築地番本日式放題

2018年第一餐放題，選了這間較多元化的餐廳～除了傳統刺身、熟食外，還有迷你蒸鍋海鮮、生蠔任食和爐端燒各款價錢不同，任君選擇，吃放題加$10 就可以任食生蠔非常抵吃，但朋友不太愛好生蠔就沒加了！環境也算寬敞舒適，近門口的卡位適合吃爐端燒用。來吃放題必點刺身，因為抱病在身，胃口不佳，只好節制一點，先吃少量刺身，甜蝦和油甘魚特別新鮮好味所以在第二、三輪也再點了甜蝦黑松露帶子沙律酸酸甜甜的很開胃，海膽豆腐上的海膽份量小小的，不過味道還不錯，而鹽水枝豆是必點的小吃壽司方面，黑松露油甘魚和海膽蝦較特別清酒煮蜆有酒味，咸味適中，超級好吃唷！另外，燒菠蘿很Juicy , 還有鹽燒牛舌也不會太乾。吃過一輪刺身，就玩玩這個迷你蒸鍋，點了少量蜆、蝦和蔬菜，滿足大家的玩心蒸鍋上的竹蓋子也是誠意十足。數分鐘後就可品嚐了！味道不及廚房已調味的食物，勝在好玩罷了⋯⋯愛吃海鮮不要錯過這份燒蠔、燒帆立貝加上醬汁的貝類特別好吃最後點了一鍋蟹粥作結，蟹粥清甜，可看到原隻蟹於粥內呢！這裡的甜品和飲品選擇也很多，有雪糕糯米滋、雪糕，還有各式奶凍、啫喱，布甸，汽水、茶類等。看到吃爐端燒的食客似乎更盡興，食物種類更多，下次可以試試…查看更多

單純的蒸氣石鍋就有光顧過但邊吃日式放題邊吃蒸氣火鍋，還是第一次！原來是枱上放一個小小的爐和小小的鍋來蒸食物因此，每次蒸的食物份量是放得不多的！除了海鮮外，也有兩款肉和一些蔬菜類可選的點菜紙上也有寫下建議蒸煮時間，以供食客參考！蒸鍋方面，我和老公都只是點了海鮮選了海中蝦﹑帆立貝﹑沙白蜆﹑章魚花﹑烏賊仔帆立貝的size和帶子刺身的差不多蜆肉就很細隻，但兩者未算特別鮮甜，只是至少沒沙蝦的size適中，略有蝦味，但肉質不是很爽口，新鮮度一般章魚花和烏賊仔，都是味道較淡的烏賊仔的蒸煮時間也較難掌握，結果質感很韌回到日式放題方面刺身比起剛才講的蒸鍋吸引得多因刺身全部都很鮮甜！！！厚切的三文魚和白玉拖羅～～還有帶子刺身和象拔蚌刺身都很甜呢！完勝蒸鍋的海鮮～～～壽司選了火炙海膽赤蝦壽司﹑黑松露油甘魚壽司﹑火炙皇金三文魚壽司﹑香蔥海鹽燒象拔蚌壽司size不會很大，所以不會令人很飽肚當中以黑松露油甘魚壽司比較好吃！黑松露令油甘魚的味道更香更好吃！！整體來說，壽司都好吃的！！炸物，選了紫心香芋丸﹑日式炸芝士豆腐&炸蕃薯條當中以炸芝士豆腐最好吃！！芝士很香，而且在內裡溶化！好好味！！紫心香芋丸達到一般水平，都軟糯又有香芋味的！蕃薯條則稍差呢！天婦羅，點了南瓜天婦羅&虎蝦天婦羅可兩款都很難吃！！天婦羅的餡很重要，但脆漿更為重要！！！這裡的天婦羅，外層都很厚又稔！真在難吃！！飲品和甜品自取點菜紙中另有清酒﹑梅酒&啤酒可選清酒的味道夠濃，不會很淡口！不錯！比梅酒好喝一些！這裡不同的食物各有長短，有好吃的﹑有難吃的﹑也有普通的以這個價錢來說，勉強還可以給上一個笑臉啊～～服務算可以食物上桌速度ok我們吃蒸氣火鍋時，店員也有留意鍋內的水量，幫我們調較火的大小啊！…查看更多

經常行開旺角都見到築地番本易拉架及派發單張，又有錄音播放，見到好似幾吸引，就同朋友試一試呢間，因有磯燒和蒸氣火窩任選其一及象拔蚌刺身任食，好少放題可以有象拔蚌刺身任食。食物種類繁多，包括刺身，燒物，炸物，前菜，手卷，天婦羅，壽司，飲品，雪糕等。刺身蝦，帶子，三文魚，希靈魚，榮螺，冰山貝和象拔蚌刺身全部好新鮮。象拔蚌和蝦好鮮甜，帶子好嫩滑。磯燒蝦，象拔蚌，生蠔，蜆和象拔蚌都好新鮮鮮甜👍飲品種類繁多黃金焗蠔…查看更多

聽朋友講呢間ok,就去試下。去到發現原來3人以上先有得饑燒，2人係送蒸氣海鮮。朋友先前都講過最好4人以上去第一係因為坐得舒服d第二係二人既蒸氣火鍋係好細😂又真係幾細下，放4件野就滿左。D蝦唔太新鮮，肉質麻麻，可以skip. 基本上淨係encore帶子就可以了。雞肉比想像中好，有調過味，落左紀子，可以一試刺身佢好似隨便比，我寫15片三文魚佢淨係比5片😂有d就比多左。主要食三文魚,甜蝦,北寄貝就夠了，其他可以skip.熟食比較一般，得圖中既燒帶子係特別好食，另一個炒帶子同炒菇都唔錯既。飲品選擇好多！值得一讚服務態度都好好，會有人汁台，仲會幫手燒，只不過完結40分鐘左右前就last call了，扣左分總結妮講，4人以上先好來！4人以下就建議比多小小食第二間放題！…查看更多

咁話話同家姐去買鞋…買買下發現無佢碼，搞到好無mode 口淡淡話想食嘢，我就話食放題喇佢又想飲下sake ，我又醒起尼間嘢…咁不如就去喇…好彩去到吾多人，吾洗等即入座好喇…我都影哂相…睇相你地……服務：非常之咁好…我家姐飲左3支sake大頭蝦吾記得拎傘，主管跑追出黎送翻把傘比我地…令我非常深刻同感動 如果100分係滿分既話我會比99分上菜速度：算快既！店員有禮貌同埋主動幫手 而且無漏單既問題 我比80分食物方面：雖然吾係話好多選擇，但至少吾會令你餓住翻屋企 我比60分*雖然吾係第一次去，但每次都無令到我失望！抵讚！但希望可以整理下啲menu更新下多啲嘢食多啲甜品，相信生意會更好 ！…查看更多

今日同朋友黎到衣間日本放題，book完先醒起原來係較早前響網上介紹有象拔蚌刺身任食果間book左7:30，因朋友未到，店員話只會留枱10分鐘，而放題入座起計2小時。其實黎到已經見不少人等緊位，入到去亦唔少人，見到枱枱一個個蒸氣鍋有大有小好得意，又可以食日式食物又可以一嘗食蒸海鮮初時以為要加錢先食得原來都唔洗，只係選擇磯燒先要加錢！坐低後店員已經好詳細講解落單注意事項，如落單有選蒸氣鍋食物就會黎個鍋比我地蒸。後尾先知原來蒸氣鍋裡的唔係水，係豬骨湯，因為中途店員自動幫我加湯先知，仲話蒸海鮮時d精華流響湯度，有需要可以叫店員拎碗飯煲粥不過我地冇特別咁做，蒸海鮮都好夠喇，有蜆有蝦有扇貝味道都好正不過提一提唔可以心急塞咁多入去蒸，唔係就唔容易熟同up唔埋蓋主打一定會叫刺身啦，由其要試一試象拔蚌刺身，當然同外面貴價冇得比，但咁既價錢都算係咁啦另外三文魚、帶子、甜蝦都好鬼正！款式其實都多，食物黎到都熱的，小小份量唔怕徙！又有飽食的叉燒拉麵、肥牛烏冬等....我就試左叉燒拉麵，估唔到放題既拉麵質素都唔差，我個人幾中意小小份量燒蠔其實都幾好，不過芝士煙肉較多，蠔已經小到唔知在哪酒精飲品都係包埋的，清酒日本啤酒都有，其實幾抵。唔飲酒類飲品的話，外面有普通飲品有凍有常溫，特登分開2個櫃，幾貼心飲品大致有果汁先生橙汁、檸檬茶、蜜瓜豆奶、竹蔗茅根、其他日本飲品等.....檸檬茶同蜜瓜豆奶仲係懷舊版包裝。想食甜品隔離仲有個甜品櫃2小時一定足夠飽肚，但如聚舊掛住傾計就未必夠時間啦埋單都係$208加一/1位，按時間同星期幾入座有不同。…查看更多

我和弟弟倆好久沒有一起去食飯，今次一吃就選擇了放題。這間築地番本除了普通放題有的食物外，特別之處就是有像拔蚌刺身，還有蒸氣鍋！平常吃蒸氣鍋基本都是全海鮮，價錢非常貴！今次放題有蒸汽鍋吃，每人218加一，當然要吃返夠本。餐廳的座位很多，這張圖只是冰山一角。食物種類豐富，每一個類別都會有一張菜單。蒸氣鍋、刺身、壽司、燒烤、一品料理、小食、炸物和麵等甚麼都有得吃。壽司都分了創意卷物和手卷等。除了酒類需要用菜單點外，其餘飲品都在飲品櫃拿。果汁、汽水、茶都有，不想喝凍飲的話常溫櫃也有選擇。就連甜品也是自助任取。這裏的蒸氣鍋除了海鮮還有肉類和菇菌類可選擇。事不宜遲，一開始就立即把海鮮放在蒸氣鍋上， 由他慢慢蒸熟。我們覺得肉類比海鮮 還要高質素，蒸出來的肉全部肉質幼嫩！ 蟲草花杞子雞件一定要吃，雞肉嫩得過分啊！然後就可先吃其他食物。帆立貝和蠔也有用特別醬汁烤製，甜甜的又creamy不錯。烤雞翼、豚肉和牛舌的水準也非常高，尤其是牛舌非常爽口，我們encore了兩次。刺身拼盤上菜美觀，甜蝦連蝦頭大大隻和帶子一樣好鮮甜；三文魚肥瘦適中味道又濃，白玉拖羅更是必點，咬下就是入口即溶又creamy的感覺！創意卷物的配搭特別，鵝肝帶子，吞拿魚腩海膽味道都好夾。普通的黑松露油甘魚香滑可口，火灸三文魚半溶的口感也不能錯過。沒想到燒菠蘿和翠玉瓜可以那麼好吃，又甜又清新。清酒煮蜆的味道較清淡不怕酒味太重，牛油帆立貝入味也有菇粒，鯖魚肉爽。接著發現刺身不夠，要加碼他們的象拔蚌清甜爽口，果然是推介之選。但是我倆還是比較喜歡三文魚和白肉拖羅，好吃到不能自拔。最後在差不多吃完時，店員拿來了一碗飯加入蒸氣鍋的湯底內煲粥。 這是我才知道原來鍋底的“水”是豬骨湯，其實可以打邊爐呢！ 加了飯後別忘了攪拌，因為我們忘了所以底部燶了。米飯吸收了湯底的全部精華，成粥後軟綿綿，味道超級甜， 沒想過粥也可以好吃到這樣，因為蒸過雞，雞汁全滴入鍋內，鮮甜到不行了。放題有蒸汽鍋的選擇的確很新穎，如果鍋可以大一點更好。看到鄰枱吃磯燒，究竟這裡還有多少新東西啊？！…查看更多

一直鐘意食壽司、刺身既我，之前同友人食過另一間的番本，今次決定試築地番本，再食一次。不過今次跟之前的放題不同，今次一餐放題，有2種享司－－任食壽司和磯燒／蒸氣火鍋。睇下餐牌，有好多選擇，日式料理、卷物、手卷類、拉麵烏冬、炸物、天婦羅、湯、燒烤，當然不少得壽司和刺身。快快點完餐就等食三文魚、白玉拖羅、象拔蚌看顏色都很肥美三文油膩分佈平均，入口甘香，而且厚切的口感份外吸引！希靈魚、八爪魚刺身都很爽口。小食方面特別要推介大家必食的燒翠肉瓜同燒菠蘿，不但燒得岩岩好而且好juicy。而外層煙韌既紫心香芋丸，值得推薦。毛豆不是很多人都喜歡，而友人喜歡，更喜歡配酒一齊食；紅酒燴牛腩也很嫩，不錯而兩味中最後選擇了磯燒試玩。無論是燒蝦、翠玉瓜、貝殼類，都特別好食，而且侍應送餐服務快，又無咩走單，符合大家各人想食又食得開心的心意。然後開始食壽司類，海膽赤蝦、海鹽鮮象拔蚌、芝士玉穌、燒三文魚壽司，不可以錯過，而且每人一至兩件，試一口就岩岩好。好大份也好令人滿足！最後以甜蝦作最尾，鐘意食甜品的友人選了糯火糍，一口一個就甘食左唔少粒。唔單止好味，仲好滿足！…查看更多

每次聚會有人想食壽司、有人想食火鍋時，就會選擇多樣化的任食放題。而今次見到築地番本有優惠－－3人或以上即送磯燒或蒸汽火鍋，見甘抵又多選擇當然約朋友仔去試下。內在環境都大，容納很多人。鐘意食日式的友人就多選擇，刺身種類多達十數款大包圍點左三文魚,、甜蝦、八爪魚、榮螺、帶子、希靈魚、象拔蚌等，每款食落都唔錯，由其係最鐘意甜蝦。當然不少得點杯清水飲，友人鐘意冰的，而我選擇了暖的。壽司SIZE岩好，每樣選一兩樣件，可以食多幾款，推介海膽壽司！除了叫刺身、壽司外，小食當然不少得。炸物小食併盤值得推薦！有炸雞軟骨、炸紫心丸、炸一口芝士豆腐、吉列魷魚圈、南瓜芝士餅同炸甜薯。每樣數量唔多，但勝在每人都可以試到，唔怕食得多浪費食物。再配上梅酒，真系無得頂。磯燒和蒸氣火鍋方面，選擇了磯燒，當中燒帶子絕對推薦，唔單止鮮味，而且燒起來既感覺很實在。友人們都不斷加單。而另一樣就是用錫紙包好的燒粟米粒，真系甜而多，如磯燒絕不可錯過點日式料理的話推薦紅酒煮牛柳同和風牛柳粒，而鰻魚炒飯也比想象中好食。食完這些來個甜品也可以，築地的甜品有各色的糯米糍、乳酪等，食得落的話不妨試試。今餐放題不但滿足想食壽司的友人，也滿足想燒烤的友人，滿足！…查看更多

作為放題控嘅我倆今日又出動搵嘢食搜羅放題及自助餐，終於畀我哋喺旺角搵到一間 。 雖然旺角區一帶有唔少放題嘅選擇， 而今次我哋揀呢間嘅原因只有一個就係平喺旺角區有番咁上下嘅放題最少都二百尾到 三百多不等，而呢間竟然係最繁忙時間都係208 而佢呢間最大嘅賣點係有鮮象拔蚌任食， 真係諗都冇諗過而今日我哋又係早咗到，所以唔需要等位入面無咩裝修， 但係就好光猛入門口第一件事必定係點番盤刺身拼盤， 佢呢度嘅刺身款式同平常差不多就係多咗一樣象拔蚌。 三文魚都算肥美，甜蝦雖然唔大隻但夠鮮甜。 象拔蚌雖然有少少腥， 但勝在夠爽口呢度除咗日式嘢之外最特別嘅係有海鮮蒸鍋食， 蒸鍋入面嘅海鮮都係任點， 一般出面食到嘅海鮮蒸鍋係用粥底， 而呢度係改用魚湯，魚湯吸收曬所有海鮮嘅精華，飲落鮮味無窮食天婦羅最怕成口粉，呢個天婦羅唔會! 而一般我只會點虎蝦天婦羅， 而呢度嘅香草龍利柳天婦羅更有驚喜 ， 外脆但龍脷柳保持嫩滑質感三色花之戀用好多三文魚包住，味道甘甜有質感黃金焗蠔醬汁好味 蠔鮮味一般平時好少飲清酒不過今次真係忍唔住。因為 清酒散發淡淡幽香，最終飲咗兩支和風牛肉粒有牛味但係肉質比較硬呢度甜品全部都好別緻，有多種選擇如雪糕甜點及糯米糍等，而我最欣賞呢款木糠榛子慕斯，佢甜而不漏，香滑柔軟質感之餘有 好香嘅榛子味， 忍唔住食咗兩杯所以話呢間日式放題真係畀我哋食返夠本 完全冇改錯名（番本）…查看更多

平安夜約了新朋友聚會，食日式放題最好，上食物又快，有齊冷熱食物，仲任食任飲，呢度最抵係有酒任飲，另外，還有蒸氣火鍋，雖然有點不搭合，但多樣野玩下食下啦。不過座位太窄太迫啦，加上多了蒸氣鍋更加唔夠位。一行六人，8:30pm ，任食兩小時，當日是平安夜所以服務費再貴d，每人約$300有找。刺身的帶子及甜蝦最正，帶子嫩腍，甜蝦柔軟鮮甜。三文魚肥美啖啖肉。油甘魚及鯛魚就麻麻地，有點酸味。螺片都幾爽口味道不錯。呢度最正可以任飲酒，包捨清酒、梅酒及啤酒，當然有其他無酒精飲品，如氣水、茶、果汁等等。清酒可選擇冷或熱，我地點了冷的，雪的夠凍，而且提供小酒杯，別有一番滋味。梅酒也貼心提供冰塊，梅酒甜甜地好岩女仔飲，味道好好，一飲再飲。三色花之戀，比平時的心之戀更靚，兩款刺身都好味，但組合一齊咬感一軟一爽，不太夾啦。鵝肝帶子卷，鵝肝味道都很濃郁，但質感較硬，味道不易跟腍滑帶子溶合，分開食味道更好。吞拿魚海膽卷，海膽味道甘香，都重味，只係有點腥。壽司反而味道不錯，可能刺身有質素，三文魚壽司較好，壽司飯用量不算多，沒有咁易飽。這碟炙燒的壽司就麻麻地，幾乾身。赤海老乾得沒味了。焗蠔看似賣相吸引，但真的蠔肉超細粒，大家找了好耐先找出蠔肉，反而面層的醬汁味道幾好，也很膩。太子醬焗帆立貝也是很好看，但味道還是一般。鹽燒海老串，燒得蝦殻脆卜卜，蝦肉彈牙不乾，也很夠味。鹽燒牛舌有部份較硬，有部份好爽口，整體感覺不差。燒菠蘿其實很好味，保留到果汁，咬落好juicy，但燒耐一點會更好。炸雞軟肉夠哂香口，炸得酥脆又熱辣辣，值得一讚。虎蝦天婦羅、南瓜及糖心蕃薯仔，炸皮夠薄，雖然有點腍了，但是味道好，食完不算膩。清酒煮蜆沒有酒香，蜆肉太腍太沒味，而且已經凍了，都係食蒸氣鍋的蜆更好。五目炒墨魚仔，好彈牙惹味，估唔到做得幾好。另外，牛肉粒也不錯，只係煮耐左少少，韌左少少。蒸氣鍋配料都有11款，有肉有菜有海鮮。我地揀左蝦、帆立貝、沙白蜆、肥牛片，order紙有建議烹煮時間，但一班人食緊野，大多都沒理會，所以經常有過熟的情況。沙白蜆冇沙，雖肉細但都脹卜卜，味道幾好。海中蝦好爽口係最好味。帆立貝熟得剛好，彈牙不腥，也好味。後來再叫豚肉片太硬了。甜品的抹茶紅豆布丁最好味，Q彈又夠抹茶味，紅豆份量剛好又不太甜，還有雪糕糯米滋，皮薄煙韌，雪糕夠凍味道濃。焦糖燉蛋就麻麻地，友人說似蒸水蛋。…查看更多

放題我至愛，喜歡放題食品選擇多，有刺生、壽司、熟食、甜品和飲品，任君選擇。放題比自助餐更加吸引，皆因安坐後，祗要揮揮手，在點菜紙左寫右劃，侍應就會送上美味食品，不用爭食，何其寫意。今日就在旺角通菜街威達商業大廈1樓築地番本日式放題來個午市放題，午市放題由 12:00 pm 食到 3:00pm，每位收費$178，價錢合理。此店地方寬敞，座位很多，環境舒適。點心紙分類由A至M多款，有前菜、刺身、壽司、手卷/軍艦卷、創作卷物、日本料理、燒烤物、湯、天婦羅、拉面/烏冬、酒等等。除有點心紙自選食品外、還有各位式凍飲、甜品和雪糕在凍櫃，方便食客自取。先來刺生掲開序幕，叫了三文魚和油甘魚、三文魚入口新鮮嫩滑、油甘則魚味豐富。另外北海道帶子刺身、八爪魚刺身、榮螺片、北寄具和甜蝦味道也不錯。意猶未盡，再點了些壽司、手卷/軍艦卷和創作卷物。叫了芝味牛肉卷、三色花之戀、鵝肝帶子卷、辣八爪魚軍艦、軟殼蟹和海鰻手卷。壽司和卷物整體水準可以。辣八爪魚軍艦的八爪魚味鮮肉爽，軟殼蟹手卷的軟殼蟹炸得鬆脆，口感不錯。再來到必食的炸物和天婦羅。叫了虎蝦天婦羅、日本南瓜天婦羅，茄子和糖心蕃薯天婦羅。炸物叫了炸雞軟骨粒、紫心香芋丸、香炸棒棒餃子、芝士春卷和炸甜蕃薯條。炸雞軟骨粒和紫心香丸特別出色，雞軟骨粒鬆軟可口，紫心香芋丸外皮脆，芋心又熱燙又軟滑，非常可口。燒烤叫了鹽燒牛舌、鹽燒黑豚肉串、鹽燒雞中翼、黃金焗蠔和烤有機菠蘿。鹽燒牛舌，外皮燒得微焦惹味。鹽燒黑豚肉串，肉嫩多汁。有機菠蘿既香且甜又多汁。黃金焗蠔最正，蠔夠大隻入味。日本料理叫了和風牛肉粒和日式鰻魚炒飯。和風牛肉粒牛肉味濃，肉汁豐富。鰻魚炒飯份量適中，炒得熱騰騰，飯香撲鼻。吃鰻魚炒飯時，就叫了個人蔘雞湯濕濕口。人蔘雞湯蔘味豐富，但有點肥膩。埋尾再吃了甜品焦糖燉蛋、紅豆奶凍和雪糕。值得一提是築地番本的午市定食也非常超值，定食由30多元到70元左右，經濟抵食。…查看更多

又係一星期一度同媽媽出街食飯既日子（大個女就係甘，呢d錢唔慳得），媽媽話想食放題，就決定帶佢去朋友介紹既築地番本。跟住地址，原來都唔易搵，差少少就去錯。坐低後見到放題紙成本書甘厚，睇見都興奮。好快野食就上枱了，熟食味道不過不失。壽司刺身睇落已經好輪睇頭，壽司細細件握得好靚，魚生表面有光澤好新鮮。壽司當中最吸引係小小既卷物，細細件易入口又唔飽，可以食多幾件。佢地既壽司飯都高質，小小酸，唔鬆散。卷物方面都好有心思，有唔同既配搭，每一款都有驚喜。最鍾意係芝士鰻魚卷，鰻魚味道甜甜無腥味，芝士香濃入口creamy，正。刺身當中，甜蝦有頭大大隻，好夠睇頭，而且入口鮮甜。三文魚係媽媽最愛，佢都幾滿意。我最鍾意就係油甘魚，佢地用左腩位厚切，十分肥美。一口咬落，滿滿既魚油溢出，鮮甜既魚味充滿口腔，食完後仲有魚油既香味充滿住，十分滿足。食到差唔多後就有另一重頭戲-帽子戲法。帽子下面係一係粥底既蒸爐，將自選既海鮮放0係爐面，放上帽子。粥既蒸氣會將上層既海鮮蒸熟，同時上層海鮮既精華會流落下層既粥底。打開帽子，蒸熟既海鮮香氣四溢，入口鮮甜。但重頭戲原來係最後既粥底，軟綿綿既粥底吸收哂海鮮既精華，雖然係入口只有白米，但出奇地香濃好味，絕對係一個完美既句號！價錢方面，$208加一任食兩小時，一個價錢有兩個享受，非常合理。不得不讚一讚既係，雖然佢地係放題既價錢同食物，但服務絕對超越放題質素。員工有笑容，態度誠懇，換碟加水非常快。而且，我係第一次食放錯，準確無誤甘黎齊食物，無多無少，無缺貨無漏單。服務方面，見得到佢地係認真同值得支持。…查看更多

第一次來，感覺整體只屬一般，食物種類唔算多，魚生亦不是太新鮮，全晚最欣賞的不是食物，而是saka, 以放題來說有saka任飲是很罕有的，而且還是不錯兩個人飲了7壺saka都已回本！…查看更多

今晚同埋另外兩個朋友去旺角食放題原來築地三人起可有蒸氣火鍋 用tablemap訂左8:308:15去到都未有得入 要等到訂位時間先可以入去平時係出面食蒸氣火鍋都唔平 今日食放題包埋 好抵呀刺身同手卷方面都同其他地方既放題差唔多但無海膽刺身 而且帶子細粒同薄身 其他刺身都OK同新鮮手卷同壽司方面反而幾驚喜 食落感覺同出面連鎖壽司店分別不大不過食多幾舊已經會飽  食放題都係要主攻刺身為主一路食既時候可以一路放野去蒸氣火鍋到蒸 邊食邊等野食放到蒸氣火鍋上3-4分鐘就已經熟肥牛就咁蒸好好食 原汁原味 而且好多油都蒸走左 食落口唔覺肥金菇再加蒜蓉一齊蒸好好食！！ 同埋蒸金銀花雞塊值得試 成舊都係肉無骨 好似食滑雞咁 好食！蒸完後力走個蒸層 之後就可以食下面個粥喇個粥大家都一致認為好食因為你所蒸既食物精華落曬係個粥到 蒸得海鮮多 令個粥更鮮味不過由於成餐最後先食粥 食放題已經飽得7788 個粥自然食唔曬有點浪費大家食既時候記住留肚食粥喇 …查看更多