銀杏館 婆婆廚房

家庭樂最大嘅煩惱就係要搵到一個大人細路都開心嘅地方，又要舒服又要有細路岩食嘅野，但大人都想有d新鮮感，同埋會想呼吸下自由嘅空氣～今次嚟大本型，無疑係因為樓下有Playhouse，樓上有好野食＋公園，對於小朋友嚟講係安全遊玩空間。哩道有d套餐係包埋自助沙律吧＋飲品吧＋糖水＋湯～雖然未必食到好多轉，但bouns嘅野有就會好開心！黑醋紫薯咕嚕肉：份量唔細！同平時菠蘿咕嚕肉有d唔同，相對無咁甜口，小朋友仲幾中意食d紫薯，加上酸酸甜甜，最岩就配飯食！白玉黃花：顏色翠綠～賣相好靚，蛋白滑～就咁睇以為又係輕輕燙下嘅西蘭花，好驚佢又生又硬，但入口原來岩岩好，仲有調味～唔係Hea煮～我地唔覺唔覺連配菜都清哂～小朋友就當然最愛上面d卜卜脆啦～古洞天然醬油雞：招牌菜之一～肉好嫩滑，最怕雞肉煮過龍就"鞋口"～但哩道醬油雞就感覺熟度剛剛好！ 醬油味道咸淡適中，又係配飯最岩！另外，今日糖水係芋頭西米露，我仲翻斟左幾次有機柑桔蜜，兩樣都唔會太甜～岩我口味！額外一提，侍應們都好nice，上菜個陣仲同小朋友玩下，仲好耐心介紹d菜俾我地，成件事好warm～…查看更多

暑假又係化骨龍出沒好時機，帶囝囝去油塘個超大playhouse玩～知道天台有間銀杏館分店～外面仲有公園～咁既然下午係小朋友嘅happy hour，晚上當然係我地大人享受一下！囝囝一上到去即刻俾個小公園吸引左～我地兩老就揀左戶外位，個view真心唔錯！可能因為今日好天，黃昏時間上去真係震撼眼球！夏天坐戶外位偏熱都正常，但可能開始入夜同埋係天台，不時有陣陣微風吹埋嚟，都幾舒服～哩間係食中菜為主～一樣以無味精同有機菜做主打，叫套餐仲包自助沙律吧，作為父母～我真係幾重視食材品質，始終放入口嘅野都想係安全同有益，所以都幾滿意哩道對食材嘅用心。小朋友口味就揀左有機柑桔醬烤骨、古洞天然醬油雞～前者酸酸甜甜好開胃！侍應話個醬係用返佢地公司自己嘅有機柑桔醬，另一道係醬油雞，雞肉嫩～囝囝竟然好鐘意～可能因為醬油甜甜地！大人就揀個川菜－水煮魚！辣味唔算好勁，魚肉好滑唔腥，我見好多枱客都有叫，不過要注意會有少少細骨！最後仲有個翠塘扒有機豆腐，都係一啲撈飯嘅菜式，整體都幾滿意～最緊要係家人都覺得味道幾好！以環境去睇，哩道真係幾高分，要做半戶外餐廳唔易，打風落雨都幾大鑊！但佢地俾左老人一份工作，讓佢地有安穩生活，真係要支持一下！…查看更多

今日去左油塘婆婆廚房食晚飯，天氣雖然熱左～但可能因為天台的關係～陣陣微風吹來都幾舒服！哩間鋪除左散叫小菜仲有多人套餐選擇，如果揀套餐仲可以任食沙律吧和飲品，沙律吧有個涼拌大豆，辣辣地好好味！是日糖水仲要係我最愛的蕃薯糖水！忍唔住起餐前先食一碗～哈哈！我地一行五人～計過揀套餐更抵，四人餐除左有前菜、湯同有機菜之外，仲可以揀四個小菜，睇落好豐富～到上菜個陣直頭唔夠位擺～哈哈！每碟份量偏大，平均每人$150左右，晚餐來說挺划算。朋友指定一定要叫水煮魚！話上次嚟食好好食～一大鍋水煮魚滾住食～好正！辣度對於唔食辣嘅朋友嚟講尚可接受，不過就話要撈飯食消消辣～我自己就覺得岩岩好！魚塊嘅肉質都嫩滑，不過要小心會有啲細骨～可能因為辣嘅關係，大家食下食下好快就清左，不禁講左句：「可唔可以俾多啲魚我～」另一道我地揀了古洞天然醬油雞，好入味！雞肉都好嫩！本人已經夠奇怪～鐘意食雞胸，大家都怕雞胸肉"鞋"，其實都真係好多時都係比較"鞋"～但雖隻醬油雞好滑之餘仲食到啖啖醬油甜味～真心推薦！！然後係有機香葉炒牛柳，嚿嚿牛柳都好大舊，肉質ｏｋ～我就覺得有少少老，但朋友們覺得刪刪好，所以口味真係個個唔同～哈哈！最後翠塘扒豆腐，好多粒粒配料同豆腐一齊煮，例如有蝦、粟米、菇粒同肉粒等等～又係一道撈飯嘅餸～除了主菜，跟餐有湯同兩個前菜－麻辣木耳同手拍青瓜伴海哲，兩樣都係我的最愛～個湯都好清甜！仲未打完～我地有機菜揀左炒蕃薯苗！好大碟！！！蕃薯苗好甜好好味～平時出去買勁貴，但哩道竟然一大碟上枱～好抵食！…查看更多

第一次光顧「銀杏館」這個社企集團旗下餐廳，就是其位於中環的第一間「銀杏館」。還記得10多年前的歌賦街，仍然是一條舊區小街，兩旁都是一些不起眼的地舖小店，餐廳食肆印象中就只有歷史悠久的「九記牛腩」及「勝香園」兩間街坊人龍食肆、以及 2003年開業的「銀杏館」。去到今天，中環 soho 已向西擴張至歌賦街，整條歌賦街差不多全部變成特色食肆了。「銀杏館」這間社企餐廳也默默發展，目前全港已有六間門市餐廳，今晚就去了位於油塘的「銀杏館 婆婆廚房」。餐廳位於商場頂層的露天公共開放空間，設有兒童遊樂場及綠化區；所以商場也劃了部份露天空間，供餐廳擺放餐枱座椅，好讓客人享受休閒的室外用餐環境。秉承「銀杏館」的一貫宗旨，矚目所見，所有樓面員工都是精靈的公公婆婆（除了一個餐廳經理較為年青之外）。餐廳內有一個自助沙律吧及水吧，白飯、甜品、沙律、有機柑桔水自取，所有客人都自制地只取用一至兩份，並不會浪費食物。餐廳亦有自家醃漬有機檸檬、有機柑桔、甚至素 XO 醬，相信都是其他公公婆婆在「銀杏館」的社企農莊內製作，保證香港製造。餐牌內的第一頁，已經重申「銀杏館」的簡單歷史及宗旨，並且強調冇味精、冇激素、無添加、無防腐，蔬菜也是來自上水自設的有機農場！不過，唔好以為社企背景代表便宜，以餐廳環境、所處地區及整體服務水平來説，單點小菜的定價甚至可以說有點偏高，所以最終揀了較為抵食的二人套餐（$288），包自助沙律吧、任添有機飲品（柑桔水及山楂水）、兩款小菜、清炒/白灼有機時蔬及是日甜品，當然，小菜的份量較單點會少些。古洞天然醬油雞。上水古洞一帶，仍然有一些本地品牌的小規模醬園，採用純天然方法釀造生曬豉油，菜式名字應該就是由此以來。非一般的豉油雞用小砂鍋上菜，分量比預期中少，賣相亦不吸引，只見到幾件雞肉隨意放在砂鍋內。味道卻有意料之外的驚喜；雞肉嫰滑、雞皮沒有厚厚的肥膏；豉油汁鹹甜平衡、調校得宜。大婆羊扒。夜幕低垂、戶外昏暗燈光下，只見砂鍋內一件件偏紅色的羊肉及份量相當多的洋蔥，以為是京都肉排；經確認後才肯定是大婆羊扒。先講賣相，並非想像中的帶骨羊架，而是一件件冇骨厚切羊扒肉；再講味道，並非傳統中式羊扒的孜然粉香辣或京式醬燒濃郁，而是略帶酸酸甜甜的京都肉排味道。羊肉獨有的羶香差不多被酸甜的京都醬汁掩蓋，對於味道的層次有點失望；不過肉質總算夠鬆軟、肉味亦夠濃。是日甜品本來係芝麻糊，其他客人搯清光後，下一輪變成了紅豆沙。甜度適中，但仍然有不少紅豆碎，未能做到徹底起沙效果。「銀杏館」的成立實在勝在非常有心，策動長者就業、幫助有能力的長者重新投入社會，既可讓長者重拾自尊、自給自足，亦間接減輕政府的負擔；整個概念值得褒獎、亦值得推廣至其他商業機構仿效。每位公公婆婆服務員皆盡力做到最好，即使偶然有些小失誤，但會馬上改正，再加上態度非常親切，就像一個關心家人的老人家 ⋯⋯ 很有在家吃飯的感覺，非常窩心。雖然菜色味道唔係特別出眾，但總算在平均水平以上，再加上前述種種值得讚賞的理念，已有充足捧場的理由。…查看更多