旺記冰室 (大本型)

一講起叉燒滑蛋飯，旺記冰室一定係腦海浮現既第一第二間店，。以前lunch 去食，要排隊等好耐先能安排入座，而家疫情，雖然都要等，但好多人都仲係WFH, 只係等咗5分鐘，就可以入座喇。呢個叉燒滑蛋飯，每次黎都一定叫佢，未食過佢以外既東西，由佢50蚊食到而家60蚊，都仲保持到好高既水準。賣相係咪好吸睛呢，啲蛋真係好滑，好香，好有蛋味。而叉燒方面，都多既，但比較偏瘦，唔鞋。另一重點就係佢個秘製甜豉油，真係好好味，好出色。三樣野夾埋一齊，真係無敵組合。…查看更多

Food Court 自從裝修後食店質素亦有所提升, 多了好多選擇，正！星期六中午嚟，排了一陣隊，好快有位，不過一定要齊人先俾入坐，一個都不能少。點了個招牌菜「叉燒滑蛋飯」同「特濃蕃茄湯午餐肉粒通粉」，點餐後唔洗5分鐘就上餐，快、靚、正！個叉燒滑蛋飯好大碗，足兩碗飯，半肥瘦叉燒加上自製甜豉油，食到一粒飯都無剩。通粉都好好食，酸酸地食到好開胃！以後嚟大本型，都有好野食了！…查看更多

旺記冰室放係to eat list 好耐！奈何佢啲分店都好遠，的唔起心肝去食，終於佢係油塘大本型food court開左分店，知道左即去！星期日朝早11:30左右到左，估唔到門口已經有人排隊，最後排左廿分鐘先入到去。叫左叉燒滑蛋飯、蝦仁滑蛋飯同薑汁鮮豬潤通粉餐配滑蛋同麥包多士。叉燒滑蛋飯見到大家狂推，我當然叫哩個黎試下啦。賣相相當吸引！叉燒數量唔少，但薄切，食落冇咩味，普通。滑蛋飯個滑蛋令我有啲失望，唔係我想像中咁嫩滑，中間既蛋仲保留左蛋漿，但邊位既蛋略嫌overcooked，有啲似蛋既薄片。蛋既味道唔係太出，無咩蛋香。甜豉油味道淡，連我中意淡口味既人都覺得冇咩味（點解大家都話甜豉油係點睛之作🤔 唔通唔同分店質素有參差）同埋有些少油份。蛋入面係白飯，白飯偏乾身，好彩有面頭蛋漿同豉油濕潤返，會易入口啲。蝦仁滑蛋飯都係異曲同工，蝦仁尚算大粒，食落亦爽口彈牙。不過就冇咩味。其實對於哩兩個飯有啲失望。個人覺得真係冇大家講到咁神級，只係普通既一個碟頭飯。反而薑汁鮮豬潤通粉餐配滑蛋同麥包多士好出色喎！多士好用心，用左麥包，感覺較健康。多士焗到小脆口，有口感之餘又唔會刮口👍🏻面頭涂左牛油，令麥包多士味道變得更香。滑蛋係全餐既亮點滑蛋食落濕潤、嫩滑，蛋味較滑蛋飯香，配麥包多士一齊食係完美既享受。好出色！（個人認為旺記滑蛋好食過澳x幾條街，同伴亦有同感）薑汁豬潤通粉都唔差啊！豬潤份量都足，但薄切。薄切得黎食落又幾好味，但某幾塊略嫌過熟，如果煮既時間短少少會更好食。加左薑絲去腥味，幾貼心。通粉湯底加左姜汁，食落出奇地夾，湯底清清地，冇咩味精既感覺，唔錯！跟餐餐飲推薦奶茶！奶同茶比例好好，奶茶飲落唔會過於苦澀，亦唔會比奶搶左啲茶味。奶茶質感順滑，水準高於一般茶記，可以一試！整體而言，茶餐較滑蛋飯出色，未試過可以一試，但對滑蛋飯唔好抱太大期望…查看更多