呢度 $538 特選生蠔放題嘅蠔，係由日本 #北木島牡蠣 養殖場直送嚟香港。你可以喺 120 分鐘入面任食生蠔同焗蠔。生蠔有原味、柚子啫喱、辣椒蘿蔔蓉、蔥花、昆布漬同雞尾酒汁 6 款口味。焗蠔就有清酒、蒜味、辣蒜味、麻辣、芝士同冬陰公口味。每樣試一隻已經食完一打，你又最有興趣試邊款呢❓呢個放題仲包埋懷石八品、串燒、炸物同小食，仲送每人一份牡蠣茶漬飯或者手打烏冬加甜品。飲品方面亦有多款無糖茶或者唔同嘅梳打，+$88 仲可以包埋果酒、梅酒同燒酎任飲。🍲 時令海鮮湯 除咗生蠔，佢哋嘅時令海鮮湯都唔錯！用蝦、蜆等海鮮煮出嚟，味道幾鮮甜，仲用熱茶壺裝住保持溫度，有日式 Feel 同夠細心。🍽️ 喜多嬉懷石八品 啱啱去完日本返嚟嘅朋友見到佢嘅擺盤叫到嘩嘩聲！呢個懷石八品都幾精緻，店員會逐一介紹同教你點樣順時針食，由淡味食到濃味。其中有梅子漬車厘茄、醋漬青瓜拌 (手撕) 蟹棒、時令刺身、燒白鰻魚、大根烹煮手打雞肉棒、明太子芝士薯蓉、牛油果醬伴吞拿魚蓉同柑桔柚子龍蝦肉羊羹 (仲以為係水信玄餅😅 )。🍢 串燒、小食 食完生蠔同懷石八品想試吓其他嘢？呢個餐仲包咗串燒同小食放題。我哋叫咗雞翼、雞腎、雞腿肉、雞心、羊肉、翠肉瓜、茄子、冬菇、秋葵、大蔥車厘茄等，種類都算多。小食方面，我哋就嗌咗自家制一夜干燒魚、雞皮餃子同美國西冷牛扒配醬油脆脆，都幾有日本風味！🍜🍰 食到尾聲，每人再送上牡蠣茶漬飯或者手打烏冬加是日甜品。當晚我哋食嘅係柚子芝士蛋糕，質地香滑，加上柚子嘅清香，本身食飽咗都仲可以食埋嗰兩啖！…查看更多
松葉蟹五島手延烏冬，有蟹鉗、菇菌及甜豆，湯底清淡，而烏冬麵質幼細爽滑。白桃雪葩最中餅配蕨餅，最中餅是櫻花形狀🌸，夾著的白桃雪葩香得來又不會過甜，加上煙韌的蕨餅，完美作結！除了汽水任飲，梳打同樣是任飲，點齊了白桃梳打、柑桔梳打及荔枝梳打，三款的味道均不會太甜膩，所以不會容易令人覺得飽滯。當中以白桃梳打的甜度最為合口味，而柑桔味的味道清新有趣。雖然90分鐘的時間好像好趕急，但店員會適時送上餐點。即使任食的菜品也很快上桌，整體用餐過程不錯！
