華星冰室 (克街)

又一間傳統冰室 😋 呢間真係長期都好多人，次次黎都要排隊嘅。好睇條隊郁得快，好快就有得坐 啲侍應都好有禮貌，好保持店舖清潔。咁岩見到有對大陸夫婦帶埋個bb,換完片仲唔扔，店員都好好咁清潔完先再俾其他人用，唔會求求其其 👍 不過呢pair 人真係好無公德心 講返嘢食先，呢到啲嘢食好多都係用明星黎命名，係咪因為佢地食過? 定係佢地有份suggest 咁整呢? 不過點都好，我覺得個校長多士幾好食喎... 上面係芝士同埋黑松露黎架，好特別 😋呢到個絲襪奶茶好濃，好滑，唔怪得之咁多人黎，必飲呀!…Read More

聽聞呢度d炒蛋好好食，開張左咁耐都冇食過，今日一於收工後去試下由於時間係下午5點幾 就黎6點，好多位坐一個人都可以坐到卡位，仲要唔駛俾人趕叫左個常餐:叉燒通粉+火腿炒蛋+牛油多士+凍檸檬茶滿心歡喜咁食啖炒蛋先...............凍既？唔熱架，凍架！！！超失望囉:(食埋其他野:唔記得叉燒有5舊定6舊，全部都幾厚通粉就淋淋地火腿: 普通，冇乜特別牛油多士: 熱熱地又厚身，相比其他野食 好食得多凍檸檬茶: 普通，冇乜特別總結:為左炒蛋而黎，結果失望而回唔會再食…Read More

心血來潮事件簿(24)😋秋天的時候，就總係本尊忙的時候，所以就決定係夜晚繼續工作之前一於去探索下灣仔食野的好去處😎一向鍾意食茶餐廳的本尊就決定到華星冰室一試😝當然本尊又係叫左最愛的常餐😋不過今次係飲品就有新的嘗試🤔話說我就係餐牌見到一樣飲品叫做谷古，原來其實就係我地平常講的可可，佢同朱古力有D唔同，有少少比較苦嘅感覺，但係個種感覺令我愛上左依款飲品❣️如果唔係太了解依款飲品嘅人可以下次叫一杯試下😎話咁快D主菜就上左啦😝就係常餐😎今次我對依間的常餐有少少失望，叉燒比較難入口同埋較韌😓不過佢的牛油多士同埋炒蛋都係十分好食😋食落後面兩樣之後即刻大滿足😎佢同其他茶餐廳一樣都係可以將意粉變通粉,煎蛋變炒蛋😎現場仲有好多明星留低嘅簽名😝真係好值得一去👍下次有機會再同大家介紹下啦 多啦😊…Read More

常餐($45):叉燒通粉-叉燒嘅份量都叫做啱啱好。火腿炒蛋-炒蛋真係好食又juicy！牛油多士-多士有兩塊烘得啱啱好，牛油都鋪滿係面。特色豬扒包($25)-個人認為豬扒包有小小乾，入面有小小沙律醬同酸瓜，由於豬扒係炸，包又比較硬，所以食起身會更加乾，個人不太推薦。…Read More

喺落住滂沱大雨嘅工作天，我同朋友選擇到就近嘅華星冰室。下雨天唔使等位。華星好窩心咁準備咗遮袋，令到大家唔使濕住咁食飯。我會形容華星嘅設計係「現代嘅懷舊冰室」。雖然佢冇陳舊嘅擺設，但係佢嘅設計都有一種令人回到過去嘅感覺。華星冰室都有各種常見嘅冰室美食，不過我都係叫左最常食嘅常餐。常餐 ($42)價錢喺灣仔區嚟講一啲都唔貴，所以平日都吸引好多打工仔嚟排隊等食。常餐可以揀叉燒意粉/通心粉、煎蛋/炒蛋，跟牛油多士，包熱飲。叉燒係半肥瘦，通粉嘅軟硬度適中，湯底幾濃，唔多味精。炒蛋相當有驚喜，炒到滑嘟嘟，仲有好多蛋汁添！！牛油多士係兩面烘底，唔算烘得好脆，但夠鬆軟，ok啦。熱華田沖得唔算濃，適合我呢啲唔鍾意太甜嘅人。華星係唔錯嘅午餐選擇平靚正兼快…Read More

午膳於華星冰室，因食客眾多，少不免需要在門外排隊輪候，人齊方可入座，並要接受搭枱安排。餐廳食品選擇不多，大部分人也是點選常餐。厚多士烘成微焦，脆中帶點鬆軟。火腿無乜特別。炒蛋夠蛋香，但滑度不算特別突出。叉燒通粉叉燒過瘦，一般。通粉富彈性，有咬口。凍奶茶茶底稍澀，OK喇！ 臨近吃完之際，已有店員不繼收拾餐具。相隔一兩分鐘，更放下下手的清水餐具。當大家在飲餐飲之時，店員已叫下一回的客人在我們枱旁等候，感覺太趕吧！…Read More

今日同朋友去左華星食常餐,叫左係Open Rice 好多人推介既 北海道特選3.6牛乳抄蛋同叉燒通粉 蛋抄得好滑,多土好脆,服務好快,同滿足左我突然超想食常餐既願望 下次一定再黎! …Read More

我從來都不太喜歡煎蛋，但卻非常忠情於炒蛋。每每到這些供應全日常餐的店鋪，就會互相比較其他店曾吃過的好味炒蛋。華星的炒蛋是我心目中的頭3位!:)今天與同事又來華星吃午餐，每逢午飯時間﹛門口總有一條人龍，好在這是快餐文化，人流來得快也走得快，不消一會兒就可以進店。叫了個常餐-叉燒通粉(可選牛肉/意粉)，炒蛋(可選煎蛋)叉燒通粉是日的湯頭略嫌有點過鹹，吃完一個通粉會覺得有點口渴叉燒肥瘦參半，雖則香氣由存，但是對於怕肥的女生，就略嫌多了點肥膏。但是總體是不錯的!這碗通粉看起上來份量似乎很大，但是實際卻是蠻淺底的。:(不消一會，我已把通粉通通吃光了。(對於食量較大的男生來說，完全是不夠吃的)炒蛋火腿多士多士烘得恰到好處!!金黃色的表皮，再配以厚身多士，牛油早已幫大家塗在多士裡面了，紮實的口感與牛油香一起進入口內，令人一口接一口。主角炒蛋!未熟透的炒蛋，賣相經已非常吸引!!:)吃一口，炒蛋已經滑入喉嚨~軟嫰至極!!蛋香﹑牛奶香留在口腔內持久不散。然後再把剩下的炒蛋放上鬆軟的多士，配合著一起吃。簡直是美味!!!!…Read More

會展Concert前先來個EARLY BIRD DINNER, 一早鎖定有新出炒意粉的華星冰室,週日下午六時也全院滿座,場內最後一個卡座也被剛好讓我們坐下,壽頭也有點運氣。一入門口見到牆上仍是大量Leslie黑膠唱片封套展覽著,真開心耶! 座位上的兩張不算得上拍得leslie最靚仔的封套, 不過已教這個曾是粉絲的月巴人大喜了。一心打算試其炒意粉或會意粉,但見其他客人那厚多士及炒蛋後決定改變主意了,結果四個常餐放滿一桌。叉燒通粉以厚身瓷碟送上, 整碟好有重量! 沒坑通粉煮得比一般餐廳的軟身通粉有嚼勁,但又不是彈力十足的AL DENTE水準啦,這種軟硬度足可以收貨; 湯底本來有點淡味,加了一點古月粉後味道有了變化, 微辣帶香的湯底即時惹味得多; 偏瘦叉燒大部份躲在碟底,其實份量真不少,叉燒看似瘦削但一點也不乾韌,還明顯嚐到一點蜜味,浸在湯裡一段時間可令湯底更形甜美。　兩個星期沒吃蛋的我,見到這盤滑如半凝結的炒蛋已大樂, 娘親教落:生日吃個蛋=有黃管, 今年一於自己管自己好了! 是日炒蛋無論外型及味道也極對辦, 半凝狀態未吃已知道其定必滑溜,炒得不太油之餘更有點蛋香,連曾在這裡吃過死實炒蛋午餐的姑姐hon也對今次的炒蛋水準滿意,一改之前的不佳印象;烘得金黃內裡鬆軟的厚多士抹上充足牛油後本已是妙極!配合濕潤炒蛋更是絕對好吃,今次沒特別加砂糖作油砂多又是另一風味;洋火腿就是洋火腿,以其粉紅色看來也知道相當新鮮,畢竟流量極大嘛。凍奶茶那個金屬保溫杯保溫一流, 整杯喝到最後也極清涼!凍奶茶加了不少冰塊後仍感到紅茶相當濃郁夠厚,茶味也明顯得很,沒有因為有冰塊而沖淡;朋友們的熱奶茶更有掛杯狀態,多濃郁的奶茶哦!不過到現時為止也搞不清楚,究竟這裡是用北海道牛奶還是黑白奶來沖奶茶呢?? 侍應哥哥看似酷酷但有趣得很,每當幾位朋友個別的問: 常餐可以轉火腿嗎? (當然可以!) 可以轉牛肉嗎??( 當然無問題!!)可以轉意粉嗎???(梗得啦!!!)期間絕無表現不耐煩,就算我和姑姐hon等候朋友時,未即時點菜也不會催促,這方面的確比澳牛優勝。時間關係還沒有嘗試原來想試的炒意粉、會意粉,決定跟今天未能一起堂食的honhon擇日重賽!還有兒時小吃大菜蛋,等我!! 以新玩具拍的食物照, 真的比以前的漂亮,哈哈~~…Read More

這家華星冰室早在開業之初已鎖定要試,但多月來仍未成事,得知九月份店內主題為Leslie哥哥, 作為曾是die hard粉絲的月巴人,特別跟兩位honhon跑來湊熱鬧,也謝謝她們陪我瘋。週末下午門前竟沒人龍,不過仍需在門口稍等幾分鐘,因體貼的侍應大哥打算安排我們坐卡位,而卡位上方正是哥哥華星時期其中兩張極靚仔的簽名封套: 一片痴及為你鍾情!看罷一列自己全都擁有的唱片和刻意營造的舊冰室裝修後也要點菜了,我們也來個如澳牛一樣配搭的常餐: 叉燒通粉+ 火腿炒蛋厚多士+熱奶茶。這裡的侍應大哥有效率之餘也較有耐性,入座後不會即時催促客人點菜,也不會指示客人飲品要稍後點,出菜時間比較正常,不會不足一分鐘已全部食物上齊,客人用餐沒有要吃快一點的壓力。厚多士及炒蛋最快出現。烘得金黃鬆脆的厚多士抹上充足牛油,那陣牛油香真的吸引,完全滲透在多士表層,微鹹香脆已是很讚!加上丁點砂糖成為油砂多後更形甜美,不可不吃; 粉紅色火腿沒有煎過放在炒蛋上,將其放進通粉熱湯裡,吃來更形安心; 炒蛋似乎份量少了一點,從另一面看就是吃完之後這星期的吃蛋QUOTA仍未滿!炒蛋表面看來未夠濕潤,跟某些食友的充滿蛋汁的照片有點不同,不過也不用失望,原來中間部份還有一些未熟蛋白,炒蛋仍是嫩滑的也絕不是表面略為乾涸的感覺,有著陣陣雞蛋香也不會太多油,個人認為好好吃唷,要是可以更多蛋汁的話更妙!叉燒通粉用上個人較為喜歡無坑通粉,通粉煮得透心彈牙, 跟淋得像發水通粉的優勝千倍;湯底有點像豉油色的清湯,味道不算得很特別,但當叉燒汁滲進湯裡和加了一點古月粉後就變得可口多了;叉燒肉質鬆化,帶有少量肥肉及輕微甜味,跟通粉及湯底配合很好!最意外是叉燒份量真的不少,不是寥寥幾片,抵!用上厚瓷杯的熱奶茶總覺像樣一點,熱奶茶紅茶味很重,比奶味更突出,很濃郁的茶香味;店方大字標明用日本北海道牛奶,牛奶份量剛好令奶茶更形細滑,也不會如花奶般太多而漿著口腔,因而只加少許糖已經足夠,太甜的話令茶味削弱,這就太浪費了。個人覺得這杯茶很夠味,兩位美人則認為茶味重得有點澀,可見我真的飲得很濃的紅茶唷。要不是門口開始有客人等位,這裡也可以作為悠閒一會的地點,雖然侍應大哥都會一早將帳單攝在玻璃面,但也不會給予客人壓力離開,客人通常也會自律的結帳,好讓其他食客更快享受這美味茶餐。下次再來我想試試六時後才供應的食物和懷舊彩蛋大菜糕。…Read More

上尼睇完食評 睇落去好似幾好 所以就約左屋企人去我地一行6個 去到要等位..因為要一次坐到6個人 要3張(木台) 所以要等耐少少服務態度無想像中咁差等大約7-8分鐘到就有位喇一坐低 一望個menu 就知道要叫常餐叉燒意 炒蛋火腿多士 加埋野飲28蚊 好食還好食 但真係貴左少少5個大人 1個小朋友叫左5個常餐 加個奶油豬我叫左常餐轉左通粉之後分左一半比小朋友係到食既野 同牛奶公司食既基本上一樣好難怪我屋企人會將佢同牛奶公司作比較佢地大部份都覺得牛奶公司好食啲不過都同意服務態度比牛奶公司好好多因為大家都知牛奶公司當你食完之後會趕你走講番食野果方面先個常餐尼得都幾快 叫左大約1-2分鐘就尼左(當然比起牛奶公司一定慢少少)一放低左..叉燒通粉..都算好味 但都重係未到牛奶公司既水準.到炒蛋火腿多士 火腿 一般 唔係好食得出有咩咁好味多士 真係幾好食 可能我要求低 但我覺得好好食 面包好鬆化 牛油又夠香炒蛋 尼到就係為左食依樣 果然無令我失望 第一淡食落去好似好普通 但係食食下 唔知點解覺得好好味 再食又覺得好好味 真係值得一試 不過上果陣唔夠熱.奶油豬 我個人覺得都幾好食 但係我屋企人就話普通野尼後尾未夠飽再叫多左牛肉通 用清真牛肉..無咩特別.但都好味總結:同牛奶公司d水準唔可以講差好遠 但重係未到果個水平 重有得改善值得讚既係服務態度…服務態度係”快”餐尼講都幾好。…Read More

基本上華星同一般冰室茶餐廳差不多，來來去去都係得常餐、通粉面選擇..咁就叫了個常餐試下啦，方包不夠軟 (澳洲牛奶公司好食D)，個奶油豬不夠脆，紅豆冰好細杯賣成$18 ，無乜期望，所以無失望，醫飽肚就算。不過我死蠢地忙了叫炒蛋，試不到他炒蛋的功夫，失策失策....…Read More

常餐$28抄疍多士叉燒通粉奶茶奶油豬$12合共$40.00好似話向（澳牛）致敬，幾多人食吓，要喺門口排隊，入到去見到都有幾多侍應，又係快手快腳，啲氣氛都有澳味抄疍滑有水份，多士厚夠實在叉燒唔過韌，通粉冇過淋，湯底幾甜奶茶呷落厚身幾滑，茶都幾香個豬仔飽好脆，有麵粉香:)，牛油煉奶搽得均匀，真係O喎…Read More

我無去過澳牛，唔知佢嘅食物水準及服務質素如何，但既然一眾網友都把澳牛與華星作一比較，就趁今日睇醫生前同老公嚟華星試吓。我地點了一個常餐 ($28) 和一個油醬豬仔包 ($12). 等食物期間，環顧四周，發覺網友提及掛在牆上的唱片封套、華星時代海報、藝人簽名黑膠唱片等等都已經換掉，取而代之係一啲香港街道、風景等相片，頗有懷舊意味。講番食物，常餐叫咗叉燒通粉，火腿炒蛋+牛油多士，熱奶茶叉燒通粉： 叉燒當然無再興咁好食，淡貿貿，一般貨色火腿炒蛋： 蛋很嫩滑，有蛋香，好吃牛油多士： 多士好厚，好少食咁厚嘅多士，雖然唔係好脆，搽咗薄薄的牛油也不錯油醬豬仔包： 個豬仔包唔係好脆，但因為花生醬塗得滿滿，而且每一啖都食到花生粒，非常可口奶茶： 雖然我不懂品評奶茶，但總比我今早喝完嘅 Happy Lemon 曲奇奶茶好，起馬佢有茶香又有奶味啊！服務方面與一眾食評所講一樣，侍應生有禮、醒目又快手。…Read More

新近開張的華星冰室，一聽其名，立即聯想起華星唱片。自小聽華星歌長大，毛都未出齊就識唱「喜歡你是你」，中學時代有「男人的感慨，和朱茵比賽」，後期的華星三寶更是伴我成長，相信不少人都曾經同我一樣，在卡拉 OK 房內嗌破喉嚨的唱「第五樣現代化，能夠運用技術就讓浪漫一觸即發想愛就愛嗎？」。不知不覺愈講愈遠，回歸正題，華星冰室可說是佐敦澳牛的倒模，叉燒通粉、火腿炒蛋、多士這個常餐組合，一點也不陌生。冰室的環境相當雅緻，坐的大多是卡座，四周掛上華星不同時代的唱片封面，節奏並不急促，伙計待客態度友善，感覺舒服自在。賣點炒蛋火喉恰當，聞落甚具蛋香，夠滑溜，同時也流出少許蛋汁，是滿意之作，本來放上多士上吃應該不錯，可惜略烘的多士外層不脆，質地太過軟腍，影響了整體的味道。此店採用的通粉是屬於無坑紋的那一款，形狀較小，一滑入口，配合味道濃郁的湯底，入味非常，水準絕對合格有餘。叉燒及火腿則只是來貨，也沒甚麼特別可說。另一招牌奶油豬仔包，將豬仔包的外層烘至微脆，包心則保持軟熟，再塗上一層薄薄的奶油醬，味道帶少許甜，帶來一份滿足感。至於牛肉通粉的湯底則較叉燒通粉的來得清淡，不妨以胡椒粉調調味，據說店方用上清真牛肉，即經唸經宰殺的牛，不知有何特別，但肉質腍滑又不失韌勁，相當討好。最後來一杯以北海道 3.6 牛乳沖成的熱奶茶，下半匙糖，以吊起茶的味道，奶茶是薄身的那種，質地夠滑，奶的比例雖重，卻沒有蓋過茶香，蠻有水準。這餐埋單不用六十元，無需跟澳牛作比較，絕對稱得上價廉物美，趁其人氣仍未燒得火旺之前，不妨去回味一下華星的風采吧！…Read More