滿屋日本料理 (大鴻輝(荃灣)中心)

假日黎左滿屋食放題呢間餐廳印象中開左好耐地方幾大，岩同朋友黎食野吹下水 🍻同朋友選左plan D ($528)一開波叫左好多刺身特別中意甜蝦刺身，帶子刺身同象拔蚌刺身味道鮮甜，口感正 🦑🦐🦪除左刺身，燒物都係必點之選目測每枱都一定有最少一碟燒物牛舌特別好食，燒得好juicy加埋個檸檬汁食好食 ٩(๑^o^๑)۶壽司方面最中意海膽壽司🍣海膽creamy甘甜，份量好多海膽花之戀壽司都好食🍤炸物最中意天婦羅炸蝦，但一定要即上即食，特別好食另外，我地叫左件烤榴槤黎食店員話而家做緊優惠買任何放題，都可以免費叫烤榴槤!最後，諗住去自助bra食甜品埋尾點知見到有一盤榴槤蓉裝一杯仔榴槤加埋movenpick雲尼拿雪糕食好夾好正!(*๓´╰╯`๓)♡💜…Read More

首先，嗰度啲嘢係好食嘅，刺身係新鮮嘅。果度都多人既，就算係平日星期三夜晚，都勁多人。但佢竟然可以張所有位都縮到勁！窄！勁！細！真係CLS咁都得，我真係唔知應該讚佢100%奉行香港地少人多既特色，定係話佢識善用資源好🫠我哋四個人，兩個男仔兩個女仔，我哋連兩個男人坐埋一邊都做唔到。一定要一男一女坐一邊先坐到，個座位仲要連個背囊都放唔到，要放喺地下明明好多位剩，但係竟然將四個人塞入一個正常西餐廳嘅二人座位。啲座位好窄，好難出入，臨走出去買單嗰陣，仲搞到我條頸巾比我逼到跌咗落地下😑 $4xx一條友，都未平到要我坐喺個d比大排檔仲要窄嘅位裏面食飯掛？然後嗰啲位靠背仲唔係固定喺地下！即係話你後面啲人坐低起身行嚟行去，你個座位就會俾人地郁到銀行銀下。🥲跟住唔知道係唔係佢比員工嘅人工太低定係工時太長，個個都黑口黑面，又成日唔應人，上菜仲超級無敵慢🙄Conclusion:1. 衛生環境一般2. 座位舒適度非常之差3. 服務態度差4. 食物幾好味要唔要去呢度食嘢你自己諗啦。如果你生得又矮又細粒嘅話可能會好啲嘅。我會建議外賣拎走。…Read More

本來想book旺角另一間食極上大x屋，但冇位，只好食呢間，老婆都叫我唔好食呢間，因為之前我都同佢食過知道嘛嘛哋，但都想和同事食返餐聖誕餐，見全日都有位，唔會有問題嘛，當晚去到門口只有三四個等位，都心知不妙，入到去仲精彩，全場得果三分一枱位有客，冇野咁多入去馬上叫野食先，叫左C餐，有中拖羅及長腳蟹腳食，大多數刺身及壽司都有叫，中拖羅及長腳蟹腳有鮮味，其他刺身手都係一般，熱食叫左碗仔翅，花膠及蠔鍋，碗仔翅反而有少少驚喜，有返少許兒時味道，而蠔鍋d蠔真係比較腥，大家食左一隻冇食，最後叫多輪就無叫，而movepick雪糕都只係每一位一杯，咁既價錢係寒暄左d既，仲有，我地坐左一個鐘就攞張單來叫我地比錢先，你地真係老土，只可說，可一不可再，到最後走時，只係全場坐左一半人左右，我現在知道點解會咁樣，咁既價錢，真係可以去酒店食自助餐，質素一定好過呢間野，哈哈…Read More

一段時間冇食日本嘢，同朋友黎到大鴻輝食日式放題，點咗最經濟嘅A餐，唔使$300就已經有72種嘢食。收題回本之選— 刺身。三文魚肥美鮮甜，不停encore。另外，大赤蝦每隻有手指咁粗，食落口感爽口。刺身仲有酒煮螺、北寄貝、帶子、泰式生蝦等等。卷物分別有香芒吉列蝦卷、雙重芝士鰻魚卷、同芝士軟殼蟹卷。芒果甜，令到卷物變咗甜食。鍾意芝士嘅人一定要食鰻魚卷，鰻魚汁配芝士好夾。鰻魚仲好厚，同飯嘅比例係一比一。每次去放題都會留意嗰間餐廳有咩特色壽司，食咗呢度嘅創意精選有吞拿魚他他同明太子櫻之戀。吞拿魚他他一口一件，吞拿魚鮮甜，口感同牛油果好夾。明太子櫻之戀係花之戀升級版，如果沙律醬再多啲，再邪惡啲仲正。由於肚有限，分別選擇咗幾款小食同熱食。芝麻雞翼好香。燒扇貝值得encore。食得飽嘅時候要點燒菠蘿，酸酸甜甜好解膩。最後要留肚食Movenpick雪糕。整體來講食物選擇足夠，上菜速度快，容易回本。…Read More

約了朋友 5:30食日本放題，可能太早，去到不是太多人，不需等位。地方寬敞，環境衛生。網上下單，很快便上菜，不像其他放題般等很久才有食物，甚至經常漏單，這裡則無此情況，值得稱讚。除了快，食物質素更非常好，很新鮮，而且好味😋相比起其他放題店流水式製作，這店食得出廚師用心的炮製，味道及質素絕對可媲美日本料理店。食品及飲品選擇十分之多，刺身、燒物、壽司、鍋類⋯，高級食品包括：鮑魚、海膽及鵝肝，抵食！其他食物甚至有甜品、水果和爆谷！飲品方面，除了大路飲料，竟然還有冷熱清酒和梅酒，令人喜出望外！不得不提職員的服務態度，他們十分有禮，而且細心，我們食長腳蟹時，他們會主動送上濕紙巾及剪刀，而且清枱上垃圾速度快，令我們十分滿意。…Read More

上次黎過大鴻輝打邊爐先知全棟都係餐廳～今日就再黎呢度搵食，見到呢間放題好多人所以又試下🤣-食物種類好多，由刺身、壽司、卷物、軍艦、熱食、炸物樣樣都有真係估唔到有咁多嘢揀，除咗寫紙仔之外，出面仲有D甜品同海鮮自助拎飲品都係屬於自助形式，擺滿幾個櫃，啤酒清酒梅酒都有～～～一黎就緊係試下刺身象拔蚌好爽口，帶子夠哂鮮甜👍🏻👍🏻同媽媽兩個人食都翻兜咗次-壽司既選擇真係好多每件都整得好精緻，細細件飯大大件魚生咁就唔洗驚食飯食飽咗～呢個牛仔粒⋯我忍唔住叫左兩碟🤣🤣真係好好食，又有少少肥膏，好香牛味！鱈魚又忍唔住前後夾埋食咗三件好滑口👍🏻👍🏻甜品可以dryers/movenpick 2選1幾飽都好，都要食埋個雪糕    …Read More

今日同朋友去荃灣慶生，揀咗呢間滿屋食放題， 好彩我哋預早訂咗位如果唔係都要等， 一入到佢見到有好多餐前小食，中華沙律，日式海螺，沙律，同小朋友都喜歡食的薯格等。 出去見到飲品都好齊全，算係幾多嘢飲，而且佢亦仲有日式嘅清酒sake及梅酒 ，wow應有盡有。刺身我地叫左有甜蝦、大赤蝦、北海道帶子刺身、吞拿魚、 希靈魚、油甘魚! 其實所有刺身我都好鍾意食同埋你可以見到刺身都幾新鮮， 新鮮程度絕對可以媲美其他日式料理餐廳或者壽司店。 因為以我見解呢度有足夠人留所以可以確保食物嘅新鮮程度。 仲有佢啲帶子真係幾大粒我覺得仲好過酒店嗰啲炭燒鰻魚壽司炭燒鰻魚真係yummy, 鰻魚燒到恰到好處又有炭燒味，所以其實叫呢個鰻魚都幾抵食。燒紐西蘭羊鞍呢個係特別推介。因為你就算出去街叫個燒羊架都幾貴，同埋佢呢個燒羊鞍肉質軟熟多肉汁。我哋都叫左好多天婦羅例如虎蝦天婦羅龍躉天婦羅、南瓜天婦羅… 其實佢個天婦羅，我覺得每一樣都炸得幾好，同埋唔算多油，而我最愛嘅始終都係海蝦天婦羅， 因為我覺得呢度啲海蝦有佢嘅鮮味就算用你整天婦羅佢個海蝦味都仲喺度。辣酒煮蜆:呢個辣酒煮蜆我覺得都幾辣，但係辣得嚟又恰到好處，同埋啲蜆肉都ok起碼冇沙同埋真係每一隻都有蜆肉， 蜆肉亦都滲透咗辣味同少少酒味，非常唔錯。最後其實我哋order咗好多嘢 ， 仲有雪糕送。畫上完美句號。…Read More

想係一間餐廳食晒唔同種類既食物，一定係擇食放題啦。唔同時段價錢都有唔同，大家記住留意啦。滿屋既刺身果然無令我失望💕刺身頗為新鮮，三文魚、油甘魚和吞拿魚刺身都係厚切。甜蝦略為大隻，味道鮮甜。炸物方面，只叫了炸蠔同榴連波波❤️每次食放題必叫榴連波波，炸粉適中，榴槤餡味香濃。你沒有看錯😂一口鰻魚🤣🤣真係好細好細舊。至於環境方面，坐位十分擠逼。即使在疫情下也沒有合適既行距。職員收碟速度迅速，只要枱面有空碟，職員會立即收取。…Read More

疫情後都冇食過放題，就搵間近近地試下，一行四人自選兩小時。上到去見到居然唔爆場，真係好少可，不過一定有佢嘅原因。環境都唔算迫，係唔知點解個場地面好滑下，比較危險。設有自助食品區，包括：沙律，甜品，仲有熟食，不過我出去兩次都只係見到個吉碟，所以我完全唔知有咩食。用手機點餐，都算上得快，而且唔漏單食物方面，只有刺身係幾好，其他野就不值一提。切勿點炸物，天婦羅，雞翼。。。，包你食到一口都你油。整體上只會形容係可以填飽個肚。…Read More

疫情放緩，心思思又想食放題，荃灣不嬲多選擇，但我地都係鍾情滿屋，因為呢度既壽司多款揀又好味😋新出既有火灸雙重芝士三文魚卷、意大利黑醋雙重芝士鰻魚卷🍣黑松露吞拿魚醬油漬壽司，燒香左既芝士鋪係壽司卷既面上真係好吸引🥰黎到我亦一定叫最鍾意食既香芒軟殼蟹卷，勁開胃，仲有忌廉芝士鰻魚玉子燒🐟芝士龍蝦沙律軍艦🦞黑松露赤蝦壽司🦐蟹膏皇帝蟹腳壽司🦀 壽司款式又多又定期更新，最緊要好食😍佢個鹽燒牛舌 加埋檸檬汁真係無得輸😋鹽燒雞軟骨太好味我朋友都食左幾串先夠喉！壽司好食刺身都唔會有問題，估唔到呢度既煮物好得！新出既有瑤柱蟹肉海皇粥同竹笙瑤柱蟹肉翅，蟹同蜆勁多，鮮味足！御品飽汁燴花膠，花膠大件、好淋好入味。甜品仲有燕窩燉蛋，認真估佢唔到！黑松露芝士雞翼（無骨啖啖肉）同炸香芋球，我都極力推薦。雪糕每人可揀一款Haagen Dazs/movenpick/dreyers,仲有甜品同雪條，雪米滋任食，覺得單調仲有爆谷🙊…Read More

今日假期又去了荃灣大鴻輝搵食，今次就去左 10樓 滿屋日本料理食放題。價錢 $198 加一。12點食到3點。放題就家家差不多，不過這家就有 吞拿魚刺身(大目吞拿魚)，其他地方比較少見。 劍魚腩，夠肥美。其他刺身都夠新鮮的。壽司方面就有 黑松露吞拿魚醬油漬壽司。手巻方面，海胆手巻，甘蝦松葉蟹膏手巻必點。羊架燒得剛剛好，夠淋，值得一試。天婦羅蝦都好新鮮，炸得超好吃。食得多凍野整個瑤柱蟹肉海皇粥。仲有驚喜溫泉蛋飲品方面，基本汽水都有，最特別是有多款酒類飲品，我就試了有汽蜜桃酒，很好喝。最後甜品每人有一個 哈緊大雪糕，不過我喜歡Movenpick 多點。…Read More

今晚同朋友去食放題，放題既好處係美食、甜品、飲品任你選擇，仲要好抵食 食放題當然唔少得叫🦐刺身、🍣壽司啦，又新鮮又厚身，仲鮮甜好味😋，包你食完一件又食一件。🦐大量既刺身：空運大目吞拿魚、劍魚腩、北海道角螺、北海道帶子刺身、大赤蝦、北寄貝、油金魚🍣壽司：火灸和牛壽司(必食)、火灸香蔥左口魚邊壽司、京蔥三文魚腩壽司、黑松露吞拿魚醬油漬壽司、黑松露赤蝦壽司、蟹膏皇帝蟹腳壽司、海苔帆立貝伴吞拿魚茸(推介)、海膽帆立貝、火山大爆發(新)、秘醬厚燒玉子壽司(推介)美味小食:🔴御品鮑汁燴花膠~個鮑汁又濃，花膠仲又冧又滑，骨膠原又健康又好味🟠竹笙瑤柱蟹肉翅~香濃瑤柱味，好味到不得了🟡燕窩燉蛋~凍食既香滑燉蛋，啱哂女士🟢燒有機菠蘿~又甜又多汁🔵黃金燒帆立貝~燒到金黃色，大粒又鮮味🟣香辣蜜桃炒蝦球~又辣又甜，爽口蝦球🟤黑松露炒什菌🍨甜品：Haagen Dazs 比利是朱古力及Movenpick 士多啤梨🍻另外仲有自選區供你選擇：沙律、甜品、海鮮、自助飲品📍 @滿屋日本料理 (荃灣)荃灣眾安街55號大鴻輝(荃灣)中心10樓…Read More

大鴻輝一如既往咁多人排隊搭𨋢，10樓滿屋入到都有啲人等緊，好彩有book位好快就入得。放題點餐紙有A-N 14款，另外有入座時一人一張雪糕紙，可揀一款H/D/M l既雪糕。坐低第一步做既就係叫刺身同靚壽司 🤣 芝士鰻魚同左口魚都好好食，我暖尾仲Encall左左口壽司四件添 😋 刺身方面都幾新鮮，唔會雪到冰晒，放題黎講水準唔錯，甜蝦仲好大隻！特別想講下佢地入左啲台灣製既飲品，果罐珍奶係我中學回憶 😂 個可可超香濃，唔甜，好厚既朱古力好正，果然係73% dark。炸物特別想講天婦羅同炸蠔都好香唔厚粉。HDM緊係揀H啦！是日味道有個日日唔同，就叫左mango raspberry。包羅萬有星期一至三都係248位，性價比都幾好。…Read More

都有接近成年無食過放題，放工就就地腳約同事係英皇食放題。我地見Openrice既滿屋既評價唔差，所以就Walk-in去左食了。Walk-in大約7:30，可以食到11點幾，$248位加一，價錢都合理，一於睇下入面有咩食。入面既地方好大，大量都係卡位，幾有私隱度。員工帶位時，已經令我地好驚喜，因為已經有凍餅櫃、生果櫃、海鮮、綿花糖機果D吸引到我地。職員仲比左張紙我地，係甜品雪糕既紙，有Hargan-darz、Movenpick、Dryers'，好豐富! 搞到好期待!我地坐係自助飲品區前面，好方便，飲品種類好多，連珍珠奶茶同酒都有，不錯!跟住就睇下佢既Menu，不過我無影到出黎，主要影番食物。Menu有(A)刺身、(B)壽司、(C)火炙壽司、(D)創作精選、(G)串燒、(H)一品料理(姐係熟食)、(I)燒物、(J)煮物、(K)廚師料理、(M)炸物、(L)天婦羅。其他無影低，唔係好記得，哈哈，不過佢食物都去到L，種類好廣泛。刺身方面，我地叫左一大盤，D食物幾鮮，我比較鍾意佢既蝦同蟹棒，D海鮮味明顯!壽司、火炙壽司、創作精選方面，我地叫左D fushion壽司如蟹子玉子壽司、和牛壽司、鵝肝帶子壽司等等，味道都好好。仲有件櫻花壽司，外觀靚而味鮮，不錯。另外仲有個Pizza mix 帶子既創作料理，好似食緊海鮮Pizza咁。另外，鍾意食熟食既我都叫左蔥花蛋壽司同蟹黃蟹柳壽司，味道配搭好。我好欣賞佢為熟食人士都設計下新Dish!串燒方面，我地試左甜薯同蝦，上菜時都幾溫熱，唔錯。一品料理、廚師料理方面，我地食左雜菜炒象拔蚌，黑松露炒野菌，牛油栗米、蟹黃翅、一口牛柳，份量多，質數好好，由其係蟹黃翅真係有翅，正!炸物方面，我地食左春卷、忌廉蟹棒、榴槤炸彈、炸雲吞，佢既炸物質數好好，唔會好燶，外面脆得黎唔會乾，內面既餡都充足，好好食!鍾意食炸野既人要食多D天婦羅同炸物都不錯，不過個粉可以再薄會更加好!甜品我地叫左個燕窩燉蛋，都幾足料。另外，我要推薦一下佢既煮物，烏冬同牛肉火鍋，烏冬既質地好，配料足，湯底都幾好味。牛肉火鍋湯底係醬油湯底，有隻蛋，同大量菜，鍾意食熟食既人一定鍾意!最後，緊係食佢既雪糕啦，注意佢只係可以叫一次雪糕渣!總結，依間放題種類多，坐得舒服，上菜都算OK，好少甩單，質素算高!…Read More

臨近聖誕，放題都加咗價，今日要$288加一，不過唔知係唔係聖誕期間所以嘢食款式多咗，有好多嘢食，每樣食一件都食唔晒😂唯有下次再戰！自助區有得拎海鮮冷盤，有青口、翡翠螺、蝦，仲有一啲都唔Hea嘅沙律吧，唔係普通沙律菜，係中華沙律、螺肉、蟹籽都有！海鮮冷盤都好新鮮，啲肉好彈牙，有鮮味，拍得住酒店質素。仲有啲炸物、中式料理、爆谷都有，嘢飲方面除咗汽水之外仲有柑橘蜜，梅酒，清酒。爆谷竟然係好味既，不過放題梗係唔可以食太多😌梅酒OK，清酒有消毒藥水味，柑桔蜜都係唔錯嘅熱飲選擇之一壽司刺身都係有水準嘅！食材都新鮮，炙燒嘅壽司都係即刻整嘅👍🏻壽司方面，推介山葵八爪魚壽司、左口魚邊、蒜香三文魚壽司，仲有大路嘅三文魚、三文魚腩、帶子都好新鮮。唔建議食海膽吞拿魚壽司同埋鵝肝帶子壽司，海膽同埋鵝肝都係勁細粒，如果想食海膽同鵝肝就。。。可以略過，可能叫海膽手卷會好啲，不過我已經食咗好多舊飯所以就食唔落啦🤣燒羊架肥膏唔多，燒得香脆肉嫩，有一小部份較韌不過可以接受燒牛舌又係好正，調味啱啱好，牛舌爽脆仲有必食燒雞軟骨同菠蘿出面有雪糕櫃可以攞雪糕不過只限某種牌子，但係每人可以叫一杯Häagen-Dazs或者movenpick，Häagen-Dazs仲有焦糖脆餅味，正呀👍🏻 …Read More