海南雞公主

今日難得外出食晏，決定食海南雞。還記得以前同樣位置是一家賣丼飯和壽司的小店，沒想到一段時間沒來，就換成了「海南雞公主」了。付款方式可以選擇現金、八達通、WeChat pay、Alipay HK /内地版，作為一家小店來說，支付方式實在方便。雖然有幾個堂食座位，但有一半是面向大街，加上透明大玻璃，用餐時偶爾會面對途人的目光，尤其尷尬。（but，估計有人會享受望著街景用餐的樂趣）泰式沙律前菜新鮮，酸辣的口味非常開胃！左邊的是泰式炸雞粒，有點像炸肉丸，倒吃不出是雞肉。海南雞可以選擇 特色麵豉醬、海南雞醬和薑蔥醬（三選二）。這次選了麵豉醬和海南雞醬，驟眼看也分不出是兩種醬，不過醬料味道有驚喜！雞肉已去骨，雞肉嫩滑，份量頗多，沒有雪藏味。雞肉賣相討好，雞肉和雞皮沒有分離。不開玩笑，小妹曾經食過一家海南雞飯，雞肉和雞皮看起來像經歷了颱風摧殘，「雞不成雞」。飯底可以選擇要雞油飯、五穀飯或泰國絲苗飯。食海南雞，當然要跟雞油飯才過癮！高汁的海南雞飯，除了雞，就要憑油飯見真章了。這裡的油飯色澤金黃，但油香不足，飯身較硬，而且不是粒粒分明，沒有牙力也吃不完，所以最後食剩了一半油飯。跟餐加錢要了泰式奶茶，樽裝設計，奶茶不會因為冰塊變淡，即使喝不完也能帶走，味道像是泰式混港式奶茶，個人蠻喜歡這味道。味道方面，海南雞確實做的出色，可惜油飯扣了太多分數，沒有像其他食評寫的那麼高質。…查看更多

屋企附近最近開左間食海南雞嘅餐廳，門口淺藍色，大大個公主logo，夠晒搶眼，今日媽媽話唔煮飯買外賣，所以一於落街買個外賣試下先。餐廳雖然都有幾個位，但大部人都以外賣為主。食物選擇唔係話好多，得5個選擇，不過個人認為選擇唔需要話好多，最緊要精！餐廳叫得海南雞公主，當然要揀番個公主海南雞飯，醬汁方面可以3選2，我就揀左個特色麵豉醬同海南雞醬。另外，有3種飯可以揀：分別係金黃雞油飯、泰國練苗飯同埋健康五穀飯，雖然雞油飯會肥啲，不過食海南雞無理由唔跟雞油飯架嘛，一於肥完先再減啦！另外，跟餐仲有沙律同甜品添。 如果加$10仲有個湯或者飲品，加$15仲有泰式特飲添。除咗叫左個公主海南雞之外，仲叫咗個紅咖哩牛坑腩飯~個飯以便當型式咁pack好， 仲有張靚靚公主封條貼好，保證唔怕會漏汁。紅咖哩牛坑腩飯有前菜柚子沙律，食落好清新，蔬菜新鮮爽口，牛坑腩又稔又入味，相信煮左好多個鐘，香濃嘅咖喱汁完全滲透晒入牛腩度，咖喱汁有椰香味，但又唔會太辣，絕對係大人細路都接受到嘅辣度。啲汁送飯真係一流！食完飯仲有個玫瑰水晶晶做甜品，外表精瑩剔透，淡淡的玫瑰花香味🌷，口感有啲似大菜糕。公主海南雞飯一樣咁，雞件都算幾多，每件雞都好鮮嫩滑溜，皮下脂肪唔會太多，雞味濃郁。至於我揀左嗰個特製麵豉醬真係唔簡單，有好香嘅薑、香茅同辣椒味，聽老闆講呢個醬用咗唔少功夫去整。而海南雞醬就有啲似酸辣醬。 至於個有飯都好香雞油味，感覺都唔算太肥膩。下次屋企唔煮飯都可以再去呢度買外賣，又多一個選擇啦，仲可以試埋其他嘢添！…查看更多

海南雞對於港人來說有著一定的情意結，那種皮爽肉嫩，甘香滑溜的口感，叫人一試鍾情，而泰式的去骨海南雞更是別有一番風味，配上酸辣的泰式醬汁，啖啖肉開胃惹味，讓人嚮往！難怪可以成為港人到曼谷必吃的菜式之一。最近來到上環街市附近，給一家門前裝修可愛奪目的小店所吸引，Tiffany Blue的底色撞上滿有少女味的得意漫畫標誌，就連名字「海南雞公主」也趣緻過人，一看便知主打海南雞飯。店內地方不大，花碌碌的樹葉牆紙裝飾蠻有熱帶風情，流露著大自然的氣息；座位不多十隻手指數得到，主打外賣飯盒以迎合中區辦公男女的需求，當天所見就算晚上七點多的放工時間後仍見客似雲來，想必有其過人之處。原來小店老闆Maya本身是泰國混血兒，因熱愛海南雞，想為這道傳統菜式添上年青活力的新面貌，遂打造了這Fancy小店，女主人這麽標緻，順理成章亦成為了這店的生招牌。餐牌選擇相對簡潔，食物選擇雖然不多，除了海南雞飯，就只有泰式豬手飯、紅咖哩牛坑腩飯、香茅豬扒飯和辣椒膏豆角炒腩肉飯等選擇，但有時就是貴精不貴多，專心做好出品質素也是一件好事。小店主打泰式海南雞，當然要試一下，便當盒分為幾格有齊沙律、主食和甜品。前菜公主芒果沙律酸香爽脆，清新醒胃；主角海南雞皮爽肉嫩帶黄油，不會過肥，皮肉之間還有一層晶瑩的啫喱骨膠原，讓人賞心悅目。而大廚亦為海南雞調製了三款佐醬，跟餐可選其中兩款，海南雞醬酸辣惹味，特色麵豉醬豆香濃厚，薑蔥醬清爽鹹香，配上海南雞提升了味道層次，各有風味；而黄油飯亦滿載香料香氣，粒粒分明，油香爽口。至於甜品泰式椰汁糕，以寒天和椰青水冷凍凝結做成，面頭灑上桂花，入口爽彈不太甜，滿有椰青香氣，清新一下味覺之餘亦做就了一個完美的句號。泰式豬手飯，豬手炆得軟腍入味，醬香甜美，豬皮近乎入口即溶，肉質鬆軟滑溜，肉汁盡鎖其中，點上酸辣汁減去了肉類膩滯，更顯泰式風味，而那醬汁更是精華所在，撈上絲苗白飯，濃甜脂香，讓人吃不停口，很貼近曼谷街頭的味道。小店亦提倡健康飲食，除了黃金雞油飯外，客人亦可選泰國絲苗飯或以藜麥及小黃米等煮成的健康五穀飯。而且還自家熬製了幾款支装健康飲料如龍眼水、洛神花特飲和蝶豆花特飲，包裝和顏色可愛吸引，味道清甜，各有養生功效。整體來說小店出品質素不俗，定價合理，而且主打外賣便當，從新包装讓人耳目一新，定位清晰，難怪得到眾多藝人支持撐場，相信亦不難在人流旺盛的上環商業區打響名堂。…查看更多

見到網上 d  人係咁打卡我又試！！！Tiffany blue 既門面，就算係橫街都好易搵到😎中午時間去到都有唔少人買外賣😆係唔同既醬汁呀🤤🤤🤤好啦！我決定左！叫一個公主海南雞飯同咖啡牛坑腩便當👌🏻海南雞飯可以選擇油飯定白飯😆我就緊係試試佢既油飯啦😌重有芒果沙律都幾開胃！雞超滑bro! 啖啖肉😌👌🏻 靚女店主提議如果食得辣可以食佢地既泰式麵豉醬！好味bro! 辣辣甜甜配埋白滑雞肉😎推介椰汁糕千層😆唔會太甜是走小清新路線！紅咖哩牛坑腩飯🤣朋友都大讚個咖哩因為牛坑好入味！甜咖哩都好好送飯！！！貼心地每重有濕紙巾比你抹番手仔😌野飲方面，店長都好推介佢地既自家制飲品左起：泰式奶茶，龍眼冰，蝶豆花泰式飲品，洛神泰式我就飲泰式奶茶既泰式奶茶風味（偏甜）+$10 會有if 既椰青水😎雖然店舖細細，不過都幾多影相位🤣值得打個卡😆😆😆…查看更多

今日經開中環，夜晚見無飯開，睇下周圍有咩食先。 呢間海南雞公主，鋪頭細細但個公主招牌勁搶眼，牆身嘅植物圖案都幾有睇頭，細心一睇上面仲痴左d 蝴蝶，幾靚wo☺️~~鋪頭以外賣為主，堂食就有大約6,7個位。主打款式有五款，價錢係中環黎講唔算太貴。 ✨最後外賣左兩個飯番屋企，雖然路程成個鐘，不過pack 得好好，無漏汁情況，包裝都幾精美。✨公主海南雞飯（$62): 油飯色澤金黃，感覺乾爽唔油膩，飯粒幾有咬口，仲帶點香茅味。✨雞既份量都唔少，有8,9件。 雞皮薄薄的唔會太多肥油膏，下面夾住一層雞jelly,肉質都幾嫩滑👍🏻掂✨醬汁㨂左海南雞醬同特色麵豉醬。 本身唔係好食得辣，個海南雞醬對我黎講好味得黎都幾刺激，噴火啊。 特色麵豉醬相對無咁辣，仲多左陣麵豉香味，呢個好味，啱我！✨木瓜沙律入面有蘿白絲，豆角等等，全部爽口既配搭，都幾清新。✨甜品係椰汁糕，口感似大菜糕咁爽口，味道唔係太甜，而且椰香味濃，解下辣都唔錯。✨呢個便當對女仔黎講其實好夠飽，感覺幾豐富。✨泰式豬手飯（$62): 豬皮超腍同入味，肉就略為韌左d, 咸酸菜好食。拎埋d 汁撈飯，味道唔錯~~不過比較下我就鍾意海南雞多d😁。…查看更多

週六為家人充當柴可夫於上環買海味，泊咗喺街邊等待時，居然俾小肥發現咗間門面極出眾o既「海南雞公主」。眼見午餐要等大肥收工後成兩點先有得食，所以就走咗入去八八。原來小店由泰國公主Maya小姐開設，女主人咁標緻，當然亦要用上自己個靚樣作生招牌啦，起碼第一個已吸引到XO仔望多兩眼！餐店主要做外賣，但室內都有六至八個拍窗及拍牆o既散座。四周用上花朵及蝴蝶裝飾，女性化得黎流露著大自然氣息。兩邊牆身都可見到螢光幕餐牌。如有需要亦可向美少女姐姐索取餐牌。落單只需填寫點菜紙，簡單易明。公主海南雞飯（$62）：海南雞飯套餐以四格便當盒上，左上角起逆時針分方向分別為自選黃金雞油飯、公主海南雞、公主沙律及甜品，簡潔衛生。每客海南雞飯均配備筷子同膠羮，並可免費從三款醬汁中揀選兩款。細佬就揀咗微辣酸甜o既海南雞醬同香濃惹味o既薑蔥醬。公主沙律以生菜墊底，拌上柚絲更覺清新醒胃。公主海南雞皮光肉滑，雞皮上一條雞毛都唔見，食得極為安心。已去骨o既雞肉軟腍幼嫩，公主級果然有料到！雞油飯猶如其名般金黃鮮美，飯粒軟熟潤澤，連同點上海南雞醬o既公主海南雞食，確真可口美味。甜品椰汁大菜糕上層雪白、下層半透光，微甜香滑富彈性，輕巧易入口。街坊小店「海南雞公主」門面於橫街上極為突出，店內真係有位長髮靚女坐鎮。「公主海南雞飯」外表金黃，入口高質味佳，價廉物美，難怪週六中午外賣不斷，掂呀！…查看更多

上星期六中午放工走到上環蘇杭街，我打算幫襯這裏新開的川菜小店 <川棧>！ 恰巧！隔離的泰式小店 <海南雞公主> 正式開張！ 這裏超多花籃甚至擺放到對面鋪頭外面呀！好奇走入店子一看，見到名模何紫綸！ 店內有好幾張椅子，亦可以外賣！有見及此！我還是等待星期一才幫襯吧！主打公主海南雞飯、還有泰式豬手飯及黃咖哩雞飯呢！ 泰式便當附送公主木瓜沙律及泰式炸雞粒， 另可加 $10 配冬陰功湯或加 $10~$15 配泰式特飲！店員有禮又勤快，外賣等上大約5分鐘！公主海南雞飯 $62包括：海南雞、公主木瓜沙律及泰式炸雞粒， 三款汁醬可選兩款，特色麵豉醬、海南雞醬及薑蔥醬； 可選黃金雞油飯、泰國絲苗飯或健康五穀飯！ 我選擇了健康五穀飯， 五穀飯包括藜麥及小黃米...等，雖然比較傳統風味的黃金雞油飯缺乏了那份雞油香及「脂」味，卻是食得健康，也是不錯的選擇啊！ 先嚐公主木瓜沙律， 色彩繽紛的賣相令人開胃起來！泰國木瓜切成幼絲，入口略帶煙韌！配料還有甘筍絲、小紅蝦...等！主角海南雞層層疊份量也不少喎！ 肉質嫩滑而雞皮軟滑帶有脂肪， 火候拿捏得準繩！我恐怕特色麵豉醬會重口味，因此選擇另外兩款！蘸上薑蔥醬，口味似港式燒味！海南雞醬其實是酸辣醬，別具泰式風味！泰式炸雞並非全件都係雞，而是混合甘筍粒及蔥粒，口感比預期豐富，調味合口味！泰式特飲：蝶豆花泰式特飲 $15 (新開張優惠，套餐包飲品)蝶豆花的天然顏色呈藍色，未嚐已傳來椰子香，味道清甜！相信加入椰青水，是清甜自然的味道！配上店方特有的膠樽，而棄用膠杯，可以循環再用！夠環保！同事幫襯過位於上環禧利街的 <泰妃雞>，她聲稱五十幾元便嚐到海南雞飯嘞！<海南雞公主> 似乎貴了些少！當然，我個人不知道前者的份量有多少？！不敢下定論！…查看更多