和拉麵

營業中

休息中

平時無乜機會黎到呢頭,今日同朋友行過決定要入黎試一試舖頭係巷仔入面,舖頭細細,座位唔多,要乖乖係門外面等位啦今日有啲肚餓,立即開啓兩個胃,一個拉麵胃一個小食胃叫左一個豚骨拉麵同埋幾個小食,拉麵份量OK唔會太少,配菜都好多,仲有一樽辣芽菜可以加黎食,爽口好味溏心蛋超好食!厚燒玉子都好好味,小丸子即叫即製熱辣辣,鰻魚醬汁同鰻超夾,燒得好靚價錢親民,性價比高.有機會一定再黎最重要要講,店員真係非常非常有禮貌!!

是日又黎到大埔做野，收工肚仔餓，覓食中行到呢間位於街角嘅拉麵店，見到座無虛席，應該唔伏，就同同事試一試。等左兩個字左右有客人走左我地就入座啦～店舖裝修都好日式，位置唔算多但係座位闊落。佢一路播住啲日文歌原來係用黑膠唱片機播㗎！即刻懷舊十倍！餐牌總共有三款拉麵，但其實店舖兩邊牆上都有一啲季節限定嘅拉麵，我通常試新嘅拉麵店都會食佢嘅傳統拉麵，姐係豚骨原味拉麵，因為食原味先知佢哋嘅功架嘛～除左拉面，仲有好多唔同小食。拉麵到～由於我走咗蔥所以望落去色水爭咁啲，不過俾果半隻溫泉蛋搭救左！一黎梗係飲啖湯先啦～湯嘅味道唔會好鹹，有濃濃嘅豬骨味，應該係功夫湯黎。個豚肉係燒到啱啱好，有少少碳燒味同埋佢個皮係煙煙韌韌㗎，肥瘦均勻肉味濃。溫泉蛋鹹香鹹香咁，好味！我哋另外嗌咗個厚燒芝士玉子，個玉子好厚身同埋外脆內軟，值得一試。不過記得趁熱食~值得一講嘅係侍應服務態度好好，成日都會主動幫手斟水，我哋食到一半嘅時候佢仲主動拎左一個佢哋自己炒嘅辣芽菜俾我哋試，又幾好味喎！不過有少少辣，唔食得辣嘅朋友仔就試少少好啦～總括黎講，呢間拉麵嘅質素唔錯，下次可以再試下其他季節限定拉麵。P.S. 即場打卡會有九折優惠，我見個個

係人都知大埔熟食中心多野食，但今次朋友就帶我行遠幾步，搵左哩間拉麵店晚餐。三款主要拉麵，可以按自己既口味落單，我就揀左多蔥。我點既味噌拉麵（$80）我揀左多蔥，真係半碗面都係，超開心。味噌係比較濃味既，鐘意濃味既朋友應該要揀哩個。面身幾滑，口感都幾好幾彈牙。豚肉肥瘦夾雜，煎到微燶，一點都唔會膩。朋友點既豚骨原味拉麵（$75）原味既湯底系無味噌咁濃，但係就滑D，都好香。兩款麺我覺得分唔到高下，其實兩個麺只係湯底唔同，我覺得有機會兩款都要試下，感覺好唔同。湯底真係拉麵既靈魂！中華海蜇（$38）幾惹味，好啱佐酒厚燒芝士玉子（$28）推薦！厚厚既玉子面層搽左沙律醬同芝士，面層同兩面都燒得少少燶，好香口，要襯熱食。甜甜既玉子，咁樣燒下再上，覺得好有創意，真系好鐘意哩個~自家炒芽菜哩個係放係檯面，食客可以自己添既。芽菜都幾辣，好吊到味。餐廳既裝修係行溫馨路線，昏黃既溫暖燈光，有日劇入面居酒小屋既感覺。原來係店內一個角落，擺放住哩部唱機，播放住黑膠唱片，悠揚咁播住從前既日本歌曲，好適合放空，專注眼前既每一箸。整體來講，食物有用心，出品質素幾好，環境都好舒服整潔。下次去大埔揾食，大可試下哩間拉麵

因為工作培訓關係而要走入大埔，一個對我來說又遠又陌生的地方。香港也有陌生的地方！？係呀！的確好幾年沒有踏足.....難得來到，當然乘機亂咁行，周圍行，發現不少地方已改變了。一個人食乜好？就被搶眼的巨大紅燈籠和幾個黃燈籠吸引了，原來是間拉麵小店。內裏裝潢平實，骨子企理，設有幾張二至四人枱，而最入便是拉麵師傅的工作區。半開放式，見到有個小孩專注地望著師傅工作，仲話「好型」！翻閱餐牌，拉麵有三款既定的口味和一款期間限定，還有一些追加配料、小食、炸物和天婦羅。*********************在點單紙畫上要求，揀了碗豚骨原味拉麵（$75）要香滑湯底、蒜、大盛蔥和普通硬度的拉麵。待一會，熱辣辣的拉麵就上枱，內有兩片豚肉叉燒、半隻糖心蛋、紫菜、大量滿有蔥香的蔥花、爽口的木耳絲 和荀條，配料算豐富。揀了香滑湯底，湯身色澤較清澈，但味道香而不膩，入口順喉，更討我喜歡。幼身的拉麵 烹調時間剛好，條條分明，挺有嚼勁，普通的軟硬度既不會糊口，亦不失咬口，剛好合我心水，入口順滑。很喜歡磨些甘香的芝麻 和配些自家炒製的辣芽菜，又爽口又香辣，仲越食越火辣，好滋味！兩片叉燒 肥膏瘦肉雙間，加上經過輕輕火炙，

今日又黎到大埔開工，行到運頭街個邊，見到有條小巷林立著唔少既食店。 見到有間拉麵出面有好多人排緊隊，充滿好奇心既我一於決定去試。 一入到去就覺得好有日本風味，仲見到兩位師父努力整緊拉麵。佢地仲著住印有'和'字既衫係度煮麵，勁有spirit。佢有3款口味:豚骨拉麵，豚骨辛辣拉麵同埋豚骨味僧拉麵。 另外，仲有香滑或者特濃湯底選擇。不過無論係香滑或者特濃，熬製既時間超過十小時，而且不含任何添加劑，非常健康有益。我睇完個menu介紹之後就決定要左個豚骨味噌拉麵(HKD80)，麵要香軟(個人不太喜好硬既麵)。另外，再加左個厚燒芝士玉子 (HKD28)。先黎既係個小食，玉子非常厚，上面有熱溶左既芝士，令到成個玉子更加香滑。最上面個層仲有木魚，令到個口感更加豐富。跟住黎既就係個拉麵。賣相一流，湯底非常香濃但毫不油膩。叉燒肉質非常嫩，加埋隻糖心蛋，100分呀。店員有建議我地嘗試佢地既辣芽菜(免費)，一試之下爽口惹味，同拉麵好配搭呀。

這是我的第100篇食評，第1篇是寫大埔的一間餐廳，剛好這第100篇寫的也是大埔的餐廳這巧合既特別又美麗言歸正傳，這天沒時間煮飯，想在火車站附近隨便找間餐廳吃晚餐。走著走著，發現有條兩邊都開了餐廳的小巷，便入去看看看過這幾間餐廳後，選擇了和拉麵這不是連鎖店，而是自家小店，所以特別可感覺到老闆/店員對客人的殷勤和細心開放式廚房，剛好可看到廚師準備拉麵這𥚃主打的是豚骨拉麵、有分原味、辛辣和味噌口味。初次到訪，就點個原味啦另外還加了一個芝士玉子燒厚燒芝士玉子($28)：玉子燒很有蛋香微甜，有3層蛋加2層芝士。雞蛋加芝士本來已是很的好配搭，再加上少許鹹鹹的木魚，增添味道層次另外，玉子燒已預先切成三小件，方便食用豚骨原味拉麵($78)：選了特濃湯底(+$8)，因為店員比較推薦我另外還追加了一隻溏心蛋～拉麵來到時，當然要先嚐一嚐湯底。這湯底經長時間熬製，十分香濃，不油膩而且沒味精味，味道很天然拉麵是幼身麵條，口感不錯，軟硬適中。叉燒是切成薄片的，肉質軟嫩，帶有一層有膠質豬皮味玉滷得得入味，沒後悔追加了一隻另外，枱上放有店方自家醃製的辣芽菜，放入拉麵中加添少許辣味，令拉麵更惹味，我放了不少呢