！選了串燒拼盤，有鮮蝦、雞翼、冬菇、鵝肝和青椒仔，最正當然是鵝肝和鮮蝦。最後是日本運來的貫目冰即刨成雪花刨冰，口感細膩棉棉，十分滿足！…查看更多

當你放低面子賺錢既時侯，你已經懂事，當你用錢賺返面子既時侯，你已經成功，當你用面子賺錢既時侯，你已經係個人物，人物我就無本事做，不如都係講返食物？灣仔呢間新開「彩羽壽司家」，唔再係甘香油爽，而係垂涎欲滴既滋味體驗！👇🏻📌廚 師 發 辦 - $480/位▪️ 前 菜 -▫️「野菜沙律」包括栗米、沙律菜、車厘茄，所有配菜夠哂新鮮，非常refreshing。▫️「蒸碗蒸」面頭有隻螢光魷魚，口感煙韌爽彈，仲有大蜆配搭鮮雜菌，相當鮮甜，蒸蛋亦夠滑溜。▪️ 刺 身 4 款 -▫️「真鯛」晶瑩通透，鮮味彈牙，面頭有d梅蓉，入口清新。▫️「大分縣真蠔」蠔肉鮮甜creamy，加左d黑松露酸汁，味道更加balance。▫️「煙燻鰆魚」一打開蓋煙燻味好突出，面頭加左D芽蔥同埋薑蔥蒜，肉質鮮美。▫️「鮟鱇魚肝泡芙」魚肝味道香濃軟滑，外層帶點鬆脆，呢種食法好幾Impressive。▪️ 壽 司 8 貫 - ▫️「金線鯛」又名紅衫魚，肉質柔軟香滑。▫️「深海池魚」魚質鮮甜，質感比池魚更加爽滑。▫️「富士山三文魚」比市面上食開既三文魚，魚味更加突出，肉質更腍滑。▫️「魷魚BB」將魷魚切成一粒粒咁，食落爽彈之餘更加有口感。▫️「貝柱」被紫菜包住，一啖過鮮甜彈牙，好食。▫️「鯖魚」配上白昆布、麵豉一齊食，份外濃香惹味。▫️「大拖羅」油香豐腴，入口瞬間化開，超級滿足。▫️「北海道馬糞海膽」賣相吸睛，份量又夠，連埋紫菜一齊食，入口甘甜無比！▪️ 手 卷 - ▫️「彩羽太卷」用上海膽、日本青瓜、蛋黃醬油漬、拖羅，食到魚生果種鮮味之餘，後勁又多左蛋黃果種鹹香，最後拖羅既油香比青瓜中和返味蕾，層次相當豐富。▪️ 配 菜 -▫️「玉子燒」賣相似足蛋糕咁，食落鹹鮮味豐富。▫️「麵鼓湯」用上赤味噌，鹹中帶甜，食到D豆腐、夠哂飽肚。▪️ 甜 品 -▫️「綠茶紅豆白玉刨冰」師傅用機即時刨製，配上煉奶、綠茶醬、再滲上紅豆蓉、面頭砌埋粒白玉，相當透心涼，呢個一定要試食！▫️「雪糕最中餅」最中餅裡面包住海鹽雪糕同埋紅豆蓉，甜而不膩，旁邊仲有冧酒提子、抹茶蕨餅，唔錯。📌御 昼 食 -▪️ 蒲 燒 鰻 魚 丼 - $180▫️ 佢地lunch set仲有好多選擇，我就揀左個「蒲燒鰻魚丼」，鰻魚份量好多，燒到外脆內軟，中間夾雜住滑蛋，食落滑不溜口，仲有d魚乾仔、合桃，口感增添唔少，套餐仲包一個麵鼓湯同埋沙律，成個set相當抵食。…查看更多

這間日本餐廳位於灣仔的金聲大廈，主打廚師發辦，嚴選每日空運到港的新鮮時令海產，配搭師傅創新的調味手法，帶出食材耳目一新的鮮味。店內環境寬敞舒適，裝潢以時尚的日系木板為主，廚師吧枱能欣賞師傅的手藝亦能彼此交流。晚市時段設有六款套餐，期間限定優惠只要讚好餐廳的專頁便可享九五折，其中凜餐第二位更可享半價。凜 - $880/位子持魷魚軟滑無渣的鮮魷魚，包裹著滿滿魷魚籽，軟綿可口。慢煮八爪魚軟腍得好柔嫩，香甜入味。刺身真鯛細膩柔嫩有著白身魚的淡雅清甜好清爽。大分縣真蠔肥美肉厚的蠔身嫩滑鮮甜，清水味不太重很清甜，黑松露酸汁帶陣陣飄香。螢火魷魚飽滿多膏，醋麵豉突顯其海水味。鰤魚澎湃的魚油甘香爽口，煙燻令鮮味及甜味更突出。特上壽司深海池魚油份豐富且纖維幼細，香甜爽口。北寄貝鹹香的海水味好濃郁好爽甜。富士山三文魚肥嫩香潤好爽滑。瀨尿蝦肥美飽滿的蝦肉爽滑彈牙。鰈魚裙邊油脂豐腴，炙燒後甘甜魚油滲出，肥美爽口，再撒上櫻花蝦。中拖羅粉紅色的油份適中無筋，魚味濃郁甘香。鯖魚新鮮完全無腥味，肥美甘香。北海道海膽每瓣也肥大肉厚呈鮮橙色，奶滑得入口即化，甘香濃郁鮮甜。江戶前玉子燒以蛋、魚及蝦製成的傳統做法，類似海綿蛋糕，濃厚咸鮮甜味。魚骨濃湯烏冬奶白色的魚湯帶一層薄薄魚油，幼滑細膩的稻庭烏冬好爽口。雪花刨冰六款口味選擇。師傅即席刨出綿綿的沙冰極幼滑細膩，分三次淋上香濃的抹茶汁，再淋上香甜的煉乳，鋪上綿密的紅豆蓉及煙韌的白玉。…查看更多