茶木‧台式休閒餐廳 (已結業)

以前對茶木冇咩好感，因為唔係太好佢既個舊甜品磚，不過同FD黎呢到食過Dinner發覺佢既小菜主食都唔錯，宜家變埋飯堂！今日星期五7點幾係旺角食都驚要等好耐，好彩都係等左15分鐘左右。TeaWood 香辣牛肉麵 $68鍾情台灣菜一定必食牛肉麵，呢到既麵好煙韌有口感，我一向都鍾意，今次個牛肉湯都保持一貫水準，而且牛肉都好淋同埋好入味。古早味三杯雞 $64呢味都係我必點既， 三杯雞既薑蔥醬油味好香，有傳統住家餸既味道，不過今次就油左少少。紅油炒手 $58呢個炒手都算係皮薄餡令既代表，表面辣油微辣，醬汁有微酸，食落好香口。

今日難得放假，諗住出去旺角買下炊焙食材，經過朗豪坊樓下，見到茶木新開張，就八八卦卦走上去睇。 原來今日有明星到，嘩哈哈。點零鐘，食飯時間，所以就去左睇個騷，有關楚耀又有Robynn and Kendy，仲有阿BOB做主持，睇左一陣先知原來係首映禮。睇完個騷俾佢搞到我好想食入去食，就捉埋男朋友仔一齊食。雖然新開張，但都有幾多人排隊，同男朋友禁左飛仔都要等一下先位。一如過往，又係個半鐘用餐時間。嗌左個阿嬤手作蒽油，好好味。我通常食都會先唔落鼓油，食左佢個蒽同油既香，先再決定加唔加鼓油吊吊味。佢仲有大量花生喺底，令到個麵個口感更多，所以嚟親都必食＝］但礙於男朋友唔會飽，咁就嗌多左三杯雞。雖然未入冬，但對怕凍既我嚟講，都係一個唔錯既選擇。最後一人一杯嘢飲，我叫左個最多人飲既水果冰灴茶，而佢就飲MOCHA, 原本想食個蜜糖磚塊食。但想快啲買完食材就返屋企玩煮飯仔就冇叫到喇。不過出乎意料既係，今日先係第一日正式開張，我以為會好混亂啦，點知又冇喎，仲比平時好食添。下次會再過呢個鋪食返個磚＝］