咖啡賞館

剛好經過荃灣 ，隨手Google 搜尋附近咖啡店見到呢間，驚喜發現文青小店❤️ 因為唔係住開嗰頭，就算我搵到個商場，我都兜咗成個圈先搵到間咖啡店🤣座位其實唔多，平日下午去到，店裡店外差唔多坐滿了。而且7-8成係男人😯門外有2檯男人休閑地睇緊書，其實我去親咖啡店都係女多過男，從未試過男多過女嘅咖啡店🤣叫咗杯 #Latte 同 #伯爵茶芝士蛋糕 ，咖啡好香好啱我口味，個蛋糕伯爵茶味好出，而且唔膩幾好食！一眨眼就食晒！最驚喜係我隨手翻咗幾本書，最尾揀咗本 #小孩事不小 ，估唔到幾好睇，睇到我好感慨同眼濕濕🥲 講一位音樂老師同小朋友相處間，教佢地思考、學習人生課題，佢亦都喺佢地身上睇到/ 學到嘅嘢，睇完我都有啟發，是日收穫唔錯，試到間唔錯cafe，好耐無睇書嘅我，享受咗個偽文青下午❤️…查看更多

蠻久之前已來過，但當時還未開始寫食評。因為自己不好咖啡的關係，同時本人亦是一個胸無半點墨水的偽文青，加上食物選擇不多，所以她在我的荃灣餐廳list中從來不在前列位置。但友人夜訪荃灣談心，餃子屋轉角見都已安眠，剩下她用溫暖的燈光和濃郁的咖啡香為夜歸人服務。雖已是較夜的時份，仍有三四組的客人悠閒的在店內享受時光。我們坐在店前露天的地方。只有一位咖啡師在顧店。即製新鮮熱辣的三文治、獨特口味的芝士蛋糕、漂亮拉花的咖啡，不慌不忙，慢慢地遂一送上。芝士蛋糕質地厚質，像一個穩重而有內涵的男子。時光流過，咖啡師為關店作準備，我們也成為當晚最後一枱離開的客人，離開時咖啡師為我們親切地指路。謝謝她給我們廣闊寧靜的空間，配上微涼的空氣溫度，身心舒逸。…查看更多

同朋友打算行去大窩口既時候係天橋上望落咖啡賞館，見到竟然唔使等位，我地一致咁即刻走落去飲杯野食個cake先!!其實以前經過都有外賣過佢d野飲，覺得幾好飲所以每次行過都會望下有冇位，想試埋個蛋糕。去到坐係室外位置，店員對客人到來基乎沒什麼反應，其中一店員比個餐牌我地，不發一言又走了入店內。我們揀好後朋友走入店order，哈哈，入面既店員情況都一樣係發呆。美式咖啡(凍) - 飲落去酸味比較突出，ok既!抹茶拿鐵(凍) - 用抹茶粉加奶，沒有加糖水，絕對係飲到好濃既抹茶味，但同想像中的味道有d出入。伯爵芝士蛋糕 - 消化餅底我鍾意，伯爵茶味不太出，不過蛋糕既口感良好，整體上係好食!…查看更多