Pancake House HoiHoi (荃新天地) (已結業)

近排假期都鍾意過去荃灣行下, 食完LUNCH後去一田買沙律菜🥗($50非常大包, 抵食過惠康好多)同埋壽司🍣(拼盤內不只有魚生刺身, 還加入了生蠔🦪或蟹蓋🦀的選擇, 較為特別), 仲有暫時只見一田有賣的冰鮮豬肉片(食過好多牌子, 呢個最好味肉味最濃)。所以最近都食左好幾間荃灣餐廳, Peko Peko Eatery, Homeland, The BASE nature同Pancake House HoiHoi, 個人最鍾意就係呢間 - Pancake House HoiHoi。我好鍾意食梳乎厘班戟, 時不時ENCORE J.S. FOODIES , 間唔中都會試下新餐廳, 不過前排試左兩間都唔好食 - 沙田既Butlery同旺角既PHI Coffee & Pancake , 佢地既梳乎厘班戟同樣沒有煎熟透, 好大陣生麵粉味。然後就比我遇到呢間可以同J.S. FOODIES媲美既Pancake House HoiHoi。最開心係Pancake House HoiHoi 無 J.S. FOODIES咁多人, 每次去都直入唔使排隊。我地點左芝士漢堡🍔(奉送餐湯和飲品, 我嗌既牛奶咖啡就要另加$18)同夏威夷果仁忌廉梳乎厘班戟。芝士漢堡 - 我估計Pancake House HoiHoi 人氣沒有J.S. FOODIES旺的一大原因是鹹點選擇較少。好彩都仲有老公鍾意食既漢堡可以選擇。Pancake House HoiHoi 的芝士漢堡就是漢堡包中最簡單的那種, 漢堡包夾著漢堡肉, 芝士, 蕃茄🍅和生菜, 就連平時常會見到的茄汁和燒烤醬汁也沒有, 但反而就是這樣簡單的配搭才吃到食材新鮮的味道。漢堡肉的肉汁就是最佳的調味, 加上一塊帶點鹹香的半溶芝士🧀, 令整個漢堡包更添惹味。夏威夷果仁忌廉梳乎厘班戟 - 每次黎親都係嗌呢個。愛上🫶梳乎厘班戟的初期, 都鍾意試下唔同既口味, 朱古力🍫, 綠茶🍵, 焦糖, Tiramisu....但試過幾次之後就發現除左原味之外, 其他味道都太強烈了, 蓋過了梳乎厘班戟本身的味道, 兜兜轉轉, 都係覺得梳乎厘班戟簡單的加上原味忌廉係最好味。而Pancake House HoiHoi 呢款梳乎厘班戟就是這樣的配搭然後再係面頭加上一些夏威夷果仁作點綴, 完全沒有喧賓奪主的感覺之餘更為班戟增加了一點層次口感。牛奶咖啡的質素即不太穩定, 有時會較苦澀, 有時又很香醇順滑。鍾意食梳乎厘班戟而又想同時試到不同款式食物的人, Pancake House HoiHoi會是個很不錯的選擇。…查看更多

食過咁多間唔同餐廳既梳乎厘 都係覺得呢間最好食 一定會返轉頭食呢間既梳乎厘 除咗梳乎厘之外 佢地其他既主菜同飲品都好好味 今次就叫左兩個主菜 一個甜品 一杯飲品 今次仲要有午市套餐 有得跟埋餐湯同飲品主菜叫左個鐵板名古屋茄汁海蝦腸片意粉 好少餐廳會用鐵板上意粉 感覺上幾特別 而且賣相好靚 熱辣辣上到枱 好香口 佢地既茄汁係偏甜 唔酸 意粉係偏硬 有咬口 海蝦好彈牙 仲有一片片既腸仔 底下仲有一層薄薄地既蛋 成個配搭好夾 好好味 不過個份量唔算好多 一個人食岩岩好另外仲叫左個Hoi Hoi All Day Breakfast 同之前一樣咁豐富 中間有好多新鮮沙律菜 食落好新鮮 仲有兩條雞肉腸 兩塊煙肉 佢地既煙肉煎得好香脆 黑松露炒蛋炒得好香好滑 仲有幾粒菇 扒茄同埋熱香餅 成個全日早餐感覺好豐富 好好味甜品揀左夏威夷果仁忌廉梳乎厘班戟 未食過呢個味 今次就試下佢 都係有三大件梳乎厘班戟 上面有好多忌廉同埋夏威夷果仁 梳乎厘班戟依舊好香蛋味 食落好鬆軟 空氣感十足 忌廉好滑 唔會太甜 有好多夏威夷果仁好香脆 好好味 呢個梳乎厘班戟每次都唔會失望飲品跟餐揀左杯檸檬特飲 就係一杯正正常常既檸檬梳打 酸酸甜甜幾好味 另外佢跟餐仲有餐湯 係椰菜花薯仔忌廉湯 味道唔錯 好香好濃整體黎講 食物高質 價錢合理 值得一試…查看更多

📌 Pancake House HoiHoi (荃新天地) - 荃灣楊屋道1號荃新天地一樓117號舖🗓(25/3) 星期六 ⏰ 下午3:30點左右 💈特式：呢間梳乎厘班戟專門店係來自名古屋，但我覺得佢仲有少少夏威夷風格，佢地會不定時推介期間限定嘅特式食物。🥩🍔🌭🌮🥗🥯🥘🍲🍝🍣🥟🍤🍱食物：今次佢地期間限定係砰砰水果梳乎厘班戟，另外我仲叫左個夏威夷果仁忌廉梳乎厘班戟，仲有兩杯飲品，而家等我同大家講下🥞味道先。夏威夷果仁忌廉梳乎厘班戟 - 一份有兩件梳乎厘班戟，配以忌廉同大量夏威夷果仁碎。個梳乎厘班戟質地好輕盈鬆軟，但蛋味就有少少不足；個忌廉做得好軟滑，食落有香味但又唔會好漏；夏威夷果仁碎好多好好味。不過呢份梳乎厘班戟賣緊$138就有少少貴。砰砰水果梳乎厘班戟 - 呢個係最近春季限定，梳乎厘班戟同忌廉就同夏威夷果仁個款差唔多，不過就轉左配以大量生果，包括蜜柑/士多啤梨/奇異果/藍莓/提子，上枱時會有塊膠片圍住大量輕盈嘅忌廉，一拉起就可以享用。呢份就賣緊$148，咁價錢上我當然都係覺得唔太值。☕️🍵🥤🧋🍺🍷🥃🍹🧉🍾🍶🥛飲品 : 因為呢間始終都係食梳乎厘班戟為主嘅cafe，所以飲品種類都比較多同有特色，飲品價錢就大約平均$50左右一杯，我地今次就叫左杯冷泡咖啡同抺茶沙冰。杯冷泡咖啡我就真係好唔鐘意，因為佢係偏酸味重嘅咖啡；杯抺茶沙冰就唔錯，不過都係正常水平。🍽環境：餐廳環境就係正常cafe feel，整體都乾淨，整潔同舒適。當時太約係tea time，但都唔算多人亦靜靜地，感覺唔錯，亦好有文青feel。🤵🏻🤵🏻‍♀️🤵🏻‍♂️服務：員工服務好好，好溫柔有禮，亦會提我今日有咩食物係無提供，落單後亦會同我覆返一次單以防落漏，提供服務同上菜/收碟速度都快。💰💸價錢：叫左兩份梳乎厘班戟同夾杯飲品，埋單大約$430蚊，我就覺得有點貴，雖然味道係唔錯，但又未致於要賣到呢個價錢。🐲💬總結：佢地嘅梳乎厘班戟係做得唔錯，賣相/味道都好，不過價錢就有d唔太值，所以如果真係想食好食嘅梳乎厘班戟係可以去試下。推薦指數：❤️❤️❤️❤️🤍…查看更多

12-10-2022 (Wed)同老公請假等人裝完洗衣機後食個tea,老公記得之前話喺呢間一個人食lunch,但我叫佢等埋我至食,於是行嚟,中途我亦記得有次行完街想搵地方飲吓嘢時,都經過呢間,但最後都冇入.由於呢日係平日,所以冇乜人,我哋睇完menu,決定要:2. $138.00嘅楓糖忌廉夏威夷班戟楓糖忌廉完全遮蓋住,我哋切開睇,咦?!點解係班戟嚟嘅?哦,原來係我睇menu時,誤以為呢個係有cream 嘅梳乎厘,班戟共有三塊,鬆軟程度啱啱好同夠味,楓糖忌廉唔算好甜,OK嘅.1. $128.00嘅夏威夷班戟漢堡配牛油果,蝦,蜜糖芥末醬呢個等咗一陣嚟到,佢嘅薯條熱騰騰同鬆脆,ok嘅.班戟同樣鬆同夠味,牛油果醬同鮮蝦都正常冇問題,而蜜糖芥末醬好似唔多食得出,就算佢好似落得唔少.3. $38.00嘅特濃藍莓果茶藍莓係一個大大個嘅茶包,用茶匙攪起就即係變到好深色,酸酸地嘅茶又唔算好難接受,都可以解膩嘅.4. $138.00嘅夏威夷果仁忌廉梳乎厘班戟由於真係想食梳乎厘,所以都叫返個,呢個都等咗好耐,梳乎厘厚度正常,口感係鬆偏少少實,我哋一向唔多鍾意食夏威夷果仁,但估唔到原來夏威夷果仁咁樣夾忌廉食係唔錯.抵食係2.7分…查看更多

◦•●◉✿✿◉●•◦ 以前去日本一定會成日食Pancake🥞原來2年幾無去啦🥲 真係好掛住🥰今次試呢間Pancake House HoiHoi成日都見到好多人排隊 👩🏻‍🤝‍👩🏼👩🏼‍🤝‍👨🏻👯‍♀️所以👵🏻就同朋友試一試佢啦😎✨夏威夷果仁忌廉梳乎厘班戟呢個Pancake真係好好味🥲Pancake好鬆軟～ 每啖都可以撈埋忌廉加果仁絕配😚同係日本食嘅味差唔多🥰 ✨原味梳乎厘班戟呢個原味同夏威夷個個pancake其實係一樣味😂不過上面就上咗舊好似吉士咁嘅醬 相對之下呢個比較乾身所以最後我哋都係撈返上面d忌廉一齊食🤣✨手沖浸泡式精品咖啡☕️呢個係滴漏式咖啡嚟咖啡味濃而不酸，還可以～不過👵🏻同朋友都唔係好識用舊野🤣 如果店員上咖啡嘅時候解釋下會清晰啲🙂 Overall覺得Pancake會令我哋想回頭再食😬因為同係日本食到嘅差唔多味🥰餐廳都坐得舒服😌而且星期六日都無限時～唯獨係排隊個時出現個小插曲🥲 👵🏻同朋友排咗20分鐘以上終於等到下張枱到我哋店員話下張枱係張四座位嘅枱佢哋係跟人數咁去分 所以下張枱唔比我哋入去🥺(當時我哋後面5-6張都係雙人枱) 最後店員比咗排係最後嘅3人(2大1小)入咗，個家人只係排左1分鐘……. 當下👵🏻真係好嬲🥸餐廳係咪應該review下分開2條隊排呢🫠所以如果下次再食 我哋會等無人排先去食了🥹😋: 𝟟.𝟝/𝟙𝟘…查看更多

超級好食嘅pankcake🥞 排長龍都要食😂——————————————————————————————🍽餐廳：Pancake House HoiHoi (荃新天地)🇭🇰位置：荃灣楊屋道1號荃新天地1樓117號舖😋食物：9/10——————————————————————————————2人⭕️是次平均消費：$144——————————————————————————————✅夏威夷果仁忌廉梳乎厘班戟🥞$118🔘柔軟度剛剛好🤤最起碼個芯唔會太濕太空氣感👍🏻甜度又恰到好處✅和風水牛城雞翼🐔$68🔘好有驚喜嘅雞翼😳炸到外脆內軟👍🏻連個炸粉都好食😂再配合埋個酸酸甜甜帶點辣嘅和風醬🤭一流✅熱情果冰茶🍹$36🔘太甜了🤭✅ 焦糖牛奶咖啡☕️$39☕️有拉花的呢～——————————————————————————————好在當日都係排咗四個字左右🥴open kitchen可以望住製作過程下次一定要去試埋其他產品🤣有個紫薯嘅物體好似都幾吸引咁…查看更多