蘇媽.蘇媽馬來西亞茶餐室

星期日同小朋友去完附近嘅玩具街行下午餐當然要搵最出名嘅食店等位就預左了，前面有6組客人等緊雖然好忙，但店員都非常友善隔離間xx師兄仲多人等左20幾分鐘左右，終於到我地了我地2大2小朋友去食，因為小朋友唔食得辣，所以可以揀嘅野食好少選擇叫左個我最喜愛的咖央多士，冬瓜龍眼冰同班蘭椰汁冰兩杯野飲都係正常水準至於多士，原本有諗過點佢嘅鴛鴦燒面包（入面有厚切牛油加咖央醬）由於覺得太肥膩都係放棄左可能好耐冇食咖央嘅關係，覺得個醬特別好食非常厚嘅醬，好濃郁嘅咖央同埋甜味多士外脆內軟，但我比較喜歡軟身的，下次叫佢烘少啲時間先～為小朋友叫嘅怡保雞絲湯河，個湯清清地又有蝦又有雞絲仲有魚蛋，份量十足，叫完先發現可以轉粉麵種類，下次想試下老鼠粉兩個大人share嘅叻沙米線因為食慣左某某連鎖店嘅叻沙，同呢間比，用料好多都唔同可能係馬來西亞風味，由個辣汁開始味道冇咁椰香，同埋呢個辣度我自己有啲食唔到唔知可唔可以叫少少辣呢。。。呢間嘅叻沙冇花生碎，冇雞蛋冇蝦，冇芽菜但係就有用魚蓉熬出黎嘅湯底，酸酸辣辣咁材料有菠蘿、青瓜、生菜、紅洋蔥、辣椒、薄荷葉同埋蝦膏食落除左酸辣，有少少腥味，但唔太明顯食左1小碗已經頂唔順佢嘅辣度，可能平時唔係好食得辣下次再黎嘅話，記得要問下店員可唔可以少辣，因為實在好多野食都係辣嘅值得一讚呢度雖然長期都好忙，但店員姨姨服務態度幾好，又問下我地嘅小朋友食得飽唔飽，叫佢地小心送餐之類嘅說話性價比非常高，不論邊間分店，都一定會再幫襯…Read More

鍾意食濃味嘢嘅人應該會好鍾意蘇媽哩間馬拉茶餐廳。食物質素好平均，試過嘅菜全就部都無令我失望。第一次嚟等咗成個鐘先有得食，但食完真心覺得係抵排嘅...... 第二次就晨早未夠11:30就到門口排隊，一開門就有得食唔使等。據觀察，周末想唔使排就有得食，12:00前一定要到，越晏就越要等，大家自己睇路啦～～必試肉骨茶三層肉、仁當牛咖哩麵、辣死你媽、蝦麵......要讚一讚姐姐嘅服務質素，姐姐好親切有禮；就算超爆超多人，姐姐都保持有禮，好有耐性咁招待客人，好抵讚呀～～ 用餐經驗滿意，好快又會再去食過......…Read More

難得放假，所以就來了呢間一直好想試但一直因為太多人排隊而無試到的馬來菜餐廳。兩點多來到，本來打算食個下午茶，但原來佢個下午茶要３點３先有首先要試其功架，咖央多士是必點的看樣子是不錯的，烘得金黃，咬下去，麪包外脆內軟，而且包也不太厚，跟斑蘭醬比例剛好但斑蘭醬卻有點失色，甜味太重，但它內有薄薄牛油，可吃到牛油香和淡淡椰香，令味道有所提升另外點了玻璃魷魚配通菜醬汁味道不錯，但不算很特色。魷魚也是新鮮，口感彈牙.辣死你嗎配仁噹牛肉覺得椰漿飯，椰汁味不太突出，而且飯有點兒太濕花生和乾魚仔也炸得香脆當中的仁噹牛肉肥瘦適中，不會煮得太柴，調味上也不會太濃參巴醬 最為出色，夠香，夠辣，有蒜香鹹香，而且不太油如果有點肉骨茶的話，還會有肉骨茶湯添飲豬肚肉骨茶雖然添飲的肉骨茶和餐點的肉骨茶味道有點不同，但簡單而言，它較重藥材味，帶少許甘甜，看相片好像有點油，但喝下去卻一點也不膩桔仔話梅水甜度適中，柚子味也足夠，還有柚子碎裝飾，用心之作總括而言，不用排隊的話，可以再戰…Read More

之前每次行過都見到很多人，今日於是去試一試到底有幾好。中午去拿票，等左廿張票，終於輪到我地了。一入去，環境很有馬來西亞的感覺，點左我最喜歡的咖央多士，另外還點了炸滷肉卷，馬來沙嗲雜錦串，熱冬瓜龍眼茶。全部上菜都很快，而且熱辣辣，滷肉卷點上辣椒醬，幾惹味。😋沙嗲醬加入花生粒幾夾味，整體都很好。只是排隊時間比較長，如果想食，最好提前一至兩小時拿票輪候。…Read More

由於晏晝出去做嘢，所以同同事去咗深水埗區食飯，去到已經係2:00 ，所以少咗好多人排隊，大概等左10分鐘就入得。餐廳唔算大間，但係食物選擇都唔少。檳城亞參叻沙蘇媽蘇媽嘅招牌菜，一想已經聞到好香，配左一碟蝦醬。喺未放蝦醬之前，試咗一啖湯都幾鮮味，落咗蝦醬之後變得更鮮味，。（P.S. 呢啲係馬來西亞蝦醬唔同香港嘅蝦醬㗎）麵底都好好味，有啲咬口，配料包括有生菜菠蘿洋蔥，夾埋一齊食都幾新鮮，如果配有豬肉嘅應該都好好味。檳城白咖喱油麵第一次食白咖喱嘅湯麵，白咖喱味冇想像中咁濃郁，亦都唔算太辣，相比其他屬於較清淡嘅湯底。豬紅都新鮮，冇怪味;魚蛋都彈牙嘅。整體不過不失。檳城福建蝦麵我認為呢一個係最好味嘅，因為湯底鮮甜，蝦同埋豬肉都好好味，夠入味。而且個麵會落去都好夾，難怪係招牌菜。咖央多士多士烘得啱啱好，脆卜卜，入面嘅餡適中，唔會太甜，推介大家去試吓呢一個多士。白咖啡同奶茶都係第一次試飲馬來西亞嘅白咖啡，咖啡味唔算好香，係偏甜嘅咖啡。奶茶都唔錯，茶味香濃。整體都唔錯，下次可以試吓肉骨茶先！…Read More

之前經常見到這間蘇媽、蘇媽馬來西亞食店門口擠滿人等候,而食評也很多贊, 今日特登來試下, 如常一樣咁多人, 不過等了20分鐘左右就有位, 流轉算快, 這個應該是餐廳員工安排得好。我樣樣都想食所以叫多咗。揀選了肉骨茶棒棒骨, 辣死你咖哩雞椰槳飯, 咖央多士, 桔仔梅子冰。肉骨茶非常淡, 棒棒骨好睇但唔入味, 作為主力菜感覺有點失望！至於咖哩雞雪味怎重, 椰香飯味不特出。咖央多士一般水準。 桔仔冰ok, 不過價錢大衆化一試無防, 但不值推介。…Read More

平日嘅下午3點3左右嘅時間來到餐廳，店鋪很細，看過其他食評原本還擔心冇位置要排隊，但幸好完全不需要排隊就進去了。 去到見到有幾款肉骨茶都售罄了，所以點了馳名的咖央多士和肉骨茶（三層肉）配上一杯熱拉茶。  點完餐，不到3分鐘就送上期待已久的咖央多士，應該不是即叫即烘。因為埋單時瞄到廚房有一排烘好的方包，應該是有order才塗咖央醬在那排已烘好的麵包上(?)，所以上桌時食物不熱。因為看食評貌似對咖央多士評價頗高，但入口雖脆但接近係硬和刮口。因為之前沒試過咖央醬，所以單憑第一印象評論：好甜，不覺得很特別，有一點香味（應該是班蘭味和有一點點蛋黃醬味道）。熱拉茶都幾有茶香，但個人唔鍾意咁甜。然後就是餐廳主打的肉骨茶，點的是三層肉。據餐廳貼在牆上的說明，應該是先準備醬 -> 喝熱湯 -> 點醬食肉 -> 添湯。但是肉骨茶一上枱，就立即喝了一口湯，竟然是微溫，借問聲熱湯在哪裡？？？不知道大家有沒有同感，湯是微溫的感覺真的很可怕，不僅湯的味道不能完全出不來，更係令飲嘅人有種不爽嘅感覺。並不是要求要滾燙的湯，但微溫的湯真的很難接受。感覺像是一碗滾燙的湯放了10鐘的感覺，所以第一印象頗差。（但後來和友人討論，可能餐廳唔想湯嘅熱力令肉變老，所以微溫微溫... 不知是真是假，是好或不好的做法）三層肉的質素有些參差，因為有些是肥瘦相間，但有些卻是9肥1肉相當分明。不過肉是挺軟嫩的。因為第一次的湯微溫，所以味道不作準。之後要求加湯，店員拿來湯壺（水壺應該有持續加熱）倒湯，看見湯應有的蒸氣真的感動啊！XD果真，熱的湯真的好飲許多！但是，藥材味道不算濃，味道偏咸............  沒有其他食評說的那麼神化啦 XD 又或者，它只不過不是我杯肉骨茶啦！每個人對於食物都有不同的喜好，這本來是很平常的一件事。整體而言，呢間餐廳就唔太差亦稱不上非常好，經過冇食過而又唔使排隊嘅可以試下。（以上皆為個人感受，你嘅感受絕對可以同我唔一樣）餐廳表現每日唔同，以上食評只反映當日食物表現 哈哈，第一次寫食評，文筆非常麻麻，希望之後都會有動力寫落去同寫好啲啦～～…Read More

好友約了我去深水埗，只為了要食呢間佢大推的餐廳，去到在小販林立的舊街，門面有特色，有舊木門玻璃門，入內舊式木桌椅，非常光猛，牆上掛滿了毛筆字食品名稱，幾有特式，而我們要在門外等5分鐘才有位，要在大枱搭枱食，座位略迫，食物選擇好多，我倆各自揀了自己喜歡的菜色！百吉爹棒棒骨肉骨茶（$76）店員在我們未落單已斟好肉骨茶（應該每位都包一碗無材料的肉骨茶）喜歡舊式茶碗，再叫一煲肉骨茶，有一兩款已售馨，選了呢款，棒棒骨肉質已炆淋，好入味，骨肉分離，金菇索晒肉骨茶，豆卜也索湯，茶底濃又不會有藥材的苦澀味，好味！砂煲老鼠粉（$78）砂煲上，要先撈勻，喜歡內放的碎碎材料（榨菜、肉碎、蝦米碎、小銀魚碎）加上生雞蛋撈勻，（老鼠粉=銀針粉？）睇落好濃的豉油色水，但⋯食落完全無豉油鹹味，味道是材料碎的味道，一點都不平衡，結果要加枱面放的黑醬油才平衡到（是一定要加醬油，不然只有淡茂茂無味的銀針粉）明明顏色咁深，但又無味，好難理解🤔檳城亞參叻沙米線（$52）也是老碗，叻沙湯非常濃香，是酸酸鹹鹹非常開胃的味道，夾雜了菠蘿肉🍍（爽脆的新鮮菠蘿）米線好滑彈牙，加上應該是蝦米油炸鬼碎，好香濃好味！夏天的味道椰香咖央多士（$26）烤的啡黃色，但應該不是即叫即製的，因為上枱不熱又只有微脆，咖央好濃椰香，香甜好味！若脆多一點點就完美冬瓜龍眼茶（$22）熱飲，未見過這個配搭，但⋯飲落只有龍眼水的甜味，完全飲不到冬瓜味，味道偏甜！不特別椰汁班蘭冰（$33）好友飲，飲了一啖，椰香同班蘭味幾夾，本身喜歡班蘭，但討厭椰汁，都覺得好味，唯一是太甜了（明白東南亞國家的飲料都太甜🙄）店員姨姨勤快豪爽，落單時落漏了椰汁冰，問店員時非常快回應，即刻補上！值得一試的馬拉菜…Read More

長期人氣高企的馬拉茶啡廳好好彩地得左5分鐘左右已經有位特製辣椒#老鼠粉 有隻溫泉蛋再撈埋肉碎辣醬同炸蒜等好惹味又夠香口微辣啱啱好 好似銀針粉的老鼠粉沾滿配料好好味口感亦好彈牙「辣死你嗎」#椰漿飯 配咖喱雞椰漿飯唔夠椰香但配埋旁邊的辣醬同花生乾魚仔食都惹味既叫了幾款小食 份量不多但價錢偏貴檳城香炸#滷肉卷 好出色 好似腐皮卷咁但裡面有好香的滷肉碎重點係有芋溶好香芋味外脆內棉味道又豐富 好好食#咖央多士 有少許失望多士可以烘得再脆一點咖央醬偏甜同重椰子味辣味蒜香都夠 鮮魷爽口通菜惹味…Read More

相隔唔夠三日我又再嚟食過啦！哈！哈！哈！今次係同朋友一齊食👍🏻因為朋友係肉骨茶fans所以就叫左個雜錦版嘅，裡面材料多不勝數有豆腐卜、雞腳、骨、金菇豬腳仔......仲有最重要嘅油炸鬼😋😋真係好好食！之後就同上次一樣叫左辣死你嗎同必食嘅咖央多士🥪雜錦版嘅肉骨茶真係好適合兩個人或以上食，因為材料豐富而且可以一次過滿足曬大家嘅選擇困難症。望住餐牌唔知揀邊款好嘅話，雜錦一定係必定之選👍🏻👍🏻👍🏻…Read More

當日18:45到達，等咗around一小時就入座一坐低，落完order，店員就會每人俾一碗肉骨茶，而且仲係可以添加嘅👍🏻叫咗幾樣野食，每樣都幾有水準，特別係滷肉卷同咖央多😛不都幾重口味，食完之後都幾口渴😂我哋仲叫咗4杯野飲，呢4杯野都幾好飲😛我建議想飲重口味嘅就揀恐龍蛋咖啡同斑蘭椰汁冰，想清清地嘅就揀檸檬薏米水同埋冬瓜龍眼冰😂Btw呢間鋪頭得好少位，所以好多時候都要同其他人搭枱，想坐低慢慢食，慢慢吹水嘅，我就唔建議揀呢間啦🙈🙈…Read More

人氣馬來西亞餐廳，時隔半年依然熱度不減，究竟半年後嘅評分有冇高翻啲呢？回頭率：🌕🌕🌕🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌕🌑味道：🌕🌕🌕🌑🌑等候時間：15min價錢：120/pal【sorry都仲係我大食正常人均80-90左右】◆Summary◇馬來西亞菜，似茶餐廳設計要搭檯。肉骨茶無限任添，食物選擇多樣，味道普通得很穩定，半年後分數依然冇變🤦🏿‍♀️推介皇帝骨肉骨茶同辣死你嗎配仁噹牛肉。主要食人氣，整體性價比中等偏低。————————————————————————◆辣死你嗎配仁噹牛肉◇ HKD50😍性價比之選，份量夠大味道又唔錯‼️椰漿飯帶有淡淡的椰漿味，口感略黏帶奶香，搭配一旁的辣醬相當惹味又唔會太辣🌶牛肉煮得入味軟爛，連一向唔中意牛腩嘅我都食得津津有味。側邊仲有花生小魚乾蝦片等等配料，夠曬香口👅可惜辣醬唔夠多，蝦片又太腍。◆沙嗲串燒(豬牛雞共6串)◇HKD75🙂好普通。沙嗲醬味道偏甜花生味濃，份量俾得慷慨，可以食到粒粒花生🥜串燒肉質就普通，所幸燒得未算過火尚能保持肉汁◆拉茶☕️◇ HKD19🙂滑&甜。茶味唔濃，都係港式奶茶啱我多啲💁🏻‍♀️食左兩次都係覺得皇帝骨肉骨茶最正，肉味最濃✅而咖央多士始終唔夠Rempah Noodle咁好味，醬少又偏甜，味道好單薄⛔️💁🏻‍♀️雖然價錢唔貴份量又幾大，可以食得飽。但綜合考慮埋環境/排隊/味道，都令我覺得名過其實，性價比唔太高。…Read More

正所謂聞名不如見面今次終於黎咗試依間超多朋友推介嘅餐廳話說放工即刻衝去深水埗大約六點九度去到 已經開始要排隊排咗二十分鐘度啦就有得入座了其實都幾多食物選擇有飯有麵有小食正咁我同男友就好貪心咁咩都叫小小比完單就即刻有伙計幫我地倒肉骨茶原來佢地係可以無限refill個湯藥材味幾香幾正我地叫咗個皇帝骨我覺得啲肉普通姐 但個湯唔錯所以整體都ok另外都叫咗個咖央多士 幾好味但最令我impressive嘅係圖入面後面個杯拉茶係真係超好飲 熱飲好正好有茶味🍵男友杯檳城白咖啡就普通啦都叫咗啲小食玻璃魷魚配通菜正常發揮檳城香炸滷肉卷好辣我地兩個唔辣得之人真係食唔到😂兩個人食到超飽 好想再黎試老鼠粉同埋拉茶bb😍😍😍…Read More

今日去左人氣甚高長期要排隊喺深水埗嘅馬來西亞餐廳 蘇媽蘇媽👅 主要原因應該係因為價錢平同夠地道 我地大概下午茶時段去到 排左幾個就到我地啦😊一場泥到有乜可能唔試下佢哋個肉骨茶呢 我哋見皇帝骨係限量發售 所以就揀左呢個🤤 你都每張枱都會有教你正確食肉骨茶嘅次序 首先係用蒜蓉 辣椒 黑豉油 頭抽做好一個調味醬 然後就可以飲番碗熱湯 跟著就可以將肉骨茶點醬食用 記得呢到係無限加湯架😉 呢到既湯比較重藥材味 飲得出真材實料好暖胃 而且皇帝骨既肉超腍 點埋醬汁食唔錯👍🏻主食我地就試左比較特別嘅招牌砂煲老鼠粉 其實就係調左味嘅銀針粉加上肉碎 魚乾 雞蛋 蔥 等等嘅材料撈埋一齊食👅 用砂煲上食極都熱辣辣 份量好多 2個人都食唔哂 不過真係幾惹味😋另外我地試咗2款小食 分別係椰香咖央多士同埋檳城香炸滷肉卷 2款小食反而比較遜色🙈 咖央多士唔算好甜 不過可惜無乜牛油 食落唔夠香🤭 而檳城香炸滷肉卷感覺就似炸左既芋頭肉碎腐皮卷 只有一個非常非常非常辣既醬 食唔到辣嘅朋友無醬點會覺得比較乾身🔥飲品方面我哋試咗一杯檳城白咖啡 飲落濃滑 解喝一流👍🏻…Read More

今日因工作關係要在深水埗吃午飯，於是便去試一試蘇媽這間享負盛名的馬來西亞餐廳。我到的時間是12:55，但門口已經有很多人在排隊，不過因為我得一個人，所以等左6-7分鐘就有位。我叫左檳城咖喱雞肉老鼠粉同凍檳城白咖啡，之後同同一枱的一位客人夾份叫左個椰香咖央多士。平心而論，個老鼠粉雖然咖哩唔算好入味，但都相當惹味，而啲薯仔非常入咖哩味，稱得上係成道菜的精華。老鼠粉的口感亦十分煙韌，係值得一試的。不過相信雞肉係用左雞胸，所以完全唔滑。至於個多士就幾特別，不過其實主要係咖央多士少地方有，依度唔係俾其他地方好食。總括來講，蘇媽係唔錯的，但你話去到要排隊的級數我又覺得未至於。…Read More