桂花小幸 (元朗廣場)

營業中

休息中

印象中之前在 "桂花小幸" 食過的牛肉麵及台灣小吃，味道都很好，更喜歡這裡的牛肉麵湯底。進入餐廳，簡約的設計帶文青風格，環境感覺置身於大自然當中，地方闊落，舒適悠閑！餐牌內有很多種類的台灣菜，有牛肉麵、滷肉飯、台灣傳統麵食、米線、定食、手工餃子、台灣小吃、特色茶飲等等，很不錯的選擇。紅燒腱心牛肉麵    $72  依碗之前食過，覺得唔錯，心水推介！每次食湯麵我都會飲啖湯先，湯底清甜，用咗大量牛骨同埋多種蔬菜熬製而成嘅高湯，再配合牛腱心肉，肉質鮮嫩、軟腍，好入味，散發陣陣香氣，揀咗台灣麵，粗身食落好爽滑，配搭新鮮蔬菜，美味嘅一碗牛肉麵！另加 $16 涼拌貓耳朵，少少辣，幾惹味，食起嚟好開胃，口感爽脆。台式雞肉飯套餐    $65    配涼菜、蔥油時茶及紫菜魚丸湯上次吃完滷肉飯，今日嘗試吓台式雞肉飯，雞肉質地嫩滑，無骨啖啖肉，有少少麻油香味，混合白飯一齊食都幾配。套餐包埋涼菜有雲耳、青瓜和茄子，每款涼菜食落好清爽，蔥油時菜嘅生菜帶少許醬油調味，清甜嘅紫菜魚丸湯，彈牙爽口。桂花雞翼  (3隻)  $28醬汁另上嘅桂花蜜汁，自行加到雞翼中，淡淡嘅桂花香，帶有甜甜嘅清香，雞翼炸得十分爽脆而不油

之前食過一次覺得呢間CP值幾高，開喺元朗廣場坐得算舒服，大部分主食六、七十蚊有交易仲唔洗加一，絕對值得回頭再幫襯。-🍚台式雞肉飯套餐 $63跟餐有涼菜、時菜、紫菜魚丸湯，呢個價錢CP值簡直係爆曬燈‼️另外再加$8要左隻滷水蛋，小食加$10簡左涼拌黑醋茄子，呢個上次試過幾啱我口味😛可惜主食雞肉飯好似健康減肥餐咁淡到唔多覺有調味🙉小食就大部分都幾🆗-🍜香酥五花肉麵 $62紅燒牛肉湯底甜甜地好味❣️五花肉半肥半瘦似吉列版本嘅燒肉，味道可以，份量算幾慷慨。我最愛之台式飲品 - 蜂蜜綠茶加$6有大大杯好抵飲❣️-總結：味道唔算出色不過CP值高🔝糧尾之選💰係附近想平平地搞掂一餐可以考慮。