掌壽司 (已結業)

偶爾去觀塘工廈覓食總有種尋寶的感覺，今日揀的掌壽司絕對係寶！同朋友叫左二人餐時令沙律-有干貝同蝦選擇，我哋揀左蝦，蝦有調味過，趁埋酸酸May May 的汁好開胃-沙律有魚干，口感馬上UP刺身盛-要highlight 拖羅同油甘魚，非常厚切肥美，一塊等於坊間的double-螢光魷魚爽口，亦係出面比較少食到壽司盛-碎吞拿魚好肥美香甜，下次黎單點都值得！-帆立貝大大塊好鮮壽喜燒鍋物-揀左清清地的鰹魚湯，想更品嚐清楚牛同豬的肉味-牛係澳洲M9和牛，牛味超濃，大塊並唔碎濕濕…查看更多

完sem咁辛苦，梗係要食啲好嘢獎勵吓自己，所以就同女朋友去食呢間日本餐廳嘅二人餐。————————咁佢呢個時令沙律，有水果同沙律菜，仲有沙律醋，加埋側邊嘅車厘茄。唔單止味道好，賣相都好好。之後就到刺身盛，店員一嚟到就同我哋講食刺身嘅次序。首先就係食廣島蠔，本身隻蠔就好鮮甜，再加埋檸檬汁就更加突出。之後就到粒貝，好煙韌又鮮甜，好新鮮。再嚟就係油甘魚，三文魚。最後就係拖羅，勁肥美，油脂豐富，每啖都有強烈魚油味。之後就到壽司盛，咁佢有三款壽司。分別就係帆立貝、池魚同碎蔥吞拿魚。佢個勁鮮甜，味道都好特別。而碎蔥吞拿魚就係我最鍾意，因為吞拿魚嘅魚味超重，加上吞拿魚蓉勁creamy。最後一個主菜就係壽喜燒鍋物。佢個壽喜燒湯底唔會太味，而且好足料。真係好似去咗日本食咁。將牛肉同豬肉煮熟之後，再點日本雞蛋食，味道真係一流。仲有個鹽燒黃花魚，條魚嘅外皮燒得好趣，魚肉唔會太鹹，加埋檸檬汁配埋魚肉酸酸地都十分野味。仲有個甜品就係芝麻雪糕，個雪糕雪到夠硬唔會好快溶。本身芝麻味都好重，再加埋啲芝麻喺上面，超正。整體而言，呢間餐廳質素超高，可以帶俾我一個愉快晚上。…查看更多

觀塘一向都多好野食成個小社區咁，今次就同朋友去咗駱駝漆大廈一間好出名嘅日本餐廳度食晚飯🥣餐廳裝修有有心思，真係好似去咗日本咁🇯🇵我地叫咗個精選二人晚餐，貪佢簡單唔洗諗而且啲菜式都好齊☺️如果唔想叫呢個餐嘅話都可以散叫嘅，一樣有好多選擇比大家揀🙆🏻‍♂️首先一嚟嘅係時令沙律，兩個人share一碟嚟食都好大碟😆入面主要有生菜絲，蘿蔔絲同埋薯仔絲，食落酸酸甜甜非常開胃😆之後就係刺身盛，入面有三文，油甘，拖羅，廣島蠔，赤蝦，粒貝😍賣相超靚，而且魚生都好厚切，食落去口感十足🥰店員建議我地首先食淡味嘅廣島蠔🦪廣島蠔真係好大隻又肥美，配埋醬汁一齊食好正，平時自助餐嗰啲都冇咁高質😋赤蝦都大得好誇張，鐘意蝦嘅朋友一定唔可以錯過😉然後就到壽司盛，嗰三件分別係帆立貝，池魚同埋碎蔥吞拿魚🐟個人就最鐘意賣相好精緻嘅碎蔥吞拿魚😛天氣開始凍又點可以少得個壽喜燒鍋物呢，入面嘅配料都好充足☺️肉類就分別有澳洲M9和牛100g，北海道產豚肉😍😍😍比較深色啲嘅就係M9和牛，食落好有牛味，不過個人就鐘意北海道產豚肉多啲🥰下樣就係鹽燒花魚，兩邊都燒到金黃色好靚🤤魚味好濃不過就比較多碎骨，大家食嗰陣要小心啲先得🤧最後是日甜品係果仁雪糕，真係好滿足呀😍地址：觀塘開源道60號駱駝漆大廈3座5樓U室…查看更多

觀塘的食肆林立, 隱世的樓上食店尤其多, 今天與朋友前來慶生。我們點了一份2人套餐, 刺身,壽司, 沙律,鍋物, 燒物一應俱全。時令沙律, 簡單的生菜絲,蘿蔔絲, 薯仔絲等組成, 配以自家調的金黃色沙律醬,酸酸甜甜,十分醒胃。壽司盛,有油甘魚, 碎蔥吞拿魚及小肌,油甘魚, 潔白的肉色,配以點點的黑松露, 富有層次味感; 碎蔥吞拿魚, 賣相精緻,粉紅色十分吸引,小肌, 原本魚肉已自帶鹽份, 十分鮮味。刺身盛, 刺身最緊要新魚及肥美, 這裏給予我驚喜。三文魚刺身,鮮紅透白的魚肉; 赤蝦, 筷子般的長度,蝦肉鮮甜爽口; 北寄貝, 橙黃色的肉色,爽口的肉質,甜甜的味感;帆立貝, 潔白的肉色, 軟滑清甜, 拖羅十分肥美, 粉紅色的肉色,魚油甘香,秋刀魚, 第一次食秋刀魚刺身,軟滑的口感,配以薑蔥,感減輕其魚鯹味。燒花魚,金黃色的外皮,魚肉爽脆但味道略淡, 較多骨;壽喜燒鍋物, 湯底甜甜的, 配以大大片的M9和牛及北海道豚肉, 再有魚腐、冬菇、粉、蛙蛙菜作湯鍋伴菜,是冬天的必備之選。朋友對於這餐生日飯十分滿意。…查看更多

呢度地方幾大、環境舒服，裝潢亦經過悉心設計。妹豬仔同朋友就點咗：.💖[精選二人套餐] (HK$796/2位).🔸[時令沙律🥗] 係賣相吸引嘅南瓜醬沙律！有蕃茄仔、沙律菜、櫻花蝦等等，配上南瓜醬汁，食落酸酸地好醒胃🙌🏻！.🔸[刺身盛 六點] 刺身盛包括6款刺身，分別係：秋刀魚、拖羅、三文魚、帆立貝、赤蝦、赤貝。每件刺身都好鮮甜，拖羅、三文魚仲大件得嚟又肥美😍！.🔸[壽司盛 三點🍣] 刺身盛包括3款壽司，分別係：小肌、深海池魚、碎蔥吞拿魚。3款壽司同樣好新鮮，一啲都唔腥👍🏻。.🔸[鹽燒花魚🐟] 花魚開邊之後燒得好靚好香，魚皮燒到好脆，但肉質依然保持嫩滑，沾點埋特製嘅柚子酸汁，食落魚嘅鮮味更加突出😋。.🔸[壽喜燒鍋物🍲] 澳洲產M9和牛100g🐮同北海道豚肉100g🐷都好大片、肉質嫩滑，沾點埋來自熊本縣嘅雞蛋，味道一流🤤！.🔸[是日甜品] .✨妹豬仔👧🏻💬: 整體來講，食物質素亦唔錯，而且呢度環境舒適，適合同朋友邊食邊傾偈。.(以上價錢僅供參考，一切以餐廳為準)…查看更多

觀塘出名好多好嘢食，今日就試咗一間隱藏喺駱駝漆大廈嘅日本嘢。首先嚟嘅前菜係木瓜沙律配南瓜醬，食落清新得嚟又唔會好似平日嘅青瓜沙律咁悶，而且加咗少少乾蒜，令口感爽脆得嚟帶少少辣味，好惹味好開胃。之後係壽司盛 三點：油甘魚好肥美，油脂分佈均勻；小肌魚味相對重，魚肉亦都比較結實；碎葱吞拿魚就加咗芝麻點綴，食落有吞拿魚同埋芝麻嘅香味。餐廳亦都送咗時令鮟鱇魚肝做伴菜，雖然聽落好誇張，但係人生第一次食鮟鱇魚肝，簡直驚為天人，魚缸嘅味道濃沃，同時比鵝肝多一陣鮮味，呢一個月都係當造嘅月份。之後就係刺身盛 六點：有時令秋刀魚、大拖羅、三文魚腩、帆立貝、赤貝同赤蝦。根據餐廳嘅建議，我哋油味道比較淡嘅海鮮開始食：赤蝦非常多肉，帆立貝則非常鮮甜，赤貝肉質爽口，到戲肉嘅三文魚腩，味道新鮮濃沃，當以為已經好好味嘅時候，一口咬落去大拖羅非常肥美，入口即溶，過咗一陣個口仍然殘留住拖羅嘅油脂感。今晚真係試咗好多從來未食過嘅菜式，刺身最後一味係秋刀魚，之前都從來未試過生食，食落去魚皮同魚肉都好滑，係十月尾秋天嘅期間限定先有咁肥美嘅秋刀魚。餐廳另外上咗一碟醬油葱，配合秋刀魚味道比較濃嘅味道一齊食。餐廳嘅熱食都唔馬虎，有鹽燒花魚，除咗賣相有心思之外都好好食。另外就有壽喜燒鍋物，用咗澳洲M9和牛同北海道豚肉，湯底非常鮮甜，好配合呢啲高質食材，更加帶出咗肉嘅鮮味。作為全晚嘅收尾，餐廳準備咗蜜瓜同埋楊桃做飯後果。…查看更多

今日去觀塘交收，所以約朋友仔去咗駱駝漆大樓搵食，最後我揀咗呢間日本餐廳，我地揀咗精選二人套餐 ($796/2位)，見樣樣都有啲，所以就點來試下。前菜先來一個1️⃣時令沙律 - 生菜絲，脆米，蕃茄仔，黑芝麻配上酸酸甜甜的醬汁，十分開胃再來就是2️⃣刺身盛六點：🥢秋刀魚、🥢拖羅、🥢三文魚腩、🥢廣島蠔、🥢帆立貝、🥢赤蝦刺身十分新鮮，有魚油香氣，赤蝦爽口彈牙，廣島蠔有點creamy3️⃣壽司盛三點：🥢醬油漬劍魚腩、🥢油甘、🥢碎蔥吞拿魚，配上數條漬牛蒡，店員細心提點我們最後才吃醬油漬劍魚腩，因為比較濃味。4️⃣吉列和牛丸子 - 和牛肉味香濃，炸得外脆內軟，香氣撲鼻最後再來一個5️⃣壽喜燒鍋物：🥢澳洲產M9和牛100g - 大約有3 塊，和牛油脂分佈平均，牛香味濃，配上日本雞蛋一起吃，令和牛更加滑🥢北海道豚肉 100g - 大約有 4 塊，豚肉嫩滑其他鍋物也不錯食飽飽之後就一定要食甜品啦。6️⃣是日甜品 - 是豆腐雪糕，蛋糕面用槍微微燒過，吃時有陣陣焦香，豆腐味也很出。…查看更多

之前都有聽聞過駱駝漆有好多好嘢食🤤不過嗰度一路都人來人往，好似成日都好多人等𨋢咁🤣不過今日行過竟然見到冇乜人排隊，於是就將錯就錯去駱駝漆尋下寶，睇下有乜好食啦😋-結果係千挑萬選之下就揀左呢間日本餐廳-掌壽司🍣啦😋呢到嘅環境都唔錯，全部嘅枱枱櫈櫈都係用木造，唔係十分冠冕堂皇，但勝在營造出溫暖嘅感覺💛所以成餐都食得好舒服😌-店員就推介左我同朋友試下佢地嘅二人餐，因為唔洗選擇困難症發作🤪又可以試到唔同嘅野食😉-二人餐（$796）包括時令沙律、刺身盛六點、壽司盛六點、吉列和牛丸子、壽喜燒鍋物同埋時日甜品🤩-1️⃣時令沙律🥗野菜木瓜沙律伴南瓜醬🤪除左木瓜絲之外，佢仲有椰菜絲、紅蘿蔔絲同車厘茄，黑芝麻同脆脆😆啲蔬菜同木瓜全部都好新鮮！咬落去仲好Juicy架😆加埋黑芝麻超級香🤩-2️⃣刺身盛六點Woww刺身全部都好新鮮吖🤩包括有鰹魚、拖羅、帆立貝、赤蝦、廣島蠔同秋天先有嘅秋刀魚😉蠔屬於比較淡蠔味，但係都好鮮甜，好耐未食過咁fresh嘅蠔啦🤤秋刀魚魚油重，店員仲話係秋天先有嘅魚😌鍾意食蝦頭嘅朋友更加唔可以放過赤蝦，蝦頭一啲都唔苦！-3️⃣壽司盛六點包括油甘魚、海膽同醬油漬劍魚腩❤️仲有鮟鱇魚肝🤤😋店員教我地先由白身油甘魚食起，再到海膽同劍魚腩❤️海膽咬落口幸福感即刻🆙🆙，好creamy仲好甜添呀🤗-4️⃣吉列和牛丸子佢個質感好似薯餅🤣外層炸得好脆，入面有一粒粒嘅薯仔，而和牛就好似撈左少少肉醬咁，好特別嘅味道😋-5️⃣壽喜燒鍋物主角之一嘅鍋物🤩100g嘅和牛大約有3塊，而100g嘅豚肉有4塊~和牛嘅油脂分布好平均，牛肉味道濃郁😋而豚肉相對上厚切，但唔會覺得好難咬🤩而鍋物入面嘅配料都好入味，加上日本雞蛋味道更上一層樓😉-6️⃣時日甜品(雪糕🍦)豆腐雪糕嘅面上面用火槍燒過🤤好得意地食到一陣焦香嘅味道😌好香嘅豆味，唔會好甜😋😋-成餐飯都食得好開心❤️因為食物嘅質素真係高，而且所有野都好新鮮🤤拍得住日本嘅餐廳吖🤗店員亦都好親切地介紹所有食物，咁就唔會食咗落口都唔知係咩嚟啦😌😌真係估唔到駱駝漆入邊都有啲咁正嘅餐廳🍴！…查看更多

今日放工去了觀塘睇運動用品，之後就係附近食晚飯，上OpenRice睇吓有冇好食先，最後去咗駱駝漆大廈一間日式料理「掌壽司」，我們揀咗一個「精選二人套餐 $796」套餐包括：1️⃣ 時令沙律🥗沙律 有椰菜絲、脆米、蕃茄仔等，醬汁則酸酸甜甜，一個好開胃的前菜2️⃣ 刺身盛 六點刺身盛 有六款不同刺身，賣相吸引🐟時令鮮魚 - 秋刀魚，肥美新鮮🐠拖羅 好肥美，有少少入口即溶嘅感覺🥢三文 大大件，厚肉鮮甜🥢帆立貝 都幾新鮮🦐赤蝦 肉質鮮甜🦪廣島蠔 大大隻，蠔肉相當飽滿3️⃣ 壽司盛 三點🍣醬油漬劍魚腩 、油甘 、碎蔥吞拿魚職員溫馨提示食壽司次序，叫我們先吃油甘、再吃碎蔥吞拿魚，最後才吃醬油漬劍魚腩，三款壽司味道都唔錯；餐廳服務唔錯，值得一贊4️⃣ 吉列和牛丸子 外脆肉軟，估唔到又幾好食5️⃣ 壽喜燒鍋物🍲壽喜燒鍋物有冬菇、豆腐卜、蔬菜、粉絲等材料，湯底則用了醬油和砂糖調製而成另外，配上🐮澳洲產M9和牛100g，三大塊牛肉片，油花分布均匀，肉味濃郁，食落口好有口感🐷北海道豚肉 100g，豚肉味道都唔錯6️⃣ 是日甜品 -🍦豆腐雪糕…查看更多

觀塘工業區一直隱藏眾多餐廳小店，而且有不少質素頗高，這一次來到開源道附近逛Outlet，在工廈的水牌看到這家樓上壽司店，網上評價亦高，便決定一試:)位置（7/10）：駱駝漆大廈3座5樓，港鐵觀塘站步行過去大廈約5分鐘，位置算是易找及方便，但畢竟在工廈樓上舖，相信walk in客不多吧環境（8/10）：餐廳面積不少，而且裝修有心思，較像咖啡廳。座位亦夠寛闊，空間感可以，算是舒適服務（8/10）：侍應主動介紹二人套餐的食材，亦會一直幫忙加水。雖然有些漏單情況，但處理算是有效率，服務令人滿意食物（8/10）：餐廳是日本料理，主打刺身壽司及鍋物，觀察到大部份顧客都是點套餐，可能因為價格合理而菜單吸引精選二人套餐 $796應侍應推薦，點了一份二人套餐，包括以下食物：時令沙律沙律用上爽口彈牙的吞拿魚魚皮 、椰菜絲、車厘茄、炸蔥頭及紅蘿白絲，整體酸酸甜甜挺開胃，而炸蔥頭帶點香辣及脆口，味道不錯，再加上一點蕃紅花做點綴，色香味俱全刺身盛六點六款刺身包括來自九州厚肉鮮甜的廣島蠔 、厚切軟滑的中拖羅、大隻而鮮甜的牡丹蝦、厚切有口感的三文魚、甜美易入口的帆立貝及火炙過非常香的鰹魚，相當豐富壽司盛點三點餐牌上寫三點，而實際上卻有四款各兩件，包括油脂十足及香滑的油甘魚、香濃味美的吞拿魚蓉、新鮮味淡的鳥貝及包住梅子帶點酸味的魷魚卷，雖不算很高級，但以此價格亦算頗有誠意精選燒物燒物有燒野菜雞肉卷伴鹽燒日本茄子，野菜雞肉卷用雞肉釀入紅蘿白及青豆，味道香甜而清新，而茄子刻意切成菇狀，很特別而且味道亦不錯壽喜燒鍋物到了主菜的壽喜燒，湯內有包括生菜、豆腐卜、冬菇、金菇等蔬菜及粉絲，湯底非常香甜而主角是一碟高質肉食：澳洲產M9黑毛和牛100g～來自澳洲的M9和牛厚身大片而且非常嫩滑，牛味亦夠濃北海道豚肉100g～豚肉同樣是很軟滑可口，一點也不韌，絕不比和牛差:)是日甜品甜品選了來自日本的蜜瓜，清甜味美，消暑恩物總括來說，這間工廈中的日本料理整體質素高，食物味道不錯而且價格合理，明白到為什麽隱藏在工廈內客人也這樣多呢🌺掌壽司🌺地址：觀塘開源道60號駱駝漆大廈3座5樓U室…查看更多

本來只是到駱駝漆工廈逛小店，行下行下到了七點，唯有在這裡找食。工廈大多數都有些隱世食店，上網一查見到這間掌壽司好多讚，仲咁啱就在我身處那一層，咁又點可以唔試。這間店主打日本菜。原來都好多人慕名而來，幸好時間尚早，walk-in 都仲有位。餐後見門外很多人在等候，要食最好先訂位。餐廳門面裝修一般，但內裡就很日式，座位很寬敞。我和朋友都好懶，見到有二人套餐（$769/兩位）就不想諗直接點了。這個餐非常豐富。首先是時令沙律沙律菜配上帶子刺身和滿滿的蟹籽，味道和賣相都很好，第一道菜已經覺得這餐會有驚喜。刺身盛六點二人份量來說相當豐富。有生蠔，吞拿魚腩，三文魚腩，牡丹蝦，油甘魚和小墨魚。生蠔手掌般大，很肥美。吞拿魚腩，三文魚腩油份很充足，魚肉亦很鮮甜。牡丹蝦也非常爽口鮮甜。這款小墨魚是第一次食，雖然帶點腥味，很都幾爽口，幾得意。這裡的刺身值得推介。壽司盛六點壽司包括北寄貝，吞拿魚，碎吞拿魚腩各兩件。可能刺身太好味，相比之下壽司變得一般，但其實壽司都不差的。另外店員說那杯啫喱上面有些蟹肉和蟹籽是送的。啫喱是酸酸甜甜的，配帶鹹的蟹肉和蟹籽有點怪，我唔太識欣賞。但令我覺得奇怪的是二人套餐竟然送一杯這個啫喱？！好似唔送反而冇咁奇怪。日本燒肉燒肉有美國頂級牛小排，日本A5和牛，特選牛舌心。店員首先教我們燒的方法，用碟上的牛脂肪燒出牛油，然後才把肉放上去。牛油加上和牛，非常重的牛肉味，入口即溶，好享受！不單止牛肉好味，牛舌心也是ichiban！牛舌的牛味不及和牛，但牛舌肉質爽口，帶出另一種享受！推介這個燒肉！壽喜燒焗鍋物鍋物內有蔬菜，冬菇，蒟蒻粉絲。另配一碟澳洲和牛片，北海道豚肉片。這個和牛片和豚肉片的級數也不太差，放入鍋內輕輕10-15秒就可以食。蒟蒻粉絲給湯煮過後變成了深啡色，湯底的味道滲入在每條粉絲內，加上粉絲彈彈的，好味又不太膩!是日甜品可選海鹽雪糕和伯爵茶雪糕。雪糕是香港製造的。味道一般，只有奶味和甜味，海鹽和伯爵茶的味道都不突出。餐廳的服務和食物質素非常高，令我忘了自己身處工廈。雖然價格稍微有點高，但仍覺得這麼高質素的日本餐廳是值得推介。…查看更多