Bugis@叻沙・海南雞飯 (已結業)

收工同朋友食生日飯，決定試下新加坡菜鋪面裝修幾有特式，藍色主調配唔同嘅牆紙主題，感覺舒服寫意首推抗通脹老火湯套餐原本打算生日飯要食豪d，但一入鋪就見到有食雞脾餐，仲要超大隻脾！連湯同飲品都唔洗$50，雞脾肉嫩帶肉汁，皮薄唔油膩，炸到外層微脆老火湯清甜，$49真係超值，名乎其實嘅抗通脹，月尾窮人恩物第二必食：酸辣鳳爪份量真係唔多，跟餐得4件。爽脆酸辣，又唔似泰式鳳爪咁刺激，只係微辣同微酸，完全冇骨，好開胃！比泰式更好味食新加坡同馬拉菜必試叻沙～湯底好有辣勁，同時帶椰奶嘅香味。跟足正宗叻沙麵底，有油麵同米粉，配料豐富，整體唔錯係要有心理準備比較辣馬拉盞通菜，竟然用石鍋上，有濃濃嘅蝦醬味，通菜新鮮爽口，香噴野味配飯一流為咗食豐富d，我地再另加一份小食，雖然已經好夠飽南乳雞翼同雞脾一樣咁薄皮，香口惹味，好飽之下都仲食咗兩隻嗌咗5樣野食，都唔過$250，連埋兩杯飲品，真係超值！

有人病倒了, 去就近的屋邨小店試試海南雞飯! 新加坡海南雞飯 + 南乳雞翼 + 飲品 $78! 去骨海南雞, 雞皮竟然有啫喱 (好多出名海南雞飯都未必有), 油飯唔會太油, 不過唔夠香! 薑蓉可以落少 d d 油雞翼好香南乳味, 肥嘟嘟, 炸得夠香脆, 醃得好入味! 馬來咖喱牛腩 + 脆炸蝦條 + 飲品 $78! 牛腩好淋好滑, 咖喱略嫌唔夠辣, 太多椰汁, 不過幾香! 粒煎蛋好明顯用模具煎, 所以無燶邊, 有點少失望! 註: 能夠做到雞肉帶啫喱, 才夠滑! 要做到呢個效果, 雞肉要煮到剛剛熟, 然後即刻浸冰水, 再令膠原質凝固先會有啫喱架, 好巧功夫的!

新開時行過，見到好多人排隊，之後搵左日閒日夜晚8,9點，少人既時間就去左試食，呢到出名係海南雞飯，甘當然要試試，叫左個套餐有多樣小食，點知試完非常失望，d 雞一d 都唔滑，多骨少肉，個人認為海南雞個醬汁係非常緊要，雖然佢有3個醬汁選擇，但3個都唔好味☹️個湯就味道ok, 而個小食魚餅都係一般般，個味道麻麻。另外仲叫左個鮮蝦干撈麵套餐，都係失望😑首先明明落左扁麵，點知比左油麵我，算啦，諗住費時煩照食，但d 蝦唔鮮，好干身，個麵又無咩味，我諗成餐最好味係個南乳雞翼👍🏻好香既南乳味，但個雞翼肉質就麻麻。呢到最有特色我諗係d 野飲，叫左一杯熱斑蘭檸檬薏米水同熱羅漢果水，兩杯都幾好飲！