劉興記生煎包專門店

營業中

休息中

經開旺角見到門口好多人排隊，舖入面又坐滿人，食物價錢又唔算貴，就即管試吓，雖然人多但都好快就有位👍🏻我哋order 咗👍🏻排骨蔥油拌麵 $42豬扒炸得好鬆脆，上枱時已經切件，外脆內軟，肥瘦度啱啱好，咬落唔會好油膩；麵質彈牙👍🏻醬汁唔會過鹹👍🏻麵都唔會太乾身👍🏻👍🏻生炒雞扒湯麵 $42雞扒外脆內軟，肉質唔乾👍🏻湯底好清甜，好香菜味 & 乾蒜味😋湯麵麵質浸得耐都唔會黏口👍🏻👍🏻招牌生煎包(兩隻)$20 必食😋生煎包上枱熱辣辣，表面有芝麻&香蔥，一口咬入真係一口爆汁🤤勁多湯汁🤤不過外皮有少少厚 ，都幾有層次👍🏻👍🏻蟹黃生煎包(兩隻)$38一分錢一分貨👍🏻蟹皇滿滿🤤勁多汁，淡淡蟹味滲出🤤呢個真係超正👍🏻原味上海小籠包(四隻)$40同生煎包有得揮👍🏻外皮厚薄適中👍🏻味道口感，完全唔同生煎包，唔會搶咗生煎包味道，口感豐富👍🏻手工豆沙鍋餅 $28 必試😋同我出邊食嗰啲豆沙鍋片完全唔同，淡淡豆沙甜味，絕對唔會過甜👍🏻值得一試👍🏻我最鍾意嘅就係佢任飲豆漿🤩消費網$60就可以任飲，豆漿口感勁rich， 好有豆香味👍🏻真心值得encore 👍🏻我會再去食

來到旺角想食平靚正嘅上海包點，呢間劉興記生煎包專門店係一間唔錯嘅選擇！價錢親民，味道又正宗，難怪長期都人氣滿滿，深受街坊歡迎～原味上海小籠包(4隻)💰HK$40小籠包外皮薄得來又富有彈性，輕輕咬開，濃郁嘅湯汁會瞬間流出，帶有豐富嘅肉香，令人無法抗拒～招牌生煎包(6隻)💰HK$50生煎包底部相當酥脆，一咬落去仲有爆汁效果！而內裡嘅肉餡鮮香可口，肉味濃郁！外皮嘅酥脆同內餡嘅柔嫩形成咗鮮明嘅對比，口感非常豐富～蟹黃生煎包(2隻)💰HK$38同樣都有爆汁效果！豬肉嘅鮮嫩同蟹肉嘅鮮甜相互輝映，加咗蟹黃之後，味道變得更加鮮甜香醇，令人回味無窮～鮮雞湯小雲吞(12粒)💰HK$35鮮雞湯清澈而香濃，帶有雞肉嘅鮮甜味！小雲吞皮薄餡靚，啖啖都係豬肉嘅鮮甜味～凍 低糖豆漿💰HK$8豆漿甜度剛剛好，每一啖都充滿豆香，口感濃厚順滑，令人感到滿足～雖然晚飯時間好繁忙，但店員服務態度依然保持到親切有耐性，值得一讚👍🏻～