成個商場間間食肆都門可羅雀，唯獨呢間好多人等，7點幾拎飛後約8點就有位，上次8個人食都無機會自己揀想食嘅，今次得2個人，可以認真揀野食，用平板電腦落單更方便。首先黎嘅係軟殼蟹卷，好肚餓時食覺得好好味，出面係黑色嘅蟹籽，食完棚牙會黑哂。厚切三文魚，切開左一格格同有炸蒜喺面，好食。魚腩盛，唔大舊無咁漏，好味。豚骨湯餃子，有個爐仔坐熱，味道ok，湯底好濃。大盛親子軍艦，我唔食咁大粒嘅橙色野嘅，但男友人話好正。名物！等等蒸蛋，好味嘅，又有個爐坐住，入面唔係平時嘅魚蛋草菇，係新鮮蟹肉鰻魚。特大海鰻魚，唔好講笑，真係好長，無骨嘅，好味。白身三点盛，即係油甘魚，油甘魚腩同魚背，其中魚背幾特別，好味。海胆魚背兩味，我唔食海膽，男友人話呢隻海胆唔係平時嘅海膽，但講唔出係好味定唔好味。北海三点盛，即係海膽，三文魚子，葱粒呑拿魚腩，另外兩舊係螃蟹羔醬，梳，我真係覺得好核突，男友人話麻麻。雞翼餃子，無乜特別。千尋海老刺身，男友人話好味過甜蝦。最後獨食左碗迷你烏冬，好滿足。題外話，隔離枱坐左兩個港孩同佢地媽媽，兩個𡃁妹好大聲用英文傾計，類似celine tone但又唔係特別好聽，好騷擾，我地講緊嘅topic佢地聽到又跟住要用英文傾，好嘈好煩。…查看更多
最後我們選了純壽司，因為才剛好6點，所以被安排了卡位
餐牌有很多盛合選擇，每樣都很吸引，尤其新推出的三文魚盛合，每件壽司都好像被厚厚的魚肉包裹一樣
手卷是每次吃壽司必點的一道，我點的軟殻蟹手卷啖啖蟹肉很滿足，紙菜也是脆的。白盛合，每件壽司的料都比飯大很多
三文魚盛合，這是我最期待的，果然沒選錯，三文魚十分厚身，不是入口即溶，但是也吃到新鮮。尤其花形的柚子三文魚壽司，少少的甜味和三文魚挺夾的
炸魚，炸粉薄身，啖啖肉嚴選盛也是十分厚身的
吃一件都很飽肚，海老最好吃飯和上面三文魚的比例
我覺得今晚我是選得對了食物
價錢也是可接受
