鬍鬚仔 (已結業)

叫左墨西哥脆辣雞堡同埋加勒比海牛堡，包單點$4-50 套餐加$2x有一個小食同嘢飲同埋叫左份鹹蛋黃炸薯條。1）墨西哥脆辣雞堡：即叫即整，雞好脆好嫩好大塊，係略油。2）加勒比海牛堡：份量算大，但因為菠蘿好多水，邊食邊滴，同埋會沖埋入邊啲醬汁出嚟，如果可以諗到解決方法會更好。3）鹹蛋黃炸薯條：味道適中唔會太鹹，超大兜，正。環境唔錯👍🏻，幾舒服，可能因為非繁忙時間幫襯，啲枱枱櫈櫈都幾乾淨，不過油煙有少少勁。…查看更多

前排見到girlsfoodies個必食漢堡投票，鬍鬚仔雖然得屯門同九龍灣兩個鋪都有第二多人推介！即使好耐之前已經介紹過都決定再食再介紹！！•🥢 墨西哥脆辣雞堡 $44雞堡嘅炸雞超大塊，長形嘅，仲大過個包！外面好脆，入面好滑！辣味就源自醬同青辣椒，唔會好辣，但啲醬有少少唔均勻，不過雞肉夠juicy，令到個包唔乾！🤤•🥢 牛油果軟殼蟹堡 $56軟殼蟹唔算細，炸皮唔厚，但牛油醬得成個包中間有，整體食落好乾，味道都唔太出😥•🥢 鹹蛋黃雞翼 $32/3隻鹹蛋黃係包住全隻雞翼🤤 但份量其實又啱啱好，唔會太膩/太鹹，雞翼好滑~ 值得叫嚟食！•🥢 小食餐B $20可以揀炸薯條/蒜蓉包/洋蔥圈/田園沙律其中一樣，飲品就係餐湯/紙包飲品/汽水。小食揀咁薯條，有一袋，我分別倒咗喺兩個包隔離，其實係同一袋嚟，所以份量都唔少😌 原本係粗薯條，但粗薯條無貨轉咗幼薯條，有唔少都好幼而炸到零食薯條咁脆😂…查看更多

鬍鬚仔 (屯門)屯門鄉事會路2A號H.A.N.D.S商場2樓H216號舖墨西哥脆辣雞堡 $42另加$18 小食餐B (炸粗薯條/ 蒜蓉包 / 洋蔥圈 / 細田園沙律，4選1） + (細餐湯 / 紙包飲品 / 汽水，3選1）怕辣既朋友唔洗擔心，因為辣味係來自作為burger餡料的墨西哥青辣椒切片，只要拎走個幾塊青辣椒片就OK 😙👌🏻塊雞扒係唔辣嘅，純粹一塊炸雞扒，有保留肉汁，配上些微沙律醬～薯條 + 炸雞扒係即叫即炸！🍟用油量都多，偏油膩🙈堂食嘅話，薯條同雞扒會因為剛炸起而燙口🤣包皮仲有少少脆口添！😋外賣嘅話，小編試過即使過左30分鐘先食，雞扒都仲係脆口🤤😙但薯條同包皮就當然會變腍～～雖然鬍鬚仔主打牛堡，但因為每次order 牛堡都偏熟，肉汁愛好者會失望，所以小編與友人們一致認為脆雞堡比較出色～而且即叫即炸係加分既！！😋…查看更多

鬍鬚仔總店係喺青衣，嗰陣已經留意到係高質黃店，最近喺屯門開咗分店，近近地終於可以試吓！呢間屯門分店係自助形式，排隊落完單後自己搵位同埋捧餐，座位都算多，食物都係即叫即整。•🥢墨西哥脆辣雞堡 $39雞扒大大塊，醃得好夠味，炸到外脆內軟，juicy而唔油膩，辣度只係小辣，推薦！•🥢韓式泡菜牛堡 $42漢堡包夾住牛肉、泡菜、蕃茄、生菜同芝士。牛肉唔乾，少少juicy，唔會痴牙，而泡菜唔會好咸，少少辣，出奇地好食🤤 同其他配菜好夾，如果芝士味再重啲就perfect😋•🥢脆香雞翼(小食餐A) +$22漢堡同熱狗都可以加跟餐小食，我哋揀咗兩隻雞翼同一罐汽水。雞翼冇咩味，味道好淡，夠脆口但炸粉有少少厚。•🥢咸蛋黃薯條 $32叫咗全份咸蛋黃薯條，薯條係超級粗，薯味好濃，似薯角但唔太脆，我個人比較鍾意食脆身嘅薯條。咸蛋黃太少，所以咸蛋黃味好淡，如果點茄汁嚟食更加食唔到咸蛋黃味。…查看更多