薩莉亞意式餐廳 (奧柏‧御峯)

相信薩莉亞呢間意式餐廳對香港大眾嚟講一啲都唔陌生,因為佢哋嘅連鎖式經營已經幾乎散佈喺每一大區嘅角落,愈開就愈多分店,而基本上繁忙時間之下佢哋每一家嘅門口都人潮湧湧。真係冇留意都唔知,原來呢間舖頭係由日本嘅飲食集團開發,難怪食物味道同質素都均有一定水準嘅保證今日陪阿肥番嚟大角咀區剪頭毛,所以就嚟咗奧柏御峰呢間分店食午餐,我哋兩條友嚟基本上次次嚟都會叫到一枱都係嘢,因為價錢實在太大眾化喇,同埋味道平均都水平以上,所以如果要我揀食乜嘢西餐好,呢間意大利餐廳算係我必然嘅首選,pizza XXX我就真係十年都未必會去一次。我哋淨係食個lunch,都點咗以下咁多樣嘢：必點粟米忌廉湯$12蚊👉🏻呢個湯真係我每一次嚟都一定會叫嘅,粟米茸超正,係日式嘅味道,大愛阿肥飲周打海鮮湯$12蚊佢就反而次次都係飲呢個味,唔飲粟米,haha口味嘅嘢真係人人唔同,各有所愛至愛甜蝦沙律$24蚊👉🏻初初開業嘅時候我記憶中甜蝦嘅份量冇而家咁多,唔知係咪因為集團改良咗?甜蝦真係多到令人十分之滿足,配埋生菜+沙律醬,極度開胃新出小食:脆脆蝦$19蚊👉🏻見佢新出品阿肥就叫咗嚟試下,都OK好食,脆卜卜,亦有千島醬附上,一小碟都差唔多有十粒蝦無敵辣味雞翼4隻$17蚊👉🏻除咗土匪雞翼,薩莉亞嘅辣味雞翼亦都係冇得輸,不能不叫黃金粟米薄餅$29蚊👉🏻我本來係想食水牛城芝士薄餅架,但有人話嫌冇餸喎,就叫咗呢個,呢個我真係麻麻地,唔太鍾意,但唔關個pizza事嘅,係我個人口味問題姐,我鍾意成口都係芝士味嘅感覺蕃茄海鮮意粉$32蚊👉🏻呢碟嘢阿肥食嘅,我就唔評論啦~不過阿肥話味道一般,下次應該會叫番其他嘢。羊鞍焗爐燒(3塊)$69蚊👉🏻呢碟嘢都係阿肥食嘅,我都唔評論喇~阿肥話呢碟嘢加咗價,不過啲羊就大份咗,味道亦比以前更佳…查看更多

上完教會，跟教友們一同上意大利餐廳。蒜香法包脆是脆的，可惜無甚蒜味，像是一塊烘過的牛油法包而已。煙三文魚質量不錯，煙燻味濃，油份充足，我們用來鋪在法包上吃，令法包更美吃。辣味雞翼果然是辣的，雞翼無雪味，肉質尚算嫩滑，教友們不大吃得辣，相讓小人，結果四隻之中小人吃了三隻！周打海鮮湯是一人一客的，裏面好像有些魷魚和魚肉的物體，味道較一般西餐廳的白湯較佳，惟份量少得可憐，兩口喝完。農舍薄餅是個厚底薄餅，上面的蘑菇和芝士極香，建議下些辣椒仔辣汁更能提味。雖然餐廳價錢便宜，食物的質素還是不錯的。…查看更多

長假期前最後一個工作天，收工後特別攰適逢遇上感冒夾擊，格外難受！唔想煮飯既情況下俾我諗起呢間食店。隱藏在舊區新起豪宅的商場內，雖然是一間連鎖日式風格的意大利快餐廳，但郤是近年比較值得介紹的一間。餐牌選擇繁多，令人不禁會點多幾款試，份量不多，適合多心的香港人。見病病地先來碗湯暖吓身，海鮮湯幾Creamy，不過無乜鮮味。而粟米忌廉夠滑，日式風格，粟米粒欠奉。跟住就係忌廉焗薯喇！有洋蔥同煙肉味道都唔錯！無將貨就價！跟住我哋就要三款主菜，第一個係黑椒雞肉比薩加雙重芝士，加左雙重芝士滿滿既芝士舖係面，梗係有拉絲既效果啦，黑椒配JUICY既雞肉好夾仲要加埋芝士，簡直滋味無窮。第二款要介紹既係洋蔥蒜漢堡，唔好睇佢好似好平凡咁，佢咬著去有肉汁流出嚟架！一啲都唔似咁平架既貨色，加埋炒香左既洋蔥同蒜蓉汁，真係好正。最後，就係個菠菜三文魚意粉，就不過不失啦！最後，到飲品喇！可以加每位$12去自助飲品吧度自斟自飲，任飲架！有各薱樣茶類﹑汽水同咖啡，飲多兩杯都抵返晒！…查看更多