耀華力

在中環尋覓價錢親民的泰國菜，找到這間在中環半山(荷李活道)，連Google Map都暫時找不到的「耀華力」。店內裝潢簡簡單單，光猛有空間感，加上木枱及空背不鏽鋼櫈；還有些儘力説廣東話的(疑似)泰國裔店員，環境上已令人期待。餐牌上食物選擇不多，前菜到甜品總共只有約20道菜。泰式飛天炒通菜 ($88) ★★★★✰輕微的豆瓣醬增加風味，雖然餐牌顯示辣度有兩隻辣椒，不過我覺得不算太辣，對我來説剛剛好。而且有摘走粗糙的通菜莖部分，整碟通菜都大致嫩口。以中環食肆來説一碟炒菜$88幾抵食。泰式炒河粉 ($158) ★★★★★大推這碟pad thai，河粉濕潤程度剛剛好，既掛到一點甜酸汁又不會太腍或一pat pat，味道不會太濃；總共三隻虎蝦肉質結實，不像坊間很多食肆的很有雪藏味的蝦。其他配料如煎豆腐、炒蛋、花生、洋葱及紅葱頭、豆芽恰如其份。馬沙文豬頰肉 ($158) ★★★★★這份馬沙文肉配一大碗絲苗白飯，咖喱醬調配得很適合下飯，有淡淡的椰奶味又不會太膩或甜。豬頰肉燜得非常腍。原隻魷魚串燒 ($168) ★★★★★賣相已經非常吸引，以燒原隻魷魚來説算是比較大的魷魚(也可能因為沒有燒到熟透/很乾而縮水很多)，魷魚鬚都切到幾嚿，非常香口。旁邊的辣味海鮮醬是畫龍點睛，更突出魷魚的海鮮味。整體而言，這裏的食物質素、服務、環境皆很出色，值得再嚟及推介予其他人~…查看更多

餐廳光線充足，燈飾充滿泰國風情，牆壁上貼滿風味十足嘅廣告poster，枱櫈亦好有街頭風格，裝修簡單中見型格🤩。🥢原隻魷魚串燒$148原隻烤魷魚鮮度十足，而且仲非常惹味，厚肉juicy，口感Q彈，並附上自家製醬汁，酸甜辣度相互平衡，超好味，魷魚蘸點醬汁更加無得頂👍。🥢海鮮炒飯$138海鮮包括有爽彈鮮甜虎蝦、Q彈魷魚及鮮甜蟹肉，飯粒炒得軟糯分明又唔多油，而且仲好多蛋絲添，並附有爽脆青瓜可清新口感😋。🥢泰式飛天炒通菜$88食泰國菜指定動作當然係叫飛天炒通菜，呢度嘅黃豆醬鹹香惹味，與通菜非常之夾。🥢柚子沙律$118虎蝦大大隻，一放上檯已經聞到好香蝦味，同坊間只係灼熟嘅方法好唔同，店家好有heart地蘸上薄薄粉漿並炸過，所以上檯時特別香脆熱辣，口感爽彈又juicy，柚子亦非常多汁甜香，口感脆卜卜，同時亦有腰果及香脆蔥頭點綴，口味更加豐富。🥂Saint Louis Blanc De Blancs Brut (France)$308 bottle $78 glass酸酸地帶有清香果皮及蘋果味，口感平衡且細膩，並帶着清新嘅餘韻。呢喥除咗有泰國美食之外仲有好多酒類，如紅白酒、雞尾酒、氣泡酒、手工啤等，啱哂同朋友邊食邊飲邊吹水😆。…查看更多