風味堂

最近食咗好多日本野 今次就去咗大角咀食串燒 日本野真係食唔厭🥰店舖座位唔多 只有十多個座位 呢晚7點幾嚟到已經滿座 好彩我哋有book位🫣兩個餓鬼一嚟到就呢咗好多野食🤣 🥢銀鱈魚乾 店舖好好咁free咗一份小食比我哋🤭咸咸哋 似啲餅仔咁食落鬆脆 幾香魚味 蘸埋沙律醬食甜甜哋幾好食😋感覺好啱送酒 但朋友唔飲酒 我又唔想自己飲 所以都係飲熱茶🍵 見到有個午市定食menu 原來夜晚都適用👍🏻每份定食都有跟醃蘿蔔、牛舌粒、味噌湯牛舌粒同平時食開嘅牛舌有啲唔同 呢個係涼食 而且口感係比較爽 幾特別😂 🍱五本燒物定食 💰98定食有五款串燒 跟配鰹魚湯粉絲🥣~五花腩🥓肉質軟腍 唔會好肥~牛肋🥩幾香牛味 口感札實~冬菇🍄唔會燒得好乾 但入面比較淡~免治雞肉棒🍖加咗沙律醬同蟹籽味道冇咁單調☺️~明太子玉子燒🥚玉子燒好厚 配上明太子口感味道都好唔錯😆 🍱南蠻雞飯定食 💰78雞件份量都幾多 炸得香口而又juicy 最特別係佢個雞蛋沙律醬 就似係平時蛋治入面嗰啲蛋白碎撈蛋黃醬 甜甜哋配雞肉食 或者拌飯食都一流☺️食咗個飯其實已經好飽 但又心思思好想食好多野🤭 🍤唐搵墨魚咀 💰68墨魚咀炸得香脆適中 十分香口 必叫嘅小食😉 🥟日式炸餃子 💰58外脆內軟嘅餃子 熱辣辣蘸醋食好香😚 🍢韭菜肥牛卷 💰28肥牛燒得唔錯 仲有好香孜然粉味 不過韭菜就可能燒得乾咗少少 🍢雞胸軟骨 💰22睇個名以為係同雞軟骨咁 但原來真係雞胸🤣比平時嘅雞軟骨多咗啲雞胸肉喺出面 食到軟骨嘅爽脆之餘都食到雞胸肉☺️ 🍢雞脾菇 💰12燒得剛好 唔會過乾過硬 好香孜然粉味而又唔會完全蓋過雞脾菇本身嘅味 🔔另設加一 🔎Instagram: tracy_fooddiary …Read More

今日朋友帶我食日本串燒，本來諗住都係平時食開嘅日本燒物店，點知發覺極之有驚喜，叫左六七樣野，有一啲並唔係燒物，但都好好食、味道仲好特別。例如鹽辛魷魚，魷魚刺身用上魷魚內臟做醬汁，有一種蜆蚧味，感覺好特別，第二款係花雕雞子，平時可能打邊爐先食，但今次用花雕煮，花雕酒加雞子一咬爆開嘅感覺，非常特別，而且無一啲腥味，令我一粒一粒咁啪。而另外仲有一款蟹皇沙律，又係令我體會到一個新世界，佢嘅醬汁好特別，沙律好似有啲豆苗嘅味道，搞到食左好多好唔意思，其次仲嗌左一啲串燒，墨魚咀，磯煮南非鮑魚，清酒煮花甲同馬友一夜干，呀仲有係蒜蓉海鮮粉鮮鍋加聖子及刀貝，刀貝好大隻唔靭，咬落去仲有爆汁效果，真係唔錯。所以非常推薦，去食記得細味啲醬料同調味粉，好正！…Read More

Happy friday night 原本諗住同friends在公司附近飲兩杯、食下串燒、吹下水，於是揀左呢間新開既串燒店，在openrice訂枱，仲送1支細既sake，咁有誠意，一於試一試。同店員傾開，原來在大角咀富榮花園搬過嚟，係區內既串燒店，店舖由一班年輕人主理，佢哋都非常有禮，支持香港年輕人創業💪講返食物，又平又好食，做法唔算太日式，比較偏向港式串燒，雖然如此，特別推薦「五花腩」、「雞泡魚乾」、「牛舌腩」、「芝士燒玉子」、「南蠻雞」、「唐揚墨魚咀」，最後一定要試呢款甜品「朱古力綿花糖多士」，原本只是諗住食小食，點知叫下叫下，變左大食會咁😂。唯一美中不足之處，就是draft beer選擇少，得生力同生力白啤，2款之中個人比較喜歡白啤。食完之後，大家一致認同會再encore😋…Read More