影片
更多
2019-01-15
4835 瀏覽
睇番以前嘅食評，剛剛好1年前嚟過尖沙咀嘅「Green Common」幫襯，佢哋以賣高科技前衛素食食材為賣點，嗰次試咗牛油果焗蛋、咖喱三寶配豆乳家常麵、足甘筍漢堡幾道菜式，感覺不俗。加上老婆本身食嘢都喺偏素，所以，佢都幾鍾意「Green Common」。最近又再到訪，見門面推介緊隻「新豬肉」（Omnipork），正所謂「新嚟新豬肉」，咁就梗喺要試吓啦。由於近年有好多高質素嘅素食店進入飲食市場，令素食非常普及，漸漸亦好多人喜歡食素，單睇有咁多人幫襯就知啦。用餐環境帶點北歐風，潔白簡約，牆上一組字「Make Change Happen, Make Green Common」帶出食素唔喺咩難事，非常有意思。概略睇過吓餐牌，之前試過嘅菜式都仲有保留，但始終都事隔一年，所以，點都補影一吓嘅。確實，對比一下上次嘅餐牌，多咗好多種菜式。我記得上之嚟喺晌出面櫃位點餐，再由店員送上食物，但依定就改咗全程有人招呼。其實，之前晌啲飲食雜誌及報紙，都見過呢種「新豬肉」嘅介紹，加上曾經晌另一家餐廳試過「未來牛肉」（Beyond Meat），覺得做到肉嘅神髓，故對呢一款「新豬肉」都抱有不少期望。此外，原來仲引申出一
最近又再到訪，見門面推介緊隻「新豬肉」（Omnipork），正所謂「新嚟新豬肉」，咁就梗喺要試吓啦。
由於近年有好多高質素嘅素食店進入飲食市場，令素食非常普及，漸漸亦好多人喜歡食素，單睇有咁多人幫襯就知啦。用餐環境帶點北歐風，潔白簡約，牆上一組字「Make Change Happen, Make Green Common」帶出食素唔喺咩難事，非常有意思。
概略睇過吓餐牌，之前試過嘅菜式都仲有保留，但始終都事隔一年，所以，點都補影一吓嘅。確實，對比一下上次嘅餐牌，多咗好多種菜式。我記得上之嚟喺晌出面櫃位點餐，再由店員送上食物，但依定就改咗全程有人招呼。
其實，之前晌啲飲食雜誌及報紙，都見過呢種「新豬肉」嘅介紹，加上曾經晌另一家餐廳試過「未來牛肉」（Beyond Meat），覺得做到肉嘅神髓，故對呢一款「新豬肉」都抱有不少期望。此外，原來仲引申出一款「未來熱狗腸」（Beyond Sausage），咁就乘機試埋喇。
其實，咩嘢喺「新豬肉」呢？猶如「未來牛肉」咁，喺由豌豆、非基改大豆、冬菇及白米所做成。據餐牌中嘅介紹及跟真正豬肉嘅比較，除供人體所需嘅優質氨基酸之外，仲不含膽固醇、無抗生素、無激素、不含五莘，更比真豬肉更多膳食纖維、低熱量、高鈣及高鐵質。怪唔之得，見坊間多咗餐廳採用呢種「豬肉」啦。
野菌湯 +$18（原價$36）凡點主食，都可以有加配嘅升級優惠，呢個湯就喺其中一個選擇。老婆雖然試個全日早餐，但喜歡飲湯嘅佢，都加配一客餐湯，個野菌湯做得有水準喎，夠菌香之餘，亦夠滑溜，同埋，都幾大碗，唔覺話因喺加配優惠而份量細咗。
台式魯肉碗 $68由於想試試隻「新豬肉」，最好選擇就喺整碗魯肉飯喇，除有「豬肉」，仲有木耳、豆腐乾、醃蘿蔔，最正喺加入紅米及糙米，變得更健康。賣相就似足魯肉，入口都OK喎，有啲似食滷肉碎嘅感覺，而且，勝在無油膩感，不過，一來淋汁多咗，食到尾有啲鹹，二來加咗啲辣椒碎，有啲過辣，建議晌餐牌加隻「辣椒公仔」以示提醒。此外，如果加番半隻滷水蛋就齊整晒喇。
Beyond All-Day $118本來老婆話淨喺試隻「未來熱狗」就可以喇，不過，見份「全日早餐」有牛油果，又有植物蛋（JUST Egg），尤其後者，未試過就更加好奇，加埋其他食材，睇起嚟好豐富喔。
先分享吓兩款「未來食物」，條「未來熱狗腸」OK喎，無論味道，抑或口感，跟豬肉腸有8乘似，連腸衣都做埋出嚟，不過，植物蛋外觀跟真蛋相差無幾，但我哋同樣覺得味道就始終做唔到，味道上有種好奶粉嘅感覺，比預期有較大落差。牛油果夠熟，入口柔滑，而麥多士（可揀薯餅）配忌廉芝士就啱晒我口味，唯啲沙律菜無乜油醋，味道較為寡啲。
植物奶咖啡 +$18（原價$32）老婆鍾意飲湯，我就鍾意咖啡多啲，加配一杯植物奶咖啡，而植物奶可選杏仁奶或燕麥奶，覺得配前者有啲怪，所以，揀後者。曾經晌其他店飲過用燕麥奶沖泡嘅咖啡，知道亦可以做到打奶泡嘅效果，味道跟口感都唔錯，只喺個拉花唔靚仔啫。
純素士多啤梨芝士蛋糕 $46絕素嘅蛋糕未試過，啱啱見有兩款，就試試其中一款芝士餅。賣相真喺唔錯，而且，份量亦頗大份，味道亦比想像中好喎，餅底做得夠薄，又帶有士多啤梨嘅清甜味。
除堂食，從枱角嘅標籤，仲見到佢哋有零售隻「新豬肉」，買返去整乜都得啦。
此外，店內前部份近門口區域就喺零售區，售賣與素食相關嘅產品，產品多元化，選擇非常多。
其實，就算你唔喺素食者，依家食素變得一啲都唔寡，又唔齋，普遍都做到少油、少鹽、又健康，故此，不妨嚟素一素。
張貼
