Bugis@叻沙・海南雞飯 (已結業)

全間餐廳用外賣餐具，賣相肉酸，味道無味。而且份量極少，我嗌咗個咖喱+串燒既餐。得2串串燒、一塊餅、一兜水狀既咖喱（裏面連一舊薯仔/蘿白都冇），小朋友食都唔會飽。咁樣收我$46🤬🤬🤬另外海南雞無味，而且只有一大pat薑蓉到晒落啲雞度（連分開個牒仔都冇）攪到成兜雞好油，雞又少得3-4舊，仲要超多皮好肥。咁樣收$48🤬🤬🤬呢間野永久black list。唔怪之得12點幾都冇人食。大家樂。大快活都好過佢一千倍。

星期六晚去食成間餐廳無人咁濟差啲以為唔做堂食以前嘅meun無哂變左得番5個固定嘅套餐兩份主食+嘢飲就算堂食都要比錢落單先全部都變即棄餐具上我食左海南雞配肉燥米線海南雞無咩味 亦唔夠送哂啲飯個肉燥米線就非常唔錯最後我食哂啲雞後淨低嘅白飯同啲肉燥撈埋嚟食以星期六晚市嚟講真係好靜唔知佢捱到幾耐

海南雞飯，雞都幾滑但味道淡，全靠醬汁調味，配白飯例湯，小食跟了南乳雞翼幾香幾好味。海鮮叻沙都幾多餸，樣樣有啲，湯底再濃些少更好，串燒豬好大件，凍桔仔水ok，羅漢果水味道就淡左啲。

今次同屋企試咗佢個$468四人餐份量充足食到我哋都好飽要欣賞下每樣菜式都係都差唔多既食材但都整到咁多款式😂😂😂1️⃣小食拼盤沙嗲雞肉串燒、煎魚餅、南乳雞翼、絲網蝦春卷一上碟熱辣辣既串燒惹味 略嫌沙嗲醬多咗少少絲網蝦春卷非常酥脆 而南乳雞翼亦好入味相比之下煎魚餅就有啲普通2️⃣半隻去骨海南雞基本上眼見每一台食客都有叫海南雞當然冇得同出面海南雞專門店相比啦 但個人認為都不過不失嘅3️⃣咖喱牛腩煲配油酥餅因為我唔食牛 所以形容唔到但望落牛腩個肉質都係腍既以佢嘅咖喱係偏向似喇沙嗰種咖喱薄薄酥脆既油酥餅 點埋一齊食好夾4️⃣肉骨茶飲落都幾有藥材味 入面肉小排已經煲到好腍一食就可以骨肉分離5️⃣鮮蝦雜菜粉絲煲佢啲粉絲有啲似米粉幾得意 不過就好難夾鮮蝦又真係冇雪藏味 而且肉質係有少少爽口6️⃣馬拉盞炒通菜應該真係落咗好多馬拉盞去炒 所以都算係幾惹味而且青綠得黎 又炒得幾爽脆7️⃣海鮮炆油麵海鮮都幾足料 仲有魚蛋添 哈哈佢勝在唔會好油 幾乾爽我哋食到呢度 基本上都好飽啦8️⃣芒果粒粒雪糕PancakePancake鬆軟 雪糕係雲呢拿味芒果可能因為而家唔係當造季節 所以就普通啦面頭加咗啲芒果醬做點綴但個人認為啲芒果醬嘅味道好人工化所以

喺下午茶時段去咗呢間喺天耀商場入面嘅星馬菜餐廳呢間嘅下午茶都係大約40至50蚊左右食到一個 份量啱啱好下午茶又唔會太飽又可以啱啱好填補到午餐同埋晚餐之間嘅肚餓 我叫咗一個喇沙侵侵 係油麵同埋米粉嘅結合 口感非常之特別 喇沙香濃有淡淡椰香味 唔會好辣湯頭非常之好飲 海鮮配料入面仲有蝦 帶子 牛丸 海鮮部分唔會煮得太老仲有大牙新鮮口感 牛丸有牛肉味同埋油香味亦都非常之彈牙 係天水圍少數值得推薦嘅星馬菜餐廳仲有其他下午茶選擇 有西多士同埋炸髀紅豆冰等等都非常之抵食

趣致裝修，大約有20張枱左右，光猛乾淨，4個人坐卡位，都鬆動C服。小小的水杯，印上懷舊的圖案，每枱有自己的水壺，添水不求人，方便！☕️ 暖暖的羅漢果水，潤喉，好飲。🥢 娘惹咖喱雞配椰漿飯，油酥餅 $84D咖喱有落椰槳煮，香滑，又唔係好辣。配埋油酥餅一齊食，最好食。份量都好足。🥢 海南雞撈麵 $72啲雞幾嫩，有清淡嘅雞味，都唔錯，鍾意重口味啲嘅朋友，配埋鹹菜，就啱啱好。配撈麵都幾創新。🥢 秘製豬手仔撈麵 $62 味道清淡，份量唔係好多。最啱細食，同埋鍾意食清淡嘢嘅朋友。🥢 印尼炒飯 （7月份食滿$100 ，七折）串燒味道很好，豬肉都好滑，加埋口口嘅有花生有香草味嘅汁好好食。如果有恒生卡，有優惠二人餐

近近地試下呢間 ，新咖波菜比較少食，見幾他款都係辣就叫左個咖哩冇咁辣，雞方面佢係似大舊既雞排，都唔太多肥膏，都係叫瘦肉既，咖哩就正常，薯仔硬身左少少，個飯有d椰香味幾特別，個蛋半熟都唔錯，d花生同魚仔就似即食零食，所以食少少，佢份量都幾多，價錢方面少貴，都可以接受

區內高質食肆不多，由其是食海南雞飯的。 呢間環境唔錯，坐得舒服企理，空間唔會好逼。 佢個海南雞飯價錢唔平，$72 連湯同野飲。海南雞份量適中，無骨，肉滑皮香，就算唔點醬都夠味夠香，加上酸菜爽口。醬有黑醬油，泰式酸辣汁，姜蓉，三隻醬都好味，但份量略嫌少。油飯份量比一般多，有油香，不過唔算濃。個湯反而麻麻地，因為有啲酸，唔覺得係冬瓜雞湯。論賣相，份量，味道整體質素都不錯，屬區內高質海南雞飯。依家外賣好似有8折，$62左右，相對抵啲。

午餐想坐得舒服d，路經見到呢個地方都幾闊落，就入去坐。餐牌嘅價錢有高有低，相差都算大。當中都有啲比較合理價錢嘅午餐，有大碗飯或者湯粉麵，今次食抗通漲大碗飯，大雞髀飯。出乎意料之外，原隻雞髀，好好味，唔會炸到好勁，味道剛剛好又熱辣辣，幾juicy，飯都夠大碗，可惜配菜就少咗啲，未算好健康但食哂成碗，實夠飽。佢既飲品選擇算多，薏米水，黑糖珍珠豆漿，呢啲比較特別嘅飲品都唔使加錢。尤其係個薏米水，味道好好，令人一再回味。黑糖珍珠豆漿就會偏甜，但係味道OK!

咁岩行過又唔洗等位環境都乾淨企理，又坐得闊落叫左個麻辣無骨海南雞飯$70同一個肉骨茶湯麵$60個價錢唔算好抵 但係上菜速度都好快岩岩叫完無耐好快就黎到 仲熱辣辣麻辣無骨海南雞飯少少失望，個麻辣醬有少少失望反而無原本唔辣個啲汁咁開胃加上個湯係冬瓜湯 唔同其他會比碗雞湯不過個雞油碗都幾香口，又夠乾身 唔錯肉骨茶湯麵首先個湯底，個人覺得比較淡 唔係好夠味個麵質就係油麵，都唔會太淋有咬口啲豬肉就比較淋！幾好，唔會好似擦膠咁咬唔開但整體來說就唔但太值

由於本人非常之鍾情於海南雞飯，有睇我食評都知道我試過唔同鋪嘅海南雞飯。而呢間係新加坡食品嘅餐廳，咁於是我去嘗試吓新加坡風味嘅海南雞飯。用餐方式：可供堂食 或 外賣自取。輪候時間：平時約5-10分鐘；食物方面：海南雞飯（$60)，味道尚可，份量一般。略嫌雞肉似乎煮得太熟。會同時提供薑蓉、醬油同埋酸辣醬， 三款俾你選擇。 一點就值得讚。👍價錢：以現時物價來講，午餐算係中規中矩，人均消費：60-80蚊左右。總括而言，尚可，只能算係中規中矩。 不過不失！

天耀商場裝修後同以前大有不同，乾淨了之餘，還多了很多新的商店！店舖位於商場的地庫的Bugis@喇沙•海南雞，地方很大，而且座位非常闊落！夜晚九點地到海南雞已經賣曬，本來覺得可惜，不過反而更有驚喜！自選一人行$92沙嗲雞肉串燒，沙嗲醬香濃帶點碎花生，很惹味👍今次點了肉骨茶，肉骨茶有三大件肉排，藥材味濃郁，好有吉隆坡味道！海鮮喇沙Tsum Tsum蝦肉魚蛋彈牙，豆卜亦吸曬咖喱椰香湯汁，米粉加油麵兩種口感加埋很特別，很快吃完一大碗！套餐免費特飲吉仔水，用上兩粒青吉仔，消暑一流！雖然主打海南雞，但偶然試吓其他都會有唔錯驚喜！😌

自上次在屯門吃過，bugis老爸點名指明要再吃的海南雞飯，為滿足他小小的心願，於是便帶他到家中附近的bugis 重温美食﹗餐廳同樣以藍色綠色為主，兩個人被安排坐在卡位上，坐得闊落又舒服﹗點了一人套餐-經典系列，$92 可選小食、主菜、配餐飲品，價錢好抵﹗上菜速度同樣算快，值得一讚﹗小食—新加坡香魚餅(2塊):魚餅小巧，表面煎得香脆，入口爽彈。主菜—海南雞飯:海南雞無骨，色澤鮮黃，肉質嫩滑，雞味濃。旁邊有酸菜醒胃，配上香噴噴油飯，一啖雞肉，一啖油飯，十分滿足﹗另外附上海南雞飯特有醬汁—甜醬、薑茸和辣椒醬，分外覺得開胃。 套餐連老火湯，夠晒滿足﹗+$42 馬拉盞炒通菜:上枱時用熱石鍋上，由於熱石鍋溫度高，所以可以聽到通菜在鍋面吱吱作響，亦令到馬拉盞香味不斷湧出！通菜嫰綠，咸香惹味，用來送飯一流 香茅牛肉飯配湯 $49:香茅牛肉入味，加上少許配菜，送飯一流﹗原隻棒棒脆蝦(4隻)$38:棒棒脆蝦香脆可口，點上少許酸辣醬，風味更佳﹗凍羅漢果水:清熱解毒，羅漢果味足，不會很甜﹗凍生薑龍眼茶:杯底有多粒龍眼肉，生薑微微帶辣，真材實料﹗令人欣賞的是，這間屋邨商場分店有套餐可以配搭，更為抵食﹗

今日去左搵朋友 朋友住天耀 黎到先知成個商場翻新左 靚左好多 開左好多新餐廳 我地落左去行行下見到有間食新加坡菜 係門口已經吸引我了裝修簡約 餐廳夠大又闊落 新加坡無骨海南雞飯雞肉嫩滑 雞油飯香 再配上三款醬汁 老火湯沒有味精 好飲👍🏻叫左粉紅救冰 好濃士多啤梨味 沙冰細滑 正👍🏻👍🏻😋炸雞髀加雪糕新鮮炸起熱辣辣大雞脾肉嫩多汁 個皮炸到脆卜卜再配埋雲呢拿雪糕🍦大滿足沙嗲雞肉串燒每串雞都沾滿濃濃既沙嗲醬 香味十足 很惹味😋食唔停口米紙脆春卷熱辣辣 香脆可口

之前同家人一起去天水圍探望年老的親友，所以我間中都會到天水圍區，自從上次去過天耀邨叻沙吃完，對這間新加坡餐廳印象較深刻，所以今次我們再來品嚐這新加坡美食。一入到餐廳已感到充滿新加坡風情，牆上裝飾別緻，帶有層次感，設計時尚有特色，地方寬闊，環境整潔，舒服寫意。我們是下午來到，這𥚃餐牌除了有午餐外，還有茶餐和單點，菜式包括海南雞飯、椰漿飯、肉骨茶、摻摻、湯麵、炒飯、撈麵、小食和特飲等，款式種類多，確實很不錯。迷你海鮮叻沙摻摻    $46這個雖然是迷你版，但份量亦不少，材料很豐富，包括蝦、青口、白魚蛋、豆卜、芽菜、蝦皮、油麵、米粉、香葉等，食材新鮮，爽口彈牙，加上濃濃的叻沙湯底，很好吃！新加坡無骨海南雞飯    $68海南雞飯賣相吸引，套餐包括無骨海南雞、油飯、老火湯和醬油，滿滿的海南雞，肉質鮮嫩，不乾身，啖啖雞肉香，完全沒有骨，方便進食，沾上三款的醬汁，更惹味可口，還有爽脆的咸酸菜和炸花生，越吃越起勁  ;  再配合特別香的油飯，眨眼間已被我吃光了！老火湯散發陣陣香氣，清甜美味，這份無骨海南雞套餐實在太美味了，真的是必食！套餐 + $30 的馬拉盞炒通菜，這個是用熱石碢盛載食物，就算隔了