一品滷水專門店

呢間北角外賣滷水小店，雖然鋪面細細，但望下餐牌，款式多到誇張，基本上你腦海浮現到嘅滷味，佢都齊晒！😂第一次去唔知點揀？咁試佢哋嘅滷水鵝拼盤！一個拼盤食到最 signature 嘅滷水食味。。。🍗 滷水鵝肉： 入口嫩滑，唔嚡口仲超級入味。🐙 墨魚： 爽彈得嚟滷味香氣十足，清新又唔膩。🐷 豬大腸：肥膏比例啱啱好，滷汁入晒味，香Q彈牙。仲有豬耳、紅腸、雞蛋、豆腐，全部都唔係陪襯，係真心食得開心嗰種。成個拼盤豐富到笑，價錢仲要親民，真係街坊恩物😚而家做緊九折優惠 （$188元）。如果唔想吃咁多滷味，小店可以單拼、雙拼或多拼，份量足、價錢抵，午餐晚餐隨時買走都好方便，之後我應該都會成日幫襯加餸。😋…查看更多

港島東要搵到抵食嘅滷水店並不多，是日探望完舊同事後，正準備搭巴士番屋企，行過發現多咗間賣滷味既小店，仲記得以前係賣古早蛋糕架（不過都執咗一段時間嚕）～呢間小店《一品滷水專門店》選擇十分多，超級抵食吖，小妹樣樣都想試吓，見到有兩款拼盤可以選擇：1️⃣滷水豬拼盤、2️⃣滷水鵝拼盤，呢兩款拼盤非常適合有選擇困難症嘅朋友仔🤭小妹認為諗起滷水就會聯想到滷水鵝，於是買2️⃣番屋企加餸啦！💛拼盤內包含9款食品：🔸招牌滷水鵝🔸鵝肝🔸鵝腎🔸豬耳🔸豬大腸🔸墨魚🔸豆腐🔸紅腸🔸雞蛋每款都各有特色，小店老闆溫馨建議小妹，滷水鵝汁千祈唔好淋落去，記得沾醬嚟食，咁樣先品嚐得到真正風味😚😚…查看更多

⼀品滷水專門店，位於北角，地點便利，專做滷水，潮州三代滷水膽，淨係咁已經值得去試😍做緊九折，價錢超值，花多眼亂，專為我依啲貪心嘅朋友而設既滷水鵝拼盤啱晒🌟九款滷水齊備，超豐富👍🏻招牌滷水鵝🪿鵝肉嫩滑，肥瘦都有，滷水汁果然係呀甘香，唔會太咸，相當高質😙份量都幾多，鵝肝，潮式鵝肝真係要試，入味得黎口感⼀流😇鵝腎，口感比雞腎好，大舊啲亦更入味🤞🏻 滷水蛋都好味豬耳，超大份，滷水超入味，爽身好味😘豬大腸，較瘦唔會好多肥膏，紅腸正常，墨魚好惹味，配埋辣椒醬仲正，必食🦑好物沉歸底，豆腐墊底吸晒滷水汁之餘，仲有唔同食材既風味，好正好好味🩵三代傳承唔止係家庭味，仲係好正既滷水味！😎性價比高既滷水專門店🙌🏻…查看更多