Nisugu (雙子匯1期)

營業中

休息中

啟德sogo開張都有一段時間，上層仲有唔少好吸引嘅餐廳，好多間都想試下。呢間餐廳都幾多人，平日7pm都幾乎坐滿客，好奇心下就walk in嚟試一下。紅蝦牛油果他他 - 超有驚喜嘅頭盤，紅蝦非常鮮甜，配埋牛油果同三文魚籽，仲有旁邊嘅百香果醬一齊食，味道非常夾，酸酸甜甜嘅味道好開胃。壽喜燒牛肉炒烏冬 - 味道甜甜地，都幾似食緊壽喜燒牛肉鍋，唔錯！銀鱈魚西京燒 - 賣相幾好，不過我更喜愛食佢嘅秋葵同埋薯粒配菜。西班牙油炸鬼配雪糕 - 第一次食呢種甜品，熱焫焫嘅油炸鬼沾滿肉桂糖、雪糕同朱古力醬，呢個配搭都幾新奇，值得一試。另外，叫左2杯飲品，坐喺窗邊望住啟德嘅夜景，同朋友傾下偈，實在幾好情調。呢間餐仲可以坐戶外，景觀應該更加開揚。

姊妹約我食生日飯，在Nisugu (雙子匯1期) 訂了枱，我們一行四人星期五晚到這裏慶祝。原先在openrice只可以訂八點半，但她whatsapp聯繫了餐廳，店員說可以大約八點入座，但當我大約八點到的時候他們又說只可以八點半就算人齊都要八點半才能入座 ( 但明明見到有枱的），安排座位上有點亂。至於食物方面，除咗甜品其他都有點失望。▫️炸魷魚圈 ~ 唔香脆，口感濕濕地。▫️西班牙海鮮炒飯 ~ 炒飯非常硬，又乾。▫️蒜片欖油大蝦 ~ 非常細粒的蝦仁，口感好腍。▫️西班牙乳豬配蘋果蓉~ 乳豬太肥，肥高特別多好油膩。▫️壽喜燒牛肉炒烏冬 ~ 算是整晚最正常，但漏單了，點了很久還沒有上枱。▫️流心焦糖燉蛋法式西多士配合桃碎及焦糖餅乾 ~ 甜品比較好，甜度適中。整體用餐體驗有點失望，當晚我們揸車泊在商場裏，大約10點15分 到商場的客戶服務，原來已經關門了，所以沒有享用免費泊車優惠，商場員工跟我們說其實餐廳應該提醒客人如果有泊車要早點準備，當然餐廳完全沒有提及，所以我覺得餐廳除了食物方面，服務亦有代改進。🏷️溫馨提示～ 整個用餐體驗均屬個人分享意見， 只作參考😊。