至尊滿屋日本料理

與朋友食飯的不二選擇✌——————————最近準備考試，心情有點兒煩躁，便相約一名前同事一齊食放題吹水，食好野紓解下壓力先😂——————————🔹刺身壽司刺身種類很多，非常新鮮，而本人較愛帶子及翡翠螺，因為很鮮甜！壽司方面，不是太大舊，所以可以吃很多，本人最愛「白松露中拖羅壽司」，肥美及松露香味真的令人回味無窮😋🔸燒物燒物燒得很有水準，不會太老而流失水份，芝麻雞翼係我的至愛，香脆的雞皮和嫩滑的雞肉，讚👍🔹天婦羅炸皮不會太厚，質素還可以~ 蝦是我的最愛，鮮甜😘🔸日式牛乳廣島蠔鍋日式牛乳廣島蠔鍋的湯底帶甜，蠔不會有臭味，而且裏面有很多菜，很健康！以放題來說，食物種類算多，而且外面還有水果、飲品、甜品等，吸引而多元化👍…查看更多

就快到聖誕節，約了朋友一起吃聖誕節大餐因為晚餐時間樓下排隊上去都需要一些時間。起OpenRice 訂左位既關係，好快就有位置入去食。位置上大概舒服$230/位食2小時，價錢都好抵。裡面食既餐點都係刺身，壽司，手卷，炸物，熟食等等。由於無垃圾裝杯所以食完既野都要放翻食緊既碟裡面，有點覺得糟最好笑既係，每張餐單都有寫明隻/碟數但職員要求餐單要寫人數。食物方面都算美味，無諗過以依個價錢食到有質素既食物大力推薦，要食限定雪糕，柚子味真的好少有。味道滿意今次的聚餐餐廳，下次也會再來…查看更多

拍檔因身體問題，決意離職，的確令我有點傷心，但知她好不容易才下此決定，作為同事兼好友，當然支持，就在臨別一天，一起吃放題Farewell。餐店地方很大，設有多張二至六人枱，亦有多排闊落的卡座，還有獨立房間，可讓大夥兒熱鬧一番。晚巿放題由5:00pm-11:00pm，星期一至日7:30pm前離座成人收費為($178+10%)；8:45pm後入座成人收費為($188+10%)，而星期一至四自選2小時成人收費為($208+10%)；星期五六日、公眾假期及前夕自選2小時成人收費為($228+10%)。我地揀了6:00-8:00pm ($208+10%)，任飲任食2小時。每枱都放了兩本厚厚的點菜紙，客人填好遞交便可，最傳統的方法。分別有刺身、壽司、卷物、火焰壽司、天婦羅、炸物、沙律、串燒、一品料理、和風料理、季節料理、炭燒、軍艦、手卷、小食和飲品。除甜品和飲品外，並沒有設其他食品自助區，客人可安安樂樂坐在等服務員送上食品。******************************自助區放有一個巨大兼放了極多款式的飲品凍櫃，旁邊就有熱茶水、梅酒和清酒，中間還有一個甜品櫃。我先要樽梅酒，淡淡梅味，而酒味也可，不會太甜，算很易入口。******************************我倆都是刺身迷，第一輪先點五款，每款四件，分別有三文魚、油甘魚、大赤蝦、北海道帶子和鮑魚片。友人最喜歡是厚切的三文魚，色澤亮麗，油脂分佈平均，肉質柔軟肥美，而我最喜歡是色澤亮麗的油甘魚，亦很肥美鮮味，肉質稍稍爽口，不錯!；至於大赤蝦的確挺有份量，肉質黏爽，味道鮮甜。******************************雖然壽司是飽肚之物，但見多款壽司配搭特別且有創意，所以一口氣點了多款。選了壽司和火炙壽司共五款，有白松露中拖羅壽司、柚子油甘魚壽司、咖喱鹽燒左口魚邊火炙壽司、醬燒三文魚火炙壽司和千島醬燒帝皇蟹棒火炙壽司。最愛是白松露中拖羅壽司，色澤粉紅亮麗，油脂如雪花般分佈在整件魚肉中， 肉質柔軟， 鮮香油潤，質素不俗，真的估不到可任點，當然必要encore。醬燒三文魚火炙壽司也不錯，不止迫出三文魚的魚油，再加埋沙律醬，更添美味，同樣要再encore。還有千島醬燒帝皇蟹棒火炙壽司，蟹棒柔軟嫩口，伴上鹹香的半溶芝士，味道美味。柚子油甘魚壽司也討我喜歡，油甘魚肥美油潤，配些辣辣地的柚子辣醬，好特別!另外還點了四款卷物，厲害嗎? 有燒芝士三文魚腩卷、意大利黑醋芝士鰻魚卷、烈火拖羅加州卷和香芒龍蝦沙律卷。四款size都岩岩好，唔會太大件令人吃得飽滯，讚! 很喜歡意大利黑醋芝士鰻魚卷，肥美柔軟的鰻魚配上鹹香的芝士和脆卜卜的蟹籽，壽司飯捲着青瓜、蟹柳和玉子，配搭豐富。香芒龍蝦沙律卷也吸引，芒果香甜柔軟配上脆卜卜的蟹籽，壽司飯捲着彈牙的龍蝦沙律，很匹配! ******************************再選了兩款清新的沙律，包括爽口入味的中華沙律、清甜滑溜的至尊蘆薈沙律伴些清爽的雜沙律菜，淋上甘香的胡麻醬，配搭美味。******************************亦在一品料理中選了兩款，有馬拉盞炒芥蘭苗和鐵板雪花牛柳粒。芥蘭苗翠綠爽口，好夠鑊氣，且烹調入味，味道鹹香惹味，好吃! 鐵板雪花牛柳粒也好吃，肉質夾雜少量肥膏，腍嫩兼甘香肥美，牛味香濃。******************************點了三款季節料理，先來蒲燒三文魚腩和西京比目魚。前者燒得甘香肉嫩，魚腩相當肥美油潤，味道鹹鮮有至，絕對是encore之選。西京比目魚雖沒有三文魚腩咁肥美滑溜，但烹調入味，味道甜甜地，也不錯!花膠是女人的恩物，絕不能錯過，一人一客吉品鮑汁燴花膠盛宴。嘩! 大大件花膠滑嘟嘟兼富有膠質,，絕不欺場，還配了清爽的蔬菜、爽滑的花菇，眾食材都烹調入味，有如此質素， 還可挑剔嗎?******************************只在炭燒系列選了一款，就是鹽燒鯖花魚，底面同樣燒得金黃，賣相幾靚仔。燒弄的時間掌握得剛好，並不乾身，魚皮還有些香脆，味道稍稍鹹香。******************************最後當然不少得甜品，雖然甜品櫃有多款啲啲骰骰的甜品，但我倆都差不多八成飽，只好留肚吃雪糕。每位客人可挑選一款，分別有Haagen-Dazs和MÕVENPICK各兩款口味，還有一款Dreyer's口味。友人選了Haagen-Dazs季節限定的藍莓味，而我就揀了MÕVENPICK士多啤梨味一起共享。MÕVENPICK雪糕的確每次吃它也令人吃得滿足，細膩幼滑的雪糕中佈滿士多啤梨粒，酸酸甜甜；Haagen-Dazs藍莓味就一般，果肉不多，味道甜了少少。---------------------------今晚Farewell 放題夜大家邊傾邊食，除了離不開公事外，還講了很多在公司不能談的私事，竟然在臨別之際，彼此了解更深入，哈!…查看更多

我發現食放題既慾望係真係唔會停🤣今次黎到旺角，第一次食呢間至尊滿屋！一黎緊係嗌返個海膽手卷先！海膽好甜又creamy，我覺得滿屋系列既海膽手卷都唔會差得去邊😀每次都一個接一個咁食，好正！！跟住就嗌返啲壽司食下！帆立貝壽司好鮮味，再配埋佢上面酸酸地既汁，好開胃！燒左口魚邊壽司都係一如既往既肥美、充滿油香，加埋啲蔥又係好清爽！最有驚喜係黑松露拖羅壽司，拖羅好有油脂香同好軟身，加埋上面啲黑松露醬，好似呼吸入面都有黑松露咁！放題冇乜可能唔嗌既刺身🤤最有驚喜係個貝類，好大片又超爽口！仲有翡翠螺，螺肉好爽口又好甜😙好食！鰻魚壽司係我食太多生野後會點黎暖下個口既野😁鰻魚好軟有醬香，食太多魚生食返啲暖野會令戰鬥力大升！呢個壽司非常有趣，我冇乜點食過千島醬+三文魚既配搭😂但都幾好食的😆燒菠蘿超級超級甜！燒得好足好好食！牛舌好淋又大片又厚，必點啊！每次食完放題就會諗食下一次放題😂你話我舖放題癮點甩🤣🤣…查看更多

間唔中須要獎勵下自己，最好的辦法就是通過食好的。所以，今天我就和另一半去放肆一下，決定去食一餐放題。食放題方便之處再於不用選擇，可以每款叫一點，可以一次過吃很多很多美食。今次就選擇了這間位於旺角瓊華中心的放題，7點半左右入座，價錢相對較其他的值。我們上到去後，只見至尊滿屋裡面人頭湧湧，幸好我們有訂座，可以馬上入座。放題除了食物吸引之外，看點餐紙亦是非常與奮。我們首先將所有點餐紙撕一張，再慢慢選擇。為免整桌都是食物，我們都是分了2-3輪遞紙，方便自己。我的個人技巧為1. 刺身及壽司; 2. 炸物及小食; 3. 熱食類。由於我們點了不同款式，我就精簡地選出必食的5款供大家參考:◯ 1. 刺身刺身類較為特別的，我會推薦帶子。一來不是間間放題都有，二來帶子吃落感覺新鮮，而且味道十足，值得不斷encore。其次就是大赤蝦，原條大赤蝦啖啖肉，比起甜蝦口感更為滿足。◯ 2. 壽司繼刺身後，下一樣要推介的就當然是壽司。壽司類別眾多，我個人認為白松露中拖羅壽司是最好吃的。原因是拖羅非常肥美，咀嚼時拖羅的鮮味完全爆發出來，加上松露的獨特味道，是所有壽司中最為出色。◯ 3. 榴槤炸彈這顆炸彈彈藥非常充足，內裡的榴彈醬一咬落去就自動流出來，餡多且味道相當之濃，並沒有偷工減料。我見到隔壁桌一人吃了三顆，喜歡榴槤的不妨一試。◯ 4. 鹽燒牛舌熟食的話，至尊滿屋的燒牛舌在放題之中算是名列前芽。鹽燒牛舌並沒有過強羶味，而且切得恰到好處，火爐亦控制得非常好，哎落不會太韌。我自己就吃了兩串，熟食的話，必推鹽燒牛舌。◯ 5.  西京比目魚比較可惜的是，這裡沒有鰻魚供應，但比我找到一個替代品就是西京比目魚。 比目魚是乾煎的煮法，所以吃落非常香口而且富有魚膠感。其實味道真是不錯，但略嫌比目魚太多油，如果可以乾身一點就會更好。飲品及甜品均是自助形式，而雪糕就是每人一杯。我們選擇了Häagen-Dazs的季節限定，是焦糖脆脆，頂級好食! 建議大家如果遇到的話就一定要選。至尊滿屋的放題性價比超值，平日7點半入座都是$218，難怪人頭湧湧啦。其他食物如下:…查看更多

今次同朋友嚟到呢間至尊滿屋日式放題，咁其實係個朋友介紹話呢間好好食嘅。咁佢個內在環境呢就係一啲好典型嘅放題餐廳啦，入邊都乾淨企理啲員工呢個招呼都好好㗎，啲嘢食上菜又好快，食完野嗰啲碗碟呢都好快會同你收返。一坐低佢呢就會送上一盤刺身啦，入邊包羅萬有，有三文魚啦，吞拿魚，希靈魚，螺，八爪魚，螺片，甜蝦，油甘魚等。咁佢啲刺身好新鮮，尤其是係啲蝦啦，真係好鮮甜，又爽口。三文魚腩，都切得好厚，好肥美，好鮮甜。油甘魚，食落去有陣甘香，d油脂係口中開始溶化，咬落去，陣油香爆發出黎，真係好正。壽司呢我哋就食得比較少，都係一啲火炙類型嘅壽司，咁呢度有鰻魚壽司啦，和牛壽司啦，火灸三文魚同黑蒜油帶子壽司。我自己就覺得，佢個黑蒜油帶子壽司做得非常之出色，帶子同埋黑蒜油個味道好夾啦，已將舊壽司擺落口嗰陣時，濃濃黑蒜油嘅香味，會係口中湧出黎，再加埋本身帶子嘅口感，兩樣嘢相得益彰， 係一個非常之好嘅配合。咁鰻魚壽司都做得好好，舊鰻魚好鮮甜好食。呢個串燒豬肉，真係不得了呀，好好食！佢塊豬肉切得薄薄地，笑得好香脆，上面佢再灑啲孜然粉，豬肉啲油香同埋孜然粉嘅香味配搭得非常之好，不停咁衝擊啲味蕾，真係好正！呢個係燒牛舌，咁佢灑有啲黑椒，呢個燒牛舌呢佢就唔會燒得太乾，個口感都軟軟地，用黑椒黎帶一帶牛舌ge鮮味，真係好match!蒜香一口牛，佢都係用炸蒜，黑椒去調味，嗰啲牛肉呢煮得啱啱好，唔會overcook搞到好韌，炸蒜片好香好脆，黑椒調味做得啱啱好，唔會搶晒牛肉本身嘅味道。呢個花膠，我真係完全估唔到會係日式放題店度出現，更加估唔到嘅事係，又真係好好食，膠質豐富，啲花膠好鬼大嚿，又好稔，個汁濃得黎，唔會好鹹，非常好👍🏻炸蝦天婦羅，入邊個蝦好爽口彈牙。講下啲飲品啦，佢有三款特飲，咁呢每款特飲都可以配唔同椰果。甜品，佢有幾款俾你揀，有movenpick, haagen-dazs同另一隻gelato，我就揀咗季節限定嘅haagen-dazs. 今期就係Tiramisu Mochi, 入面有粒Mochi, 好特別。總括來講，呢間至尊滿屋日本料理，食物質素相當高，服務態度又好好，絕對值得推介👍🏻…查看更多

又同肥仔食放題，今次揀左中午時分黎食，廢事同佢夜晚食愈黎愈肥環境收費自助區無睇錯，係有樽sake 同埋係任飲唔嬲！仲有飲品同甜品任拎。冷盤一口昆布冷麵：好清涼既一碟，分量適中。泰式鳳爪：當然係無骨，我就覺得可以再辣啲。味付螺肉：次次食放題都會叫，過下口癮。刺身鯛魚柳刺身：比較淡味既魚類，有別三文魚同吞拿魚呢啲魚油咁重既刺身，清清地做開胃刺身。鮑魚片刺身：似平時係出面食果啲素鮑片，都爽口。大赤蝦刺身：呢個夠鮮甜都夠大隻，食左好幾隻。壽司芝士鰻魚卷：鰻魚向來都好食，加上芝士更加惹味。芝士軟殼蟹卷：唔好睇佢啲軟殼蟹肉細細地，但你都會食到佢既口感。香芒龍蝦沙律卷：好清新，不過芒果味太突出，龍蝦唔係好食得出。牛油帶子壽司：食落去牛油味重，有啲蓋過左帶子應有既鮮味。蟹柳壽司：正常蟹柳壽司味道，所以可試可不試。瀨尿蝦壽司：呢個係日本餐廳真係好少見，不過口感較韌，味道淡。象拔蚌壽司：睇落去顏色暗啞，食落去同樣淡口。熱食鹽燒雞翼：睇落去平平無奇既雞翼竟然有驚喜，食落去唔會得個咸字，擠啲檸檬汁食落去會有日本居酒屋既味道。燒菠蘿：兩塊菠蘿都好厚身，鮮甜。豉椒汁炒花甲：估唔到呢碟除左上碟除左上菜溫度竟然有大排擋既味道！燒海蝦：圖片可見，都比較燶身，蝦肉都算嫩身。咖喱炒蟹：分量得一隻，咖哩汁稍微咸左少少，不過好細心已經扑碎左先上碟，值得一讚。鐵板雪花牛柳粒：調味適中，唔會太咸太淡，所以同肥仔叫左一人一碟。甜品可以係甜品區到拎，另外每人包一杯雪糕，係食到咁上下店員會每人派一張甜品紙，我就揀左Movenpick既士多啤梨味，另外係甜品局拎左個芒果布甸試，不過非常一般，冇乜芒果味，食落好似食普通布甸咁。中午食咁多野其實都有幾邪惡，不過平啲，食物又同夜晚一樣，放假同肥仔黎食下午放題都幾好。…查看更多

一係唔食，一食就一個星期食兩次放題，不過今日就揀左中午時分黎食，感覺上冇咁肥咁，起碼唔係食完就返屋企訓覺，今次就揀左位於旺角既「至尊滿屋日本料理」。餐廳環境位於瓊華中心，相信大家都唔陌生，地理位置方便，餐廳唔算好大，但坐位夠寬敞坐得舒服，中午時段生意都唔錯。收費我係食中午時段星期一至日都係 $208+10%，而其他時段價錢大家可以睇下以上張圖，晚市都抵食，每人有$30折扣優惠。餐牌有A-M即13張紙可任點，A-E係冷盤即壽司、刺身類，而F-M就係熱食、串燒、炸物類。相比下，呢間既熱食種類比冷盤多好多，仲有特色飲品。 沙律試左個至尊蘆薈沙律，食放題都唔多叫沙律又或者叫啲好Basic好普通既沙律，見到配蘆薈幾得意就叫左個試下，本身都驚會「中伏」，不過唔會，蘆薈幾甜，配芝麻醬都ok。仲有試左個湖北川辣牛舌都係屬於沙律，少少辣咁，醃得幾入味同夠爽脆，值得一試。刺身當然係例牌先食刺身，試左三文魚、油甘魚、北海道螺刺身、帶子、大赤蝦，刺身都係放題應有水準，新鮮同夠凍，三文魚同油甘魚都頗厚身肥美，當中最中意係大赤蝦，真係夠哂大隻，而入口肉質唔會霉仲彈牙鮮甜，Encore左幾次。壽司試左幾款，分別：至尊三文魚腩壽司、赤貝壽司、醬油漬吞拿魚壽司、黑松露油甘魚壽司、明太子沙律醬燒三文魚壽司、火灸和風牛肉。推介明太子沙律醬燒三文魚壽司同埋火灸和風牛肉，前者有做到入口即化，後者有啲似肥牛咁，壽司類質素平均，唔洗驚有啲會唔好食。炸物及其他熱食炸天婦羅、醬汁燒年糕、炒有機雜菜、燒紐西蘭香草羊鞍、北海道焗廣蠔、辣酒煮大蜆、避風塘炒牛舌等等。當中我好中意醬汁燒年糕，最面層加左煉奶、有紫菜，入面就煙煙韌韌；北海道焗廣蠔用上芝士，好香口；避風塘炒牛舌都唔錯，肉質幾嫰滑；相對上羊鞍同蜆就比較遜色，前者骨比較多，肉質麻麻，羶味唔夠，後者既辣係辣酒加水，味道一般。自助區呢到都有自助區，自助區係主要供應飲品同埋甜品，選擇唔算太多，但有一個好驚喜既地方，就係有清酒飲！仲要係成枝放左出黎任你斟，同埋係挫住暖身既Sake，中意飲Sake既應該會岩你。甜品呢到既甜品會包一杯品牌雪榚，有Haagen-Dazs同Movenpick揀，仲有一款榴槤味雪榚，當中既Haagen-Dazs仲有季節限定味，要問店員會提供咩口味。是日光顧係提供焦糖脆餅，岩哂我口味！而出面拎既甜品有幾款，試左泡芙、芝士蛋榚、焦糖布甸、Tart、朱古力椰絲蛋榚，甜品水準就一般般，係泡芙夠凍入面有cream可以食多幾粒。午市同晚市食物一樣，價錢再平多少少，每人$230左右，以午市價錢而言唔算特別平，因為佢晚市都做緊優惠，不過佢中午同晚上食物一樣既時候，有時又唔想晚上食得咁heavy就可以揀中午黎幫襯，食完行返一日街消耗返。…查看更多

今日同朋友慶祝生日，來至尊滿屋食放提。地方寬敞，好多卡位坐，坐得舒服😌食物選擇好多，但因相片數目有上限，只能同大家分享部分美食首先出場是牛舌，落了椒鹽同檸檬汁，超開胃又好他吃，比我想像中好食。咖啡蟹好大件，份量多，蟹肉都多，驚喜放提有得食，其他地方食放提很少有。牛肉鍋用料十足，牛肉很滑，湯底是超濃郁的甜豉油，熱食好好味另一個海鮮鍋更合我口味，因為湯比較清甜，食材豐富，蔬菜都比較多點講到食放提的靈魂必然是刺身系列！全部食材很新鮮，特別是甜蝦我們叫了兩回，甜蝦很大隻接著是一連串的烤食，烤得很好食，特別是芝麻雞奕！外脆內滑，功夫很厲害，我忍不住叫了三回吃烤物是高水準還有三文魚腩壽司也是超讚的入口即溶，味道不肥脷，是貴價品質，很值得點叫最後甜品點了Häagen-Dazs 雪糕，期間限定味道焦糖，還有榴槤味，好特別其實還有其他甜品及飲品選擇，不過肚子空間有限，已經食到滿足…查看更多

喺Openrice買咗優惠券148晚食足五小時，到場另外加98蚊現金，嗰晚點咗好多嘢食刺身質素好高，另外，熟食都好好食， 選擇唔算多普普通通咁啦 。但我好多人點蟹粥，同埋蟹膏煲仔飯睇嚟都幾好食，但因為太飽喇，我自己就無食。飲品，最特別就係有清酒任飲個機器會自動幫啲清加熱酒，都幾好飲， 有啲食客唔識得用嗰部機，啲waiter都好有禮貌，慢慢教點樣用部機。仲有個汽水櫃，有啤酒汽水嗰啲之外，仲有相紙上面點嘅特別飲品。我見到隔離枱都叫左幾Round 特飲，睇黎應該都唔錯。另外，仲有個甜品櫃，可以自己攞甜品。服務態度都好好，好有禮貌，收碟碟都收得好快，除左一個啱啱新嚟嘅trainee好似有啲唔知自己做緊乜之外，（ 有碟炒蜆啱啱放落枱，個trainee就即刻想拎走以為已經食完）其他人都好快，好有禮貌同好醒目。當日雖然係星期四，但係全場都滿曬，好多人食。嚟緊我應該都會再encore再食就算無買Coupon價錢其實差不多，但唔係食 五小時。 所以計埋時間，買coupon係抵啲。…查看更多

好耐無同朋友出黎聚餐，星期五晚18:00出到旺角，基本上每間都要排隊又無位。朋友介紹有間放題唔使等，食物質素又唔係伏。上到黎唔使等位，一行7人即時入座，連加一$264 （任飲任食）有10幾張點菜紙，種類實在太多啦，真心覺得26x蚊唔貴，多野擇（刺身,壽司,炸物,串燒,新羊架,火鍋,蟹粥....)，黎又黎得快。唯一就係限時2.5小時 2小時已經叫我地埋單了😔性價比高 下次可以encore 😜😜😋😋…查看更多

同朋友行行下街，接到傳單而上去，其實我地約左第二間但見呢間又幾平，我地又行我攰攰地，所以諗都無諗就上左黎食傳單寫20:45入座先有折，差15分鐘，都諗住唔會俾我地入，點知上到去經理俾我地照入，計20:45打後個價，仲俾左88折我地可能平日關係，所以有好既待遇。一坐底緊係黎個刺生先啦，黎得好快，刺生都好新鮮，我最愛佢既甜蝦，我一個人都可以食50隻仲有佢炸第個類既芝麻雞翼同炸榴連都係我最鐘意食，榴連波真係好流心，食個事小心熱呢間整體非常好，服務都好周到，我地4大1小去，一開頭俾左張4人台我地，不過唔緊要，因為都知個日多人，所以都無要求要大台，但食到一半，有位職員自動話幫我地轉過張大d既台俾我地，等我地坐我舒服d，轉左6人台後，位置多左，係食得舒服既-小朋友90cm高就要收小童價啦⋯⋯我小朋友高左1cm到，都計free。…查看更多

旺角區一向多放題，至尊滿屋嘅質素都算係其中比較好兼夾抵食。地點相當近地鐵，馬路都唔洗過，在e2出口瓊華7樓，一上去就滿滿聖誕氣氛。入去就座，空間都充足唔算太迫。先黎一大盆刺身歎一歎，刺身全部都大件厚切，啖啖鮮甜，裡邊最like係大赤蝦同油甘魚。食完開胃刺身，輪到熟食方面鯖魚–剛剛燒完上台，熱辣辣，皮脆肉嫩，相當好食羊架–剛熟，肉質比較脆，唔腥，不過有用花椒整，食落帶有少麻的感覺避風塘鴨舌–酥脆，配啤酒一流芥蘭–極度推介係芥蘭，外賣已經翠綠夠吸引，食落濃厚蝦醬味，好味，大推炸芝士–芝士香濃軟滑，外皮香脆海蝦串–仍保留帶海水味的肉汁蕃薯–香甜軟糯飲品／甜品方面除了外面嘅飲品櫃，仲有台色飲品可以㨂，見幾乎人手一杯，點一杯白桃梳打試試，又真係幾好味。而甜品每件都細細件，食左件朱古力都唔會太膩這餐食得好滿足，可以再食…查看更多

呢日約左中同敍舊，我想咩都食下同埋傾下計，所以佢就推介呢間放題，話野食唔錯，又可以坐兩個鐘(非繁忙時間仲可以坐耐d添)，傾計咁哂。首先當然叫放題必叫既刺身。呢度d刺身好新鮮，又夠凍，仲要係厚切。最鐘意入深海大赤蝦刺身🐚，安哥左兩次。炸物樣樣都幾岩我胃口。即叫即炸，熱辣辣，又唔油。炸香芋丸食得多，但加埋芝士就第一次食，估唔到都幾good match。之後仲叫左d創意壽司、燒物、蟹粥、粟米，味道都唔錯，但因為太肚餓關係，無比相機食先。最後叫左杯特色飲品同Mövenpick 朱古力雪糕作完結，大滿足。…查看更多

一家人慶祝父親節，九大一小雖然預定左，不過都係要等門口安排座位比較混亂唔係「先到先得」，係「誰催誰有」🤦🏻‍♀️可能翻枱真係好急，座位環境感覺都幾污糟野品種類都算多落單等候時間偏耐刺身唔錯，燒海蝦，燒菠蘿推介雪糕movenpick可惜一人一個整體野食質素唔差係環境同service有空間改進…查看更多