金金日式燒肉店

營業中

休息中

依家真係燒肉嘅旺季🔥😛 覺得自己已經唔適合食放題🤣 寧願食單點質素高啲嘅肉‼️呢間真係禾稈冚珍珠✨ 肉類質素調味高級 好食過牛角 誠意推薦 👍🏻❣️櫻花龍蝦沙律豆腐 $58食豆腐好似開心過食菜🥳 豆腐好滑 加埋麻醬小龍蝦沙律同蟹籽🦞🦀 配搭好味 值得嗌嘅前菜(´◔︎౪◔︎)۶❣️燒汁牛肋骨肉 $118色澤超靚 貴精不貴多 有少少油脂更加香👅🐄調味真係啱啱好 甜甜地嘅燒肉醬 heavenly👼🏻❣️角切西班牙黑豚(鹽蔥）$78原本見到佢方塊咁嘅size會唔會好難燒🔥但熟咗之後就覺得啱啱好 平時食五花腩都會有啲太燶 呢個有口感🐖 簡簡單單用鹽蔥調味 已經好正(･`◡︎´･)ゝ❣️網燒雞腿肉（岩鹽青檸) $68滑到不得了嘅雞腿🍗🐓 懷疑生前做咗好多facial🤣呢個絕對可以encore 又易燒 仲要帶一點檸檬味好refreshing✨ 醬汁都可以點檸檬汁 我可以自己食曬🥰❣️嚴選厚切鹽燒牛舌 $96喺厚薄牛舌之間掙扎 最後都係要食厚嘅脷搭脷👅我覺得接近牛舌心嘅嫩度🥰 而且要讚吓個爐好易燒 燒到外爽脆內嫩 口感一流🤪❣️黑松露和牛炒飯 $118估唔到一間燒肉店最令我驚喜係呢碟炒飯‼️食完係會想好似食神薛家燕咁碌地🙆

係SOGO對面既金金日本燒肉店位置方便，港鐵站一出唔駛三分鐘就行到。餐廳係一座商業大廈上面既3樓，全層地方闊落，一入門口會有間私隱度幾高既榻榻米私人房，方便一大班朋友聚會。因為星期一至四無限時，所以我地選擇左平日到訪。.特式野菜沙津 💲78食燒肉通常會比較油膩，叫個沙津菜平衡下剛剛好。呢個特式野菜沙津有芥末醬跟，仲有木魚花同蒟蒻粒，味道唔會太單調。.芝麻阿波雞軟骨 💲58小食叫個炸雞軟骨過下口癮，份量都幾多，估唔到會係辣辣地。.熊本A5肉眼和牛 💲168黎到日式燒肉店梗係要叫日本和牛，餐廳話佢地既日本和牛每日有唔同激安優惠。今日就供應緊熊本A5牛，激安價大大塊都只係💲168，抵食必叫項目。熊本和牛肉眼部份油脂感好重，瞬間燒到火光熊熊。.鹽燒牛肋骨 (8片) 💲98牛肋骨都仲有燒汁同鹽燒不同選擇，餐廳建議先試鹽燒可以試下原汁原味版本，因為檯面都會有燒汁，其他唔夠味都可以再加。牛肋骨油脂分佈較平均，滿口牛香。.嚴選厚切鹽燒牛舌 (6片) 💲98燒肉店必點既牛舌都有好多款唔同厚薄同醬料版本，厚切鹽燒應該會食到佢既最佳風味。牛舌超厚切，有6件性價比不俗。.黑松露和牛炒飯 💲118黑松露和牛炒飯

今晚同中學同學黎食日式燒肉，最驚喜係原來冇限時，任坐唔嬲，最岩傾計。有個二人套餐，我地五位冇叫到，揀左散叫。芝麻阿波雞軟骨好食，脆卜卜，新鮮熱辣炸起。熊本A5和牛肉眼我麻麻，我唔係甘鍾意甘肥，油花甘重既肉。24cm澳洲M9和牛壺漬真係幾長，我覺得好食過A5和牛，唔韌唔鞋又有肉汁。嚴選厚切鹽燒牛舌雖然都唔係好厚，但味道唔錯。西班牙黑豚腩肉(梅子味噌)我覺得麻麻，我唔鍾意食豬腩肉。網燒雞腿肉(意大利香草汁)唔錯，雞肉嫩滑。生菜盛盒得六片生菜，完全唔夠食。柚子讚岐冷烏冬好食，但個汁唔重柚子味。溫泉蛋紫菜冬丼幾好食，甜甜地，用作飽肚之用。香蒜酒煮蜆湯冇乜特別，清清地。