鴨大哥 (太古坊)

今日同咗兩老去太古坊食北京菜，裝修典雅清幽，仲有啲鴨仔擺設，仲有梳化座位，坐響度食嘢好舒服。北京烤鴨：烤鴨的皮烤得金黃酥脆，外層的油脂完美融合響肉質的內部，使得每一口都帶有濃郁的鴨香。鴨肉的質地十分嫩滑，入口即化。烤鴨切成薄片，再搭配蔥絲、黃瓜和甜面醬，使得每一口都充滿豐富的口感和層次。桂花雪梨脆鱔球：鱔魚的肉質鮮嫩，口感十分細膩。鱔魚外層裹上了一層酥脆的麵粉，每一口都帶有滿滿的口感。桂花雪梨的香氣和甜度與鱔魚的鮮味相得益彰，營造出一種獨特的美味組合。咖喱脆牛腩：牛腩外層金黃酥脆，內層肉質極為軟嫩，入口即化。牛腩上加入咖喱醬汁非常香濃，帶有一定的辣度和豐富的香料味道，給這道菜增添了一抹獨特的風味。…查看更多

餐廳位於大廈二樓，空間十足，坐位舒適，很適合一家老小和商業飯局來吃。茶杯和餐廳內的掛畫有鴨大哥的圖案，高級裝潢加上穿著西裝的鴨大哥一身帥氣造型，相映成趣，所以很期待食物的味道呢！茶我們點了比較特別的人參烏龍茶，而茶壺是反光的金色金屬器皿，很搶眼呢～另外職員服務也很好，常常留意我們的需要。♡北京烤鴨$308(半隻)餅皮有爐烘着，可以保持温度，暖暖的包着饀料吃。鴨味很濃郁，帶有鴨油脂香味，除了一貫的青瓜、京葱、傳統片皮鴨醬外，還多了片糖和麻醬，可以嚐到更多味道的配搭。♡咖哩脆皮牛腩$198 🥢必點🥢很創新的菜式呢～把平日感覺比較普通的牛腩做成脆皮，外皮香脆，肉質軟腍，提升了口感。而咖哩味道易入口，帶微微的辣，配飯吃一流啊！♡桂花雪梨脆鱔球$280 🥢必點🥢造型十分精緻的菜式，清香的桂花配搭生津的雪梨，桂花味道加上雪梨的汁液，這個新鮮配搭非常相襯。加上鱔外皮香脆，無骨啖啖肉，整件鱔都掛上桂花雪梨醬汁，同樣很好下飯啊！✔️餐廳設加一服務費…查看更多

片皮鴨係我其中一樣最鐘意食嘅中菜🦆最近試咗太古坊嘅鴨大哥，都不錯推一個🤓🌟原隻片皮鴨🦆 $590原隻夠4-6個人食了，鴨皮好脆，豐富油脂香又唔會太過肥膩，鴨肉唔鞋。餅皮好細心地用蠟燭同熱水keep warm，煙煙韌韌。醬料有黑糖，可以就咁點皮食，係正宗嘅食法，仲有芝麻醬，不過我都係鍾意甜醬多啲😬🌟雲南黑土豬叉燒 $228叉燒有被驚艷到，豬肉超腍，但係唔係肥豬肉個隻腍，上枱時係熱辣辣的，配埋甜甜哋嘅叉燒醬，算係我食過最好食嘅叉燒🐷🌟梅子荔芋鴨煲 $208餸飯一流嘅鴨煲，梅子醬酸酸甜甜，芋頭煮到好腍，入口綿密，鴨肉好大舊🦆麥香黃金蝦 $208係邪惡嘅鹹蛋黃蝦球，蝦好新鮮彈牙，下面有舊紅肉火龍果解膩🦐桂花雪梨脆蟮球 $280炸過嘅蟮球配上桂花雪梨醬，酸酸甜甜，幾特別🐟餐廳環境同服務都好好，食物又高質，仲有人蔘烏龍茶飲，想食片皮鴨嘅可try😗🦆💖…查看更多

大佬你一句得咖啦，做兄弟既野，兩脇插刀！唔洗講野，你要我上刀山落油鍋，小弟在所不辭。不過去之前不妨試試由米芝蓮星級名廚「廚魔」梁經倫，打造既星級粵菜食「Forbidden Duck」，佢地既烤鴨咁聞名，我就知道絕對唔簡單。👇🏻📌廚 師 推 介 - ▪️ 雲 南 黑 土 豬 叉 燒 - ▫️ 先黎個「雲南黑土豬叉燒」，叉燒用上最頂級既黑土豬，絕對係終極半肥瘦！肥得黎又唔會柴皮，口感肉嫩鬆化，邊邊位又有d焦脆感，加上叉燒醬做到balance，蜜香味夠突出但唔會太鹹，所有野都係做到恰到好處，真係我食過既最滿意既叉燒，送飯一流！▪️ 北 京 烤 鴨 - ▫️ 我最期待既「北京烤鴨」終於出現了，先講鴨皮，佢顏色通透夠哂油亮，而且外層酥脆內嫩，皮肉之間既脂肪比例岩岩好，入口唔會太肥膩，而且保留到juicy，唔會好乾；而連同蔥段、青瓜、烤鴨汁或者麻醬再放係熱辣辣，透薄得黎又有彈性既薄餅之內，一啖過相當滿足呀！▪️ 桂 花 雪 梨 脆 鱔 球 - ▫️ 呢個「桂花雪梨脆鱔球」認真有諗頭，首先鱔球SIZE夠厚身，口感肥美，鱔球預先已經去左骨，啖啖肉唔洗擔心啃到骨，呢點抵讚；而面頭掛上用雪梨整成既既糖脆醬，份外香甜；旁邊仲有D梨肉伴碟，整體賣相相當靚仔，值得推介。…查看更多

今日去左鰂魚涌試下新開張嘅鴨大哥 場內坐位適合朋友聚餐傾計 黎到鴨大哥要叫下佢啲招牌菜食🤤🥢北京烤鴨半隻烤鴨皮好脆 有鴨油香 份量都唔少麼麼皮有蠟燭座熱住 每塊都暖粒粒仲有甜醬、酸梅醬、紅糖、青瓜、京蔥比我地自己配搭黎食😋🥢荔枝山楂咕嚕肉咕嚕肉賣相晶凝通透 有拉絲感 外皮食落仲好脆 半肥瘦豬肉質好軟腍 個汁酸酸甜甜咁 好開胃🥢海鮮鴨湯泡飯泡飯熱砂鍋上 好大鍋湯底清甜 用料好豐富 有好多鴨肉絲、蝦粒、帶子粒最喜歡加埋佢個脆米粒一齊食 增加左口感仲有小小焦香味!…查看更多

米芝蓮三星名廚開設主打原隻烤鴨的粵菜館進駐公司附近，下班後特意到訪餐廳環境非常寬躺舒適，適合跟家人朋友一邊暢談一邊吃飯摩登裝潢以綠色作為基調，帶清新格調，服務親切設有不同大小的私人房間，讓賓客享有安靜私密的用餐空間是日燉湯為螺頭花膠雞腳，香濃鮮甜又足料廚師推介燒味雲南黑土豬叉燒肉質軟嫩多汁，邊角稍稍有微焦，香味四溢北京烤鴨鴨皮酥脆，厚切的鴨肉軟腍，鴨味濃郁羶香海鮮鴨湯泡飯內有大量蝦仁及鴨肉絲，微濕的飯粒吸收了鴨湯，每口盡是甜美智利中央山谷紅酒Santa Carolina, Cabernet Sauvignon赤霞珠具有濃郁的黑櫻桃和李子乾香氣…查看更多

小妹忙於湊仔，好耐無寫食評喇🙈不過今晚去完試業中的鴨大哥，真心覺得值得一寫，當中有讚亦有希望改善的地方，總括來說都係抵食同精緻😊椒鹽豆腐炸漿唔厚，豆腐十分嫩滑，灑上小許椒鹽在上面，惹味又不油膩椒鹽雞軟骨香口美味，雞軟骨爽口以上兩款在等朋友到來做前菜，邊食邊傾邊等，一口接一口😋北京烤鴨有名叫鴨大哥，當然要試試招牌菜肉質嫩滑，鴨味香濃，皮薄香脆，最緊要無多餘的肥膏，食多啲都唔會有好「漏」的飽滯感覺，份量亦足夠唔洗搶食😆另外最欣賞有小火爐暖住餅皮，餅皮份量亦比外面的食肆多，唔會食到一半就唔夠包或凍曬，配菜有大蔥絲、青瓜、同兩款烤鴨醬，最為特別係有黑糖，感覺特別，有多款不同配搭及美味層次。希望改善位：配菜的大蔥絲、青瓜略嫌份量不夠，加返份量就更滿足😌另外小建議：黑糖可以改成爆炸糖，層次口感提升外，感覺比黑糖更特別及賣點更吸引。叉燒肉質結實口感好，略嫌玫瑰露重手左小小，搶左其他調味料的味道麥香黃金蝦咸蛋黃配上粟米片的黃金配搭，蝦肉新鮮彈牙，有紅肉火龍果鋪底，有幫助清新返味蕾，平衡返濃味的感覺，呢個菜式真心必食推介，無可挑剔😋荔枝山楂咕嚕肉咕嚕肉外脆內嫩，火喉岩岩好，配上山楂汁比外面食到的更開胃，欣賞將呢個餸既定既生果由菠蘿改成荔枝，感覺有新鮮感。希望改善位：將罐頭荔枝轉為新鮮荔枝，罐頭荔枝口感較實及帶糖水味，影響了這道餸的口感；新鮮荔枝口感較好會生色不少。另外小建議：荔枝未必一年四季都當造，可以改為時果，以當造的生果入饌，因時制宜🍊🍋🍓🍑🍈桂花雪梨脆蟮球擺盤精緻，一上檯令人眼前一亮，平時唔影食物既朋友都忍不住要一齊相機食先，打卡一流。不得不提配菜的啤梨，醃得好好味，可見廚師的用心💛希望改善位：蟮的泥味情況有點重，可能本人對泥味好敏感🙈可以改善到呢兩點就完美了！另外小建議：蟮球好真材實料，切得比較厚身，咬落去有小小困難，如果可以一開二就更好，可以食得舒服啲😉海鮮鴨湯泡飯今餐最滿意最有驚喜的一個菜式，砂煲上夠風味，海鮮同火鴨都超多，勁足料，湯底鴨香濃郁，加上配埋脆米，有畫龍點睛之效，令整個飯比人感覺唔止湯飯咁簡單，立即升LV，令人回味無窮。楊枝甘露 & 桂花糕甜品時間🥰原先食曬之前的餸菜，已剛剛好，見甜品的名字跟出面都一樣，以為無咩特色，好彩朋友堅持要飯後甜一甜，上檯時又係有驚喜…楊枝甘露—比外面的更濃稠，柚子無落澀味，配上新鮮芒果，令人一啖接一啖，超級美味！桂花糕—諗住都應該同外面買到既咁上下，估唔到用上又大又肥美的杞子，糕體亦好足料，唔會一拮就散曬，甜度適中，為晚餐畫上完美句號😍建議改善：名字太普通，如果起一個較有特色的菜名，應該會更吸引到客人想order😊燈光柔和舒適，檯與檯之間唔太密，亦有房間，傾計好舒服，私隱度高，圖中係今晚走既時候見到好靚既廂房。我老細好滿意🤭🤭🤭全餐飯都食得好開懷😚…查看更多