一門

「黃金廣場外分手，在時代門外再聚。」當年的黃金廣場紅到可以被寫入歌詞，當中屹立多年的一門依然是美味「滋」選，而且交通相當方便。今日有朋友揀地方，我出個人就得啦！餐廳居酒屋格局，好日式的感覺。◽️ 日本烏頭刺身入口爽身，食落新鮮有油分，食完原味後可以蘸一點酸汁，有提鮮作用。◽️ 時令壽司12件壽司款款吸引，賴尿蝦爽身又夠甜；海膽好濃郁；帶子同樣鮮甜；魚類都好豐富，白身魚有淡淡魚味；赤身味道較濃；軍艦夠哂肥，每一件都好滿足！◽️ 刺身拼盤 有四款刺身，赤身口感好嫩；池魚王爽身又有油分；金線鯛肉質細緻，燒一燒魚皮更香口；帶子鮮甜味美，樣樣都好新鮮！◽️ 厚燒玉子必食一門玉子燒，綿密口感散發蛋香，加少少蘿蔔蓉添上一入清新。◽️ 蟹肉忌廉金黃色外表引起食慾，外層鬆脆但完全唔會食到一口油，內裡creamy，一口吃到兩種口感。◽️ 安格斯牛扒牛味濃郁，燒得剛剛好，唔會過熟，軟腍肉質，灑上少許黑椒更好味。◽️ 魚湯烏冬乳白色的魚湯好濃郁，嘗得到陣陣魚鮮味，加上烏冬、菇、菜，陣陣暖意，大推！但店員話不是經常有，如果遇到必點！▪️ 菠蘿杏子酒 酸酸甜甜好滋味，好易入口，仲有粒杏子可以食。▪️ 巨峰乳酸梳打 有陣陣的巨峰味，不會太甜。▪️ 海鹽荔枝梳打荔枝味中滲透出少許海鹽味，好清爽。▪️ 蜜桃梳打清香的蜜桃味，加上有汽梳打，飲一口爽！…查看更多

海膽深海池魚，這道菜好醒胃，酸酸尾尾既醬汁，配刺身食一樣咁夾，唔使經常都配wasabi咁單一，海膽有2種，橙色的口感比較幼滑，但海膽味未算好突出，黃色的口感較結實，不過海膽味相當濃郁。厚燒玉子，蛋煮得岩岩好，外層帶有少少半凝固狀態，而且每一口食落都好滑身。海膽吞拿魚壽司卷，共6件，由上至下係海膽、吞拿魚刺身、吞拿魚蓉、壽司米，刺身和蓉係兩種不同口感，混合一齊食口感層次豐富，加埋海膽令味覺更加提升。炸蟹肉卷，共4球，餡料係蟹肉和忌廉，外層酥脆，內裏係“杰”身既軟滑餡料，有d似日本既可樂餅，碟上既醬汁係梅子味，酸酸地夠醒胃，而且可以解膩。生薑豚肉飯，豚肉食落有油脂香味，油脂比例岩岩好，估計係7成肉3成脂肪既黃金比例，另外飯同樣有驚喜，每一啖都食到有生薑既味道，簡直係滲入左每一粒米。蜜桃梳打/海鹽荔枝梳打，大杯兼且冰凍解渴，海鹽荔枝加入左椰果兩者永遠都係絕配。…查看更多

第一次去黃金廣場食嘢，原來入面有一間超好食嘅日式居酒屋特上壽司十件($380)有牡丹蝦、吞拿魚腩、帆立貝等等，睇落個樣好靚，食落都好新鮮白身魚薄切($280)，鮮甜的薄身魚配海帶蔥花等，加上醬油，鮮味無比口感十足第一次食這麼好的厚燒玉子($60)， 店員說這是餐廳的signature， 果真入口juicy香甜， 又熱辣辣， 點解只係蛋都可以做得咁好食第一次接觸東洋卷($72)， 用pancake皮造皮，內裡是牛油果、蟹子、鰻魚和沙律醬，一啖咬落去，全部美味融為一體， 非常滋味海鮮茶壺湯($68) 真材實料用大蝦、蜆肉、帶子淆製而成， 飲落完全是海鮮鮮甜的精華生薑豚肉石頭燒飯($96) 香噴噴好食威士忌($88)香醇…查看更多

係正銅鑼灣F出口隔離既一門 係一間裝修別緻既日式居酒屋🏮 有吧枱亦有卡位 空間幾大 座位都幾舒適👍🏻 menu 食物選擇仲要好多好豐富添😻係店員介紹之下 我哋試左以下幾款食物👅1. 厚燒玉子 不愧為呢度招牌菜式 睇老闆改良過下既玉子燒幼滑無比 蛋味香甜😍 兩個人食一件啱啱好 唔會覺得好膩👍🏻2. 東洋卷 另一樣必點菜式😍 用pancake皮包住滿滿既蟹籽 鰻魚同牛油果🥑店員特別提我地一定要一啖食到所有嘢🤣 用上香甜嘅pancake皮包味道出奇嘅夾 蟹籽帶出口感 牛油果同鰻魚俾人一種好肥美嘅感覺 好好食😋3. 吞拿魚溫泉玉子沙律 有非常多吞拿魚😍 賣相吸引 吞拿魚加上溫泉蛋 配上醬汁都幾好食👍🏻4. 牛肉石頭燒飯 石頭鍋燒到好熱 上菜後店員會幫手撈均溫泉蛋同牛肉飯 底部食到飯焦👅5. 海膽蟹肉牛油果卷 賣相吸引 飯卷入邊包裹住牛油果同淮山漬 口感爽脆 出面比較少見😆 鍾意食淮山嘅朋友可以試吓6. 汁燒明太子日本魷魚 熱辣辣燒好嘅魷魚本身已經好吸引 再加上明太子沙律醬 真係好邪惡好正 送酒一流🍸7. 巨峰乳酸梳打 無論配壽司定係串燒都一流 啱晒唔想飲酒嘅朋友就可以飲呢款梳打🥰8. 荔枝西柚燒酎 想有少少酒精就一定要推薦飲佢哋嘅燒酎 飲落有少少荔枝嘅香甜味 又帶有酸酸甜甜嘅西柚味 好fresh🌟…查看更多

經友人介紹，來到這家很有日本風情感覺的店子。要讚的是它每張桌子座位都放得很鬆動，給食客十分充足的私人空間去用餐，即使以正常聲線談話也不易給旁邊的食客聽到。原味的厚燒玉子十分香濃，簡單的食材卻有著令人著迷的味道。原味就最能突出蛋本身的獨有香味意粉頗有驚喜，亦是簡單的一碟炒詫粉，用上新鮮的香草，帶微辣，非常好吃。即使是以炒的方式也不覺得太油膩。…查看更多

好耐冇尼一門食野 咁啱另外2個朋友都想食所以就BOOK左1930 事關今日係萬聖節所以所有侍應都化哂妝加上一門一向都好暗 成件事好有氣氛HAHA因為某位朋友最中意遲到 我地就唯有叫串牛舌同燒酒頂住肚先牛舌燒得啱啱好 好好食 但都係因為咁我地食完串牛舌就越尼越肚餓唔知杯袖子燒油係自己調定現成 但唔錯嫁堝 燒酒同袖子味都好均勻等到遲到達人出現我地就瘋狂叫野啦哩個堅要試 我本身唔好吞拿魚但哩碟野食到停唔到口呀吞拿魚有輕輕燒過下但肉質完全唔鞋加埋啲醬汁同洋蔥一齊食真係冇得輸應該係當日咩魚生比較新鮮就用尼整哩個壽司真係冇令我地失望 全部都好新鮮 唔洗點豉油都已經好好食一啲腥味都冇哩幾條串燒就不過不失啦 要讚下串白鱔既 個皮燒得好脆 魚肉都彈牙嫁哩個銀鱈魚又係好好食 直頭係燒到外脆內軟 魚肉好滑點埋沙律醬 酸酸甜甜咁好好食我去親食日本野一定唔會叫甜蛋/玉子 因為我唔好而且覺得好嘥錢但尼到一門真係唔可以唔叫 哩舊野堅好食 唔明點解可以整到咁好食蛋好滑 仲要甜甜地咁真係好越食越好味 而家諗番起都好想再食!!臨尾尼多個燒豆腐 豆腐本身就冇乜味既 不過加埋佢面頭個啲野(唔記得左係咩)再點埋個醬成件事就好好多喇服務態度係唔錯既 我地叫佢地介紹下有咩好食佢地都冇嫌我地煩仲有問必答 抵讚 而且環境唔嘈嫁可以傾到計…查看更多

每次黎一門，都必定會食厚燒玉子。厚燒玉子 - 超好食上枱時仲係熱到出緊煙，蛋用咗上湯整，軟綿有蛋香。牛油果蟹肉卷牛油果香滑，蟹肉非常之多。香蔥吞拿魚魚腩卷吞拿魚新鮮唔腥，配青瓜都幾夾。煙肉忌廉意大利粉忌廉汁加上溫泉蛋汁好creamy好滑。…查看更多

朋友一路推薦既燒玉子😋終於有機會黎試下。平時晚飯時間要預早book位。但我地收工時間10點半先去到只係見到3-4枱客係度。門面同入部環境都好似去左日本咁。屬於較高檔既日本餐廳🇯🇵 店入面環境偏暗。但每張枱都有射燈都有d嫌太光😂 玉子燒都有吾同口味不過第一次試緊係要試左原味先🤓 第一樣黎既就係厚燒玉子啦。熱辣辣仲出緊煙。好味道😋😋個玉子夠滑又吾會太硬身。即刻諗番係日本食玉子既味道。 由於本人太鐘意食玉子就叫左個餐牌冇既玉子壽司😂不過吾太推介。依個玉子味令我諗起餐蛋治個蛋既味道。仲有成舊飯都比佢整熱左。 朋友黎淨係為左食依個壽司拼盆。係廚師當日揀既10款壽司。不過我諗每次叫既分別都吾大。除番開每件$25。不過真係好新鮮。值吾值就見仁見智啦😬不過如果幾個朋友share食就最好揀定食邊舊先😅手快有手慢冇。 我就好鐘意食依個明太子雞肉串😋上面既明太子沙律醬先係主角。食吾停口👍🏻 每次去日本餐廳都必叫既銀雪魚🐟大大舊依度都吾算貴。滑得黎又夠入味😋點埋沙律醬食冇得彈😍不過略嫌多細骨。但真係好好味👍🏻 凍喬麥麵食既時候將隻蛋倒入醬油度撈完再落埋自己想要既配料紫菜蔥同wasabi。將麵浸一浸落個醬油度就食得啦。 我地怕吾夠飽就叫多左個明太子意大利粉食。食落好似食緊雜菌湯麵咁。味道吾差但冇咩特別。 最後仲有個清酒煮蛤蜊。有d後悔叫左清酒😂接近冇味個湯有極少清酒味。食完之後都冇飲埋個湯🙁不過d蛤蜊大隻又冇沙都好新鮮。下次想試下其他煮法。店員既服務都吾錯😊環境又好。好岩同朋友傾下計舒舒服服又食完一餐。…查看更多

收工約食飯, 朋友介紹呢間居酒屋, 話weekend爆到風起, 所以提地黎試試第一次係香港食居酒屋, 平時係香港日本野都係食放題多.炸三文魚卷唔油膩, 三文魚唔會太老, 好食炒蘑菇意粉普通啦, 同家裡賓賓出品差不多海鮮沙拉都幾多魚生, 夠新鮮吞拿魚壽司不錯但無驚喜厚燒玉子真係正, 不愧咁多人介紹, 一定要試總括來講一門既食物種類都幾多, 可以一試…查看更多

一門呢個名聽過好耐，不過一直未去試，今次因為夜，10點先去到銅鑼灣，可以選擇嘅餐廳唔多，突然醒起呢間開得夜，打電話試下訂位，店員話要坐吧枱位，當然無問題，去到門口，店員話可以比張四人枱我（可能見肥髀）店內燈光昏暗，我哋對坐吧枱，另外有啲位係有圍板，私隱度高啲，亦有榻榻米包箱，適合唔同人需要！坐低好好好肚餓，呢度似居酒屋，食物以小食居多，價錢單計唔貴！我同肥髀叫兩三樣，唔夠再加單！食物味道好味，真係每款都好味（通常總有一兩樣差啲，呢樣真係無失手） 厚燒玉子（$48）--一門招牌，蛋餅好厚又嫩，好多汁，汁液唔會假！招牌果然好味！ 燒牛舌（$42）--一串三塊，燒到出油，好juicy,牛油香滿咀！而且有咬口！正！ 溫泉玉子（$28）--好嫩滑，蛋黃脹卜卜，好新鮮，好濃蛋味！甜豉油清爽！好味！ 鮭魚揚紫菜卷（$60）--炸紫菜包三文魚，外脆內軟，新鮮炸起熱辣辣！好香魚油味！淨食會比較油膩，點配上嘅甜酸醬就消減了油膩感！ 香蔥吞拿魚腩手卷（$65）--好多吞拿魚蓉，好肥美，配蔥花提出啲香味！紫菜卜卜脆，珍珠米煙韌，好好味（連平時唔喜好吞拿魚嘅肥髀都話好味）店員會好窩心提醒快食，唔好比紫菜淋咗！ 蛤蜊香草鐵鍋燒（$68）--鐵鍋上，熱辣辣，蜆肉鮮嫩無沙，唔大隻但脹卜卜！湯汁比較濃，麵豉味重！配埋蜆肉一齊食！好正！會細心配埋空碗比我哋放蜆殻！ 八爪魚醋物（$58）--八爪魚片嫩兼彈牙，配海帶同一種透明爽口嘅食物（問店員先知係一種海草）柚子醋汁偏酸好清爽！好味！ 海鮮沙律（$86）--原來好大碗，好多魚生肉片，三文魚、吞拿魚、白色魚肉，蔬菜好多，新鮮爽脆，醬汁係浠嘅沙律汁！酸酸地開胃！不過肥髀唔鍾意夾雜住啲帶苦味嘅蔬菜！我就好啱食！食物質素好，店員非常勤快，一食晒即刻會有人收碟，加水好勤！而且有禮！會有溫馨提示！亦都清楚啲食物內容（一問即答）呢度越夜仲係好多客上來！我食到2330，都仲爆場！廁所幾大，有三格，乾淨但殘舊，8樣食物$500（連加一）唔可以話平，但質素真係好！好舒服嘅一餐！如果配埋酒就更好…查看更多

The interior of the restaurant was renovated as one of those traditional Japanese stores where people go to for a glass of sake and some snacks. The atmosphere was cozy and the lighting was dim.We ordered some dishes and shared between two…Chef’s Assorted Sushi Platter- The fish selection was pretty decent; every piece was fresh and sweet especially for the sweet shrimp sushi and the uni sushi. The meat and rice ratio was proportional.The famous avocado eel egg roll-This dish is known to be one of the most famous dishes at this restaurant thus it’s impossible to miss out. Truth be told, I already fell in love with this on my first bite! It was just simply amazing, the egg wrap was soft, which complemented well with the crunchy fish roe and the creamy avocado. The eel itself was the main character of the dish, it was prepared until it is soft and smooth in texture and feels like it has no bones at all. Everything matched so well together.Crabmeat Avocado Roll-The avocado on top looked and tasted fresh, the crabmeat in between was juicy but light. Avocadoes and crabs always make a great combination!The famous tamagoyaki with cheese- Another famous dish of The Mon, though I’d say that the avocado eel egg roll was way better than this tamagoyaki dish. This dish had the eggy flavor of it and was paired well when eaten with a bit of the white radish on the side. The cheese inside was still melting when it was served but I think that the flavor of it could be richer.Overall Rating: 4/5, most of the points went to the Avocado eel egg roll!…查看更多

Went there with a friend for his birthday celebration.Booked table for 7pm, we were asked to return the table by 8:30pmOrder:Sushi platter- 新鮮，但無乜特別Sashimi platter- 新鮮，但無乜特別厚燒玉子- 趁熱食好好味，煮得啱啱好，唔會太熟牛脷川燒- 好入味，燒得啱啱好，唔會大熟牛脷川燒南瓜溶沙律- 好refreshing,可以當前菜或甜品食鴨胸烏冬 可能飽飽哋，覺得麻麻地，冇乜特別We also order a bottle of 720ml sake... Total Damage was $1350 for 2 person…查看更多

從極具江戶味道的走廊進入餐廳，氣氛和諧靈靜...帶微紅的燈光為整個店帶來一種特別的神秘感。這間位於銅鑼灣的日本料理店，以玉子料理聞名...自年前跟玉子結下了不解緣後，怎可能放過在香港吃到美味玉子的機會?雖然燈光暗得連看餐牌也要很辛苦的看...不過食物的質素、四周環境及擺設以及待應的良好服務足以彌補這一點點的不足...豆腐凍 : 這款豆腐凍...簡單而又傳統，一磚又白又滑的豆腐跟有彊蓉、蔥花、芝麻及木魚，讓客人隨個人喜好去品嚐。把豉油倒進彊蓉、蔥花中拌勻再淋在豆腐上面，之後再加上木魚及芝麻便可以了。吃起來你會發覺豆香非常，口感非常好..不會過份結實也不會過軟。鼓油加上彊蔥的新辣味道為本來比較單調的味道加漆色彩，再配合芝麻和木魚的獨有香氣...就是這道簡單的菜給我們帶來的驚喜。(*可惜吃的當天..豆腐不夠凍呢...)東洋卷 : 聽說這家店有三不可不吃...一是玉子燒、二是溫泉玉子、三就是這道---東洋卷---明顯地這道菜結合了東方和西方的美食文化...以鬆軟香滑的pancake皮代替紙菜包著，味淡但口感特別的牛油果、飛魚子及煮得剛剛好的肥美曼魚...味道濃厚不膩，吃下去整個口感有種異常軟棉棉的感覺...到最後把飛魚子拍嘰拍嘰的咬開，不論口感及味道都是一流!難怪差不多每位桌上都總有一碟。牛肉刺身 : 說到要吃牛肉刺身，相信很多人都要鼓起勇氣來才敢試。一般人都是怕生牛肉有種怪異的膩口感，但這裡的黑毛和牛刺身大家絕對可以放心嚐嚐... 即使沒豉油沒洋蔥的情況下大膽地把整片和牛刺身放進口中，也絕對不會吃到丁點兒的腥味...也不會有怪異的膩口感..清淡而明顯的牛肉味道更會另你有種驚嘆不已的感覺。如果還是不習慣這樣吃的話...便把刺身配清甜帶微辛的洋蔥絲沾少許豉油來吃...別有一翻姿味!不得不提及的是這家店的串燒，雖然價錢不便宜但味道的確是非常好。尤其牛舌的用料最好，肉質鮮味多汁油香十足...點上一杯日本清油/梅酒來慢慢享受就最好不過了。溫泉玉子 : 若果你想知道溫泉玉子究竟應該是怎樣的...小紫建議你絕對要來這裡見識見識...比任何食材更滑更嫩的蛋白清淡而又不失風彩。包在裡面的是濃調的蛋黃，蛋香就是從這之中狂透出來伴著微微帶甜的木魚湯汁來吃...那是種捨不得嚥下的美味!玉子燒 : 玉子燒其實在香港並不是很多人認識真正的玉子燒，香港一般食市能吃到的機乎都不合格...只有小數店會在這道菜下心機。如果你看到這裡想知道什麼是合格的玉子燒?你便一定要來這家店嚐嚐。這裡有好幾款口味的玉子燒，其中以蟹肉玉子燒最受歡迎，的確...嫩滑鬆軟的口感、豐富鮮甜的湯汁再加上清新的蘿白蓉...實在是另人難以忘懷的味道...更別說比起那些又乾又硬又甜又沒蛋味的所謂甜蛋...好了好了別光看著流口水了..(*請記得叫侍應別加太多鼓酒在蘿白蓉上--其實小紫認為不加最好)*個人認為...這家店玉子的味道應該是為迎合香港人的口味所以味道比傳統的玉子燒沒那麼甜~題外話...小紫其實很滿意這家店...不過要提醒大家...去之前最好還是訂位...另外...玉子燒真的很好吃...不過以小紫曾經吃過的玉子來說...還是之前在日本和CWB某家壽司店吃的玉子好吃...不過..因為小紫較喜歡凍的玉子&日本玉子本來就是要吃起來甜甜的...所以才會較喜歡日本那種..…查看更多

之前睇食評講「一門」的厚燒玉子好好食...訂了2次檯,終於俾我0地訂到檯,一試厚燒玉子的味道啦!「一門」內環境都幾好....不過他們並不供應茶水，所以點了一壺玄米茶。不過茶的味道,我真的不太喜愛:(我們點了:-壽司 :味道都OK幾新鮮串燒(芝士雞肉串燒):太乾...味道一般帶子薄餅:無咩帶子餡,味道......><"厚燒玉子 :蛋皮煎得很香&滑，微甜，食時點上的蘿蔔蓉和豉油一同吃，正!PS:會因厚燒玉子而再光顧多次^^…查看更多

就黎生日, 軍曹約好哂人, 同我食番餐生日飯 食番之前問極都唔肯答我係邊度食, 原來係黎一門A__A 之前琴姐同我講過話佢食過, 所以我都想試下, 咁岩又好耐冇食過日本野, 岩哂! 入面燈光好暗, 好鬼有feel, 岩哂一班人黎食飯傾計, 坐番三四個鐘! 我地6 個人, 叫左好多野食, 食到我好好好好飽 炸芝士 - 我好鐘意食芝士, 佢芝士味好重, 熱辣辣。因為佢份量少, 所以我只係食左半舊, 我相信食得多會好膩。 鐵板帶子蝦煎餅 - 我食唔到有帶子....:( 食落去既時候只係食到好多麵粉, 而且唔熱, 更加難食。 炸蟹肉忌廉 - 一碟得2 舊, 所以我地又要分黎食。我覺得佢冇乜特別, 好似酒樓哥d 咁。忌廉多, 蟹肉少。 燒牛舌 - 佢個牛舌真係唔錯! 好有牛味, 燒完加左鹽係上面, 真係好正。牛舌都算大片, 但一串要$25 得3 片就貴多d。 雞軟骨 - 普通, 冇乜特別。同其他地方食既炸雞軟骨一樣, 只係冇加lemon juice。 厚燒玉子 - 蛋加蝦, 但我覺得佢普通。蛋唔夠滑, 亦都唔叫厚, 大快活早餐炒滑蛋仲好味。入面加左d 蝦, 冇蝦味, 蝦既份量太少, 加落去唔知作用係咩。 三文魚鍋巴茶漬 - 將d 好似水既茶倒落d 白飯度, 再加三文魚食就係茶漬飯。成個飯最好味係三文魚, 佢燒到三文魚片好脆, 而且三文魚肥美, 加左少少鹽, 幾香口幾野味。但d 飯就真係唔食都得, 仲要加d 冇茶味既水落去, 真係唔好食。 泡菜豚肉石頭飯 - 想食下辣野, 就叫個泡菜飯, 都係唔好食。飯份量適中, 泡菜少, 棷菜多, 豚肉少。飯太多水, 太林, 一pat pat。 牛肉石頭飯 - 都係唔好食。料少飯多, 味道淡, 好似食緊白飯咁。牛肉唔肥美, 而且好"un"。我覺得佢d 野食唔好食, 價錢亦都唔合理, 太貴喇。一大班坐低食飯傾計, 一門係個好地方。但如果講真係食野, 一門絕對唔適合! 今餐飯我旨在可以見下大家, 坐低食餐飯傾下計, 所以我已經好開心喇! 多謝你地…查看更多