星海薈﹒譽宴

朋友住第一城一直話附近有間中菜廳評價幾好 好想試吓我地都係為食貓 就算唔近我地 都決定跟! 🤣🤣🤣🤣🤣.餐廳位置有啲難搵我地以為係沙田萬怡酒店正門入去就會去到點知佢原來係檢疫酒店 我地要係酒店門外樓梯落地面 再搭扶手電梯上去兜兜轉轉 終於搵到喇🤤.因為book左枱 可以即時入座朋友們係門口時已經話想食片皮鴨當然舉腳贊成啦🥳🥳🥳另外叫多個招牌白胡椒蟹4人套餐.先上嘅係原盅黑蒜螺頭燉雞湯用料豐富 每碗起碼有2片螺肉加埋無花果同雪梨呢個雖然係燉湯 但無比鮮甜潤喉 生津解渴.接住上嘅係片皮鴨皮脆肉嫩 唔會好肥膩 又有油香蒸籠入面既薄皮每一片都有蒸籠紙墊住 客人可以輕鬆夾起每一片薄皮 唔駛夾穿夾爛 比起其他酒樓 星海薈廚房非常貼心 值得一讚👍🏻👍🏻👍🏻.之後就到重頭戲 招牌白胡椒肉蟹超級期待呢個菜式我地坐喺好近廚房門口 所以基本上每一道菜出黎我地都會第一時間睇到但呢一道菜就唔同 我地反而係先聞到佢白胡椒既香味實在太香濃 未見到鐵鍋已經先聞其味😍😍😍白胡椒汁被熱鍋煮到「咋咋」聲 真係見到都流晒口水廚房亦已經扑碎左啲蟹鉗 等客人食得容易啲食落口果然冇令我地失望🤤白胡椒味濃 少少辣 但係會令人上癮咁不停食蟹肉鮮甜又juicy 肉質爽口彈牙 食得出既新鮮真係十分滿意🫶🏻🫶🏻🫶🏻🫶🏻🫶🏻.下一道菜係陳皮蒸八頭南非鮮鮑魚陳皮略嫌多咗啲 掩蓋左鮑魚嘅鮮味不過依然食得出鮑魚係爽口彈牙 都新鮮嘅!.之後到翡翠蝦仁炒北極蚌蝦仁同蚌都十分鮮甜 爽口彈牙估唔到沙田既酒樓食海鮮咁都有質素👍🏻👍🏻👍🏻.清蒸金花龍躉斑平時我唔太鍾意食魚怕幼細魚骨 又怕腥佢呢條魚蒸得岩岩好 肉質都係嫩滑既豉油汁唔會太濃 搶左魚嘅鮮味不過比起上面幾味菜 呢條魚比較普通啲 同行鍾意食魚既朋友同我感覺都一樣.脆皮一品炸子雞皮薄 肉嫩 有肉汁做到外脆內軟 有水準👍🏻.砂鍋章魚雞粒炆飯同炒飯口感差唔多粒粒分明 唔知係咪一樣既呢🤔.最後仲有一個馬拉糕好食 軟熟 有黑糖味不過我地已經飽到食唔晒連相都唔記得咗影🤣.總括嚟講真係性價比幾高價錢唔貴 海鮮質素好 用料新鮮 煮得好食!絕對會推介朋友 自己都會再黎食過!!!🥰…查看更多

15-12-2021 (Wed) Vendor嚟請食飯,我哋total11人,叫個原價$3,488.00,特價$2,288.00嘅招牌白胡椒蟹套餐(8人餐)加啲點心.1. 套餐裡面嘅翡翠蝦仁炒冰極蚌是日翡翠係甜豆,呢啲正常冇問題.味道:3分2. 套餐裡面嘅招牌白胡椒肉蟹大大隻,白胡椒味有啲嗆鼻,但食落又唔係咁哽,蟹肉好腍.味道:3分3. 南翔小籠包湯汁唔係多,味道又唔太鹹,一般.味道:2.8分4. 套餐裡面嘅陳皮蒸八頭南非鮮鮑魚陳皮唔太濃,口感正常冇問題.味道:3分5. 百花釀魚肚一籠三件大大件,魚肚又厚,唔太鹹,唔錯.味道:5分6. $62.00嘅XO醬蘿蔔糕呢個唔辣,OK.味道:3分7. $50.00嘅椒鹽雞軟骨比正常嘅雞軟骨硬.味道:2分8. 蟹籽燒賣皇正常冇問題.味道:3分9. $62.00嘅金磚脆豆腐大大件,外脆內滑.味道:5分10. $44.00嘅湯灼芥蘭唔大碟,但出奇地芥蘭唔苦.味道:5分11. 套餐裡面嘅清蒸金花龍躉斑都幾大條,蒸得啱啱好,滑.味道:5分12. 套餐裡面嘅炸乳鴿3隻因為是日冇脆皮一品炸子雞,所以用呢個代替.我食到嗰件都幾鹹吓.味道:2.8分13. 套餐裡面嘅砂窩鱆魚雞粒炆飯個飯好深色同太濕,我食唔到鱆魚,而飯嘅味道係太濃,係調味料嘅味道而已.味道:1分14. 套餐裡面嘅原盅黑蒜螺頭燉雞湯8碗成個湯係黑色,味道有少少甜但又有啲怪,但我飲唔到螺頭嘅味道.味道:3分15. 套餐裡面嘅原籠蒸蔗糖馬拉糕食到好濃同甜嘅蔗糖味,口感係好鬆軟.味道:2分我冇食到嘅有:16-21. $50.00嘅XO醬肉鬆四季豆,晶瑩鮮蝦餃,北菇蟹柳棉花雞,薑蔥蒸牛栢葉,$65.00嘅南乳脆雞翼,$65.00嘅鮑魚汁炆鳳爪.其他:是日唔單止冇炸子雞,而且冇燒味.上次食評係2021年5月4日刊登嘅呢篇: https://www.openrice.com/zh/hongkong/review/blue-%E8%80%81%E9%97%86%E8%AB%8B%E9%A3%B2%E8%8C%B6-e4014658價錢:唔知幾錢.2.7分…查看更多