火鍋撚 (雲明行) (已結業)

真系想食火鍋撚好耐，系一路都冇機會試😵同一大班人黎試會相對划算，同三個同樣喺港島區番工嘅朋友仔放工黎咗試😍大家本身都好中意食打邊爐。喺中環雲咸街，食完仲可以同朋友去酒吧chill chill🍻場內環境好有古典氣息，裝潢方面素有心思～依家啲火鍋店越黎越多湯底選擇，呢度有蜂巢豆腐白湯鍋，蜂巢豆腐本身喺出面就好少見，豆腐好滑溜同埋索曬啲湯好夠水份☺️多數散叫火鍋店貴啲嘅湯底款式都可以飲埋啲湯，湯底都ok la，豆腐好味過湯底。食打邊爐點可以冇牛肉？極品安格斯肥牛脂肪分佈均勻，有入口即溶嘅感覺🤩牛肉味道香濃。下面玫瑰花型牛肉亦好靚✨鴛鴦雙蚌即系珊瑚蚌同埋桂花蚌，兩樣都好新鮮爽口，原來淥3秒就得😆淥耐咗都好味。五色丸丸個名咁得意😁有蝦丸、芝心丸、流心咸蛋豬肉丸、龍蝦湯爆漿牛丸、香菇貢丸，比較特別的咸蛋豬肉丸咸蛋黃好邪惡💛芝心丸芝士都系💛其餘幾款都好彈牙。即炸三秒響鈴卷，三秒即刻可以食😆即食吾淥都得㗎，系好脆卜卜口感～欣賞餐廳有好特別嘅心思，有把扇仔會提醒客人💕瑤柱干貝滑真系好少食到，好高級嘅食材😍食到一粒粒干貝好爽脆，瑤柱都系，好好味。呢度嘅其中一樣名物相信一定系腐竹豆腐糖水沙冰！食落又真系好似😂絕對值得叫！P.s. 員工服務態度亦十分不錯，會成日黎加湯同埋收碟，我地想較個火戈陣佢都有主動幫忙。…查看更多

見天氣開始轉涼，自己又未肯參加舞會，所以就襯晚市仍可堂食時，盡快去同舞伴打次邊爐，二人唔洗多諗即異口同聲地提議中環間「火鍋撚」，餐廳個朵包保聽過都唔會唔記得。於官方網頁上得知火鍋專門店現推廣緊早鳥全單八五折之優惠，適用於星期一至星期日，特別日子除外，晚市散座貴客只需七點半前埋單及離座即可享用。準時五點收工，即可趕及傍晚五點半開波，嘻嘻，歡樂時光最佳嘅火鍋配搭當然係藍妹啦；$19一樽仲有得折喎，抵過區內嘅酒吧多多聲！邊飲邊影，飲到咁上吓啲相好自然離哂焦，好在一早校定鬧鐘埋單，唔係真係好易會貓貓離場。火鍋乃中國傳統文化美食之一，佔用面積全層嘅「火鍋撚」選以兵馬俑哥哥黎迎賓，十分恰當。室內牆上掛出古代中國風嘅裝飾及畫品，細看下卻會現暗藏現代嘅元素，甚有意思。兩口子被安排入座店內最闊落舒適，又夠私人空間嘅二至四人屏風卡位。席上擺有自用餐具、公用廚具及乾濕紙巾。此外，每人更派發可循環再用嘅口罩套，衛生又環保。點菜紙共有兩頁之多。為求盡享早鳥歡樂，飯前早已上網揀定食物，多得服務生落單及上菜速度快，一切都進行得相當順理:)。打邊爐第一個步驟就係混醬（$10/位）。大大鍋湯底迅即呈現眼前。蜂巢豆腐白湯鍋（$130）：鎮店推介之養生湯底呈奶白色，因用上豬骨湯、忌廉牛乳、雞湯等熬製而成，入口尤其柔滑滋潤，毫不油膩。白湯另含鬆爽嘅蜂巢豆腐、厚滑嘅鴨血，感覺好台式。香蒜粒炸魚皮（$47）：等待火鍋湯底滾時，最好就係食啲香口嘅小食送藍妹，個人誠意推介超級香脆嘅香蒜粒炸魚皮！脆卜卜嘅炸魚皮淨食已夠香口惹味，一人一客絕對冇難度。剩餘嘅蒜粒仲可以撈埋入其他火鍋料做調味，出名慳嘅XO仔當然係要物盡其用啦！即炸三秒響鈴卷（配甜酸醬；$32/半份）：鮮黃色嘅響鈴卷巧薄鬆化，可以襯熱點上甜酸醬就咁食，亦可於滾湯內灼一灼後點混醬食，灼過嘅版本半腍半爽又別具另一番風味。五色丸丸拼盤（$99/份）：五色丸丸拼盤包有海味花枝丸、蟹籽手打蝦丸、流心咸蛋黃豬肉丸、手打雙重芝心丸、海瑞香菇貢丸，一份每款有兩粒，半份則每款一粒。丸丸粒粒圓碌碌，當中以海瑞香菇貢丸最芳香彈牙，蟹籽手打蝦丸亦爽脆有彈性，海味花枝丸都好鬆潤。牛骨髓（$40/半份）：修長雪白嘅牛骨髓軟滑中帶點韌性，有嚼口得黎完全冇渣，都幾得意。水土魷魚（$34/半份）：滑嘟嘟嘅水土魷魚半份全部都係最正嘅鬚鬚，煮熟後條條柔滑煙韌，鮮美可口。香滷牛筋（$39/半份）：火鍋式嘅香滷牛筋同平時喺魚蛋麵檔食到嘅好唔同，可能自己冇乜耐性，啲牛筋未煲到腍就已經食咗落肚，雖然質感冇咁滑溜，但反而覺得牛筋厚身得黎多咗份嚼勁，而且冇咁黏住個口，食法極之不同。營養綜合菇（$52/半份）：菇菇拼盤同丸丸拼盤一樣共有五款菇菇，包括金針菇、美白菇、鴻喜菇、雞脾菇、鮮冬菇。什錦靚菇外表新鮮又有睇頭，每件均芬芳健美，菇菇迷一定啱食！腐竹雞蛋沙冰（敬送）：免費送贈嘅甜品用分子料理嘅概念將中式傳統甜品嘅腐竹雞蛋糖水化成冰涼清新嘅沙冰，微甜嘅腐竹雞蛋沙冰輕盈易入口，更可一解熱氣，火鍋店當真有諗頭。面對著隨時變化嘅抗疫限制，歡樂時光已經唔興蒲吧，餐店「火鍋撚」以早鳥優惠吸引食客，就連$19樽藍妹啤酒都有得折，變相令早鳥時份更加歡樂，堅有商業頭腦。「火鍋撚」環境企理，冷氣足，服務生效率高，火鍋湯底及配料新鮮高質，就連送酒小食都一樣咁掂，餐飲業大受打擊時都可提供優惠回饋貴客，有心食肆絕對值得支持。…查看更多

全年因為疫情的關係，食肆的生意一落千丈。對於熱愛打邊爐的我，認真說真的很久沒有與友相聚。之前限聚令慢慢放寬既關係，連帶食肆都立即興旺起來了。其中一間火鍋店經常光顧，古色古香的兵馬桶富有特色。相約朋友到中環分店，會有外國人到訪一起，完全深得大眾的歡迎。一品酸菜白肉鍋 $119之前到訪火鍋撚多數都會點沙嗲、麻辣或是豆腐白湯，今次一改平常的喜好。改以一品酸菜白肉鍋湯底，想不到有所驚喜。內裡的湯底非常足料，有超多的酸菜、亦有白肉、蕃茄、寬粉等而且酸度剛好，未吃其他火鍋配料已經覺得有點飽了。火鍋撚御用手切肥牛(小) $144之前都試過火鍋撚的安格斯肥牛都是一個唔錯的選擇，今次揀了另一款火鍋撚御用手切肥牛，不確為手切肥牛脂肪量稀少，牛肉呈厚身而且份量其多富有嚼勁。頂級梅花豬肉 (半份) $56梅花豬肉看似普通但其實紋理相當平均，以豬肉來說可算是上乘貨。原塊的頂級梅花豬肉有7-8塊，相對上比手切肥牛滾得耐一點比較好，肉質嫩滑而且有口感，連同湯底同吃，相當滋味。即炸三秒響鈴卷(配甜酸醬) (半份) $32每次到訪都必食的即炸三秒響鈴卷，即叫即炸相當香脆。一客二食的方法，一食是香脆的三秒響鈴卷配上甜酸醬，豆味濃郁而且卜卜脆。二食為放入湯底下沾滿湯汁上的精華。五色丸丸拼盤 $99五色丸拼盤一人一粒就最好不過，有蟹籽手打蝦丸、手打雙重芝心丸、流心咸蛋豬肉丸、法式龍蝦湯爆醬牛丸、海瑞香菇貢丸，五款都各具特色並全手工，彈牙並滿有流心餡，美味極了。脆鯇魚腩 $39另一樣是打邊爐必吃之物，脆鯇魚腩相當新鮮。鮮美十足而且脆鯇魚腩肥美，並帶有肉嫩，份量恰到好處不俗。巧手韭菜餃 (半份) $36餃類本人鍾情韭菜餃 ，人手製作的韭菜餃會吃得出韭菜的爽脆。不過得3粒的份量較少，但皮薄餡靚相當唔錯。最後又點少得火鍋撚獨有的「免費」腐竹雞蛋糖水作結。抗疫的關係火鍋撚都相當有心對每一位客人，送上消毒用品貼心又窩心。難怪堂食及外賣都客似雲來。現在六點後禁止堂食，看來又要打電話叫外賣的時候。…查看更多

天氣涼涼地，打邊爐就最好不過！😏 同事介紹有間火鍋店好正， 以足料養生湯底聞名， 不過最正都係個店名—「火鍋撚 」，哈哈！😂 小編作為火鍋狂熱者， 一年365日都可以打邊爐， 作為「火鍋撚 」，梗係要黎拜會下啦！ 呢到夜晚都幾爆場，仲好受外國人歡迎， 建議book左位先黎呀！😏 仲可以夾下時間享受返個早鳥、夜鳥85折優惠、無限添加鴨血豆腐、酸菜白肉優惠。 蜂巢豆腐白湯鍋（$130） 奶白色嘅湯底， 有多種名貴藥材係裏面，甘香清甜， 仲有原條人參，好足料呀！👍🏻 仲有自家製蜂巢豆腐、鴨血等， 吸晒湯底精華，好滋味。 打邊爐之前可以盡情混個醬～ ⭐️推薦❗️五色丸丸拼盤（$99） 有海味花枝丸、蟹籽手打蝦丸、流心咸蛋黃豬肉丸、手打雙重芝心丸、海瑞香菇貢丸，每款二粒，都幾抵喎！ 海味花枝丸有粒粒花枝粒係裏面，爽脆味美， 蟹籽手打蝦丸好彈牙，口感十足！ 咸蛋黃控不可錯過嘅流心咸蛋黃豬肉丸， 真係有流心又鹹香嘅咸蛋黃係裏面，幾特別， 不過一patpat嘅口感就唔係小編杯茶。🙊 最鐘意係手打雙重芝心丸❤️， 個芝士餡有拉絲嘅口感，芝味十足！😋 ⭐️推薦❗️鴛鴦滑滑拼盤（$98） 黑松露墨魚滑好香嘅松露味，小妹激讚！😋 瑤柱干貝滑爽彈，有一絲絲干貝嘅口感，正！👍🏻 雙拼餃子（$62） 白菜豬肉餃、巧手韭菜餃， 每款三粒，皮薄餡靚，都算符合性價比，不錯吃！😏 值得一讚嘅係，叫左咁多款多拼嘅火鍋配料， 都好抵食，價錢又唔貴， 又可以一次過試晒咁多樣嘢，正！👍🏻 午餐肉（煎底）（$59） 本來小編唔鐘意食午餐肉， 不過小妹就好鐘意，所以你懂的😂。 呢到嘅午餐肉炸得香脆可口， 即食得，輕輕浸一下湯食都得！☺️ ⭐️推薦❗️即炸三秒響鈴卷（$53） 即叫即炸，上枱嘅時候仲係熱架！ 香脆可口，食落感覺唔會太油膩， 蘸甜酸醬食得，浸湯食都得！ 本地生菜（$46） 份量都幾多，符合性價比， 新鮮爽脆！ 紅薯寬粉（$40） 扁長條狀嘅寬粉條幼滑Q彈，煙煙韌韌， 夠煮不爛， 有正嘅湯底，一定要有吸湯嘅配料！😏 10月嘅時候推出生日全單85折優惠， 凡於10月生日嘅前後一星期惠顧， 就可以全單85折優惠。 唔知十一月做緊咩優惠呢！😙 …查看更多

作為火鍋之狂熱者之我又再次到火鍋撚放肆了這家向來以湯底取勝，每次必點紅白鍋，即祖傳秘製麻辣鍋配蜂巢豆腐白湯鍋！麻辣鍋麻香惹味，鴨血煮得入味！白湯鍋則有原條人參、自家製蜂巢豆腐、鴨血等，並加入忌廉牛奶，香滑濃郁場內幾乎每張枱都有的極品安格斯肥牛，賣相精緻，啖啖肥厚香噴噴牛味入口溶化鮮牛黃喉吸收火鍋底料中的香味、口感爽脆，鮮辣可口五色丸丸拼盤中的流心咸蛋黃豬肉丸十分惹味！手打雙重芝心丸味濃！海味花枝丸爽口彈牙！蟹籽手打蝦丸用料十足！用料十足！海瑞香菇貢丸Q彈冰鎮烏梅汁生津止渴飯後餐廳送上腐竹雞蛋沙冰作為甜點，清甜解喝又捧著大肚子回家了…查看更多

近年有不少餐廳喜歡用粗口偕音作店名，貪其夠綽頭，不過作為一間食店，如果只靠綽頭很快會無以為繼，但火鍋撚除了綽頭以外，食物質素亦高，所以亦成為最近令我印象深刻的火鍋店之一。＊＊＊＊＊＊＊＊＊＊＊＊＊火鍋撚佔了整層樓面，店面挺寬敞，座位都不會太擠迫。茶芥醬油每位$10，比很多火鍋店都要便宜，但醬料選擇卻不少，非常有誠意。腐竹糖水沙冰($79/渣)火鍋撚有多款涼茶和沙冰選擇 ，見有腐竹糖水沙冰挺特別的，就點來試試。入口就如吃腐竹糖水一樣，不會太甜，沙冰也打得夠滑，一渣份量很多，足夠三至四人享用。鮮榨西瓜汁($33)飲得出沒有加太多水，都幾足料。一品酸菜白肉鍋($119)湯底有五款，選擇不算多，都是近年大熱的台式養生湯底。我點了酸菜白肉鍋，湯底比想像中大，裡面已經有很多白肉和寬粉。未吃火鍋前先喝一碗湯試試，酸香味十足，非常開胃。白肉份量挺多，等同一份火鍋料。餐牌介紹酸菜白肉鍋有少量寬粉，但原來絕非少量，個人覺得除非人數在四人以上又或非另點粉麵不可，否則可以不用再另點粉麵。寬粉因為預早放在湯內，所以滾起後要快吃，否則浸腍了就不好吃。骰子牛肉粒($128)如果喜歡嚼勁的一定要點牛肉粒，因為比起肥牛前者牛味更濃亦很有咬口，但由於切成方丁狀，建議要灼久一點。鴛鴦滑滑拼盤($98)滑類有五款，拼盤可痊五款中任選兩款，我們點了手打靚蝦滑和黑松露墨魚滑。手打靚蝦滑蝦滑不單夠彈牙和蝦味十足，竟然還有原隻蝦在內，實在意想不到。黑松露墨魚滑墨魚味十足之餘，灼完後黑松露味依然濃烈，跟蝦滑一樣很彈牙。五色丸丸拼盤($99)人少或有選擇困難症的食客就最適合，可以一次過試勻五款不同手打丸。手打丸全部都很彈口，其中我最喜歡這款流心咸蛋黃豬肉丸，中間有流心咸蛋黃，咸蛋黃味亦非常濃郁。稻庭烏冬($49)因為想不到湯底內的寬粉份量如此多，所以之前都點了烏冬，烏冬快灼十秒已吃得，還帶點微彈，食完飽到上心口。水蜜桃沙冰結帳時原來伕７人會送一杯腐竹糖水沙冰，因為本身我們已點了一渣，所以就轉為水寬桃沙冰，水蜜桃沙冰味道偏甜，個人都是偏好腐竹糖水沙冰。總結，湯底很足料，裡面已經有很多食材，火鍋料全部都很新鮮質素亦高，定價亦合理，絕對會回頭的火鍋店。…查看更多

今晚約了大食老友打邊爐，聽聞火鍋撚的台式湯底好正，而且材料亦新鮮好味，於是收工就爬咗上蘭桂芳開餐。搭電梯上到火鍋撚個層，都未坐低，已經聞到好香嘅麻辣味一坐低，即刻點個湯底先。我地點左個雙拼湯底：秘製麻辣鍋（小辣）拼酸菜白肉鍋個麻辣鍋好有台灣風味，好香，味道幾濃，仲有好多鴨血同蜂巢豆腐！鴨血口感好軟嫰，一啲都唔腥；蜂巢豆腐吸晒湯底嘅味道好好味，而且鴨血同埋蜂巢豆腐都可以免費添加個湯一開始唔太辣，但煮煮下會愈來愈辣，真係會食到出汗酸菜白肉鍋味道更好，酸酸地好開胃，白肉比較多肥肉，但夾埋啲酸菜一齊食真係好正，如果酸菜同埋白肉都係任加嘅！啲酸菜真係好好食，又腍又唔會太酸，我哋加左兩轉，早知唔使叫蔬菜籃落單之後當然要做打邊爐嘅指定動作：混醬！之後火鍋料好快就到，馬上可以開動兩個女仔食一碟大嘅手切肥牛都幾誇張不過碟牛肉真係好正！手切肥牛有質感，食落真係好嫰滑；脂肪分布好均勻，牛嘅味道好濃 根據指示，灼8秒食就啱啱好！呢碟鴛鴦雙蚌幾抵食，$118已經有兩款海鮮，雖然每款份量唔係好多～～兩款蚌口感都好爽脆，不過我覺得貴妃蚌比珊瑚蚌鮮味！酸菜白肉湯灼海鮮會比較好，唔會掩蓋咗海鮮嘅鮮甜打邊爐當然唔少得食響鈴！呢碟響鈴可以就咁點甜酸醬食，又可以灼3秒先食！就咁食真係好薄好脆；灼3秒就吸收到湯嘅精華，真係各有各滋味仲叫咗碟鵝腸可能因為佢叫肥美鵝腸，真係有少少肥，非常邪惡！爽口嘅鵝腸放落麻辣湯度灼兩下，唔任何醬料都好食呢度嘅手打丸好有驚喜外表平凡，但內有乾坤！每粒丸都爽口彈口，手打蝦丸同埋花枝丸味道好鮮，真材實料，同平價貨真係無得比流心鹹蛋黃豬肉丸真係第一次食，平時我已經係黃金菜式嘅fans，呢粒丸真係啱晒我口味蔬菜籃顏色好鮮艷，睇到都覺得好健康，不過因為食得太多酸菜，個蔬菜籃浄係食咗d木耳同粟米埋單之後送兩杯腐竹糖水沙冰，裝住啲沙冰個鼎幾特別，不過味道就甜咗少少。今晚嘅食材樣樣都好新鮮好味道，湯底同埋手打丸最有驚喜。雖然少少貴，但物有所值，而且台式湯底真係唔係度度有！下次打邊爐可以encore火鍋燃…查看更多

老實說：我唔講粗口⋯⋯但今日黎到中環一間有粗口字的火鍋店~"火鍋撚"，上三樓見到大門口有個兵馬俑好型，沿路有著古色古香格局裝修精緻，滲透著中國文化且高雅感覺。檯上擺放著精緻調味料及醬油，任君撈調，另外一提每碟都細心提示淥幾耐仲有海鮮比你揀先叫麻辣湯底小辣，辣度夠加小小麻唔會太油,好多花椒,完全唔偷工減料，蜂巢豆腐鴨血竟然無限添加，而且鴨血吃落軟滑，淨食鴨血已飽響玲即炸熱脆食好鬆化， 浸入麻辣鍋味更濃鴛鴦雙蚌包括珊瑚蚌及象拔蚌，夠彈牙新鮮五色丸丸拼盤食落好爽口，試到多款五種顏色丸丸，除左墨魚每款都有漿，蝦丸，牛肉冬菇丸和其他丸爆汁之余亦好彈牙，粒粒真材實料最後還贈送腐竹雞蛋糖水沙冰，個杯用中國古代杯盛戴，非常特色，沙冰解渴腐竹雞蛋清甜呢個甜品好特別當晚有三個顧客生日，餐廳半關燈為客人慶祝，更播放不同的生日歌曲，令整晚氣氛更加熱鬧親切，員工服務態度殷勤友善，亦常常為我們添加鴨血，反而讓我感到不好意思，真心覺得食物真材實料，環境有特色感置身於古代，值得再來。…查看更多